المساعد الشخصي الرقمي

مشاهدة النسخة كاملة : (( النوم راس اللوم بان الردى به ))


أبن صهده
12-18-2005, 08:58 PM
هذه قصيدة للشاعر الكبير/

مـــريبد العـــــــــــــــدواني




النوم راس اللوم بان الردى بـه= عين تبا النوماس نومه شلافيـح

الذيب مايرقـد ورزقـه نهابـه =يدور الغرات عنـد المصاليـح

إلى ذكر له نشـر بـدو عدابـه =عقب العشا يوم الأثاني مدابيـح

اللي يبا الطولات يتعب ركابـه =العز بكوار النضا ياهـل الفيـح

الا على اللي كن سايـج حقابـه = سوجة قطـاة وردت للجوابيـح

إلى عدو المرقاب مثـل الذيابـه = وتقابلوا مثل الحـرار المفاليـح

وشافوا جنوب البل تسلل حرابـه = وبغو طعمها عاشقين الطماميـح

وكثرت مناجيهم وصارت طلابه = الله يلوم اللي هروجـه تصافيـح

الله يلـوم اللـي يبـا الانقلابـه = ما ولعه كسب الوجب والتماديـح

وثور صليب الرأي ثم اعتدابـه = ووردوا كما ذود لحوض مشاويح

وراجوا وداجو وودعوا له ضبابه =شقح يتلـى للقعـد بالمساريـح

إلى انتصف مثل الرعد في عقابه = من ايمان عوران العيون الذوابيح

من كل مسلوب يوكـد صوابـه = خجم الفرنجي موميات المطاويح



وسلامتـــــــــــــــــــــــــــــكم ،،،

ناصر حضرم العنقودي
12-18-2005, 09:36 PM
صح لسانك

وصح لسان الشاعر

لاهنت

د. فهاد السهلي
12-19-2005, 09:23 AM
السلام عليكم

اخي الغالي مناجي الطير

وشلونك وشلون شيبانك ؟

صح لسانك على التميز في الاختيار

الله لايهينك

ويعطيك العافية

اخوكم
فهاد

تركي الناصر
12-19-2005, 09:42 AM
مناجي الطير صح لسانك

لاهنت يالذيب

تحياتي لك

أبن صهده
12-19-2005, 03:19 PM
الأخ العزيز

ناصر بن حضرم العنقودي

الله لا يهينك على
المرور والتعقيب
ومشكور يالغالي


وتقبل خالص تحياتي ،،،

أبن صهده
12-19-2005, 03:25 PM
الأستاذ القدير

فهاد بن هملان

أجمل وأخلص تحية لك يا طويل العمر أبشرك الشيبان بزود النعيم والحمد لله
وآسف جدا على فترة الأنقطاع لظروف وظيفية
أشكرك جزيل الشكر على المرور والتعقيب والله لا يهينك يا ابو سعـــد

وتقبل تحياتي ،،،،،،

أبن صهده
12-19-2005, 03:28 PM
الأخ العزيز
تركـــــي الناصر

سعدت جدا بمرورك الكريم

وتعقيبك المشرف

الله لا يهينك يالذيب

ودمت سالماً

هاجوس
01-14-2006, 03:40 AM
مناجي الطير
صح لسان الشاعر
ومليون شكر على الأنتقاء الجميل

أبن صهده
01-18-2006, 04:09 AM
الأخ العزيز

هاجوس

الله لا يهينك طال عمرك
وبيض الله وجهك يالذيب
تقبل خالص المودة والأحترام