المساعد الشخصي الرقمي

مشاهدة النسخة كاملة : ديوان شاعر الملاحم / خالد بن غنام السهلي(صوتي)وكتابي


ناصر حضرم العنقودي
04-11-2007, 05:04 PM
السلام عليكم

ديوان شاعر الملاحم

خالد بن غنام العبيدي السهلي



هذه روابط صوتية لجميع مافي الديوان وغيره بصوت خالد بن غنام

]الملحمة الرائية310ابيات
http://www.mediafire.com/?j6c5no5416hx0cc


https://www.youtube.com/watch?v=GD4ZT6I77DM

قصايد منوعة
http://youtu.be/Sce3w-j7x8g


ملحمةامجاد قبيلةالسهول 212بيت

http://www.youtube.com/watch?v=zvauU1UK6fU&feature=

قصايد منوعة

http://youtu.be/zJ8w2SCIYw0


http://youtu.be/AF5KWdYL7hU

قصايد منوعة
http://youtu.be/CBsxZJzYjZs

قصايد منوعة
http://youtu.be/M-3j9vIYqUo

ناصر حضرم العنقودي
04-16-2007, 02:15 AM
لوعطانا الله على زلـة الهافـي صبـر=استوت معنا المجالس وروس رجالهـا
مير من يصبر على زلة الوجه الـودر=كود ناس بامـر ربـي وسيـع بالهـا
ان لطمت اللاش مالك على لطمته اجـر=الرجـال تلومـك وتعـذره عقالـهـا
ماانت هادم عشة ولا انت باني لك قصر=زلته ماهوب مـن صالحـك تبرالهـا
والمراجل ماهي بملك بـدو ولاحضـر=والعقـول الله قسمهـا ومشـى حالهـا
والقلوب اللي تقلب علـى خيـر وشـر=لا انقفل مدخالهـا مـن يفـك اقفالهـا
واشهد ان السر لاجاوز اثنيـن انتشـر=والقصار من السوالـف تجـر طوالهـا
والتبجـح باللقافـة وتدويـر الخـبـر=علـة ياطـول مـاعـاودت جهالـهـا
والاشاعة لاسرت رزق عشـاق الهـذر=مـن مجالسهـا يبـث الخبـر جوالهـا
ناس تشوت السوالف مثل شوت الكـور=العقيمـة عنـدهـم ماتـعـد عيالـهـا
باستراق السمع يحشر مـع الكلمةعشـر=وكل واحد عن زميلـه يزيـد امثالهـا

ناصر حضرم العنقودي
04-16-2007, 02:16 AM
هيه ياللي عقب طول العداوة تستميل=واحد قد ذوقك من عداوته العطب
ماحزنا من عداوتك نفرح بك زميل=وانت في الثنتين مالك نصيب من النصب
من جمع عقل خفيّف على دم ثقيل=فارقه حظ المحبة وهبات الشبب
ياالوزغ لوتنفخ النار في وجه الخليل=اعرف ان النار ماتحرق الا ابولهب
حارمك ربي من العرف والذكر الجميل=هابي مانتب على وجه اصبح وتعقب
لونركب كف حاتم على ذراع البخيل=ماغذاها دم قلبه ولا ارخاها العصب
ولوزرعنا قلب عنتر وسط صدر الذليل=عاضبت يمناه عن قضبة السيف العضب
ولوندرس سافل العرق بالسلم الاصيل=والله انه مايثمن وجوبه لاوجب

ناصر حضرم العنقودي
04-16-2007, 02:16 AM
قالوا ان الدينمركي تمهزا بالحبيب=قلت قبله طاش ماطاش سبوا ملته
بين ملعون الصلايب وملعون الصليب=الاوادم ضيعت دربها مادلته
مير عباد البقر عندهم جبن وحليب=وش عطاكم طاشكم شل ربي شلته
غير ضحك بالشريعة وبالاصل العريب=ماضحك من عالم فرضها ماصلته
يضحك من الناس ويقول انا مثل الطبيب=ياطبيب ولله انه يبالع علته
اعقبوا ياطاش ماطاش مافيكم لبيب=طيشكم ماجاله رجال تدقم سلته
مااشتهرتوا يالصلب غير بخمور و(0000)=خمة تنقد على الدين حتى خلته

ناصر حضرم العنقودي
04-16-2007, 02:17 AM
ماعاد نبغى للقصايد مناديب=لاصحابنا لاصاروا بعاد عنا
تكفي عن المرسول والجمس والجيب=رسايل الجوال من حيث كنا
لمحة بصر تاصل جميع المكاتيب=وليا انهافي كف زبن المجنى
نزال ابونايف عطيب المضاريب=نسل الفهود اللي تعين وتعنى
صوارم العقبان يوم العواقيب=يوم الحسام ان ماتثنى تحنى
شمر هل الطالات والجود والطيب=بافعالهم ماللمواديح منا
نزال ياراع الكرم والمواجيب=تطري علي في كل علم وفنا
حيثك بخيص وماضي لك تجاريب=وسوالفك مثل الدرر يبهجنا
وجدي عليك وعشرة معك يالذيب=ذكرتهايوم الليال ادبحنا
لولاالاهل والبعدماعنك تجنيب=مير الظروف اللي حدنك حدنا
الوقت كدر صافيات المشاريب=وقطع حبال الوصل منكم ومنا
بيني وبينك تشرق الشمس وتغيب=ودونك تحول اوطان وانت بوطنا
يالقرم شفنا في الليال التعاجيب=من عالم معهاالسنافي معنى
والقل ماهو قلة القرش في الجيب=القل قل العرف شحه شحنا
من عاد عنده عرف ويميز العيب=ويحتس من صداتنا لازعلنا
لاشفت انا الصاحب قريب محاضيب=اقول مالله حدنا وامتحنا
العرف وهبة من جزال المواهيب=والجهل لوله طب مااحد جهلنا
في العارفة مايخطي الظن ويخيب=ويخيب في الجاهل ثمانين ظنا
لي صاحب كنه تنقى العذاريب=لكن ماني له على ماتمنى
نويت عنه اعطي طوال المهاذيب=واتلى العلاج الكي والله يامنا

ناصر حضرم العنقودي
04-16-2007, 02:17 AM
معذور ماالومك ولا اقول غلطان=هذا خطاي بهقوتي واجتهادي
هقوة وجهد انسان غلطة ونسيان=على البشر شي طبيعي وعادي
ولاهيب دايم تصدق ظنوني احيان=تصدق واقول احيان يالظن غادي
والمشكلة لاصار مامعي برهان=وشلون اعرف الطيب من الربادي
لاصار كل في الرخا قرم وحصان=لابد لك من غلطة ماتعادي
وخطاي يوم احسبك من عرض الاخوان=وابدي عليك السد من غير حادي
احسبك تكرمني على قدر الامكان =وتشيل هم المرجلة والمبادي
اصخف لك من الزود ماخفت نقصان=واثري بوادي وانت عني بوادي
ولاتحسب اني باصطفق منك زعلان=تراني خفيّف علايق وهادي
عليك من ربي سلام وغفران=وعساه يغفر غلطتي واجتهادي

ناصر حضرم العنقودي
04-16-2007, 02:18 AM
يانجد مابك زود لوحبك بزود=مابك طبيعةميرحبك طبيعة
لواسبق من الطايرةينطح النود=جيتك على متن الخطوط السريعة
ماحدعلى قص التذاكربمنقود=يطير من ضاقت عليه الوسيعة
مدرج مطار..... كم ضم ملهود=احدلفابه واحديقلع قليعة
المدرج اللي بين ضلعان ونفود=يضحك سرابه بالقلوب الوجيعة
بالقايلةمرمى النظرفيه ممدود=ينظربه المشتاق بعد ووليعة
خذ من وقيدالقلب يالكبتن وقود=واعجل علينابالسنع والشليعة

ناصر حضرم العنقودي
04-16-2007, 02:18 AM
يامل قلبٍ مل حامي المليلة=يمسي بجوفه سارح الهم ضاوي
يلعب بجوفه مثل لعب الاصيلة=وان صال لايرحم ولاهوب ياوي
سر ياقلم دام الدعاوي طويلة=بيني وبين مطولين الدعاوي
مدّ الجزيلة للكفوف البخيلة=حتى تعلم كيف مدّ الصخاوي
ماني وصيّ ادم ولاني وكيله= لاشك لي مبدا ونهج سماوي
وكلٍّ يورّد شاهده مع دليله=ومن لايثبت حجته قيل غاوي
(ولاصرت منظورٍ بعين جليلة)=قدقيل خلك في الطريق متساوي
(وعين الرضا عن كل عيبٍ كليلة=كماان عين السخط تبدي المساوي)
واهل النفوس المصديات الغليلة=ماحدٍ لقا له في سنعها مداوي
يانجد ياجعلك بستر وفضيلة=والله يحفظك من صدوف البلاوي
يانخلة بين السيوف الصقيلة=ترد دونك كل هاوي وعاوي
اليوم تشتمنا الرخوم الهزيلة=والعام منا ياكلون الزكاوي
عساي ما اشوفك مرابي رذيلة=ولا اشوف فيك مقطرين الثناوي
وعساي ماشوف بك ولد القبيلة=تسوق عنه الموتر اخته مضاوي
ولاشوف فيك مهملين الحليلة=ولاشوف فيك مبدلين الفتاوي
وعساي ماشوف الشعر بك وسيلة=والشاعر بضاعة مجلة دناوي
كثرت مجلات الفشل والفشيلة=يالله لاتبقي للعرايا عراوي
والشعر تبقيه المعاني الثقيلة=مادام له سامع وناقد وراوي
والا خجاعيب القلوب الهبيلة=يصفق بها في الجال سيلٍ نحاوي
بالله تطرية الشعر ويش هي له=لاصار ماله في الخواطر طراوي
ياهيه مالي عن مداراك حيلة=تردني دونك سلوم العزاوي
نفسي عن المنقود تحجم ذليلة=يومك على المنقود مالك مخاوي
من ضاق منا ماجحدنا جميله=خل الهقاوي ياربيب القهاوي
ترى الغناوي ياردي الحصيلة=عن شوف مردي الحصيلة غناوي
ياذالخَيَال اللي تعرض مخيلة=ماهيب من حظ الشعيب السناوي
ماني خلاويٍّ يدور خليلة=ياذا الخليل اللي يدور خلاوي
قلب الحياوي ماغرفتي حثيلة=يا ام الحثايل عنك قلبي حياوي

ناصر حضرم العنقودي
04-16-2007, 02:19 AM
لقيت اتصالك يابومتعب على الجوال=وجالت هواجيسي ووصل الصبر حده
وخفت اتصل بك وآصلك واضرب الاهوال=ورديت نفس تطعم الزاد وترده
ماغير اتسلوى بين (ابومشبب)و(نزّال)=كما اللي يصد ولايبي قلبه الصدة
الا ياوجودي كلماصبوا الفنجال=ذكرتك و(ابومحمد)وعزبته والعدة
وذكرت (العريني)(والبرازي)عريب الخال=وذكرت الجناحي محزم اللين والشدة
الى لمّنا (الثوري)وجينا من الاشغال=ولقيناه قد قرب مراكيه والمَدة
سبوق عل النوماس منصى كرام سبال=مصالي دلال ووارث الطيب من جده
عسى الله يلم الشمل ويزين الاحوال=على اللي غرابيل الزمن بيحت سده
وجودي على هاك السواليف والامثال=وجود السجين اللي حديد السجن حده
يفوح النسم والصدر كنْ فيه فوح دلال=زوافير مشتاق كوت دمعته خده
لى هبت على من نجد ضاق الصدر والبال=وشفت الفضا منسد والنفس منسدة
عسى نجد خمس ايام بحساب عشر ليال=تحت مدلهمِّ كنه البحر في مده
يلجّ بمثانيه الرعد كنه الزلزال=وتكاشف بروقه من طبوقه على خده
مقاديح برقه في الدجى يشعلن اشعال=تقول ابه ابوبكرِيحارب هل الردة
وتجينا العلوم ان كل واد بسيله سال=لحيث ان فيه اللي سلب مهجتي وده
وسيع المحاجر بينها الحاير القتال=عسى دموعها ماتسقي خدودها محِدة
ولي فيه ربع ضربت بفعلها الامثال=حموا حدهم يوم الردي ما حمى حده
لاشبت ضوي الحرب صار الكلام افعال=يهدون مثل الموت في صامل الهدة
سهول لهم بالعز بين العرب منزال=لهم راية بالمجد في العرش ممتدة

ناصر حضرم العنقودي
04-16-2007, 02:20 AM
الردي اللي سوالفه مافيها طعم=ودك انك تلطم السالفة لاجابها
ووجه لطام السواليف ودك ينلطم=لاتمره بالفناجيل ياصبابها
لاطرا له علم لوك تسولف له خطم=وقاطعك في السالفة كن ماانت اولى بها
لاحضر في مجلسه يحسبه كعبة حرم=والعرب ماعقبت مثله من اصلابها
وان هرج قام يتمدح لعله بالطرم=مايشوف الاعلومه لوانه ادرابها
ان مدحته ماشبع وان تركته ماانكتم=وان ختم قصة بطولته عاد كتابها
ان بلعت علومه بتهضمك ماتنهضم=وان تفلت اتفل على لحيته واشنابها
والمغل اللي يسولف وجوفه يحتطم=حطمه بالكلمة اللي يحسب حسابها
واجز راع الطيب بالطيب خلك محترم=ولاتضيق بغلطة منك بعض اسبابها
وكان صرت المتهم في وفاك ومت هم=لاتدور ود نفس كلح لك نابها

ناصر حضرم العنقودي
04-16-2007, 02:20 AM
تلقّ الخلا ماني على صحبتك محدود=ولاني رديف لك ولانتب على شدادي
طريقك علي مسدود وامرك علي مردود=ولالك علي منة ولاعنك نشادي
نصيتك على درب السنع ماني ابمحدود=لكنك بعمياك متحدي ومتحادي
وانا رجل عاقل والعقل غاية المقصود=ليا اختل ميزانالعقل دور الغادي
ضمنت لك نفسي مايجي مني المنقود=لكن اكفني عجفاك والا احدر الوادي
انا لانخاني صاحبي جيت بالمجهود=وزدت الوفا له بالوفا كلما زادي
يقول لمثل لا اكرمت نسل الكرم والجود=ملكته والى اكرمت الردي جاك هدادي

ناصر حضرم العنقودي
04-16-2007, 02:21 AM
يقول من هو نجدته من لسانه=وليا بغى القيفان طوع صعبها
لى لاعب السبحة بطارف بنانه=تفوته الابيات لوماكتبها
صفّد شياطين القصيد رحَمانه=بقدرة جزل الوهايب وهبها
ماتفقده عوج الليال اتّزانه=كم هفوة قد غض عن مرتكبها
يوم الخبول ان ذلت من الاهانة=تراكبت حجانها من غضبها
في الحلم حكمة لويسمى جبانة=إلاّ على من غرها قل ادبها
اشوف ابووجهين يطرخ عنانه=يضحك ولابه كذبةٍماكذبها
على القدا والا الخطا في جمحانه=وان لامج العربان طق بشعبها
مايفرح الا لادنع في خوانه=مثل الجحش لاطاب في امه ركبها
ياللي علينا مفحم ترجمانه=اخطيت وجهتها وخمك ذنبها
ثنتين :عدّ المرجلة والديانة=هذي هي اللحية وهذا شنبها
من فاخت الثنتين فاول زمانه=كبّر عليه اربع ليا اقفى وجبها

ناصر حضرم العنقودي
04-16-2007, 02:22 AM
سر ياقلم عبر وعرب معانيك=واحكم من الحكمة بيوتٍ غزيرة
وجديد حكمتك بمراميس ماضيك=عدّه وعَدّه للوجيه السفيرة
يامحمد انشدني عن العلم ويجيك=يا اعز من تبدى عليه السريرة
واللي تنشّد عنه ماهوب خافيك=له في العرب سرّ وسواير وسيرة
العرف امانة والمثل عنه ينبيك=لاشك وحقوق الصداقة كبيرة
ترى الصديق اللي في الانشاب يشفيك=يثور قبل بصيحتك تستثيره
واللي يجيك ان غبت عنه متباطيك=ماشاف غيرك وانت ماشفت غيره
واللي ليا جيته لاهو في حراويك=يضحك لك حجاجه ويطرب نظيره
يدفن عذاريبك وينشر حسانيك=ويشوف زلتك الكبيرة صغيرة
ويذب عن عرضك ليا حل طاريك=ولعينك يبيع الف دار وديرة
عض بنواجد فمك واقضب بكفيك=بحباله وكب الوجيه العثيرة
خل الذي وقت الرخا بين اياديك=وان طحت شدّ الكور فوق الحصيرة
لاصار في دنياك ماهوب موفيك=حقك فلاترجي ورا الموت خيره
لاجيت في القبر وعطيته علابيك=ماجاك يمنع منكره مع نكيره
كذبه صماليع وعلى الهجس يغديك=تشرب سرابه قبل تارد غديره
يصبح رفيق لك ويمسي معاديك=يسرح رفيق ويضوي مع المغيرة
ولو قال انا لك بالوفا من عزاويك=خطوته خلف المصلحة مستديرة
والله وربي مايحسك ويبكيك=كود الشقيق ليا غدا لك نحيرة
الاجنبي لوقال انا اليوم مغليك=وبكرة عرفت اقصاه بتقول خيرة
مير البلا بن عمك اللي مواليك=لاشفت عقب البر منه البويرة
ماتهضم الذلة لياصار شانيك=وان رحت كن بوسط صدرك سعيرة
يامل قلب به هجوس ودواكيك =وكبد تسمعر من هموم كثيرة
اخترت مسرى العز لوبه تهاليك=عن كلمة بلسان خاين ضميره
بحيفانةتدعي على اللي مسريك=تحفي كفَرات الواردات الاخيرة
وادلجت لين انباج فجر التباريك=وارض المعارة دون فرض المعيرة
وظلمُ ذوي القربى لاصاروا بني خيك=رصاص نار ماترده شكيرة
مانته مشكويني ولاني مشكويك=لاخيّبت هقوة عشير بعشيره
هذا جوابي واتحرا قوافيك=واسلم ودم وانته بستر وستيرة

ناصر حضرم العنقودي
04-16-2007, 02:22 AM
يامل قلب كن جوفه رصاصة=عبرودها من بين الاضلاع خجه
وين الذي طب القلوب اختصاصه=اشكي عليه همومي المستلجة
جرح الاحبة يبلشك في قصاصه=ماتفرح لياصار لك فيه حجة
ترى بن عمك والخوي الخلاصة=لابُدّلت صافي سماهم بعجّة
وصار لحزازت النفوس انقراصة=وضحك المجالس صار صدة وسجة
على نقي القلب منها انتغاصة=ويغصّ بدموعه وشربه يمجه
ياحيف ياللي كان طيبه قناصة=بابه ليا صُكّنّ الابواب هجه
يوثر على نفسه ولو به خصاصة=واليوم مدري عنه وينه موجّه
نور ابتسامه بدله بالتخاصة=كاللي نقض نسكه قبل تم حجه
ماكن عنه مع الليالي محاصة=لدار وفجٍّ غير داره وفجه
خل الخطوط السود دون امّلاصه=وسج القدم ياميت القلب سجه
ماينفع المخلوق كثر احتراصه=من تقدر تنجّيه ناجه ونجّه
مطاوَل البيبان ذل ونقاصة=من صك بابه وانثبر..لاتصجه
هذا زمان صار فيه اختباصة=لوحه تنطح له ثمانين لجة
من رخص غالينه تغلوا رخاصه=بعواه ذيبه كل ضلع يلجه
مابي على بعض العلوم انشقاصة=راع الوفا ينفض عن العيب سجه
فوق الذي في فزته وارتقاصه=يركد عنا قلب همومه ترجه
خطر تخالف منه بولاد شاصه=عنك انه علاجٍ لروس مُوِجّة
يقلعك عن بحر الهوان ومغاصه=لاصار في قلبك رصاص يخجه

===

لاواهني من سرا وابعد عن اللجة=وعن شوف ناس سوالفهم فالاراضي
لاصار مالك مطية وين متوجه=زرق المطايا تشيل الخصم والقاضي
لادرهمو فالخلا ثم جالهم سجة=ماقالو اللي حفي عساه يعتاضي
اللي بلا واسطة يُفلج بلا حجة=واللي معه واسطة فتال نقاضي
يُعدل له الدرب لو خطاه معوجة=ويُفضى له الممتلي يُملا له الفاضي
ومن لامعه واسطة بشره بالدجة=يشويه جمر الغضى ويغض متغاضي
احدٍ بسجّتْه واحد همومه تسجه=يصبح ويمسي بقلبه شاظي اللاظي
لي حاجة لاطرت في قلبي تخجه=ساقت علي الهموم طوال وعراضي
اللي يبيها فوادي :دونها صجة=واللي يبون العرب ماني بها راضي

ناصر حضرم العنقودي
04-16-2007, 02:24 AM
صدى لمعلقة الصحابي لبيدبن ربيعة الكلابي العامري رضي الله عنه100بيت وتتحدث عن بعض واقع الملسمين ولمحة سريعة عن بني عامر


أعـرفـت دارا بُـدِّلـت أيامُـهـا=فَعَفَت وناح على الطلـول حمامُهـا
أم لا ..فقـد عرفتـك إذ وافيتـهـا=فلئِن بكيت..لقـد شجـاك سلامُهـا
فـاردد تحيتهـا عليـك وحيّـهـا=فلربمـا قـد أسـعـدت أيامُـهـا
إذ أنت في شـرخ الشبـاب منعّـم=ألِفـتـك فيهاأهلُـهـا وخيامُـهـا
تدنـو ويدعـوك الهـوى فتجيبـه=بحُشاشةٍغلـب الـفـؤادَ غرامُـهـا
أوَ ماملكت دمـوع عينـك إذ بـدت=تطِسُ الخدود وقـد أجـدَّ سِجامُهـا؟
أو عَبرةً حيرى ترددُ فـي الحشـا؟=أو زفرةً حـرّى عصـاك زمامُهـا
كم من عيون فـاض منهـا دمعهـا=يـوم الـوداع وأُغرِقَـت أكمامُهـا
لـم تتـرك الأيــام إلا عـبـرةً=وظنـون نفـسٍ شفّهـا إعدامُـهـا
فارْبَعْ على الطلل المُحيل وقـل لـه=إن الـديـار قوامَـهـا أقوامُـهـا
فلئن عفوت..فماعفت فـي مهجتـي=ذكـرىً تـأوَّب طيفُهـا ومنامُهـا
ياقلب قد طُوِيت صحيفـة حبـك ال=غـرّا وجفّـت فوقـهـا أقلامُـهـا
ولقد أتى شعبان وانشعـب الهـوى=بيـن القلـوبِ وقُطّعَـت أرحامُهـا
وتجاوبت أشجانُ أصحـاب الهـوى=وبكـت إلـى بطحاءهـا أعلامُهـا
(شالت نعامتهم)وصُـدِّع حوضُهـم=(قِدْماً)وجادت في الديـار غمامُهـا
فإذا أضاءت بالبـروق غصاصَهـا=يومـا وأسعـد دمعهـا إرزامُـهـا
فدنـت بِهَيدَبِهـا وباحـت بـالـذي=في صدرها قُضيَت هنـاك ذمامُهـا
فتدافعـت وتقشـعـت وتخفـفـت=وانقاد معْ حادي الشمـال خطامُهـا
فرأيت نور البـدر فـي أحجارهـا=وعفـا هنـاك محلهـا ومُقامُـهـا
فارمِ الهوى باليـأس تُقصِـدْ قلبـه=وانزع نصـالاً أقصَدَتْـك سهامُهـا
فَلَطالمـا منيـت نفسـك طالـبـا=عيـن المحـال وسوّلـت أوهامُهـا
ولئـن علمتَ..وقـد علمت..بأنهـا=دولٌ وسنـة أدهــر ونظامُـهـا
لـن يستعـاد زمانهـا ووصالهـا=حتى يؤوب مـن القبـور رمامُهـا
ويعود في الضرع الحليـب مجـددا=وإلـى الطهـى ماأُودِعتـه إكامُهـا
فاعقِد على صرمٍ جنانك واصطبـر=صبر الجبال لمـا جنـت أعوامُهـا
أو كالجمال على الحمول إذا غـدت=قـد أُجهـدت بعظامهـنّ عظامُهـا
بل لستَ أول من أضر بـه الهـوى=فهـوى وأضنـت نفسـه آلامُـهـا
أزمعـتَ يأسـاً وانقلبـت بحسـرةٍ=وبجَسـرةٍ جنـح الظـلام هيامُهـا
أبَقَت مـن الهـم الطويـل بشاعـرٍ=ألِـفَ القوافـي واستبـاه نظامُهـا
أبلى الدروب فسَله كـم مـن مهمـهٍ=قـذِفٍ ومومـاةٍ كسـاه قتامُـهـا
ماللهمـوم تياسـرت قلبـي وقــد=طمِـع السلامـة وافـراً أقسامُهـا
قالت شفـاءُ الهـم أن تمسـي وقـد=ضمِنتك يثرب أو هَنـاك مُقامُهـا*
حتـى ولجـت الحرتيـن بوخدِهـا=دميـت مناسمُهـا وذاب سنامُـهـا
فتركتهـا قـرب البقيـع مُنـاخـةً=وقد انتضت روحَ الشقـي كِلامُهـا
فهناك يشرق بالدموع محـبُّ مـن=فتحـو قلوبـا أُغلقـت أختامُـهـا
قـوم ربـت أسماؤهـم وفعالـهـم=عن مدح من بطشت بها آثامها
أثنـى الإلــه عليـهـم بكتـابـه=بثنـاء آيـاتٍ مضـى إحكامُـهـا
فتحـوا البـلاد وحـرروا سكانهـا=من طغمة هـزِأت بهـا أصنامُهـا
ياعين لاتثريب ...يثربُ قد شجـت=زوارَها وشجـى القلـوبَ إمامُهـا
إنـي تذكرنـي الديـارُ رجالَـهـا=ويُبيـنُ عــن أعلامِهاإعلامُـهـا
فأصيح أين القـوم عـن أسلافهـم=يـاأمـة أمَّ الطـغـاةَ طغـامُـهـا
أسلمتـم الإسـلام طوعـاً للـتـي=زُرِعت لكم فـي أرضكـم ألغامُهـا
بُتِـرَت أياديـكـم.. ألا كفكفـتـمُ=عبـراتٍ أقـوامٍ بكـت أيتامُـهـا
بُتِـرَت أياديـكـم..ألا حاربـتـمُ=جنـد الملاجـي أم عرَاكـم ذامُهـا
مابالنا نُغضي على جمـر الغضـى=وقـد استغـاث عراقُهـا وشآمُهـا
حلّت لصوص النفط في عَرَصاتنـا=بالمومسات ليحتـمـي أقزامُـهـا
أمـمٌ أتتـك بقضّهـا وقضيضهـا=تتريةٌ خـوضُ الحـروب سلامُهـا
أَخَجِلـت ياإعلامنـا مـن ذمـهـم=أم أنـت إعـلام اليهـود مرامُهـا
ثكلتك أعراق العروبـة كيـف لـم=تلم اليهـود وقـد يُـرى إجرامُهـا
وبعابدي الصلبـان تُرهبنـا وهـم=ذنَب اليهـود إذا انتشـى حاخامُهـا
وتـذم أعـلام الـهـدى علمائَـنـا=أن أحرقتـك بثـاقـبٍ أفهامُـهـا
بسهـامِ علمـانٍ رميـت بـلادنـا=حتـى أميـط عـن اللئـام لثامُهـا
فمصيرهم رهـنٌ برسـم مسيرهـم=سننُ الإلـه قضـى بـذاك دوامُهـا
فاجلب لحربٍ لم تضـع أوزارهـا=جند الهوى حتـى يُشـبَّ ضِرامُهـا
ومن الحماقة عذل أربـاب الهـوى=حتـى تُـدقّ رؤوسهـا وعظامُهـا
وتـمـجّ أوداج اللـئـام نجيعـهـا=وزروعُ باطلهـم يحيـن صِرامُهـا
وتعـود أخـلاف الحجيـج لدارهـا=ومخنثـي الأديـانِ يمحـلُ عامُهـا
نجديـة يومـا إذا هــم أنـجـدوا=أو أتهـمـوا جـاراهـمُ إتهامُـهـا
وإذا الطغـاة تسلطـوا فـي أمــةٍ=ذلـت ضراغمهـا وعـزَّ نعامُهـا
أحسبـتَ إكـرام اللئـام يهينـهـا=إن اللـئـام يزيـدهـا إكرامُـهـا
فلقد فرسنا الفرس حتـى رامـت ال=رومُ العصيّـةُ واستـذلَّ عرامُـهـا
بجحاجح العربِ الغطاريـف الألـى=نشرو العقيـدة واضـح أحكامُهـا*
فلئـن فخـرت بدينهـم وبقربـهـم=فهـي التـي لايجتـري لُوّامُـهـا
قومي بنو سهـلٍ مصابيـح الدجـى=أهل الحجـا.. لايُستبـاح حرامُهـا
قومٌ إذا التقت الصفـوف .سيوفهـم:=ضربُ الرقاب شرابهـا وطعامُهـا
قـومٌ إذا سُلَّـت سخائـمُ معـشـرٍ=بالودِّ..سُلـل بالسيـوف خصامُهـا
وإذا ليال القر مد رواقها=والريـحُ صِـرٌّ ماتقـوم خيامُـهـا
والفقر أطفأ نار كل منابذ=فقدورهـم يشـقـى بهاخُدّامُـهـا
تغلي..أثافيـهـا رؤوس عـداهـمُ=إن صدّقـت أحلامَهـا أحلامُـهـا
لاترجع النـذرُ الجـوابَ بصُلحهـم=إلاّ المقابـر أن يـقـوم نيامُـهـا
لايرتجـي الجُهّـالُ دفـعَ قبيـلـةٍ=ثبتـت علـى إقدامِـهـا أقدامُـهـا
هدمو قباب الشـرك فـوق عبيدهـا=حتـى انثنـى ظُلاّمُهـا وظَلامُهـا
في نُصرة الشيخ المُجـدّدِ حاربـوا=شُوسَ القبائل حيـن جـدّ صدامُهـا
ولهم مـع التـرك الطغـاة وقائـعٌ=من هول جاحِمِها يشيـبُ غُلامُهـا
غُلـبٍ إذا رأت المنيـة أحـرمـت=حتـى يُحـلّ بنصرهـا إحرامُهـا
أبناءُ عامرٍ ابـنِ صعصعـة الـذي=أشبالُـه غلـب الكـرامَ كرامُـهـا
قومي الكرام بنـو كـلابٍ فاسئلـوا=عنا القـرون فقـد يطـول كلامُهـا
فدماؤهم كالحبـر والـورق الثـرى=فسلو الحجاز ونجد كيـف زُؤامُهـا
واليوم قـد نقـع الغديـر بأرضـه=فتصالـحـت .وذئابَها.أغنـامُـهـا
إذ أبـرم المُتبـرّمـون عقـودَهـم=فمضـى علـى أعناقهـم إبرامُهـا
ومضـى العبـاد بنعمـة ممنونـةٍ=رمت البنادق حيـث حُـلَّ حزامُهـا
دع ذا..فقد غارت نجومُـك وانبرت=أشجـانُ نفسـك سَومُهاوصيامُهـا
كابدتَّهـا عِقـداً فكـانـت عُـقـدةً=قرِحـت لهـا كبِـدٌ يُسـمُّ سِمامُهـا
كم حاجةٍ في نفس يعقـوبَ, قضـى=يعقـوبُ ماقضيـت وتـم تمامُهـا
بخلـت بهـا الأيام.بـل لمّـا يشـأ=أن يقتضـي حاجـاتِـه علاّمُـهـا
هل للديـون مـن الغنـي مخلـصٌ=أم تلـك لايُدعـى لهـا غُرّامُـهـا
ياطفلـة عبثـت بطائـر مهجتـي=أذكـت لهيـب جوانحـي أنسامُهـا
يجلـو الظـلام جبينُهـا ويعيبُـهـا=كفلٌ.. عليـه إذا نَـوَت.. إرغامُهـا
والـدرّ تجـلـوهُ ورودُ شفاهـهـا=إمّـا رمــاك بـرقّـةٍ بسّامُـهـا
والطَّرفُ طِرْفُ الموت فيه فلاتسـل=عـن جثـة لاتستقـادُ ..وهامُـهـا
سُقيَت بـلادك هـل يـراك متيـمٌ=دامـت عليـك لعينـه أسقامُـهـا
فـي قلبـه بقيـت محبتكـم كـمـا=بقيت بمصـر شوامخـاً أهرامُهـا
ماللنوى حكمت وجارت في الورى؟؟=بتر النياط مـن القلـوب حُسامُهـا
أفـلا يقـوم الثـأرُ يجمـع ينـنـا=فكما تديـن تـدان وهـو لجامُهـا
هلاّ قضيـت ولـو لمـامَ زيـارةٍ=لو كـان لايجـدي علـيّ لمامُهـا
رضعت هواك النفس مـلء فؤادهـا=حبا فأيـن وقـد كبـرت فطامُهـا
فلقد ,ورب البيت كنـت قصيدتـي=وقريحـةً مـن قرحهـا إلهامُـهـا
إن كنت لاتدريـن عنـي فاسئلـي=كم خطـةٍ لهـواك كنـت أُسامُهـا
إن المصائـب إن حللـن بـواحـدٍ=لـم يُبـك عينَـي غيـره إيلامُهـا
فـذري المـلام إذا خلقـت بخيلـةً=هذي همومـي واجتبـاك هُمامُهـا


رابط القصيده (http://www.suhol.com/vb/showthread.php?t=2600)

ناصر حضرم العنقودي
04-16-2007, 02:24 AM
لاتحط اصبعك في فمك يازين الدلال=وارفع عيونك ترى الحق طلابه جري
لاتحيرني كذا لاجواب ولاسوال=كان عندك مشكلة هلّها وش تحتري
كلما قلت الك هذا السبب قلت احتمال=واحتمال ان احتمالك حمله المفتري
انت لو تحسن بي الظن ماجاله مجال=لاتطول القصة ويدري اللي مادري
كان تحسبني مقصر معك يا اغلى الامال=فأصلاً انا المتهم دايما وانت البري
ومن متى كان الخطا منك والا به جدال=وانت خصمي والحكم والسجن والعسكري
الدريك اللي يشوفك على كبده زلال=مانت من همه ودمه بريّ ولاصري
وان تبريت المعزة هي اغلى راس مال=دون عزي ما اقبل مساومة من يشتري

ناصر حضرم العنقودي
04-16-2007, 02:24 AM
حسيبي على الاحلام مدري جزاها خير=توريني الاحباب وتنقـض جروحـي
وانا لي سنة وكسور خاينـي التعبيـر=لكن العباير ساطيـاة علـى روحـي
مغير اتغافا كل ساعة ولا القى غيـر=هموم تجي مع غفوة العين وتروحـي
انا كن قلبي معلق في جنـاح الطيـر=تصفق بي الدنيا على غير مصلوحـي
تفكرت لين انه تعـب منـي التفكيـر=ولاشفت لي مخرج ولاشفت مربوحي
لو انه مكان ينوصل ماذخرت السيـر=لاسج القدم واصله مابـان منضوحـي
انا اذهبت نفسي فيه من قلـة التدبيـر=يعنك اني مناديـه لـو انـه بيوحـي

ناصر حضرم العنقودي
04-16-2007, 02:25 AM
تصرم شهور العام والوقت في فالـه=مقفي وانا اللي منه خوفي على سنيني
اعد الشهر باليـوم واراقـب هلالـه=واعض اصبعي لازل من غير تثميني
وانا اللي من اول كل شي على بالـه=وعلمي بكيفي بين يسـراي ويمينـي
اناجي زماني واتخيـر مـن دلالـه=ولايطري المكروه من بينـه وبينـي
يالين انْه صافحني بيمنـاي بشمالـه=وبيّن لي اللـي نـاوي يفعلـه فينـي
الاواسفاب الزرع ياللـي تحـرا لـه=زرعته بعشر سنين واقفى بيومينـي
عقب قلت زان الوقت صـد وتلوالـه=وعودت انا المفهور وش عاد بيديني
ويالايمـي غـارات الايـام قتالـة=ولو تكثر من اللوم ماعـاد يمدينـي
دخيلك تخلي ضايق الصدر في حالـه=تراني علـى حـد البكـا لاتبكينـي


رابط القصيده الأصلي (http://www.suhol.com/vb/showthread.php?t=2443)

ناصر حضرم العنقودي
04-16-2007, 02:26 AM
يا ادعج العين الكحيلة يابورمش ظليل=قلبي الداوي دواه انت يامشمت عداه
فاتني منك الكثير وبقى مني القليل=ان نسيت اللي تذكرك ذكرك مانساه
هل معك علم ان نظرتك بالطرف الكحيل=تضربه بين المعاليق وتعلق رجاه
وهل معك علم ان بسمتك للقلب العليل=تحيي ابه الموت في الصدر وتميت الحياة
وهل معك علم ان مالك شبيه ولامثيل=ودون شوفك ماعلى الوقت والدنيا طراة
وهل معك علم ان علمي معك وانك بخيل=اشتكي لك واشتكي منك لوتوحي الشكاة
كل شي بيني وبينك اصبح مستحيل=وابحرت عنك السفينة على غير اتجاه
ان نطقت ليا لساني على قلبي دليل=وان سكت ينم دمعي على قلبي هواه

ناصر حضرم العنقودي
04-16-2007, 02:27 AM
انا بـدوي لاتنقّدنـي علـى اسلوبـي=ماابغى الحضارة وهي ماهيب تبغانـي
العيب ماهوب في هرجـي ولاثوبـي=العيـب لاصـار قلبـي مابـه ايمـانِ
حضارة النفس معـي اعـزّ مطلـوبِ=وانا علـى فطرتـي وسلـوم جدانـي
ماافرح بطبعٍ مـن الكفـار مجلـوبِ=لوتنفتن فيـه كـل النـاس مااغوانـي
وقصيدي ان مافهمته ماهـي ذنوبـي=أكتب على لهجتي من هيـض وجدانـي
وانت بسلامَتْـك لاتطـرب لملعوبـي=انته وراع الحداثة دربكم ثاني
وانا قصيدي على هجسـي وماجوبـي=مانيب بيـاع هـرجٍ وامضـغ لسانـي
ولاقلتها اتابـع الموضـة بمكتوبـي=ولااقولهـا لاجـل قولة(قالـه فـلانِ)
وترى التغنج على الرجـال عـذروبِ=ومن يرتضي بالهـوان يـذل ويهـانِ
ربعك لها دروبها وانا لـي دروبـي=والحمدللـي عـن المنقـود يحمـانـي
الحمـدلله نذنـب ذنــب ونـتـوبِ=والكامـل الله وزود الخلـق نقـصـانِ
ترى الحداثة غثاثة نقـص وعيـوبِ=تعـارض الريـح لامعنـى ولا اوزانِ
والله مافي الحمض احد مير الوبا موبي=والا وش يسوي (رشاشك)ب(طوفانـي)
اربعمية عام والف...الشعر محسوبـي=ياليـن جونـا عيـال نـزار قبـانـي
ناسٍ تجمّع صراب الاحمـر اللوبـي=الام مـن ليبـيـا والـجـد كنعـانـي
زباينـك يالهزيـل الشـرد والعـوبِ=يجون بإسم القصيـد و قصدهـم ثانـي
[/poem]
[/poem]

ناصر حضرم العنقودي
04-16-2007, 02:30 AM
السلام عليكم ورحمة الله وبركاته


هذي ملاحم القبيله لشاعر الملاحم الشاعر / خالد بن غنام السهلي
الملحمة الرائية في قبيلة بني سهل الكلابية العامرية309ابيات






حار القدم والدمع فاض وحار=من شوفتي بايد رسوم الدار
نصيتها من يوم قلت حيلتي= ذكرى وانا مالي سوى التذكار
نصيتها من يوم طالت غصتي= من قصتي والصدر كله نار
ادور آثار تعفت وانتهت =لوكان مامقصودي الاثار
سرى عليها كل مزن مظلم=بسيف برقه يهتك الاستار
لامن نشا عقب العشا ثم احتشى =خير وغشى دار الغضي بامطار
ابدى الدفين اللي كنين من السني=ن وصار طين ولاعليه غبار
والمزن فوقه طول ليله مرزم =وليا برق تلمع له الاحجار
للرعد من زجر الملَك باطرافه=حنة خلوج مرزمة لحوار
وكن البَرَد لامن تنثر فيها=نثير لولٍ من صدف محار
وامست له الوديان تقذف بالزبد=تجري بماها كنها الانهار
ماتترك اللي في الطريق تمره = تشلع جلاميد الصخر باشجار
رزق ليا جا الوسم بكر جيته = ريف وغريف وخضرة وثمار
وكن اجرب الذرعان فيها ان ربعت=يفرّك يدينه من الاوضار
والا على ماقال الاول كنه=من عود مرخٍ يقدح بعَفار
والا كما راع المسن يسنه=بمبردٍ مانومس الجزار
حتى من المشرق تبين الجوزا=ثم يعقبها المرزم الصهار
ويرجع براد الوقت قيظ لاهب=وعاصوف صيف يتبعه معصار
وناب الزمن يركى عليها حده = وتمسي محول يابسات قفار
صيف محيف جاير متمادي = فيه السراب يخادع الانظار
متعاقبٍ فيها الربيع مع الدهر=كماتعاقب ليلٍ ونهار
خمسة عشر عامٍ محنّ رسومها=امن المطر والسافي الموار
صدت عنه عيني بعد ما استنكرت =ماصار فيه وطال الاستنكار
عدت النظر فيها ولولا شامخ =في جالها لا اقفي وانا محتار
امرّ ماشفته وذوقني العنا =ماشفت بالاعيان وانا مار
مضاربٍ ماباقيٍ منها سوى=سود الاثافي في مشب النار
هلت عيوني دمعها ويحق لع=يوني على ماشافت التعبار
والدمع مارجع حبيب ولانفع = قبلي حد الايعمي الابصار
سد الهوى مابيني وبين العرب =وامسيت ازيد الونة بتزفار
باح الكنين وبحت باسم منتقش=على مقر الحب والاسرار
ياليت خل كل هذا لاجله=يدري بقلب فيه طار طيار
با اصبر بصبر ايوب لو حزني حزن= يعقوب وانا عادتي صبار
وان مت من دونه لسود عيونه=عساه من ذنب جناه مجار
مانيب الاول كم قتل قبلي هوى= دعج العيون اهل وفا واخيار
راحت سوالفهم تدور مع العرب = وعلومهم مضرب مثل واشعار
واليوم راسي شاب على علتي = يارب تستر وانته الستار
زين الدلع ماهوب داري عني = وروحي تغرغر منه للمظهار
وان ماحصل لي في حياتي شوفته =وش عاد ابي لامت بالزوار
اول سنة دركٍ محيمٍ ضامي=ظنيت في حظي وحظي بار
وثاني سنة وردت من شهلوله=ورد الحمام الورّد الحِذّار
وثالث سنة سقمي ضرب بجرانه=دارت رحى الفرقا ووقتي دار
واصبحت في الباقي ما غير ازاور=داره وصرت اجزع وانا جبار
يامل قلب مابقى من صبره= باقي وبهمومه غريق ابحار
عز الله اني ماصبرت مخير =غصب على الشارب بدون خيار
ياشيب عيني وين ابالقى خلي = ماعاد به شوفه ولامسيار
قالو رجب والا صفر حروتهم = وافنتني الارجاب والاصفار
عزالله اني يوم اطاوع نفسي = اني علي من الزمان ادبار
واجهت ماواجه من الغرب العرب= من ظلم واستعباد واستعمار
العين تسهر كلما التم الدجى= ودموعها من موقها نثّار
والقلب من حبه وهمه كنه = يصلاه صالي لاهب الاكيار
ياعين كم لك عن هواك بعيدة = عناك كفّر باقي الاوزار
حتى حلوم الليل ماساعفتك = تطفي لهب نار لها سجّار
احسب طريقي في حياتي منور=واثره ظلام ماعليه انوار
من سبة الحب العفيف اصبح علي =همٍ علي به عمست الاشوار
نقلت حمل الجور غصب عني=من العنا قيراطٍ و قنطار
هل شوفة عقب البطا والا عطا=لو حلم ليل بطيفه المرار
هل شربة عقب الظما او طعم ما=لو مرّ يمكن تروي الامرار
سر ياقلم واكتب معاناة لجت= وسط الحشا ولها به استقرار
كم ذقت طعم الموت من سكراتها= بغت تجنني وازور شهار
وانا بعيد عن الجنون وعاقل=ومن عزوة فيها الكرم والكار
ربعي السهول اهل المكارم والثنا=بيض الوجيه اهل الوفا الابرار
من نسل عامر عامر بن صعصعة=عَمَار مجد يفحم العمّار
سادة هوازن والكتب تشهد لنا = من قيس عيلانٍ ولد نزار
من روس عدنان وهم عيال النبي =ابراهيم نعم الجد والاطهار
عامر بوقت الجاهلية ذكره= دونه تقاصر باقي الاذكار
نسيبهم سيد البشر "نعم النسي=ب ونعم "ثم ونعم بالاصهار
وام المساكين الطهورةزينب=منهم خذاها المصطفى المختار
والثانية ميمونة الميمونة= الام خالة سيد الاحبار
هي خالة الحبر بن عباس الذي=في العلم بحرمزبد زخار
وحنا خوال بن الوليد الاول= راس الشجاعة فارس مغوار
ومنا لبيد الشاعر المخضرم= والنابغة عمالق الشعار
ومنا المحدث مسلم اللي يعرف = اللي خذت علمه هل الامصار
صحيح مسلم كل مسلم يعرفه = اللي روى الحديث والاثار
سادة هوازن فالزمان الاول= قبيلة تشهر كرمها اشهار
قبايل من نسل عامر صعصعة= ماحد يناطح جيشها الجرار
واذكارهم تملا الجزيرة كلها= وتمشي بطيب وعز فالاقطار
أربع فروع ما تعد فروعها= في المجدحازوا الراس والفقار
وبني كلابٍ راسهم جميعهم=فيها الامور من الامير تدار
حنا لنا قرار عامر صعصعة=وعامر لها بهوازن القرار
في الشعر وجزال الخطب والحرب واك= رام الضيوف ان حل كل صرار
بيوتهم وقت القسا ظليلة = يزبن على اهلها الضعيف الفارّ
فيها الحجا ركن حصين راسي = ماهي على ماقيل جرف هار
منا افرس الفرسان فارس قرزل = اللي على كبود العرب مسمار
وملاعب الاسنة اللي مشتهر = لاهاز قوم ولت الادبار
والاحوص وخالد مع عويمر عدي = ماهي سوالف كاذب مهذار
وابن الطفيل اللي يسمى عامر = ماله ضديد وفاللقا كرار
نبذة عن الفرسان ولو با اعدهم = ازرى القلم يحصي عشر معشار
واشهر معاركهم على شعب جبلة = كل العرب تفرض عليه حصار
يوم العرب من كل دار وديرة = جتها بزخرة جيشها الدفّار
وهو اعظم ايام العرب جميعها=فخرٍ به اعظم من فخر ذي قار
والله نصرهم وانسحق عدوهم = واقفو لهم عقب الهدير جغار
واللي ثبت قوادها بقيودها = وماتوا جزع ماارضتهم الاقدار
وفي رحرحان الموت طق خيامه = ومع نزوله ترحل الاعمار
وحنا غلبنا قريش مع كنانة = قد سميت في حربها الفجّار
وايام تذكر غيرها خذ منها = ايام فيف الريح والنسار
ذكرت نبذة والمعارك واجد = ماتحتملها الكتب والاسطار
اجدادنا سادات سادات العرب = والكتب تروي عنهم الاخبار
وحنا بني سهل وحنا نسلهم = كل على نيل المكارم حارّ
يجري الكرم فعروقنا من طيبنا = ورث من اجدادٍ وكسب قارّ
ترثة سهل يالايمي في مدحهم = مانيب اطيع الحاسد الثرثار
احسد ولم ماحد يلد لك النظر = وان غرت كم قبلك حسود غار
والله لامدحهم واعد افعالهم = وابني على هاك القصور اسوار
حنا السهول اللي تعرف علومنا = اهل البلاد البدو والحضار
حنا السهول اللي تزوم جموعنا = نكسر بها شوكة مغير غار
حنا السهول اللي حمينا دارنا = باعمارنا لو الزمن دوار
حنا السهول اللي ليا جتنا النذر = ندقم شباة الصارم البتار
حنا السهول اللي نعز ضيوفنا= على سمان الحيل للخطار
لاقامت ام الورع تبخل دونه = بالزاد قدمناه بالمعذار
حنا السهول اللي لنا بأمجادنا=وسلومنا وعلومنا منار
اللي يريد السلم نكرم لحيته = ماله يكود الطيب والوقار
واللي يريد الحرب نلعن كوثره = باللي ليا من هاز راسٍ طار
كم خفرة منا تشق ثيابها = ما ابقو لها حي يجيب الثار
ما اكثر علوم الحق لو اذكرها = ما تنحصى يوم الفعول كثار
ذباحة الترك اسمهم من فعلهم = في الترك في مجزل على الخبار
تاريخ نجد لبن بشر قد عدهم = تسعين فارس رورحو دمار
واللي بقا سالم عطا الخريمة = ودرى ان مابديارنا قرار
مقدين ياربعي بصهبان اللحى = اللي عفرتوها على العفار
الله يرحم من توفى منكم = واللي من الترك هلكوا في النار
ويم العفيرة صار للترك رهجة = لكن حباريهم لقت حرار
لاشك دون الغيل غول حلوقهم = وزرق العيون يصيبهن صفار
لليوم خاشعة رسوم قبورهم = تحذف من العربان حذف جمار
وعند العويند عاندوا مير انثنوا= وارض العرب ماهي لهم عقار
ويوم على بنبان حشنا خيره =وشره بقى من قسمة الاشرار
وفي يوم حدبا قذلة لنا عز = غيب تحته الكوكب السيار
ويوم الحنية تعرف الدواسر =باللي حصل هاك النهار وصار
ويوم المحيجر يوم شبت ناره = ماعاد به مهرب ولامجحار
ويوم الدلم رف العلم باطرافه = وش قال فيه الشاعر البيطار
وعند البويبية مع بن لامي = وامير رخمانه لهم معثار
عقب اخذو من جنادرية ذودنا = لحقوا الرجال بعجلة المثار
وفي يوم كنزان حضر في هوله = فرسان ميدان وحرار اوكار
وتشهد لنا الدوشان في فعل محلف = يوم احتمينا حسكة الاوبار
وفي روضة مهنا الخيول تعنا= والذل راس العار والشنار
والسر قدجينا عليه مع عنزة=والموت له مارد بلا مصدار
وعلى العويند قد تلاقينابهم = ولابنا ولابهم خوار
امسو وعلط رماحنا بجنوبهم = مثل القلم لاركز في الفرجار
وحنا حمينا زعب من دون الشريف = يطرد وراهم في رجا الامهار
لين انثنى عقب الطماعة عايف = ويرصد طلايعنا مع الرادار
وش قال فيها ماجد القباني = يوم الحوافر تقدح الشرار
ويوم الرويضة ضالو ابنا زايد = مير احتمينا الذود والابار
ومطير جونا في الرويضة لكن = ماحصلو درهم ولادينار
وجونا بها العجمان لكن ردهم = ضرب تزلزل له جبل سنجار
ويوم على يام فرقنا جمعهم = في جنادرية والطوال قصار
سبعة بيارق برقها يعمي البصر = كالسيل لاضاق به واد نمار
اقفوا ولا احد عن خويه ينشد = وخلوا الجنايز مالها قبار
والخرج قد خذنا الفضول وجمعهم = فوقه ولاخفنا من الثوار
كم هية في الخرج حنا هلها = بقت لنا في الكتب والاسطار
وكم هية صارت على الحيسية = وكم من صباحٍ فوقها ومغار
وفي المستوي يوم استوى فعل على=برهان بان السبق في المضمار
ورماح ردينا العدا عن ذودنا = فيها وقد جونا ثلاث امرار
والانجل اللي تعرف الناس امرها = امسى العدو فيها قصير هجار
وعروا نموت بها على الكرامة = ناطا المنايا ماندوس العار
والحرملية كم مناخ عدته = مناصَرين مرة وانصار
وايضا حمينا يام دون ابن سعود = بسيوفنا والمستجير مجار
ول يام وقفنا بوجه ابن سعود=بسيوفنا والمستجير يجار
وفي يوم ركبة هي وحزم الراقي= نفتك بالاعدا فتكة التتار
وايضا الجمانية يورخ يومها = الطامع نرده بصك اعسار
وفي هية الابيض على شمر لنا = ضرب يخلي خصمنا ينهار
ويوم السماوة قد ذبحنا شيخهم = مطلق ولو مثله ماهوب يدار
ولنا مع العجمان في عرجه وعد = تممه من هو للكسر جبار
ويوم الرضيمة كاشفين ضيمه= نشري الشقا لاغليت الاسعار
ومناخ السبية مايذكر زية = ننصى الحريب ونقطع المشوار
وعلى طلال لنا فعول تذكر= والحق مايستر عليه ستار
وسدير مع هلها نطيع قضاتنا = وقضاتنا الاسياف في المحضار
والوشم مثل الوشم فيه فعولنا = لو الزمن بعدين دار وجار
وجراب ماسيف بقى بجرابه = ياعنك ماغير الله القهار
ويوم القويعية تناغق بومه= لكن حشر منا العدا حشار
وفي وقعة الوفرا اشتركنا كلنا = ولابنا باير ولاجوار
ويوم الصبيحية بعدها صبحت = خيل العدا وامست على الزبار
وفي ملح ثار الملح والبارود به = كم حفرة وقع بها الحفار
وفي هية الطبعة طعام الضبعة =و تشبع بها عواية الاسحار
وفي وقعة المنسف مع ابن تركي = على مطير ومن حضر مانار
وداورد ريح الموت فيها هبت = كل من النخوة تقل به زار
وفي يوم جودة فتنتة موقودة = والكل مهدر دم عربه اهدار
والمعتلى والبرة وفي الحرة = ماحد يرد بعيرنا الهدار
ويوم القطيف به اقتطفنا زمرة = زمرة ردا تمشي ورا زمار
وفي يوم جزعة يوم الانفس جزعة = جينا مع الفزعة ولانحتار
ويوم الصريف مصرفين خصمنا = وان الحذرمايدفع الاقدار
وفي يوم ابوخيالة الخيالة = من فوق قحص مهارها الضمّار
وفي يوم جثجاثية لنا وقعة =تسوجر ابواب الردى سوجار
وبن رشيد اللي تهيل جموعه = ماله علينا ميل مهما صار
ولنا معه يوم دهنا مايجهل = وبيوم بنبان بنصر سارّ
وفي وقعة الرمحية المشهورة = تسعر بها النار ونزيد سعار
وفي وقعة عنيزة تعد افعالنا = مانجضر ولانرحم الجضار
والبدع ماهو بدعة من فعلنا = يوم اغتشى لون السما حَمَار
ويوم طرفية كم تركنا فيّة = وطرباتنا رد المغير الكارّ
وقدام فيها فعولنا القدايم = يضيع في جرح العدا المسبار
يوم الطريح يصيح ما احد شاله = ولا على جرحه يحط غيار
ويوم تربة تربت وجيه اضدادنا = نملى من جثثهم خبب وجفار
ويوم سبلة ما ادراك مايوم سبلة = ذكره وصل بغداد والانبار
لنا بها فعل مسجل بالكتب = ماهي هروج الكاذب القمار
وايضا على القاعية لنا ضرب = ضيق على الي هجو المعبار
وام رضمة فيها ويم الشوكي = ليت العدو من دونها استخارر
وعيدة حضرنا العيد والعيدية = كسر الدويش وقطفة النوار
والخفس ومبايض يقول الشاعر = منها يكفي عجة وقتار
وفي جولبن وايا سلام جينا = بكل غمر خايض الغمار
والحرملية والحفر مكرورة = يوم المعاند جا يطق الطار
غير البكيرية وغير عشيرة= ماننثني لمجامل الغدار
افعالنا مذكورة مشهورة = وطولة خطانا تتعب المتّار
في نجد عشر قرون او زيادة = راضين في صفوه وفي الاكدار
نضرب بحد السيف وندوس الخطر = لنا النصر ولضدنا الثبار
يوم لنا ويوم علينا مابه = للناس حقران ولا استكبار
ليسوفنا بايماننامن طولها = صوم على روس العدا وافطار
تشفع بهم مرٍّ ومرٍّ موترة=والموت بين الشفع والأوتار
متكاتفين تحت راي واحد = ولاتغير وحدة المسار
يوم الخبول اية خبل يخلفهم = كالسوس في غصون الشجر نخّار
في العرض والعارض بنجد الأنجد= لى الغيل وماحوله خلا وديار
وفي غيرها والموت دون ديرنا = من دونها كل الكبار صغار
في نجد منزلنا على الكرامة=مانشحذ الما شحذة الطرار
ليا كشف برق تبعنا نوره = ببكارنا نرعى بها المخضار
نرعى الخطر وسيوفنا مسلولة =واذوادنا مخضرّة الازوار
مخضبين سيوفنا من ضربنا = في ضدنا وبكل ثقة واصرار
مانخشر ولانختشر في ديرنا=حيث الدير ماتقبل المخشار
واعدادنا عشرة فخوذ وافية = المجد فيها والكرم شعار
منهم دوى المغلوث برازية = عليهم بكل المديح يشار
ومنهم الظهران يامااطيبهم =مضرب مثل طيب وطوال اشبار
والاد قبان مقابيس الوغى = العز فيهم نازل قرار
والا محلف وقت التلف جزامة = ماتنفهق لاجا الفشق مدرار
وربع بن جلعود الكرام اهل الثنا = وجيههم بيض كما الاقمار
بالعز يحمون الدبايل وان لجا = مضهود قامو معه ماش اعذار
ومناجلة ماحد وصل ميصالهم = مزبان من حده زمنه وجار
ومنهم محانية بعاد عن الردا = من ضربهم عظم الخصيم كسار
ولاد العبيدي ماتمل ضيوفها = وسيوفهم بدما العدا قطار
وصعوب اكرام وريف لضيفهم = كنه فابا الخصيب والعشّار
ومنهم زقاعين لهم كل الثنا=ولمن حربهم جمعهم دحّار
ومنا من الفرسان اعاجيب العرب= لاراح يطرد عمره الفرّار
منهم خزيم ولد لحيان الذي =ذباح شوخ وفالمحل عقّار
فرس عمير الطيبة قلعها = وحسبت على عسّافها مخسار
يشهد على ماقوله بن هادي = شيخ قحطان وطيب الميكار
يقول له حولت عنها راضي = ماعاد تلحق فاتك القطار
وعرهان بن باتل كعام العايل= زبن الضعيف الخايف المذعار
والاخر مهنا ولا احد يجهله = فيه المثل بين العرب سيار
وعيد ابن سيف بن صقر مثل الصقر=مخلي سروج وللدمي نثار
وابن هديانٍ مقامه وافي=مقدم هل الهيجا ليا ماسار
وعلي بن جودة من بيجحد جوده = وفعله لاحزّ المعصم السوار
واذكر جليدان وكلام حوله = وصفه بن رشيد بافتخار
وعثفر بنِ رويضان وايا شايع = لاساقو العدوان سوق عشار
وعلي بن طريخم وذعذاع اللي = من هازهم في حكم الانتحار
وشعف ولد سجوان وبن معدل = فرسان وابطال مضو بادوار
ورغوان ومشنان لهم هيباتهم =لامنهم ركبو على الاكوار
وحقلان ال عريج وبن السودا = على مداغيش العيال جسار
وهباس ولد عبيد وهادي بن ثقل = نطاحة الغارت باقتدار
وشري وبن زليغيف وبن دويحس = حريبهم ماحوله انتصار
وضويحي بن خزيم ولايجهل = لاجا المجوخ كن فيه سكار
وانا لو ابا اعدهم ما ابدهم = لكن غيض من بحور غزار
ومنا منادي بالعشا لضيوفه = يقدم الترحيب بابتدار
سلطان بن ذيب الذي نفخر = يشهد له التاريح فالاسطار
ومعشي العوشق بطيبه مثله = طيبه ومثله مايبي اختبار
وسعود بن غازي العبيدي شيخٍ=من جوده لضيفه كما ابنٍ بارّ
مجالس اهل الطيب واهل الطالة=حيل ودلالٍ فايحة ووجار
والشيخ بن جلعود مكرم ضيفه = في ضفه لمن جاه رزق دارّ
والشيخ بن ريحان وبن قعية = ماهم بنخل يابس الجمّار
حنا السهول ولاجهلنا جاهل = واقول مايشوي الصقر صقار
حنا هل الطالات غصب بلا رضى= لاشبهرت عدواننا شبهار
اضدادنا مايمرحون بعافية = والضيف له دلة كرم وبهار
هذا بعض بعض مزايا ربعي= ولو باستمر أتعبت الاستمرار
اقولها واللي رضا فله الرضى = وحتيش لو اللاش دمه فار
ماحد يرد الشمس دون شروقها=لوبعدها عن يده خمس امتار
قال المثل ياللي تعرفون المثل=من كان ريح يواجهه معصار
ماقلتها ابغى من وراها حاجة = مانيب من عبادة الدولار
ولا اقبل عليها نقدة من هافي =وانا علي ماتلعب الشطار
يفرح بمدح الطيبين الطيب = والشعر حر ولابه احتكار
ويضيق من مدح القروم اهل الردا = واهل الحسد حلابة الابقار
ترى ضعيف النفس يترك دينه = ويعوشر مع الرافضة عوشار
رايه مصادر كل يوم بشلة = غصنه ضعيف مع الهوى مهصار
متلوث من كل علم وعالم = مايفرق المسناد والمحدار
يالابتي هذي حميا دونكم = من حبكم قلبي على مجمار
نظمتها فيكم بيوت جزلة = تفيض عفوية بلا استحضار
ترمي جواهرها من كنوز الحشا = بذل ما ادور خلفه استثمار
عقب التجمع لايفرق بينكم=من بندقه ترمي بغير عيار
عزوا مواقفكم وعزوا ربعكم=حفوا وصفوا صف طوب جدار
لايخلف الصف القديم الاول=وقت الرخا ترى الرخا غرار
عزالله ان الكبر صغر وذلة=نشوة غرور وسكر واستهتار
من لافعل مهما يسمى جده=ماينقلص في تالي المقطار
ان ماحمى موقفه ماحد عده=حتيش لوهو بالنظر خزّار
اللي يلاحظ نقص لايبخل به= ويقدم الملحوظ باستفسار
صح بدنك ياللي تصح لساني = والنقص وارد واقبل المعذار
بعض العرب خيره يروح لغيره = مخلوعة يادرفة النجار
وماني من اللي يمغطون حلوقهم = ما من فعول وبالحكي تجار
عاشوا على ذم الرجال الوافية = لو انهم على الشمال اصفار
ولايجحد الوافي يكود الهافي = يوم انه انجس واخبث من الفار
ماعشت في الدنيا من اطراف العرب = مثل البليد الهابي المفغار
واللي يبي سوق الاوادم كلهم = يطر جيبه من زمانه طارّ
راع الحسد لاشك ماطاوعته = ومن الذرور بحجر عينه ذارّ
لمن حربني حربة في نحره = ولانيب في راعي الوفا بوار
اللاش لاندي ولاهو همي = ماله مخاليب ولاش اظفار
ولايستوي قصر عزاز حصونه = مع بيت من الطين سقفه خارّ
ولايستوي بالخايبين الطيب = والله ولا المسجد سوات البار
افخر بديني قبل اعد جدودي=اللي مضوا في سالف الاعصار
كل العرب في دينهم عشيرة=يمنى عواديها على الكفار
كل له انساب تسند راسه=والفخر في تقوى الله الغفار
وعزالله ان اللي تضيع ايامه=من غير تهليلٍ ولا استغفار
ضاعت حياته كلها واخرته=غزا على الدنيا بلا سبّار
ويانار ياللي ساقني سناها = وانا لحالي مذهب ودوّار
امشي وانا حافي على رجلي لها = للي على جمر السمر سمّار
القى عليك العلم والا اولّي = والنار تصلى الضامر المحشار
عن صاحب كن القمر في جبهته = او لبته لافتح عنها زرار
والا العيون الواسعة في وصفها = ماللشعر قدرة ولامقدار
تشوف ظل رموشها في عيونها = وحجاجها من فوقها مندار
كن المياسم في الفواد تبرّد =لاحمّيت في نار بن عمار
نار مثل نار المجوس مسارجة=القلب ناجض والدموع غزار
قضّت ظلام الليل فوق متونها = واصبح على رجلي سببها حيار
لاوالله الا راح عمري حظها = واثر الذي ماهوب ينفع ضارّ
رحنا سبايب نجلها في رجلها = والقلب فيه من اللظى سعّار
طوعت عاصي القاف لاجل عيونها = وقضيت كل العمر في انتظار
هذي نهاية قصتي مع غصتي = راحت حياتي في هدم واعمار
يالابتي لاتذخرون الفزعة = وانا بكم مستبشر استبشار
تمت وصلى الله على محمد= عداد ماهلت من الامطار
وعداد ما ارمشت العيون وما خفقت =كل القلوب وغنت الاطيار
ولاتلومون الفجيع ان غنى= من شوفته بايد رسوم الدار

[/poem]رابط القصيده (http://www.suhol.com/vb/showthread.php?t=2324)

ناصر حضرم العنقودي
04-16-2007, 02:32 AM
ملحمة امجاد السهول 209 أبيات


من الهاجس اللي لاصطفق كنـه الطوفـان= تقافـا القـوافـي بالمعـانـي واهندبـهـا
توارد مثل ورد الظوامي علـى الحيضـان= بفكـري وانقـدهـا وانـقـي شوايبـهـا
وانا اللي يفوح من السطر راسـي المليـان =من علـوم ربعـي والفخـر فـي مذاهبهـا
اعسف القوافي في رضاها وانـا طربـان =وانـا دونهـا واحمـى بجنبـي جوانبهـا
ولا ارضى على ربعي هزيعة ولانقصـان= واتـوج لنصرتهـا المـدايـح واذهبـهـا
وانا جتني علـوم تناسـخ بهـا الشرطـان= مـن رخـوم قـوم ماتنومـس مناسبـهـا
وعرفت المصادر والخبـر ينتشـر ويبـان= ولابـد الذنـوب السـود تلحـق عقايبهـا
ولزوم يتمثنى العبد مـن شرهـا سفطـان= بعـد لحيتـه طالـت عليهـا شواربـهـا
وحنا على المخطي نزيـد الخطـا عـدوان= وحمـر المياسـم فـي خـدوده نذوبـهـا
فياراكـب اللـي مانتجـت مثلهـا اليابـان =ولا الروس شقر الـروس تقـدر تقاربهـا
ولاوردوها اهل الردى حمـر الامريكـان =ولو تشوفها اهل الصين تاقف على ركبهـا
فريدة عصر تفخر على صنعهـا الالمـان =يغالـى ثمنـهـا والسلاطـيـن تركبـهـا
ولاتمـت الايـوم مـن عهـدة الوعـلان =من ظلال معرضهـا ليـا بيـت صاحبهـا
ليا من تساوى الخط يطرب لهـا العجـلان= تـروح كمـا الشبـاب مـن يـوم يندبهـا
والى سندت درب تمثنـى بهـا الضلعـان =تقول الشبح يوم شخطـت وانـت ترقبهـا
والى حولـت بنزولهـا تسـرق الاعيـان =نـزول الصواعـق يـوم تلقـح سحايبهـا
توجـه عليـهـا واعرف الوصف والعنوان =لاهل ديرة من مرها ماتعزبها
وود الامانـة وابشـر بطـولـة الامــان =ولاتلحقـك لاقفيـت شـرهـة معزبـهـا
وعود على اللـي ينخشونـه مـن العمـان= وعطهـا الهديـة ثـم تسـهـل وجنبـهـا
وقل للذي يسـرح ويمـرح طليـق عنـان= يبـي ينـدم اللـي كلمـتـه مايحسبـهـا
ويلقى الجزا جنس العمل واللسـان حصـان= وترجـع عليـه علومـه اللـي يحثربهـا
من اللي يبيـن ليـا خفينـا مـن العربـان =يـاراع الهـروج اللـي عليـنـا تقلبـهـا
وحنـا الرجـال اللـي لكفتهـم الرجحـان =عـراب السلـوم اللـي نسبهـا مذربـهـا
هل الجـود والفزعـات ومـذرب الايمـان =هم اهـل المزيـن كـان شبـت شبايبهـا
سواليفهم تجـلا الصـدا تـروي الظميـان =حـرار الوكـور اللـي حـداد مخالبـهـا
لاطال الشتا فـي جدبـه وغـارت القلبـان= وقامت طـروش البـدو تنحـر ركايبهـا
ومشى الدم بخشوم البـل ويبسـت الخـدان= وعلـى المربعانيـة تقـافـت عقاربـهـا
ولاعـاد ينبـح بردهـا الكلـب للضيفـان =وشعث الطراقـي فالسفـر يبسـت قربهـا
وقامت تقارع من شخيف الهـوى القدحـان =وشفـت السمـا فالليـل تشعـل كواكبهـا
شعمنا لنـا نـار توهجـر كمـا العنـوان =ننـادي بهـا الهشـال والحـظ يجلبـهـا
وخيل سناهـا الطـاوي البايـس الفقـران =وجتها الضيـوف اللـي توامـا مزاهبهـا
بذلنـا كرامتنـا وفرحـو بهـا اليتـمـان =والارامـل اللـي غيـب المـوت كاسبهـا
نقدم لهم وقـت المجاعـة سمـان الضـان= لياشحـو الكرمـان حنـا نـجـود بـهـا
من اشناق حيل للضيـوف الحشـام سمـان= تفـوح القـدور بهـا ونمـسـي ننكبـهـا
سهول تسلسل نسلهـا مـن ظهـر عدنـان =ومن عامر بن صعصعـة طـاب ناجبهـا
سلايل هوازن من ولد قيـس بـن عيـلان =نسبهـا الكريـم البيـن الـلـي معربـهـا
لهم قبـل وقـت الجاهليـة مقـام وشـان =فعايلهـم التـاريـخ بالمـسـك كاتبـهـا
وسـاع الطعـون الشـم حمايـة الاظعـان =نبـي الـولـي زود شرفـهـا وناسبـهـا
وهم اخـوال صحابتـه عليهـم الرضـوان =زحول الزحول اكرم هل الارض واطيبهـا
كما الحبر بـن عبـاس ومترجـم القـران =وسيـف الله المسلـول قـايـد كتايبـهـا
ومنهـم لبيـد الشاعـر ملاعـب القيفـان =زعيـم المعانـي يـوم ينظـم عجايبـهـا
مع النابغـة بحـر بـه اللـول والمرجـان =تعدا الخلايـق مـن حضرهـا واعاربهـا
ومنهم زعيـم الحـرب لاشبـت النيـران =ليـا لاعـب اطـراف الاسنـة ملاعبهـا
هـو ملاعـب الاسنـة معـرب الـجـدان= مـن اسمـه تهـج القـوم لومايحاربـهـا
وخالد ولد جعفر غضنفـر علـى القومـان= محـرر هـوازن يـوم تدفـع ضرايبهـا
ولاينركـن عامـر ورا ظلمـة النسـيـان =تمنى القبايـل عامـر بـن الطفيـل بهـا
وغيره عويمر بن عـدي لانـزل سكـران =وسـط لجـة المـوت وتمثنـى معاطبهـا
تراجع عنه عنتر وهـو فـارس الفرسـان =شجـاع لاقابـل غمـرة المـوت واثبهـا
ومـن نسلهـم مايجهـل مقـرن الاقـران =ابوزيـد رمـز رموزهـا مـن مناقبـهـا
مع ذيـاب بـن غانـم ولاللخبـر كتمـان =من هلال بن عامر علـى الطيـب جاذبهـا
ولنا اعظم وقيعة سجلوهـا بنـي الانسـان =علينا جميع العرب شبت حرايبها
بيـوم جبلـة نـار تلـظـى بـلادخـان =صفت مـن حرارتهـا شواظـي لهايبهـا
وهزمنا تميم وخيلهايوم رحراحـان =واسرنـا مشايخهـا وهـجـت قرايبـهـا
ولاساعفتهـم فزعـة الفـرس والنعـمـان =ورهاف السيوف تعضهـا مـع غواربهـا
وحنـا ورثناهـم وزدنـا علـى البنـيـان =مسيـرة فخـر ماكـل قــوم تواكبـهـا
وعشنا بحـدب سيـوف هنـد لهـا دنـدان =لياجـودو خطـلان الايـدي مقاضبـهـا
زمان يعيش الرجل ماعـاش بـه سرحـان =وخيـر الرجـال اللـي جـزال نهايبـهـا
سطينا على الساطي واخذنا مـن المرحـان =ونطحنا الرجال وذرحـة المـوت بسربهـا
على الفارس المدلاح نضرب ونركي الزان =ونعطي الفـوارس ضربـة ماتقـوم بهـا
وحنا ذبحنـا شيـخ شمـر مـن الجربـان =بيـوم السمـاوة يـوم كبـرت صوايبهـا
ولاهوب نقص فيه ميـر ان يومـه حـان =علـى ايـد عوايـد رميـهـا مايخيبـهـا
وحنا تركنـا التـرك فالمجمعـة قطعـان =نصتهـا الذيابـة جايعـة مـن جذايبـهـا
بعد مالفت يضـرب مزاميرهـا البطـران =وزود الفخـر والكبـر يـدفـع مواكبـهـا
تحوف القرايا واستـزادت مـن الطغيـان= ياليـن ان كـل هابهـا عقـب جربـهـا
طلعنـا نسمـي فوقـهـم بالله الرحـمـان =ونكبـر عليهـا ليـن كـثـرت ندايبـهـا
نترجم بضـرب سيوفنـا رطنـة الرطـان =ونـذود العجـم عـن دارنـا لاتخربـهـا
تشوف السيوف تفـرق الـروس والابـدان =وتسمـع صريـخ رماحنـا فـي ترايبهـا
ومـن سلـم منهـم بعدهـا مالقـا عقـلان =هلك في صحاري يهلـك النـاس مجدبهـا
واخذنـا سلايبهـم مـن المـال والذهبـان =وكثحنا تراب الارض فـي لحـى متربهـا
وتجزل على مجزل عشـا جايـع الغربـان =وسحـم الذيابـة فالدمـي نشـب ناشبهـا
وتسعين فارس ذبحو مالقوا دفان=تواما ملاحيهم لاهبت عبايبها
وعلى جنادريـة لامـج الظالـم الخسـران=بضعفيـن جمـع اللابـة الـلـي تلببـهـا
بسبعـة بيـارق تاخـذ الديـن والـديـان=وردا حظها اللي من ورا الصلـب صالبهـا
يالين التقو بالمـوت ماعـاد بـه مزبـان=ودارت رحـى حـرب تبشـر عواقبـهـا
وسبع الجماعـة يسبـع السبعـة الظفـران=وسبـع السباعـة صـاد ثعلـب ثعالبـهـا
ومن عقب فسقتهـم غـدو كنهـم وبـران=تغـص الجحـور بهـا وتوخـذ نجايبهـا
وهـذي عوايدنـا لياكـبـرت الاكــوان=مـن افعالنـا تبكـي الحبايـب حبايبـهـا
وفي روضة المذبح تركنـا العـدو مهـان=وخسر من طمع في البل على الحصن مهذبها
وتجندل على الحيسيـة الطايـش الغضبـان=ولاسرتـه دهـم الجـمـوع وتحزبـهـا
وعلى رماح بالارماح كـم جالنـا ميـدان=وكـم هيـة بالقـوم كبـرت مصايبـهـا
وكسرنا المعانـد فـي العوينـد بلاجبـران=وتركنـا عليـه القـوم فاكبـر نوايبـهـا
وعلى الترك به يـوم تشيـب بـه الولـدان=تقل فيه صرعى عاد من عقـب حاصبهـا
ويم الرويشـن شيخهـم بالحمـر غرقـان=عقب وتركـت حمـر الطواقـي مشاغبهـا
عفرنـا لحاهـم بالعفيـرة علـى القيعـان=وهـذي مقابرهـا بقـت مــع مثالبـهـا
ليامن تثنى السيـف فـي فـارس دجـران=تعـدل بغيـره والسـيـوف بمضاربـهـا
وعـروى لبسنـا دون ميقافنـا الاكـفـان=نـذوق الفنـا ولا المذلـة نعيـش بـهـا
وفي السر باح السـر وازدادت الاضغـان=وبيـض العـذارى شققـت بـه سلايبهـا
وحنا حمينـا زعـب يشهـد لنـا شامـان=عن بـن الشريـف اللـي بسيفـه يطالبهـا
وذود الشيـوخ اللـي مداهيلـهـا بنـبـان=خذينـا خـيـاره فالطـريـق نتحلبـهـا
جهـار نهـار مانجـي للعـرب خـتـلان=عيـان بـيـان نـزورهـا مانحسبـهـا
ويـم الرويضـة وقعـة مالهـا نـكـران=علـى جالهـا الطمـاع تـبـت تبايبـهـا
صباح على غـرة لكـن الرجـال ذهـان=غـدا الضـد باذيـال الهزيمـة يسحبـهـا
ماتنسى مواقفنـا بهـا مطيـر والعجمـان=ولا الاد زايــد والقصـايـد تـردبـهـا
وفي الشعب والصلب ومحيجر عشا السرحان=كرام اللحى اللـي هسـة الكيـل تغضبهـا
وفي الوشم وايا سدير ويشهد لنـا حدجـان=رجـال الطلايـب قاصريـن طلايبـهـا
ويـوم الحنيـة بالمنيـة بــه الكيـسـان=تناضـح وتسجـر نارهـا فـي حطايبهـا
وفهرين والشيـط وزبنـة عـرب نجـران=علينا عن بن سعود مـن عقـب هـم بهـا
وروضة خريم وضبع ذدنـا عـن الحـدان=ووردنا بهن اصفـى المشاريـب واعذبهـا
وخبرا البـرازات اشهـرت سيـح ودلقـان=توصف بهـا مـن بينهـا والعلـوم بهـا
ويـوم القويعيـة تقـل فيـه جـن عمـان=نبيـد الـعـدا والا لاسلـمـت نعيبـهـا
وقريـات شـاهـد والبويبـيـة الجـيـان=تلـج بثنـا ابيـات تسـاق المطـي بهـا
ويوم على الرمحيـة بـه العـدو سهـران=ويبكي بها اللي سلم مـن كـان مـات بهـا
وقذلة مابيـن شمـام والسـر كـون كـان=كسبنـا القلايـع بالفنايـع تـعـود بـهـا
وحوضى على حوض المنايا حضر عزران=علـى ارواح الاشـراف الطغـاة يتسلبهـا
وغيـره علـى القاعيـة بزنـد وصـوان=وفالبيـر والبـرة تعاضـب معاضبـهـا
وعيـدة حضرنـا فالوعيـدة وفالـريـان=باشاوس زحـول دقلـة الجيـش تطربهـا
وفي الخفس ومبايـض وسـلام والضيـان=وركبـة بهـا ضـرب الاعـادي متوبهـا
ولنا هيبة عنـد الاعـادي مـع الصدقـان=ونحفـظ حقـوق الجـار مانستخـف بهـا
ولانكسح الصايـح ليـا راغـت الاذهـان=وكـم مـن مناويـخ حسمنـا مطالبـهـا
كما الحرملية عيـد ذيـب الخـلا الجيعـان=بقـوم رمينـا روسهـا عــن مناكبـهـا
تسجل بها يوميـن تسمـع بهـا الصقهـان=وفي الكتب مايجلى عـن احوالهـا ريبهـا
وفي المستوي يوم الجماجـم كمـا الرمـان=ترامـا بدمـهـا ماتقـضـت مطالبـهـا
وقفنـا مواقـف عـز ماهيـب فالحسبـان=نضيع هقـاوي القـوم مـن يـوم نقربهـا
وفي الخرج يوم الهرج ماعـاد لـه قبـلان=زحـول العـدا تلعـن عليـهـا مسببـهـا
فالاولـى والاخـرى للدمـي فوقهـا ودان=ومن شب نار الحـرب يونـس مشاهبهـا
فعلنـا مفاعيـل بهـا سـارت الركـبـان=منارة فخـر طالـت عـن اللـي يحجبهـا
والانجل عليه معانـد الـروس والشيخـان=مـزون المنايـا سبلـت بــه ذوايبـهـا
تعقرب بوارقهـا وتمشـي بهـا الشعبـان=وتنقـع مغالـيـل الـصـدور بسبايبـهـا
وبـه هيتيـن روس الاعـدا بهـا نطـلان=نطلـق بمصقـول الهـنـادي كواعبـهـا
ومناخ الرضيمة يوم جرد عـن الذرعـان=حضرنـا حضـور زاح عنهـا غياهبهـا
بصـم الحوافـر قدحهـا فالحجـر لابـان=كمـا قـدح طـرقـي لـنـار يشببـهـا
ويم الحفر كـم انحفـر مـن قبـر ندمـان=يبـي جمـة العـز المصفـى يغثربـهـا
وفتح الحسـا كنـا بـه القلـب والشريـان=ومناخ السبيـة قـد رمينـا الرمـاة بهـا
وربعي مع معزي لجيشـه سنـد واعـوان=لنهضة عمـود الديـن والخيـر مرغبهـا
ولاهيـب مـن ذلـة ولكـنـه الايـمـان=نهـدم بـه قبـور غـدت تعبـد قببـهـا
غزينا معه يـوم اكثـر النـاس ذل وخـان=نبوج الجزيرة في وعرهـا وفـي خببهـا
وتفانو مع جدوده قبـل تعـرف الاخـوان=وهم شوكته ليـن عسفـو معـه مصعبهـا
بروضة مهنا يـوم يخـزا بهـا الشيطـان=ويـوم سبلـة يـوم الاعـادي نشلهبـهـا
ويوم طرفيـة فالوسـط مانجـي طرفـان=ويوم الصريـف نـرد بالسيـف عاتبهـا
وفي جراب سلينا السلايـل وفـي كنـزان=وفـي جـوده وفالمعتلـى النفـس نذهبهـا
ولنا يوم ابيـض فـي بكيريـة القصمـان=ولا اعدهـا الامـن مديـح يـعـد بـهـا
وفـي جـو لبـن وانـا بتعدادهـا بلشـان=لـو ادرج علـى كـل القوافـي واشيبهـا
وذبحنا ولـد دواس يـوم اعلـن العصيـان=على دولـة التوحيـد واصبـح يناصبهـا
ومنـا لاكثـر فـراق الارواح لـلابـدان=مغاويـر تـضـد الاعــادي وتدبـهـا
ليا ذاب درج الملـح ثـم بانـو الظفـران=وصارت سهوم المـوت يرهـب تعاقبهـا
كما الشيخ بن معدل وعثفر بـن رويضـان=وذعـذاع لامـن ذعذعـت لـه يعاقبـهـا
وعرهان حميـت فابرقـه حلـوة الالبـان=لحالـه نطـح سربـة مطانيـخ وارعبهـا
وش يمثل بـه بـن سبيـل بـن سعيـدان=بعـد جـاب لاصحابـه كسيبتـه يشعبهـا
يشـرد جمـوع القـوم بحصانـه عبيـان=ولاتنوطى ارض قيل عرهـان مـر بهـا
ومنـا عـذاب الخيـل لاطـري جليـدان=ليـا صـاح فرقهـا وهجـت براكبـهـا
ويشهـد كـلام بـن رشيـد لـه فالبـدوان=وفعـل الرجـال وطيبهـا اللـي يرتبهـا
وشايع ولد شـداد ومشنـان مـع رغـوان=وخزيـم ولـد لحيـان مطلـق نشايبـهـا
ومنـا مهنـا اللـي يطـرا بكـل لـسـان=لياقيـل غـاز مـع مهنـا واجيـك بهـا
وابومحزمين مشهـر الذكـر مـع خفـران=لاثار اشهـب البـارود فالقـوم واشهبهـا
وعلي بن جودة ينذكر به شعـف سجـوان=خيار الرجـال اللـي يشـح الزمـان بهـا
وعلي بن طريخم سيرتـه تطلـق الحجـان=وغيـره مـن رجـال تنومـس مناصبهـا
وعيد ابن سيف ابن صقر لااحتمى الميدان=نهار الكسيرة حرز ربعه ومكسبها
يلدّ له من خلاه غاليه للعدوان=يعدل موازين تصاغت ويقلبها
ولردّ البرا لاتذكر الا بن هديان=لاداس الديار ابقى بها صوت ناعبها
ومنـا معشـي العوشـز مشـرع البيبـان=سليـل المكـارم ينتهـض دون واجبـهـا
ومنامنـادي بالعشـا فـي العشـا سلطـان=تقـول الضحايـا عنـد بيتـه مقاصبـهـا
مـع مناحـي اللـي لابخيـل ولامـنـان=مناخ اللي مـن الوقـت تشكـي غلايبهـا
وانا كيف ما اطري سعود بن غازي شحيمان= من اكارم ال عبيد واطيب مشببها
وانا لـو اباعـدد مـن الصبـح لمسيـان=صدقـت وهـل الطـالات ماحـد يكذبهـا
وننـزل بحـد السيـف ونشـرد الشـردان=ونشعى حـلال القـوم باوسـط مضاربهـا
ونرعى بهـا خـد تكاشـف بـه الامـزان=ليـا قيـل يخضـر خفهـا مـن عشايبهـا
ويبـرا لهـا كـل ابلـج يعتـزي فسقـان=عيونه مـن الامجـاد تضحـك حواجبهـا
ويرعون نبت الخوف لاقيـل روضـه زان=ووردت علـى مكنـان معهـا حلايبـهـا
ويتلون ستر البيض لاجا الوطـن رجعـان=ليـا درهمـت بالقـوم شيـب محاقبـهـا
وفينا الوفـا والمجـد والجـود والسلطـان=ومنـا صنـاديـد الـرجـال ومذربـهـا
وحنا السهول كعام الاعدا مـدى الازمـان=خـلاف الدبايـل غالـي الـروح ناهبهـا
ويفرح بنا الطرقي ويامن مـن الجيـران=وتبـرح مهابتنـا دروبــه ويضربـهـا
ويـوم لنـا ويـوم عليـنـا بلاجـحـدان=تقلـب صواديـف الـزمـان ونقالبـهـا
ولا اهفى لنـا قـل العددفالعـرب ميـزان=لحـيـث الاكــارم قلـهـا مايعذربـهـا
وشتـان مابيـن الكـرم والـردى شتـان=للاكـرام مادحهـا ولـلانـذال هازبـهـا
فخـوذ القبيلـة عشـر بالعـد والتبـيـان=مـن اوراقهـا لجذورهـا فـي ترايبـهـا
تغنوت عن الاحلاف يوم الضلـوع متـان=وامن في ذراهـا الجـار والضـد هايبهـا
تنازع وصوف الطيب لاقفى الزمان وشـان=وتسبـق بمضمـاره ويغـلـب مغالبـهـا
ودون المواقـف تبـذل ارواحهـا مجـان=ويثني علـى صـوت المنـادي مجاوبهـا
مابين العوارض فالوجيـه الكـرام يصـان=ويكـرم ويامـن خـوف دنيـاه وكربهـا
فمنهم عبيدي وهـو ركـن مـن الاركـان=لاهـزت عمـود البيـت نكبـا تنكبـهـا
ومنهم محيميـدي عريـن احمـر النيبـان=متقـي الديـر لاقـيـل رزو نصايبـهـا
ومنهـم زقاعيـن علـى ضدهـم بركـان=وللضيف ريضان عطا الجـود مخصبهـا
ومنهـم محانيـة كساهـا الفخـر تيجـان=صفايـح سلايلهـا مـن الضـد تخضبهـا
ومنهم مناجلة على الحـرب مثـل الجـان=ليـا جاتهـم بالـقـوم طـفـح جنايبـهـا
ومنهـم صعـوب ثابـت مجدهـم ثبتـان=لاجالعلـم يكفـي حاضـر القـوم غايبهـا
ومنهـم دوى المغلـوث فراقـة الـخـلان=بـرازات تبـرز فالمـبـارز غوالبـهـا
ومنهـم ينابيـع الوفـا والسـخـا قـبـان=وسـاع البنايـد ماتـقـرب حضايبـهـا
ومنهـم زحازيـح تضـد العـدا ظهـران=ودرب الولـد مـن طيبهـا درب شايبهـا
واعد محلف مانيب فـي مدحهـم غلطـان=علـى الطيـب ماتبغـى المـدرب يدربهـا
ومن هازهم في نقص يرجع وهـو عميـان=يعـود علـى نفسـه وربـعـه يشذبـهـا
لنا بنجد عشر قرونٍ من الدهر سكان=وتشهـد عليـه اهـل التواريـخ بكتبـهـا
بعـز ومعـزة مانزلنـا علـى حـقـران=وسيـرة كرامـة والـعـرب ماتغاربـهـا
هل الدين يـوم ان العـرب تعبـد الاوثـان=لدعـوة محمـد مـن كفنهـا عصايبـهـا
هذي نبذة عـن مجدهـم ياسـود الكرعـان=وانـا ادري لكـن ادر مانتـب معيبـهـا
تطاولت كفـك ميـر دون العنـان سنـان=وحربـة وريـد مـايـداوى مصوبـهـا
ولوانك خذيت الوعظ مـن نملـة سليمـان=ماوديـت نفسـك فـي جهنـم تدردبـهـا
تذم الرجال اللـي لهـم فالعـرب برهـان=وربعك تخاشرهـا السلـق فـي غبايبهـا
وحتيش لو تـروح مـع نايـف وسلمـان=سلوقـي قنـص ماعـزك الامصاحبـهـا
ولاضرنـا هرجـك وشـرواك ياكوبـان=يالينـه يعـود مشـرق الشمـس مغربهـا
ولاهـم بداريـن بهرجـتـك يالوجـعـان=ولانبحتـك مـادام فــالارض جاذبـهـا
اقوله وانـا شاعـر قبيلـة وسيـع بطـان=ادوس الـدروب الصعبـة ولا تصاعبهـا
واحامي عن اللابـة مثـل مافعـل حسـان=بشعـره علـى كفـار مـكـة معذبـهـا
ولاهمنـي لويفـزع فــلان والا فــلان=ولا الحيـة اللـي ترضـع السـم عقربهـا
ولافالقبايـل نقـص كـل العبـاد اخـوان=لاشـك الخبـول ليـا استطاشـت نعقبهـا
رمينا الـردي باللـي تصمـم لهـا الاذان=تزلزل وهي في نجـد قمـة سـراة ابهـا
تطارد قوافيهـا مـع الصمـد والضلعـان=ويغني بها اللي ماعـرف ويـن مضربهـا
ولاقلـت قـول الا وانـا موكـده وكـدان=ويشهدلـي التـاريـخ مانـيـب جايبـهـا
ولاخير في شعر علـى الكـذب والبهتـان=ولاشاعـر ماعـز ربعـه وشـاد بـهـا
ولافي رجـال ترتـع بعرضهـا الرديـان=ولاتـردع الرديـان عـن قـلـة ادبـهـا
رفيق الوفا ندمـح لـه الذنـب مهـا كـان=وننسـى ذنوبـه يـوم يخطـي ويذنبـهـا
وراع الردى نطلى علـى قلبـه القطـران=ونسقيـه كيسـان الشـري ليـن يصربهـا
عسفت القوافـي والشعـر للعـرب ديـوان=وفرقت في مخطـي السوالـف وصايبهـا
ونظمتهـا عقـد مـن اللـول والمرجـان=بجيـد القبيلـة عقـد عــذرا لخاطبـهـا
ولاقلتها ابغى من وراهـا جـزا واحسـان=غنـي عـن العالـم وخشـرة رواتبـهـا
ولانيب كامل غيري اكمـل لكـن مشتـان=ونبـذة بسيطـة ناضـج الفكـر هذبـهـا
واصلي على محمد واذا كان بـه نقصـان=هـذا جهـد نفسـي والله اللـي يحاسبـهـا

[/poem]

ناصر حضرم العنقودي
04-19-2007, 02:02 AM
يانعنبـوك افتخـر بـي لاتعاديـنـي
تراي عزّ لـك وتـاجٍ علـى راسـك
وان عـاد عاديتنـي مانتـه بقاوينـي
تنهار لو قلت متمسك ومتماسـك
ضعيّـفٍ لـو تجـرّا.. ماتجاريـنـي
زود الحسـد مخطـرٍ لايكتـم انفاسـك
ان كنت مغتـرّ انا..فالـرب مغنينـي
والا انت وش فيك مغترٍّ على افلاسـك
ماودي ان اصبعي يرجع علـى عينـي
وان كان هذا اختيـارك غيّـر لباسـك
ماكل يـومٍ بلبـس الصاحـب تجينـي
وان غبت ..تطبخ عليّه في القدر فاسـك
سعيت فـي ضدتـي عـامٍ وشهرينـي
لين كسحتـك البـروق ودجّ عساسـك
واليـوم ملفـوظ لادنـيـا ولاديـنـي
مطرب رصيفٍ كسر عودك ومرواسك
هدّيت عنك..وتَحَسْب انْـك امتعدينـي
في مجلسك تنقـد ..وتنقـدك جلاسـك
والله مابـي لـك مخـوّة لاتخاوينـي
ماني مخاويـك ولا اخـاوي اجناسـك
مانيـب متكبـرُ ولانيـب مسكيـنـي
لكنّ مـن دون حقـي كاسـرٍ كاسـك
والكلمـة اللـي كذبـت وقلتهـا فينـي
من غيظك اللي حَرَق بنّك ومحماسـك
لاتتعـب الفرت..يامـا بينـك وبينـي
دونك سراب الخلا..لاتضرس اضراسك
انا ابن عمك..لو انك جيـت ناصينـي
على الوفا والكرم ..بادلتـك احساسـك
لكـنّ حاولـت تصغرنـي وتقصينـي
ونزلت تحت الكفر لين الكفـر داسـك
هـذي ميادينـك وهــذي مياديـنـي
ونشوف وش يظهر من القدر ملاسك

ناصر حضرم العنقودي
04-19-2007, 02:04 AM
السلام عليكم ورحمة الله وبركاته

هذه منظومة بديعية(ألفية) يغلب عليها طابع البديع مجاراة لألفية ناصر الفراعنة
على حروف الهجاء
كل حرف له ثلاثة أشطر والرابع قفلها
كل ثلاثة أشطر تبدأ وتنتهي بالحرف الذي عليه الدور فمثلا في حرف الألف
الشطر الأول يبدأ ب(الف)وينتهي ب(تلالا)بدأ بألف وانتهى بألف وكذلك الشطر الثاني والثالث ثم الرابع يبدأ ب(ألف) وينتهي بقافية القصيدة
هذا مع الشقر في قوافي القصيدة
والفكرة فكرة ناصر الفراعنة إلا أنه جعل لكل حرف بيتين

الالف الف قافٍ تتالا تلالا=أبت من حشا جوفي الا انتلالا
ازايم قرين لاهيجنت لالا=اسمي وسمّه وسمني بغيه
على البا بداية عناي وعذابي=بشوف ابو بيض ثمان عذابي
بلى قلب من التولاع ذابي=بلية ولا اعظم ولا اكبر بلية
على التا تلفت ولافات ولافتّه=تندمت وقلبي حرام لأفتّه
ترى من لافادك حرام لافدته=تموت بغبينة وتحيا بأذية
على الثا ثلم حد صبري حديثه=ثلوم قدام وثلوم حديثة
ثبت ذكرنا من عدن للحديثة=ثبت بأن مافيه زيي وزيه
على الجيم جيت له والليل داجي=جري الهوى لاضوى الليل داجي
جزاني عليه بضربة وداجي=جزاني على كل حسنة بسية
على الحا حرمني والاريا جوانح=حياله جوانح بكل الجوانح
حرمني ونح ياسجين الجوى نح=حظوظك ردية ونفسك شقية
على الخا خذا اول شبابي وشرخه=خذل صبري القلب من كبر شرخه
خذه كن به ورع يشب شرخه=خلل خل جسمي خليةخلية
على الدا دواعج عيونه بها الحد=دمار وطعن بحدٍّ عدا الحد
دواهٍ من يشوفها امن ثم الحد=دبل ثم آمن دبل مع نبيه
على الذا ذبح من هذا به وهذا=ذَهَل من ذُهل به هذى به وهاذا
ذوى من وذى الناس له وهوه آذى=ذنوبه كبيرة ونفسه برية
على الرا رموشه بدت في حجرها=رمت ظلها بالوسع ماحجرها
رمي العين منها يفلّق حجرها=رواسي الجبال تخشع كيف بيّه
على الزا زهى به حريره وخزه=زهابه سلاحه بنظرةوخزة
زواني بحب كبر ضلع خزة=زبن في حشا الروح ميتةوحية
على السين سلهم وجوّدت راسي=سباني وانا اول ثقيل وراسي
سطا فوق كل المزايين وراسي=سطت عينه بخنجر حضرمية
على الشين شفني لاصبحٍ ولاعشا=شريد شقي مثل الاعمى والاعشا
شواني الذي لو شوى العود الاعشى=شنا الشعر واخلف هواه الهوية
على الصّا صريح الهوى لو اقصه=صرم راسي السيف الاملح وقصه
صلاني هوى بو جديل وقصة=صباي ومشيبي خذاها هدية
على الضاد ضيمه بعد لو اعرضه=ضرره اخلف طويق طوله وعرضه
ضرى بالدلع مير مصيون عرضه=ضميره رضي لو طبوعه عصية
على الطا طهارته عن كل واطي=طوى اهل الطمع فوقهم صار واطي
طعني ونفضني بمليون واطي=طلع كن بالقلب مقشع طمية
على الظا ظلمني واثار الحفيظة=ظهدني لكن زود حبه حفيظه
ظفر بي وله زود حبه حفيظة=ظعن بالفواد ودرج به رحيه
على العين عين الذي مايراعي=عليها فنى الفكر وافنى يراعي
عطبني طرف سهم طرفك ياراعي=عيون تخلي طمية مطية
على الغين غُرته غَرته باغي=غرامه (غرامة)وللبغي باغي
غرير على حبه العقل باغي=غدر بي بظلمه وبغيه وغيه
على الفا فديتك تكفّى وتكفى=فديتك بتكفى وتكفىوتكفى
فلاشك قبل دلة الحب تكفى=فراقك وشوفتك حل وقضية
على القاف قبل نتفرق دقيقة=قتيلك لك اغدى الجليلة دقيقة
قل له يخلط فوق سمنه دقيقه=قسم لك قسم ماقسمت السوية
على الكاف كان ان صدك حلالك=كتمت لك غيظي وروحي حلالك
كذب من يحبك ويجفى حلالك=كما ان الهوى قصته سرمدية
على اللام لو تدري بحل حالي=لك الله ان تبادرني بحل حالي
لُهو بعهد كم حول بحل حالي=لجور الالم والامل في لظية
على الميم ما احلا علوم النداما =مع احلا النداما من احلى الندى ما
مروي الظوامي مسلي الندامى=من إغضا الغضي والغضى غاظ فيه
على النون نونٍ وصادٍ وعينا=نثيلةوليل وحجاج وعينا
نغامر ولا كننا قد وعينا=نوى بالشعر ينصر المانوية
على الها هوى من هوى ام الدواهي=هوى ام الدواهي لو ام الدواء هي
هنوف سبب كل قلب دوى هي=هذا لي ثمان سنوات بهبية
على الواو وقتي شوى الحال ضوه=وانا في دياجره من عقب ضوه
ويامسرح العلم لاهنت ضوه=وكم لك على ماش روحة وجية
على اليا يموت البنادم ورايه=يعذرب زمان به الجور راية
ياوقتي لاقدامي ولاورايه=يديني فقيرة وروحي غنية

ناصر حضرم العنقودي
04-19-2007, 02:05 AM
ان كان تزعلك المزوح ازعل وعمرك مارضيت=واضرب براسك في الحجر واشرب من امواج البحر
ماعاد لي خلقٍ علـى مـداراك كانـك مادريـت=صبرت لين الصبر ماعاد له فـي قلبـي صبـر
الاولـة قلنـا خطا..والثانـيـة قلـنـا نسـيـت=والثالثـة لاتعتـذر ماعـادلـك فيـهـا عــذر
من عاش قبلك عاش بعدك..قبلك وبعـدك حييـت=ولاحدانـي عنـك ذل..ولاحدانـي لـك فـقـر
يوم اني احسبك آدمي وانـا اتواضـع لاحكيـت=واليوم زانـت صفقتـك بالكـف يالوجـه الغبـر
اثرك تحاول ضدتـي عـزالله انـك ماستحيـت=وعزالله انـي لـو الـدّ العيـن فيـك ان تنثبـر
حلمي نهانـي عنـك والاّ والله انـي قـد نويـت=مير افلح افلح قبل اهوّن وارجـم ابليـس العـور

ناصر حضرم العنقودي
04-19-2007, 02:05 AM
قمر خمسة عشرخمسةعشرعمره عمر في الروح=قصور من الهوى مابين مرباعه ومصيافه
ورا شمسه ظلامٍ واردٍ فوق الكثيب يلوح=وفي خديه وردٍ مستحي من فمّ قطافه
دوا...من لادوىجرحه..دوى الجراح والمجروح=من يشافيه باشافيه حاش الطيب باطرافه
لاسلهم سلّ هم ..وهم سلّ الروح لين تروح=تعاقَب فيني همومٍ تعاقب كل من شافه
وانا والله لولا الله لاجوح اللي حداني جوح=صعَب والاسهَل ..ولد سهل لو عفّ ماعافه
لياشفت الهمج تشرب هماج اشرب من النقروح=اناوشلون اعيش بلاش ماني لاش ولفافة
صبرت اعن المحرم والمباح وباح سدي بوح=ولايدري ان روحي يومي احوفه على الحافة

ناصر حضرم العنقودي
04-19-2007, 02:06 AM
لاتبلع الريق عطني منـه لوقطـرة = جرح جرحته بقلبي يالغضـي داوه

قطرة من الريق تشفي علة خطـرة = ويطيب قلبٍ بها كنـه علـى تـاوة

يازين حبك معي من خلقتي فطـرة = ماهوب حب عرض ويزول بغشاوة

طولت في صدتك والنفس منشطـرة = وان كان به ذنب باحساني معك ساوة

وش حيلتي فيك كانه كبـر وبطـرة = ليته زعل وادفع عيوني لك رضاوة

طال العنا والمعنى ماقضى وطـره = واكبر نصيب يفـرح قلبـه شفـاوة

ياما من الضيم كبدي منـه منفطـرة = مافاد فيهـا عزايـم شيـخ وتـلاوة

ناصر حضرم العنقودي
04-19-2007, 02:07 AM
اقفت شهد والشهد من بين اشافيها=بالموت الاحمر مكحلةٍ محاجرهـا

يتعب صبي عينهـا مالحـق تاليهـا=من وسعها جفونها كنهـا تخدرهـا

بنتٍ تعلك الدلع والزيـن مطغيهـا=لاسلهمت والهمت بالقيل شاعرهـا

لاواهني مـن يحـط يديـه بيديهـا=على سرايـره تخبـره بسرايرهـا

هي منوة الروح لوتلحـق تمانيهـا=منيّتـي. منوتي.تقـدر ولا اقدرهـا

خمس سنواتٍ وقلبي فـي مخابيهـا=ولادرت درّتـي باللـي يـدورهـا

لاواهنـي المعافـى مـن بلاويهـا=مازينـت دونـه بقلبـه خناصرهـا

ماهيب يمه.وهـو يمتـه اراضيهـا=الطفلة اللي رمت به من عثايرهـا

بنت تقاطر حـلا والـرب حاليهـا=وكن الحيا قام يقطر بيـن اظافرهـا

بزرٍ على العشر والخمس بمباديهـا=تـو النواهـد مفتّقـةٍ زرايـرهـا

ثقيـلٍ وقوفها.عـجـلٍ تراكيـهـا=وبالشعر تلحـق ردايفهـا نثايرهـا

سبيب شقرا تنومس مـن يصاغيهـا=وانا اشهد ان المخاطر من تمخطرها

ماتدري ان الحلا اللي ينذكر..فيهـا=ربي على الزين والاداب فاطرهـا

ناصر حضرم العنقودي
04-19-2007, 02:07 AM
مل قلبٍ من عطب وقتـه عطيـب
والمصايب مكّنت فيـه الصـواب
مـن تَعاقَبـه العقايـب مايطيـب
ولايذوق الرجل عذبٍ من عـذاب
لي ثمان سنيـن ماجالـي نصيـب
يانصيـبٍ مابعـد كمـل نصـاب
ماحدٍ يشره على الوقـت الغريـب
يوم شيب مـن غرايبـه الغـراب
انلجم من فجعة الخطـب الخطيـب
ومن عذاب الهم قلـب الذيـب ذاب
كيف اباصبر والحشا حشوه لهيـب
مايطيب مـن اللهيـب الالتهـاب
انتقلـت مــن الطفولةللمشـيـب
ماتمتعـت بطرابـات الشـبـاب
آه لـو ان النـدم يمكـن يثـيـب
كان اشق من الندم بيـض الثيـاب
مير ياقلب العنـا ضـاع الذهيـب
اعجزك بـابٍ وراه الفيـن بـاب
المقفّـي راح والمقـبـل بغـيـب
خلك لصكات وقتـك ليـث غـاب
اقنع بما كتـب والحـق المصيـب
قافـيٍ وقتـك وقافيـك الذهـاب
ولاتبرق في الزمن حصني وذيـب
ولاتلحـق وقتـك التالـي عتـاب
ليتني عاصرت جسـاس وكليـب
ولالفيـت بوقـت يعـز الكـلاب
عالم تضحك معك من غير طيـب
كنها قصور خوى فيهـا الخـراب
مايشيل لك الحـراب الا الحريـب
انتبه تخدعـك غـدران السـراب
مايفكـر فـي اللبـاب الا اللبيـب
والغرير يغـره غـلاف الكتـاب
والعرب متفاخته سـرح وعزيـب
آحدٍ يُسحب واحد فـوق السحـاب
وكان ماجا الفرق في اليوم الصعيب
كلنا صلب وترايـب مـن تـراب

ناصر حضرم العنقودي
04-19-2007, 02:10 AM
اه واهماه صار الصدر للهم دار = الهموم سهول حالو ومرعاها الصدر
وكل واحد للدهر معه صولة وله كار = محد سالم سم سهمه ولو طال الدهر
ومل روح للهوى مطلعه صك العسار = سلها سلال الارواح ما عدّ العمر
كلما امسو طار حلو الكرى والحلم طار = اه لو الحلم صورك لو رسم وصور
والهوى لو هو سحر راح ماروع واحار = صار للوسواس وسط الصدر ورد وصدر
حرموك وصار معك الهوى المعسول عار = لو اهومك هوم صار المطر دم حمر
حال حول الحول وطعم العمر مر المرار = والسهر واكدار الاعوام الاولى ادهى وامر
لو سلا العالم لك الروح مع عمر دمار = ولك راس طوعه دهره العسر الكدر
ماروى الما كود واردك لو للحد سار = لا ورد سلسالكم وصرعه حد الحور

ناصر حضرم العنقودي
04-19-2007, 02:11 AM
طواغيت الشعر بين الضلوع الحدب منجنه=اجاهدها سنة لين ارهقتني من مجاهدها
تهيضها هواجيس بوسط الصدر مكتنه = مصادرها تضايق كلما تاسع مواردها
يالين اعفيتها من حبسها وارخيت الاعنه = بغى يفرى النحر من مدرج فوادي تطاردها
وانا والحمدلله والفضل والشكر والمنة = خبير في ردارات الهجوس وفي مراصدها
اعدلها وابدلها وامشيها على السنة = واحللها واعقدها وانقدها وافقدها
وانا ماني علي كيف الضعيف ولا على ظنه = معلمها على اللين وعلى الشده معودها
وانا نار تلظى للعدا ولصاحبي جنة = تخير يانديمي بينها لاشك تاجدها
ومن لا جاز له فني حرام امشي على فنه = قوانين المخوة بالخطوط الحمر احددها
قوانين المخوة من توطاهن توطنه = قوانين الصرامة والمخوة من قواعدها
غني عن مجاملة الردي وادري عن الهنة = ليا عاينت خاينة القلوب ابدت شواهدها
ترى الغشاش تبطي شرهة ابهامه على سنه = لكن اهل القلوب البيض ترفعها عقايدها

ناصر حضرم العنقودي
04-22-2007, 02:40 AM
وش علم بعض الناس ينسى مساويه
ويشوف في كل الخلايـق مسـاوي
يزعل من اللاشي ,ولاشي يرضيـه
ولاشي عنده منه يسوى الرضـاوي
ولوتخيط افمه وتنطـق لـك يديـه
وتشهد لك ضلوعه بما الصدر حاوي
ماارهى يعد الحق لوكنـت معطيـه
حقه ومرهي لـه بكـف رهـاوي
يبغى خفيف العقـل نـاس تلاويـه
واللـي حصاتـه راسيـة مايـلاوي
يحلهـا والقلـب علـى كراسـيـه
بهجر جميل ان ضاع طب المـداوي
والشاني الابتر يضيع الرجـا فيـه
وان كان تقـدر سفهتـه لاتـراوي
كل يحب المـدح لوكـان مخطيـه
والمدح صعب مرسنـه مايخـاوي
لازلت اوالـي ذا وهـذاك اعاديـه
والثالث امشي معه وانـا متسـاوي
القرم نمشـي لـه والاخـر نمشيـه
وتبدي الليالي كـل علـم قصـاوي

ناصر بن عبود
05-31-2007, 01:13 PM
ارحبي ثم ارحبي ياحيها من طلة=ربعت منها الضماير بالربيع الواني
ارسلي ذرة حنان وهاك قلبي كله=واطلعيني من شقا جوي لجوٍ ثاني
ولاتلوميني ترى ترا روحي معك منتلة=يوم اشوف الشفة الحمرا واعض لساني
الضعيف اللي سواتي من لقلبه من له=مايبي الا منك لحظة تنسي الاحزاني
ماهقيت اسلم واحرر روحي المحتلة=من مفاليج الرهاف ومثني الحجاني
ومن سواد في بياض والرموش تظله=لارمت ماعاد اعرف ابوي وش سماني


رابط القصيده الأصلي (http://www.suhol.com/vb/showthread.php?t=4349)

ناصر بن عبود
05-31-2007, 01:18 PM
ياليت لارصدة الذهب راصدينا=ترصد مصادر من يصادر شقانا
تبحث ملفات اسهم المسهمينا=وتصفي الصافي ويصفي سمانا
الاسهم اللي بين كمّ وكمينا=تطلع وتنزل ما اختلف مستوانا
سر ياقلم يفداك من بار فينا=واصرف من كنوز الحشا لاتوانا
البخل بالماجود عيب علينا=والســرف عنه اللي عطانا نهانا
نسري مساري الذيب لامن سرينا =ولانمسح دموع الجبو والجبانا
وعاداتنا نعطي مثل ماخذينا =ولانستغش ولانخون اخويانا
وصدورنا وسع الفضا لافضينا=مير العيون حراب قدم حربانا
واللي يكن لنا مثل ماكنينا=كنا كماهو حيث كنا وكانا
وللسارق المزاح قطع اليمينا=والا عصينا الله فيمن عصانا
نشهر سيوف العز للمعتدينا=ونخفض جناح الذل بين اصدقانا
حنا بطيب اجدادنا ما اكتفينا=ولو عمر بن كلثوم جرب وفانا
ماقال (هبي بصحَنك واصبحينا=مير الله انه لايضيع جزانا
وان كان صار الشك مثل اليقينا=ماهوب ذا اول ميلها اللي وطانا
تخيب فينا هقوة الخايبينا=وتصدق هقاوي القرم فيما هقانا
ومن لادرى عنا عنِه مادرينا=واللي عطاه من النعم مانسانا
واللي فمه مرٍ طوال السنينا=يذوق شربه مر لو ماه مانا
والله يبيض وجه من لامشينا=اما ذكرنا بخير والا نسانا
مكارم الاخلاق للمومنينا=وحثالها لاهل الهوى والهوانا
ندرك ونترك وان وعدنا وفينا=وعن خصمة الارذاال نكرم لحانا
على النقا ماننزوي لادعينا=ولانشرف واحد مادعانا
واهل الحكي من يمنا مفلسينا=مانعطي الناشد كناين خفانا
والرجل لن ماصار عقله رزينا=وطليق يمنى وله وجه ولسانا
والا ادع له بمرافق الراحلينا=الموت ستر للمعاور وامانا


رابط القصيده الأصلي (http://www.suhol.com/vb/showthread.php?t=3722)

ناصر بن عبود
05-31-2007, 01:23 PM
متى تقال الكلمـة اللـي علـى البـال=ان كان هـــذا الـيــوم ماقلتـهـالـك
مـن عـام وانـا ودي اقولـهـا وذال=واليـوم قهوتنـي الشجاعـة دلالــك
اشكي عليك ومنك من بعض الاحـوال=واخاف اضيـع حجتـي مـن دلالـك
مانـي مـحـرج للمشـاعـر ودلال=انت الوحيد اللـي فـوادي شكـى لـك
وراي أنا اسأل عنك لاغبت في الحال؟؟=واغيب انـا وتبخـل علـي بسوالـك
كانـه تغلـي منـك ياسمـح الاقبـال=فانت الغـلا كلـه وكـل الغـلا لـك
ولاهوب ناقص في الغلا عنديِ سـوال=الا يزيـد مـن الجمـال بخصـالـك
وكانه وسـع بـال وبـرود وتمهّـال=عسـى الله يهنيـك فـي وسـع بالـك
وكانـك تبينـي فيـك اغنـي بمـوال=قل لي.. متى دور قصيدي بدالـك؟؟؟
اقدع ثمـر قلبـي جزيـلات الامثـال=انـا وقلـبـي والمثـايـل حـلالـك
ياسعدها مـن لحظـةٍ بيـن الابطـال=ابطـال فلـمٍ قصتـه مـن خيـالـك


رابط القصيده الأصلي (http://www.suhol.com/vb/showthread.php?t=2692)

ناصر بن عبود
05-31-2007, 01:29 PM
ياجـمـال الـكـون يـاكـون الجـمـال=فـي جمالـك كـون الـكـون الجمـيـل
عـن لسـان الحـال مـانـاب المـقـال=والبـكـا والـدمـع مايشـفـي غلـيـل
حـلـل الـحـرام تحـريـم الـحــلال=ولايحـلـل لــك حــرام الا حلـيـل
كلمـا عزيـت جــال طــاح جــال=والله انــي ماهقـيـت انــك بخـيـل
مـيـر يـالـذة حيـاتـي والامـــال=اســق عـبـار السبـيـل السلسبـيـل
والله انــي يـمـك اشــد الـرحــال=وان وصلتـك كنـنـي عـابـر سبـيـل
اتـعـدى البـيـت وانـاظـر شـمــال=خايـفٍ عليـك مــن قــولٍ وقـيـل
لـي علـى هالحـالـة سنـيـنٍ طــوال=مافـرحـت بشـوفـك الاجـنـح لـيـل
وانـت خابـر غيرهـا مـالـي مـجـال=والحسـيـب الله وهـونـعـم الـوكـيـل
يــدرج المـحّـال ويـحـل المـحـال=وان غـدت مالـي علـى حظـي سبـيـل


رابط القصيده الأصلي (http://www.suhol.com/vb/showthread.php?t=2381)

ناصر بن عبود
05-31-2007, 01:34 PM
هات القلم هاضت هجوسي بالابيـات = بغيـت اغالبـهـن لـكـن غلبـنـي

اصد عـن محرافهـا كـل ماجـات = وعجزت عـن مظهارهـن واخلفنـي

وانـا تهيضنـي العلـوم الطريفـات= واصـد دون العـور وتصـد عنـي

(وجزل الشعر يبقى ولو صاحبه مات)= والا خجاعيـب الضعـوف يغـدنـي

لو لوّنو صفحاتهـن فـي المجـلات = محـد درا عنـهـن وصفحاتهـنـي

وحتيش لو ذاعو بهن فـي الاذاعـات = وحتيـش لـو غنـى بهـن المغنـي

الشعـر ماهـو بالغنـا والدعـايـات = ولاهو تجـارة كـل نيـص مصنـي

والشعـر ماهـو للعبيـد المهـبّـات = وبحـوره يعقبـون مـن دونهـنـي

ولاهـوب للـي بالتمكيـج مضـراة = اهـل التخنـث والـدلـع والتثـنـي

عنّ الفرس يالاحـق ارواح الامـوات = لاتحسب ان شهرتـك فـي سبهنـي

من علمك نظم الغزل في الخونـدات= الاقصايـدهـم لـكــن عـدّهـنّـي

ولانتـه بلاحقهـم بنقصـان هيهـات = الناقصـات تعـود فـوق اهلهـنـي

ماتقصـد الا بالحشيشـةوبالـقـات= لكـن خـل الهـذرمـة والتجـنـي

فكّ الشعر مـن عهّـر المسرحيـات = اللـي خجاعيبـك بـهـن امتلـنـي

ولو كنت رجل ولك ديـن وعـادات = شيمـت نفسـك دون هـنّ وهـنّـي

ولارضيـت مقـابـلات المذيـعـات = اللـي خـذنـك فــي محابيلهـنـي

تحسبه حـب واثـر دونـه عـداوات = ليـن فضحنّـك جعلهـن يفضحنـي

الفاصخـات مـن الحيـا والخبيثـات= لكـن كـفـوك جلـسـة بينهـنـي

والشعر لو يفتك من بعـض الافـات= رد الـغـرايـب دون ميـرادهـنـي

ولاتاجـرو بـه عابديـن الريـالات= بكـل بدعي لبـس ثـوب سـنـي

ولاصوّرو على الغـلاف الحسينـات = ثـم تاجـرو بالسـوق بوجيههـنـي

على حساب الشعر واهـل المـروات = حتـى غـدا فـي كـل يـوم بتدنـي

وجهة نظر منـي وللنـاس وجهـات = واقولهـا للـي يبـي العلـم مـنـي

ناصر بن عبود
06-07-2007, 03:26 PM
ياليت الاحيا تنشد الاموات=اوترجع الموتى على الحياة
كم راح سر في القبور وسيرة=وبقى بعدها لغزها مامات
نفس كما الحية ونفس حية=والموت واحد ماعنه منجاة
اخذوا لهم مهلة وجاميعادهم=هيهات يرجع مامضى هيهات
قطعوا من الدنيا ولاعاد لهم=لقوات ولا اقوات ولااوقات
وحنا على الجرة نشيل الجرة=وبتنكسر مرة من المرات
لولاشهادة لااله الا الله=كان انشوينا من لظى الحسرات
يالادمي لاتخدعك بالمنظر=دنيا دنية كلها نكبات
لابد من يوم تريح اكرامك=اللي على الحسنات والسيات
ولاتشكي الا للولي همومك=احزم ضلوعك واصدم الصدمات
ترى البشر نمامة منانة=جميعهم عقارب وحيات
كم واحدينشدك كنه مشفق=عليك..وهو من اول الشمات
يبغاك تضعف له تبيح بسدك=لك منه حاجة وهو له حاجات
ترى الصديق اندر من النوادر=احذر يغرك صاحب الغايات
تعرف صديقك كان طال به المدى=بالصدق والتقدير والفزعات
لاصار لامتكبر ولاحاسد=ويفزع قبل تنخاه في الوقفات
ماحل عقدة ودك ولاوده=ويذب عن عرضك بطيب الذات
احذر تفرط به وخلك مثله=وادمح له ويدمح لك الزلات
واما المظاهر والوجيه الضاحكة=احذر يجي لك عندها مشهاة
واترك ضعيف الراي لاتفزع له=لو هو حبيب يردها نكبات
وخل الذي ينكرك لااقبل صاحبه=ترى النسا ماتنوخذ خوات
واحذر يجي للحق درب يمك=والاترى الباطل قليل اذاة
وبعض العزايم طردة مقبولة=ماهي على الماجوب والعادات
ومن يرمي العربان هدوا قبته=تنحاف غرة حايف الغرات
اما ضلوعي مرتع لدموعي=واما فوادي مرتع الروعات
درتي علينا يالليالي باللي=فاجا القلوب بصرفك مفاجاة
يامل قلب والله انه غادي=تمازعته ايامه العجلات
لياتذكرت الزمان الاول=بكيت لوماكان به لذات
ابكي على اللي فاتني باسبابه=لو البكامايرجع اللي فات
ياعين لاتبكين والا فابكي=مليت كثر مجاهد العبرات
وش خانة لدنيا وطول ايامها=دام المنايا دون الامنيات
والله لو اني على العدلات=ماانشد عن الاحياولاالاموات


رابط القصيده الأصلي (http://www.suhol.com/vb/showthread.php?t=10465)

ناصر بن عبود
06-23-2007, 07:53 PM
في خاطري شرهة وفي شرهتي لوم=وفي لومي عتاب وعتابي محبة
وللحق مقطع والحقايق لهايوم=واليوم له وعد ولموعده ربه
ماني لمن لايلتزم لي بملزوم=من بغضي لبغضه وحبي لحبه
ارجوك قد جربت من كل مقسوم=يوم تجي لي طيحة ويوم طبة
اما امش لي ممشى على عرف وسلوم=وادر ان كاس الذل ماينشرب به
والا تراني بارسل السهم مسموم=والموت لايلعب ولاينلعب به


رابط القصيده الأصلي (http://www.suhol.com/vb/showthread.php?t=10688)

ناصر بن عبود
07-12-2007, 07:02 AM
مساجلة مع معجب محسن المطيري



اقول /




قـرّي بنومـك يالعيـون القريـرة=دام الليـال بخيـر ينـور قمـرهـا
يلقى السهر غيـرك عيـون سهيـرة=حمرٍ تخالـف قدرهـا مـع قدرهـا
تشكي من خيـول الزمـان المغيـرة=كم غدرة له فـي الغـداري غدرهـا
بليـت بهمـه يـوم همـت بخيـره=وحطت عصاها اللي قشرها شقرهـا
سر ياقلـم بابيـات شعـر غزيـرة=نقـوة هواجيـس (سطرها)سطرهـا
واكتـب سلامـي للوجيـه السفيـرة=بابيات شاعر من صخرها صخرهـا
سلام ياللـي مايبـي القـاف غيـره=لو غارت الدنيـا وكبـرت غيرهـا
ياشاعر المطران صافـي السريـرة=راع العلـوم الوافيـات وبحـرهـا
يامعجب اشكي لك من الوقت سيـرة=والنفس شكواهـا تخفـف ضجرهـا
اشكي عليك ظروف وقـت مريـرة=وانا ادري انهـا واطيتـك بقشرهـا
يامـل قلـب خطـرتـه تستثـيـره=بعض الخواطر كالمخاطر خطرهـا
الهـم سيـف صـار قلبـي جفيـره=خلخل خلايا القلـب حتـى سعرهـا
لو كنت داري بالزمـان ومصيـره=عزيـت فيـه امـال قلـب عمرهـا
ولارحت امني النفس منـه البريـرة=اللي على بعض النفـوس احتكرهـا
والامـر لله جعـل فالامـر خيـرة=لو ان جربها ظاهـر فـي ظهرهـا
واللي رضا من دون جيرتـه جيـرة=من جورها ماعاد يرضـى سيرهـا
متعزوي باهـل السيـوف الشطيـرة=اللي تشكى عصرها اللـي عصرهـا
واتكسـر الحيضـان كـود العثيـرة=حسبي على اللي عن نهرهـا نهرهـا
من قصرة الطايل تطـول القصيـرة=يقصر طوايلهـا مطـول قصرهـا
هبيـت ياوقـت كسـرت الجبيـرة=بجبـارة كسـر الجبايـر جبـرهـا
وين الرجال اللـي تبـوج الجزيـرة=اللي بحـد السيـف تحمـى ديرهـا
في ارض المعارة دون فرض المعيرة=بأيمانـهـا وإيمانـهـا مفتخـرهـا
ماهم بنـاس فـي السنيـن الاخيـرة=في غفلة من قـص اثرهـا عثرهـا
اهل الحسد واهل النفـوس الحقيـرة=اللـي عوايدهـا تمـوت بقهـرهـا
لاقرابهـا مثـل الافـاع الخطيـرة=لكن تمـوت وسمهـا فـي نحرهـا
يحرم علي مجـال اهـل الجريـرة=ماادفـن جرايرهـا واتبّـع جررهـا
وشلون ابارضى مع سيرهم مسيـرة=مـادام لـي عيـن يقـدي نظرهـا
ودم ياولـد محسـن بحـال ستيـرة=ومجار من جور الصدوف ودهرهـا
عسى عيونك مـن زمانـك قريـرة=وتبقى الليال بخيـر ينـور قمرهـا



الرد====



عليه من مهـدف ضلوعـي حكيـرة=يمديـه طيّـر بينهـا لـو قـدرهـا
شوطٍ يميع مـاص سلـك الظفيـرة=يلوج بيـن العـوج لكـن ماارهـى
مثل الخفير اللـي يسوسـه خفيـره=وام الاصابع في الشبيلـي خشرهـا
بالـود فـولاذٍ منـيـع حظـيـره=عوبا المحاضر لاحضرها حضرهـا
يمسـي ويصبـح والنبتشـي يديـره=مثل السنيـن اللـي علينـا خفرهـا
دنيا تغـر اهـل القلـوب الغريـرة=لوكان رسم الشيـب يمـلا شعرهـا
غنجـا تقيدهـا بخيـط المـريـرة=حنجـا تمـرد لـو يـزود مهرهـا
تبذر بها القمحـة وتحصـد شعيـرة=ولاعـاد يلقـى فيـة مـن شجرهـا
منها لبيـب القلـب يصبـح بحيـرة=ومنها القلوب يروب صافي حمرهـا
وفيهـا ومنهـا برهـا والبـويـرة=وفيهـا ومنهـا عبرهـا ومعبرهـا
وفيهـا ومنهـا الجابـرة والكسيـرة=ومنهاوفيهـا شرهـا مـع بشرهـا
من كذبهـا الجمـال يحفـي بعيـره=ومن صدقها العراف تحرق صورها
ويسرج بهاالحمار صهـوة حميـره=واهل البقر تومـي سفايـف بقرهـا
تقلـط بجـمـع مايقـلـط نـذيـره=كـم حلـة صبـح بهـا ماسبرهـا
وتدرج على الدارج رحى مستديـرة=واهل الفخر سلبـة فخرهـا فخرهـا
حي الكتـاب اللـي لفانـي بشيـره=حيه وحـي علومـه اللـي سطرهـا
شاعر ويشرح هاجسه عن ضميـره=ولياكسـب لـه معرفـة ماخسرهـا
يبـدع جزيـل القـاف مايستعيـره=وبيّـن مواقيـف السهـول وذكرهـا
اشهر مواقيـف الرجـال الشهيـرة=وانا اشهد انه من شهرهـا شهرهـا
تشكي وتشكي معـك نـاس كثيـرة=ماعاد اميـز شوخهـا مـن جبرهـا
راحو مراح مقيط في جـوف بيـره=ياكثـر نـاس دفنـت فـي بيَرهـا
وسبحـان غفـار الذنـوب الغفيـرة=ان شا غفرهـا وان يشـا ماغفرهـا
ومن يرتجـي مـد اليديـن الفقيـرة=وادجّـة الـي غذتـه مـن سحرهـا
ومـن لاتجـوّر جرتـه مستجيـره=يزبن على اللـي ماتثـرّب جيِرهـا
مثل الكويت اللي زبن معـه اميـره=على الذي قض الـودر مـن ديرهـا
ومن لاعطاه الله عـرف وبصيـره=نعطيه من عرف الرجال وبصرهـا
وراع الحسد لوهـو مريـح سريـره=والناس تنصف له رواتـب شهرهـا
كن الهـراس متـرّسٍ فـي نظيـره=صفرٍ تقطع في المحاجـر شررهـا
عنـده قناطيـر الذهـب قنطريـرة=وكـم حبـة حصادهـا مابـذرهـا
وليا اتضـح لـك بونـة بالعشيـرة=فابعد لعـل البعـد يـدرا ضررهـا
دار بـــدل دار وديـرةبـديـرة=وياطيب من عجفـا قريبـه طمرهـا
والاحمـق المغـرور لاتستشـيـره=واحذر لسانك واصدقـاك اختبرهـا
لعـل تلـقـى مـحـزم للذخـيـرة=وايـاك وعيـال النسـا تحتقـرهـا
عاينت ابن عشـوان عنـد النقيـرة=نقص العوازم فـي عيونـه دجرهـا
ومن زاد غيظـه بالخفـا دق زيـره=ومن لاعرف مسمارهـا ماسمرهـا
احـدٍ مـن الفتنـة يزاحـم زحيـره=واحد علـى متنـه همومـه نثرهـا
واحـد يـروم العافيـة مـن نفيـره=واحـد ليـارام العـوافـي نفـرهـا
واحد صقيعـه مايـع مـن هجيـره=واحـد يعبـر عبـرة مااعتبـرهـا
والسرد ثوبـه والـدوادي حصيـره=ونفـس البنـادم مـن فجرهافجرهـا
مايستحق السمـن قـرص الخميـرة=واكبر غلط تشره على غيـر شرهـا
كم من بعيـر يقتصـد مـن هديـره=بغى يطـول هدرتهـا واختصرهـا
عـوّذ ولـوّذ ينفـخ الهـم كـيـره=وكموم ثوبـه مـن وثوبـه شمرهـا
وسلك الذهب مايبتلـش بـه خبيـره=ولعـل عينـك مايطـول سهـرهـا

ناصر بن عبود
07-12-2007, 07:03 AM
شدو هل المجمول واقفـو عـن الـدار=يـا عيـن كـل اللـي وراك ازعجـي بـه
ان مـا بكيتـي منـه بدمـوع(ن) غــزار=دمعك على غير الغضي ويـش ابيبـه
حـل البـكـا مـاعـاد لــك عـنـه مـعـذار=يافجـعـتـي يـاكـبــر كــبــر المـصـيـبـه
عقـب العشـا مريـت والقلـب محـتـار=خطر(ن)ضلوعـه تنفـرج مــن ضريـبـه
بـيـن المـصـدق والـمـكـذب لـلاخـبـار=احـفـيـت رجـلــي والـفــواد بلـهـيـبـه
مـع حـارة اللـي ويـش بـقـن الاقــدار=بيـنـي وبيـنـه لاجــل يقـفـي ركيـبـه
وقفـت كـن بقلـبـي الفـيـن مسـمـار=مني البصر شاخص وروحـي عطيبـه
والـيـا ان ذا بيـتـه عـلـى بـابـه غـبـار=يومـي علـيـه القـفـل يافجعـتـي بــه
عقـب البـهـا والـنـور مطـفـي الانــوار=ماكـن وسطـه عاشـو اهـل الحبيـبـه
ماغـيـر انـشـد كـــل طـرقــي ومـــرار=يانـاس راع البـيـت ويــن التـقـي بــه
وساقتني القدره على نشـدة الجـار=اللـي مـن اول للحبيـب اعتـنـي بــه
كم لي عليه بماضي الوقت مسيـار=لاشـك عقـب الخـل ماعـاد لــي بــه
طـقـيـت بـابــه لـيــن فـزعـتـه وطـــار=ويـقـول لــي فزعـتـك هــذي غـريـبـه
قلت انشـدك بالله كلـت قلبـي النـارالـــدار= هـــذا ويـــن قـفــى صـحـيـبـه
قـال الله اعلـم مــا تـدخـل بـالاسـرار=ان كـان شـدو مـا غــدا لــي ذهيـبـه
جار(ن) بدل جار(ن) ودار(ن) بدل دار=البيـت مـن لــه فـيـه يلـقـى نصيـبـه
مـــدري بـقــى لـلـبـيـع والالـلايـجــار=والا بـقــى لـلـجـن حـــوش وسـيـبـه
ادنــــو له الدنة وشالو به جهار=والعفش منه بساعتين(ن) سري به
ولا ادري عنه وش صار عنده وماصـار=لانـــي ولـدعـمــه ولانــــي نـسـيـبـه
انــتــه تـبـيــه بــديــن والا انــــت زوار=مخبـرك انـا فــي حضـرتـه تشتقيـبـه
واقفـيـت بــي نار(ن)تسـعـر تسـعـار=تــارك ســوال الخـبـل لـلــي يجـيـبـه
والمـوق غـص بدمعتـه والـقـدم حــار=ابكـي لبيـت(ن) صاحبـه مـا دري بـه
انـا الـذي لــي عـنـده الـديـن قنـطـار=ولا وفــا لـــي رغـــم لـطـفـه وطـيـبـه
تـم الكـلام وشــد خـلـي عــن الــدار=ويـا عيـن كـل اللـي وراك افزعـي بـه

ناصر بن عبود
07-12-2007, 07:07 AM
انا ونفسي والهوى في جهادي=مرٍ تحداني ومرّ آحداها
علاجي الامال والصبر زادي=لابوك دنيا ماكفتنا غثاها
دنيا على اهل الطيب واهل المبادي=تكسر عصاها برقبة من عصاها
تعاقبت صكاتهافي فوادي=حالي مرايرها ممرمر حلاها
الامج البلوى وافاخت مرادي=الله يعين اللي ذوى من وذاها
حظي كتب لي في شقاي وعنادي=ارضى بها لو كان ما ادرك رضاها
وهمي قصوره في الضماير تشادِ=مدري متى تاصل ليا منتهاها
كنت احسب انه باد وآثره بادي=تو ماتلوّى في العروق ولواها
يجبر عزاي اني لقيت الحنادي=تحوم فوق صقورها في سماها
واهل الفعول مخضبين الهنادي=في جوعها يلحق عشاها غداها
كم من جمال روسها في المنادي=والشاة تفرس في السباع بخلاها
وانا لياكثرت على العوادي=قلبي حجر وليا ابتلته ابتلاها
اضرب بمخلابي عريض الثنادي=ما اقفا الضعوف ولا التوي في نحاها
مانيب مثل مجمعين الدوادي=عوج الهروج اللي قليل حلاها
امشي على منهاج مانيب غادي=مثل الخبول اللي تطربق حذاها
اللي مابين العجز مثل الروادي=اهل النمامة جعل يقطع نماها
اللي ليامن شافت النور بادي=تكسر نواظرها وتعطى عماها
شذّابةا لمقفي قصار الايادي=قوم علوم رجالها مع نساها
تبغى بخطاها تنعرف في النوادي=لكن خَطاها مايطوّل خُطاها
لولا الحيا اني لااهجدها هجادي=اللي تبرت والردى في رداها
الخاينة بعها بحفنة رمادي=لوكان ماهو غالي مشتراها
دام الجمل مايلتفت للقرادي=الخيبة ب عريش واللي وراها
وسوالف بن مهيد والا المهادي=ماتصلح لحجلة ولامع جراها
حجلة وسط واد وجراها ب وادي= ترضع جراهاخيب الله رجاها
ولا حرٍّ الا له ربوعٍ واعادي=من سفلة العربان ومن وجهاها
وراع الردى ما اجزاه حب وودادِ=واهل المودة بالردى ما اجزاها
اخاوي اهل الطيب واهل الرشادِ=واترك مناقيش الدبر وحلفاها
لي لابةٍ يوم اصطفاق البوادي=من بار به حظه لجا في حماها
يوم الضعيف ان شاف قوده تقادِ=زبن من يُذرّا الذّرا في ذراها
وتُردّ عنده مقرعات التوادي=غصب على اللي وده انه خذاها
رماحهم تشرق بدم المفادي=ونيرانهم للضيف يجذب سناها
سهول وان رد البرا في الريادي= ثم صرّ بالمحّال جاذب رشاها
بالماص الاشقر والسيوف الحدادِ=تحدّ من دون الحدود حدداها
من قبل تحكمها طيور الهدادي=ويزمر بها من لاربا في ثراها
الله يوقّيك الحسد يابلادي=كم فيك من ناسٍ حفظتي دماها
طاوع خطامك ياقصير القيادِ=واسلم بنفسك قبل تشوى شواها
قبل يكسّر في ظهرك الشدادِ=وتضيع من بين الثفال ورحاها
وتعوّد بخزوتك مالك ملادي=وتصير مثل اللي تسحّب سلاها
عيدين يكفن عن ثلاثة عيادي=قبل الرخوم نخصّها ونخصاها

ناصر بن عبود
07-12-2007, 07:10 AM
كل يوم اقـول مانيـب قايـل فيـك بيـت=مير هرج الليـل يمحـاه مطـلاع النهـار
احسب اني منتهي منـك واثـري مابديـت=كل مادرت الفكر عنـك عـود لـك ودار
مادري وش لاقي منك يـوم انـي غديـت=اطرد الاوهام واقضـي حياتـي بانتظـار
لوّي اطرد لي سراب وصلتـه وارتويـت=ولوي اضرب في صفاة غدت هبوة غبـار
المصيبة والبـلا انـك ذبحـت ولادريـت=ولانت طالب ثار ولا احد بماخذ منك ثـار
ليتنـا مثلـك نهـار انتحينـا وانتحـيـت=ماتوقد في محانـي ضلـوع القلـب نـار
حسبك الله والله انك علـى حالـي طغيـت=سبتك راحت حياتـي دمـار فـي دمـار
كن قلبي وسط نجـر بجـال اعـز بيـت=دنّ به للضيف عبـد تحسـب ان فيـه زار
انقصر حبل الامل وانطوى ثـم انطويـت=وايّست نفسي مـن امالهـا والطيـر طـار
قلت ما انظم حرف لاجلك وتبت وجبت بيت=واثر هرج الليل يمحـاه مطـلاع النهـار

ناصر بن عبود
07-12-2007, 07:11 AM
يقطعك ياوقتٍ لعب بالرياجيل=احد رفعه واحدٍ رفعه وضرب به
ميلٍ بلاكيلٍ وكيلٍ بلاميل = متقلبٍ ياويل من ينقلب به
سر ياقلم واكتب جزيل التماثيل= يمليك قلبٍ كل همٍ لعب به
من وقتنا اللي فيه شفنا الغرابيل=خيره يقطر به وشره يصبه
تبدلت فيه المعادين تبديل=قد نبّه اللي لو ينبه تنبه
فيه العبيد تعيّر الحرّ الاصيل=والحرّ عوّد في العبيد يتشبّه
والنصح ماينفع قلوب المهابيل=حتى تحول في وحول المسبه
واللي يعرض عرضه القال والقيل=ولايشتحن ..ناره تموت بمشبّه
ومن يامن الخاين وقع في المحابيل=ولياستشمّ الجرح مافاد طبه
ولايلدغ المومن من الراس والذيل=ومن حط يده بجحر دابٍ نشب به
والحلم منهاج الرجال المشاكيل=والجهل له حزاتٍ وله مغبة
ومجامل المخطي خطاً يبخس الكيل=ولاينغفر ذنبٍ على غير سبة
وكلّ يقدّي حجته بالدواليل=ولاينثني العاقل لبغضه وحبه
ولاينتفيّض نهر دجلة على النيل=لكل نهرّ منبعه مع مصبّه
والرابح اللي يوم فتش المحاصيل=تضحك حجاجه في كنف ظل ربه
ماعاش في دنياه منان وبخيل=ولاعاش نمام وهرجه بعبّه
دستورنا القران جيلٍ بعد جيل=للحاير ارشادٍ وللعزّ قبّة
وصدرٍ مايعمر به يعود كما قيل=لآفة حضارات الاوادم مكبّة

ناصر بن عبود
07-12-2007, 07:12 AM
يازمان الويل صار الذيل هامة=وضاعت الهامة وهامت في وهمها
مير مهما هام (هام)في المهامة=تستعيد اهل الهمم ماضي هممها
لوتفوز بقولة النعم النعامة=النعامة ماتبي تبطي نعمها
كلماطال الدجا واحلك ظلامه=شعّت نجومه وبانت في ظلمها
ولوصغير الراس كبّر في العمامة=في صغار الروس ماتنفع عممها
والمواقف تلفظ عيال الرخامة=مثل مايلفظ من التمرة فصمها
وكل رجال يبين من كلامه=والنشاما ماتخلى عن شيمها
وان بليت بواحد يجهل مقامه=احرمه من فرصته لايغتنمها
الجمل لاجاع ياكل من سنامه=مابليت بلزمةٍ لاتلتزمها
وان تمادى فاكسر بعينه بهامه=كان عينه مبطية ماحدٍ لطمها
والحسودي خوّته خوّة ندامة=وده ان نفسك تزل بها قدمها
احذره واجز ابتسامة بابتسامة=ولاتقضّب في عراويه يهلمها
ولاتحرا منه وده واحترامه=دام نفسه في رداها ما احترمها
ظل الاعوج مايجي فيه استقامة=لاتحرا جودها وانته سقمها
مل قلب مابقى دون انصرامه=كود عرقين تدليه وصرمها
الزمن في مهجتي كسّر سهامه=واشقا الروح اشهد ان جوره حطمها

ناصر بن عبود
07-13-2007, 05:24 PM
يالبّى هالعيون الواسعات الناعسات الحور=يالبى هالحجاج اللي عليهن كنه هلالي

يالبى النظرة اللي تترك الناظر دمه مهدور= يالبى اوجانك اللي من رموشك فابرد ظلالي

يالبى سلة السيف اليماني مع جبين النور= يالبى خدودك الغضة يالبى حبة الخالي

يالبى الوردتين اللي عليها السكر المعصور= عليهن الندى وتبلها من ريقك الحالي

يالبى البسمة اللي تحيي اللي فالقبر مقبور=يالبى الاظلم اللي من على الامتان ميالي

يالبى سحرك اللي مايعالج عقبه المسحور=يالبى نهودك اللي قعّد في وصف فنجالي

يالبى اللي لاشفته قلت يالبى بغير شعور=يالبى ما يالبى وش يالبى مالها تالي

يالبى اللي ليامن قيل لي بان القصيد بحور=اسجد له مقاديم القصايد غصب واذلالي

اقدم له عرايس شعري الغرا بدون مهور=واخلص من قصيدة في قصيدة فيه طوالي

ولا اصف غيره الا ارجع عليه اوصفه مجبور=ولا ابدا لي ببيت الا وهو طاري على بالي

ناصر بن عبود
07-13-2007, 05:25 PM
قدها وقدود ياسيد سادات اليهود=سوّها لاتستحي ماوراك الا حريم
كمل مخططك لاترخي اذنك للشرود=عندك كشوف الرياجيل واضرب في الصميم
عار.يالعير العور.وانت بيديك الجنود=ماتبيد الشعب الاعزل وتورده الجحيم
عندك الذري وعندك صواريخ السكود=احصهم مثل البهم في دجى الليل البهيم
وخلنا ننظر في الاخبار ونشوف الوفود=من هو اللي راح واللي لفا والله كريم
يالله بيوم عليهم تطيب به الكبود=يندحر به كل ملحد وشيطان رجيم
ترتفع به راية الحق برجال الصمود=ويشرد به اللي على الظلم مشراد الظليم
تزحف به الار ض بالجيش ببروق ورعود=اوله في القدس واتلاه في ديار القصيم
نستبيح الدار بالنار وتهج القرود=لين نطردهم ورا البحر ونفك الحريم



وهذي مجاراة الشاعر / فلاح الحنان




احترم نفسك ولا تعترض بعض الاسود=لو تفاجابه ضحا وانت في دارك مقيم
او تفاجاء تالي الليل مهجاد الرقود=وانت في نعمه ولا عاد تلقا لك نعيم
ان تعشوا وان تغدوا قرار بلا جحود=لو تطيب كبودكم كان طابت من قديم
وعد بالفور يتكرر وتنفيذه يزود=يبني بيوتٍ جديده ويهدم في الهشيم
والتجول في الحواير بعد طمر الحدود=وانته عيونك تعاين ولا اظنك غشيم
سبعه وخمسين عامٍ تذرعت اللهود=لا تمنى يوم واحد لعل امك عقيم
يوم واحد ما ينسيك ناسٍ في اللحود=ما تقوم الا بمحي العظام وحي رميم
طيعني واصلح وصالح معا حزب الليكود=وش تبي بالثار ما بعده الا سين جيم

ناصر بن عبود
07-13-2007, 05:27 PM
هذا اللي لقيته منك ياقرد حظي فيك=بلتني عليك ادنى المقاريد واقصاها
حسدني عليك الحظ وامسى السبب مخطيك=ولاحصلتك النفس ياغاية مناها
ولوتدري اني مرةٍ في الحياة ابكيك=صخفت الي مير العين ماياقف بكاها
ولو ادري اني بادرك رضاك لو ارضيك=رضيت بهواك وراضت النفس لرضاها
لكن النصيب اعديته وعوّد يعاديك= وزمانك كما عيونك على من تحلاها
غدا شِعري اسود من شَعَرك وغديت اشكيك=شكاوى قدمك من الردايف وبلواها
ليا اكملت لي فنجال ذكرني بباقيك=وانا مستحي منك اذكر علوم وانساها
وانا ماعرفت الشعر كله قبل طاريك=عيونك هي المعنى وشاعرك يقراها
اقول القصايد فيك كني مغير ارثيك=يابعد الوصوف وقرب للقلب طرياها

ناصر بن عبود
07-13-2007, 05:41 PM
من هجوس لادّرج محالها برشاها=صدّرت ماها القراح مروّي الظمياني
من غروبٍ من مثل هداج جت بملاها=مانقص صفق الجبا من غربها الملياني
يشعف الظميان صوت السانية لاوحاها=وان قرب منها نسى لايذكر الرحماني
من شرب منها يعيش العمر ماينساها=طيبها للي حفرها صار عمرٍ ثاني
انفتح باب السوالف وانتظم معناها=ياقلم سجل جوابك من فصيح لساني
الرجال سكوتها قالو دليل رضاها=كيف ابارضى عن زمانٍ جار بي ما ارضاني
قالو ان كل الاوادم عذربت دنياها=مير انا في نفسي اني بينهم وحداني
من ردا حظي وقشره صرت في ماطاها=مانفعني ضحكها الاول قبل تاطاني
مرّها لوينخلط بالحلو ماحلّاها=بكّت عيون اصدقاي وشمتت عدواني
كيف بالله عودت لي في يديّ عراها=وحذفتني مع عراها فالعرا عرياني
ان شواني صيفها قلت الرجا بشتاها=وان شتاها شتّ شملي راح ماواساني
ادفع الايام بالايام وانقل داها= في طواياها غديت بجثتي واكفاني
يرحم الله عالمٍ راحت ولاشفناها=اعطبت منا ذممها تالي الازماني
عالم راحت لسفك دميّنا بدماها =مالقت حسنى ولاشفنا وراها احساني
والليالي مع مليلتها عطت حمّاها=عمّ اهلها من عملها الذنب والنقصاني
زادها نقص آهل النقص وعدت بعداها=واخلفت عاداتها وامست بغير عناني
عشّت قراب المعشى واخلفت ممشاها=واصبح لهم شان في وقت علينا شاني
واليمين اللي تسابقها علي يسراها=عودت بالنقص والافلاس والخذلاني
ماشفقت لمدّها ولارجيت غناها=مايخاف من الحبال موطّي الديباني
العرب تظهر حميّاها من محيّاها=والشواهد من قلوب الناس في الاعياني
والرخيصة ماتهمّ النفس في مشراها=بيّنة لو بالنجش غلو بها الاثماني
والليالي مستديرة والعرب بسراها=تصفق الدلو ويطير الطين في الجيلاني
تكسب المنّة يد السابق على مبداها=والردية تنهزم في داخل الميداني
ماعلي منها هموم ولاوقفت اتناها=اشكر اللي سدني عن منة المناني
وانت ياللي تطلب الخلة ولاتلقاها=الشداد مثبتينة والبعير عماني
ماغدا الا حبتك كان درجت رحاها=مير حبة برّ ماتدرج رحى الطّحّاني

ناصر بن عبود
07-13-2007, 05:43 PM
اسمحي لي صرت انا اليوم جسم بلافواد= اكملـت صكـات الايـام منـي مابقـا
انتهى هـاك الدلـع والمحبـة والعنـاد = وان تفرقنالعـلـه فــراق بـلالـقـا
تبت ومن مصادم الوقت مليـت الجهـاد = روحي بنعمتـك خلـي مواليـد الشقـا
اتركي لي السيف والرمح وظهور الجياد= واترك لك النوم والطيب والمـا والسقـا
وانت ياقلب المخاسير زرعك والجـراد=مابلاك الا ان علمك على وضـح النقـا
وانت ياللي ترقب البيض من دون السواد= عاشـق الدنيـا ولكـن حالتـك محقـا
انت شفّك في بلاد وقيـدك فـي بـلاد =مير سندهـا علـى لابتـك والاصدقـا
فـي ملايـل نيرتـي لاتـدور للبـراد = علم اللـي ماتهقـوى وعلـم مـن هقـا
غرتك نفسك وغـواك شيطـان العـراد =ميرحوّل واترك اللي قبـل ترقـا رقـا

ناصر بن عبود
07-13-2007, 05:45 PM
قلنا عسى صدام ينقذ فلسطين= مير البلا راحت عراقه وراها
ترفد على ام الرافدين الشياطين=بعلوج الاروام وتدنس ثراها
سلام يابغداد دار الميامين=ياديرة المنصور يوم ابتناها
عشتي بعز ومجد لدهور وسنين=دولة بني العباس فيك خلفاها
اللي من المغرب ليا دولة الصين=لاقصى اليمن للهند معه ومراها
تجلب زكاة الهند له بالبعارين=وهيبته فالمغرب عدت عن حماها
يوم الرشيد مثبتك بالقوانين=في دولة مايلحق احد مداها
حمى الثغور وقوم الحق والدين=وذلل طواغي قيصر وقصراها
يومه يقول الرد شوفتك بالعين =ماهي علوم اللي كثير لغاها
الموتمر عنده بحدب العرانين=ماينخذل للروم مثل عملاها

ناصر بن عبود
07-25-2007, 10:50 AM
لامانسيتك والله انك على البال=ولو اني اقدر ماذكرتك دقيقة
اذكرك!!ليش اذكرك واشقي بك الحال=واصبح بهم منك وامسي بضيقة
وهذي سواتك فيّ ماهيب تنقال=مع كبرها ليتك تعد الحقيقة
يقطعك حب منك ماحشت مثقال=مالك طريق وعنك مامن طريقة
لوهي خسارة مال ماهمني المال=المال ماتمسكه كف طليقة
لكنها خسارة مالها امثال=شبابي وشيبي لحبك عقيقة
ان عشت في حبك حريقة وولوال=وان طبت رحت من الندم في حريقة
اندم على اني قد ذكرتك على البال=ولانسيتك ثانيةمن دقيقة


رابط القصيده الأصلي (http://www.suhol.com/vb/showthread.php?t=11166)

ناصر بن عبود
07-26-2007, 03:21 AM
افزع لي بريقك شفاياي يباس=انا عليل القلب وانت المداوي
من الظما حلقي تجرحه الانفاس=ومن الشقا ماكن غيري شقاوي
مهرك مهر موسى لكن عقبه افلاس=عشر حجج ماغير سارح وضاوي
ياواسع جفون العيون ام الانعاس=من ثقلها يذبح كسلها المهاوي
ثقيل في قومتك خفيف مجلاس=من ثقل ماتضرب عليه المطاوي
صفة رموشك عن محاجرك حراس=وصخيف الاطراف والخصر ذاوي
يميل بك نسناس وتميل الناس=لولاك مكنون وطبعك حياوي


رابط القصيده الأصلي (http://www.suhol.com/vb/showthread.php?t=11182)

هاجوس
08-13-2007, 06:52 AM
ياأهل بيت لم تزل من حبهم = كفي على كبدي وقلبي يخفق
قد كنت أخشى ظعنهم لتفرق = فرحلت والأحباب لم يتفرقوا
ماكنت أخشى أن تفرق بيننا = غول الحوادث مابقيت ومابقوا

هاجوس
08-13-2007, 06:54 AM
دعاني من ملامكما دعاني = فداع الشوق من نجد دعاني
أيضمن من لحاني دمع عيني = فأضمن مايجيء على لساني
أفي الأوطان ويحكما ملام = لعمر الله ما أنصفتماني
إذا هب النسيم لمست صدري = وفيه مثل نار الموبذان
فقد ملأ الجوانح حب نجد = فمن دمعي عليها فاسقياني
قد استعذبت فيها كل مر = فزيدا في الملام وزوداني
بلاد جدد التوحيد منها = فأشرق بالسعود الخافقان
بها الشرع المقدس لايحابي = إذا حكم الأقاصي والأداني
فكم من عالم فيها وداع = يزلزل وعظه ثبت الجنان
وفيها الشعر والشعراء تشدوا = وأرباب الفصاحة والبيان
وكل الخير منها أو إليها = مكارم ذي عطاء وامتنان

هاجوس
08-13-2007, 06:56 AM
أخنى عليك الدهر ياصدام = ورمتك عن قوس الخطوب سهام
وأسرت لم تدفع مدافعك الردى = عن معصميك وخانك الصمصام
والله ماأدري وجدت بحفرة = أم دبلجت غيظا لك الأفلام
وجدوا هزبرا زانه إكليله = ماكان يأمل قربه الأقزام
وأتى الطبيب يجسه متأملا = لهوات ليث خانه الإقدام
بطل ولكن لم تحطه عقيدة = يوما ولم ينصر به الإسلام
اليوم ياصدام تشكوا ظلمهم = ولقد بعهدك ينصر الظلام
بل هل لعهدك منة ترجو بها= في القيد أن يجزى بها إنعام

هاجوس
08-13-2007, 06:57 AM
مالجهر بالهُجر من خَلقي ولاخُلُقي = فأجملي القول قد أجملت وانطلقي
إني وإن كنت لاأرضى التفرق لي = قلب إذا ما غشته غفلةيفقِ
إن المحبة خانتني بمافعلت = فلن أرقَّ لها أو أشتكي أرقي
إذا العتاب أتى في غير معتبة = فليس إلا اعتذار منك في قلقِ
فإن فجئت فلاتحفل بصاحبه = إن كان مختلقا أو غير مختلقِ
ودع من احتملته عنك حاملة = من انتوى نية لم يعيَ بالطرقِ
لاتنتظر كُلحة الإملال ..مرتجيا = حتى تراها بأم العين كالفلقِ
قد قيل في سعة الآفاق مضطرب = فالضيق في الصدر ليس الضيق في الأفقِ
ًًأَولى الخسائر أن تُبكى خسارة من = أمضى الزمان بحب الغادر المَذِقِ
يريه خُلته من أجل خَلتِه = وحمرة الوجه للإشفاق كالشفقِ
فإن أحس غنى غارت بشاشته = وبان منه انقلاب القلب في الحدقِ

هاجوس
08-13-2007, 06:58 AM
أغار الشوق أم منع اللقاء = فلا أرض تضم ولا سماء
ألا قولوا لنا كيف افترقنا = وفي أي الفريقين العزاء
فأما نحن فالأكباد عطشى =ومابلت وإن كثر البكاء
و(فضل الصبر) لو في الصبر فضل = طمعت به وأرضاني البكاء

هاجوس
08-13-2007, 06:59 AM
كشفوا نقابك ياابنـة الأشـرافِ = حتـى يكـون دعايـة لغـلافِ
حسدوك عقلا كان يخلـق أمـة = من رفعـة وشجاعـة وعفـافِ
حسدوك مملكةببيتك لـم تكـن = في حاضر لهـم ولا أسـلافِ
لمـا رأوك بغبطـة مخدومـة = ونساؤهم للرزق فـي تطـوافِ
ورأوك ذات مبـادئ علـويـة = عن أعين الشهوات جوف غدافِ
ورأوك لست كأمهـم وفتاتهـم = يرمونها رمي الحصى لقـذافِ
سلّوا عليك سيوف حقد لم تزل = تهوي على درع من الأصـدافِ
فلتحمـدي الله الكريـم فإنهـم = ولتنظري بالعقـل والإنصـافِ
هـذي فتاتهـم المجندةالـتـي = قد أخرجت من دافئ الأكنـافِ
في جيش بوش أذل من مسبيـة = كالكأس بيـن الجنـد للرشّـافِ
وأدوا كرامتهاولـم تعلـم بمـا = أنتنّ فيـه بعصمـة الأشـراف

هاجوس
08-13-2007, 07:00 AM
دعيني من كان ومن أخواتها = فلومك أدنى الروح من لهواتها
فقد عذبتني منك (كنت)و(لم تزل) = و(صرت)وأردتني بحدّ قناتها
تقلب بي دهر ألفت انقلابه = لياليه بي قد ألصقت ثفناتها
فإني صريع الهم في معرك المنى = وكنت إذا مابارزت من كماتها
بقلبٍ كما ضم الأثافي مولع = يحدث عنك النفس في خلواتها
فلو أن حبا كان يبلغ عاشقا = مُناه شفيت النفس من أمنياتها
ولكن شؤمي من جُدودٍ عواثرٍ = عثرت على الأنات في عثراتها
وماذا على قلب يكن الهوى إذا = حبا الحبَّ نفسا لاتفي بعِداتها
بأن يحرق الأغصان من قاع جذرها = إذا خانت الأثمار أيدي جناتها
وماذا على الغواص في ردّ درّةٍ = سباها إلى أقصى دجى ظلماتها

هاجوس
08-13-2007, 07:01 AM
غول الحوادث قد قسمن فؤادي = وروائح الأيام في غواد
أو كلما انهار النهار وأظلمت = جنباته ظلم الظلام فؤادي؟!
يطوي مدى عيني علي كأنما = ضربت علي الأرض بالأسداد
مالي وهم لايزال يعودني = كعياد محتسب طريح وساد
مازال من ضعفي يعود بقوة = مثل الهلال يعود في الميلاد
وسم الفؤاد وروده وصدوره = كمجر حبل في صفاة بادي
ذهبت سعاد فلاسعادة بعدها = إن السعادة كلها بسعاد
غيداء قد تبل الفؤاد غرامها = فكأنه متلفع بحداد
وأرى الفراق قضى علي برحلة = مقرونة التأويب والإسآد

هاجوس
08-13-2007, 07:02 AM
إلام تذكر ماقد مضى = وحتام في القلب جمر الغضى
ألم يمض عن عيشنا كله = ففيم ادكار زمان مضى
ألم أك ممن شكى جوره = وقطعه سيفه المنتضى
وذقت العذاب وألوانه = بدرك الشقاء وسوء القضا
فهل بعد أن أخمدت نارها = أعود لأنهضها منهضا

هاجوس
08-13-2007, 07:04 AM
أبيني لي الأسرار إني مفارق = وقلبي حساس وصدري ضائق
ولاتتركي قلبي لديك رهينة = فقد طرقتني في هواك الطوارق
فإن كنت لي ..كانت حياتي دقيقة = وإلا فقد طالت علي الدقائق
لقد أقلق الأحشاء هم وهاجس = فلا أنت تدريه ولا أنا ناطق
فإن جمال القوم زمت وحملت = يصبحها حاد نشيط وسائق

هاجوس
08-13-2007, 07:05 AM
ألا أيها القلب الذي ليس تائبا = ولاواجدا عمن يتيمه صبرا
عليل كليل لاتغيب همومه = فسيح فضاء الكون صاربه شبرا
إذا قلت قد آن الأوان لأن أرى = صبورا ...رأيت الموت واللحد والقبرا

هاجوس
08-13-2007, 07:07 AM
ما للدموع على خديك تزدحم = لاينفع الدمع حتى ينفع الندم
تبدل الحال بعد الحال وانقلبت = على المعذب بؤسا تلكم النعم
تفرق الصحب من بعد اجتماعهم = وحالت البيد والصحراء دونهم
فيا لبعدهم ان كان اقربهم = من دونه أمم من دونها أمم
ودونه البيد تخشى الجن ضيعتها = ولم تطأ فوقها مذ أنشئت قدم

هاجوس
08-13-2007, 07:08 AM
دع عنك ذكرى أناس عنك قد رحلوا = فهم بغيرك يامشتاق قد شغلوا
أليس في مامضى من هجرهم أمل = ياقلب أن ينتهي في إثرهم أمل
نزلت في منزل لايعلمون به = ولست أعلم عنهم أين هم نزلوا
ولست أعلم أحياء فأطلبهم = أم أنهم عن حياة البؤس قد رحلوا

هاجوس
08-13-2007, 07:13 AM
قصائد لم تكتمل للشاعر



ماذا تبقى منك ياقلب = حتام في درب الشقا تصبوا
أفق قليلا قد أطلت الكرى = ونمت حى فارق الركبُ




لاتعجبو مني وطول إقامتي = في أرضكم لو أن ذاك عجيب
فلقد أكون على الدواء محافظا = إن كان أوصاني بذاك طبيب




ذريني أقاسي الهم حتى أبيده = وأقتله أو يصبح الهم قاتلي
فلو أن هما طال يألفه الفتى = لصار كباقي ملبسي ومآكلي
ومالحياة تجمع الهم لذة = ولست عليها بالحريص المحاول



ضرب الزمان ببينه القهار = وتفرق الأحباب في الأمصار
أف لهذا القلب من عثراته = لاينتهي عن صحبة الغدار




مابال عينك دمعها مدرار = لمارأت أن الأحبة ساروا
مابال قلبك لايقر قراره = أم ليس للقلب المحب قرار
ساروا ومارحموك عند وداعهم = إذ أمكنت رؤيتهم الأبصار




لئن جد في قلبي من الشوق حادث = لأولى صباباتي إليك كما هيا
ومازال ينموا كل يوم وليلة = هواك ولاأزداد إلا تماديا




أما الديار فقد لعبن بها = سنن الزمان هناك والغير
هل ذاك ذنبهم ان ارتحلوا = أم ذلكم ذنبي فأعتذر

ناصر بن عبود
09-02-2007, 01:41 AM
لاعاد تطريني ولاعاد طاريك=من يوم ضلع الثلج من بيننا ساح
تراي مع مطوي الايام طاويك=طي ورقة رزنامة يومهاراح
وش حجتك لاصار كاتبك ماحيك=لقاك كلمة خاربة مالها اصلاح
ردي...وانا اللي مارضيت الردى فيك=خاين...وانا اللي ماسمعت بك نصاح
باير... وانا اللي كنت ادور مراضيك=حاقد...وانا اللي ماشي لك بالانصاح
مبغض ...وانا اللي كنت اعزك واواليك=حاسد ...وانا اللي كنت اناصفك الارباح
ظالم...وانا اللي فالج من يداعيك=قاطع...وانا اللي كنت للوصل مفتاح
عابس...وانااللي بالبشاشة يحييك=عامد...وانا اعدك على الجرح مزاح
اذلف...وانا ابن عبيدلاعاد طاريك=مذلاف قرطاس تقفته الارياح
من غير مستقبل ..وحاضرك ماضيك=مثل ورقة رزنامة يومها راح


رابط القصيده الأصلي (http://www.suhol.com/vb/showthread.php?t=11897)

ناصر بن عبود
10-17-2007, 07:54 PM
لو ابلغ شرهتي كل من جاني خطاه=صرت انا المخطي ولا ارضتني اعذار العرب
وانطلق من كان يرثع لسانه في جماه=وابتلاني كل مبلي على بحث السبب
مير ابابلع ماتحدره للحلق اللهاة=والكبيرة حقها في الملحى والشنب
حقها دقم الشوارب بعصاي العصاة=سيف ابوطالب وسيف بن عبدالمطلب
السفيه احط له قدمي خطوط المشاة=والثقيل ان زل ماقلت من قل الادب
ومن نساني يوم كل يوريني وفاه=لايقول انه رفيقي ولا اقول يعقب
بلغوا من يطعم العلم ويحفظ الوصاة=كل زلة درس يغني عن طوال الخطب
اشهد ان مايوجع الرجل ويقرب مداه=مثل نسيان الجمايل ليا خلي مطب
من رجا من غير ربه جزا ماحد جزاه=مير ماينلام لاضاق خاطره وعتب
ارتحل واحل وانا من الله في غناة=كم عدوٍ صار خلٍ وكم خل انقلب


رابط القصيده الأصلي (http://http://www.suhol.com/vb/showthread.php?t=12857)

ديوان شعراء المجالس
01-01-2008, 12:24 AM
يافجعتـي ياليتنـي فيـك مفجـوع=ولافجعـت بغدرتـك والخيـانـة
ان كان اباوادعك باحزان ودمـوع=واقول وافي ميـر خانـه زمانـه
واقول جعل اللايح مفيـض القـوع=يبكي ويضحـك للقبـر قحويانـه
واقول لاجالي على قبرك اسبـوع=عنك ان به بين النصايـب تكانـة
مير البلا حي وحيا الوجه منـزوع=ولامات غيـر المرجلـة والديانـة
والثوب دونه ثوب ثم طرح مخلوع=وقناع وجهك طاح وجهك وزانـه
واثري على نياتي البيض مخـدوع=تلعـب وراي ومتعبتـك الذهانـة
والقلب ينطف سم واحقادك تـروع=ظلـم وعـدوان وخبـث ولعانـة
عشر سنوات ولا ورا العشر مشفوع=والقلب الاسـود مااتحلـوى لسانـه
وثمن خطاك ان قالـه الله مدفـوع=حي وميت ولـك علـي الضمانـة
وعرق يقربني من الرجس مقطوع=والله يباعـد عـن مكانـي مكانـه
مفلس يابووجهين من كل مشـروع=حتـى جنـودك ياخبيـث البطانـة
امرك عليهم عقب زمرتك مجبـوع=ولاعاد لك معهـم ولامعـي خانـة
حطيتهم عن وجهك الحافـي دروع=واليوم حطوا راسك اتفـه رهانـة
ولو تدري انك تبع مانته بمتبـوع=سدتك صدتك وكسبـت الحصانـة
ولارحت لفلان وفلانة بموضـوع=ولاسرك الله مـن فـلان وفلانـة
والحمدلله ماحدانـي لـك الجـوع=ولامثلك بمنصـى ولالـك مكانـة
ولابعد جيت إلك كـره ولاطـوع=وجرتك دافنهـا الزمـان بهوانـه
وقت الشدايد لي عن فزوعك فزوع=ووقت الرخا اخوان الشدايد خوانـه
وانا غني عنك باصحاب وربـوع=ارداهم ..براسـك يبيـن رجحانـه
قرم يحوش الطيب مثني ومربـوع=والاانت سقط رجال دنـدون دانـة
سدو القهـاوي مابرفقتـك منفـوع=وعلومك علـوم الخنـا والمجانـة


رابط القصيده الأصلي (http://www.suhol.com/vb/showthread.php?t=14099)

ديوان شعراء المجالس
01-22-2008, 12:40 AM
السلام عليكم ورحمة الله وبركاته

ابيات بديتها ابيها في موضوع ولقيت نفسي في موضوع

قلت ابرك


اقول وعمر القاري يطول



يالبنادم لاتغرك على العفو الذنوب=واطلب الله بالسلامة وحسن الخاتمة
واعرف ان ماكل من ينوي التوبة يتوب=كم شقي غاله الموت مع لغاصمه
لو مالك كل يوم سوى ذنب محسوب=ويلك من ذنوب عامك لاجت متراكمة
من عصى الله طوع يصبرعلى النارمغصوب=والندم ماينفعه كان مالله راحمه
الكباير كسبها طابع ران القلوب=ومن يعذر الجاهلة مايعذر العالمة
أمتي ياأمتي عجبة من كل صوب=الف عام قايمة والف عام نايمة
امتي ياام القبايل وحاضنة الشعوب=حلقة تسرين منها وحلقة قادمة
كل عصر به فتية وتخطبك الخطوب=وكم ظهرمن رحمك رجال تجلى اللايمة
ربطوا قيصر، ورا اطنابهم صوته طنوب=وتاج كسرى كسروه وسبوا محارمه
ياامة الاسلام والسلم اضر من الحروب=كيف ضيعتي حقوق النبي من شاتمه
كيف كذبتي صدوق وصدقتي كذوب=وكل طاغوت يخمسك مع غنايمه
يالله العن كل غادر وخوان عقوب=وكل من يرضى فعول اليهود الظالمة
ويالله العن كل من في حضارتهم يذوب=ومن يدافع عن جرايمهم بجرايمه
اشهد انا في زمان مورينا العجوب=عاقره قامت تضنى وجات متاومة
قالوا امة قدم هادم ماتبني الجدر طوب=كيف باني واحد قدمه امة هادمة

البيت الاخير هو نسخ لبيت الشاعر
أرى ألف بان لايقوم لهادم=فكيف ببان خلفه ألف هادم

ولكن الشاعر يقول(فكيف ببان خلفه الف هادم)وانا أرى أن الباني اصبح امامه الف هادم وليسوا خلفه

وسلامتكم والمعذرة على القصور


( رابط القصيده الاصلي ) (http://www.suhol.com/vb/showthread.php?t=14650)

ديوان شعراء المجالس
03-07-2008, 03:08 AM
السلام عليكم ورحمة الله وبركاته





جواب قولك جاك ياوارث الجود=ماني على الاعلام يابس بلايل
ماابغى ورا الشهرة شهادة ومردود=ولانيب مردود ولا الحظ مايل
ونصف العرب ماتفرق النقص والزود=من بان فالاعلام مثل قبايل
واللي شهوده مايزكون بشهود=مقدوح فيه وفي الشهود الهضايل
ولاني مجامل دام مانيب محدود=ولانيب محدود لغير الجمايل
مانته بحي ان كان مانته بمحسود=ولاميت ان كانك على لسان قايل
ومن لايعل كبود ويداوي كبود=هذاك ميزانه ماغير يتمايل
نفسيتي قشرا على كل مقرود=ماارضى بصحبة من يكن الدغايل
كم واحد وده علي مير ملدود=جحره على بابين صاحب وعايل
يوعد بظهر الغيب وان صار موعود=تخفف من ثيابه مع البتايل
عداي ماترجي من صحيبي الفود=ولاهوب راجي من وراهم حصايل

وسلامتكم


رابط القصيده الأصلي (http://www.suhol.com/vb/showthread.php?t=15729)

ديوان شعراء المجالس
04-13-2008, 10:17 AM
السلام عليكم ورحمة الله وبركاته

مساكم الله بالخير

متواضعة للتواصل والجود بالماجود


ياالله لاتخلف جميل الهقاوي=وبرحمتك فرج على كل مكروب
مجربين دعاك عندالبلاوي=وقدجربه يوسف وذا النون وايوب
عسى لناالدرب السماح متساوي=وحظ يقوم قومةالجدربالطوب
انهض نصيب طاولته المثاوي=عشرسنوات بين ركبةوعرقوب
اجاهدلحالي ولالي مخاوي=والجب مايدري بيوسف ويعقوب
للهم ضم وللمحاني تعاوي=مكتوب يادنياالغرابيل مكتوب
وادجتك ياللي نصيبك رداوي=حلمك عن مفسرةالاحلام محجوب
والقاف شاب وراعي القاف غاوي=ولاهوب رامي السبحةوفيه لاهوب
والصبرماقرب بعيدالمناوي=وعلى هذا المسحوب غنيت مسحوب
ولولاي في بعض المواقف حياوي=صادمت لي تسعين مذهب ومذهوب
في كل ليلةيحترق نجم هاوي=والجدي قطب نجوم هايب ومهيوب
في الناس سلطان على الناس كاوي=لكن نفسه تصرعه خبث وذنوب
والظلم عاقبته عقاب سماوي=والكبر صغرالنفس عذروب مذروب
وفي الناس ياكثرالدعا والدعاوي=ميرالعدومرتاح والشعب مشعوب

ديوان شعراء المجالس
07-18-2008, 12:17 AM
السلام عليكم ورحمة الله وبركاته
مساكم الله بالخير
ياليتني على قل المشاركة أجي بشي يجملني

لكن العفو منكم


يانايف لاتذكرني خف الله واذكره فيني=ترى قلبي على حاله شهيد دفن بطعونه
جروح تردف جروح وسنين تردف سنيني=وانا لي سنة سنيتها ماهيب مسنونة
تدثرت بعمى رايٍ طمس درب مقديني=ومن بيني وبين الناس رمس علوم مدفونة
وسور ظاهره رحمة وباطنه الطواعيني=وكون واسع صدره وصدر ضايق كونه
وانا اجاهد ردى حظ مناطحني وقافيني=ولولا السد سدي كان باح العام مكنونه
وانا ياما تقلب بي زمان العسر والليني=تقلب طايرة حرب تقلب تقل (مبطونة)
وانا اللي دايمٍ همي ياابن عمي مباريني=مباراة القدوع لدلته ماقدمت دونه
والا ياويل قلب مثل قلبي بين ناريني=تطوف به الهموم وترمي الجمرات بركونه

وسلامتكم



رابط القصيدة الاصلي (http://www.suhol.com/vb/showthread.php?t=18947)

ديوان شعراء المجالس
09-08-2008, 06:02 PM
لن أزال أعيش مع الشعر العمودي مادام لي عمود
وهذه قطعة في دار سقط عمودها

وهذه المتواضعة للتواصل


قد قلتِ ياهذي فكيف أقول؟؟=أُفحمت ؟أم أن الكلام يطول؟
عجبا لموقف شاعر صار الجما=دوخاطبته بما تُكنُّ طلول
يادار هل أنت التي أبليتني؟=حتى أدال لي البلاء مُديلُ؟
أم ذا بأنكِ كنتِ مِترسَ ظالمٍ=يرمي الفؤاد وماإليه سبيلُ
أم كان هدمُك حين فارق فانطوت=قطراك حزنا عرضها والطول
ولطالما بكِ طوّفت روحي كما=حولي يطوف من الخيال رسول
فالميل شبرٌ لي إذا مازرتكم=وإذا انثنيت فكلُّ شبرٍ ميلُ
كلُّ الليالي عند ليلى ليلةٌ=وكذا الليالي دون ليلى ليلُ
هب أن في إبريل بعضَ وعودها=أفَكُلُّ شهر عندها إبريلُ؟
هل علمتها النار قسوةَ لينِها=أم علمتها الشمس كيف تزولُ
أم علمتها الأرض من دورانها=أن لاقرار ولايدوم خليلُ
ماكان من هذا وذاك فإنها=قد علمتني الآن كيف أقولُ

أفحمت:المفحم هو الذي لايقول الشعر
طلول:أطلال قال الشاعر(سقيت الغوادي من طلول وأربع)

وسلامتكم


رابط القصيده الأصلي (http://www.suhol.com/vb/showthread.php?t=19113)

ديوان شعراء المجالس
09-22-2008, 07:53 PM
لقد افسـد الـدش اخلاقنـا=وابنائنـا قبلنـا أُفـسـدو
وكان الحيـاء بنـا قابعـا=فشرده شؤم مـن عربـدو
فصارت حضارتنـا جثـة=يشق اللحـود لهـا الملحـدُ
علجنا العلوج زمانا مضى=وأيقظهـم وقتنـا الأنكـدُ
فإن كان فينـا بقيـة ديـن=فأيقـظ سليمـان ياهدهـدُ
لئن اصبح الغرب اعجوبـة=وأبهرقومـا لـه استُعبـدو
لقد كان في الف عام مضت=بـذُلّ التخلـف لايحـسـدُ
ولازال في غيـه سـادرا=يقبحـه أمـسـه والـغـدُ
عقيدته واحـد فـي ثـلاث=وكل الثلاث هـي الأوحـدُ
ويمحقه حمقه في الضـلال=فيعبـد الــواح لاتعـبـدُ
لك الحمد يامن هدانا الـى=سواء الصراط ولم يهتـدو
حضارتهم هي حب الكلاب=وخلع الثياب وخلق العـدو
عجوزهم تصطفـي كلبهـا=ويشركهـا زادهـا المُبعـدُ
وتنسى ذويهـا وأزواجهـا=وأبنائهامنـذ ان يـولـدو
وأعراضهم عرضة للخنـا=عليهـا السنانيـر تستأسـدُ
تصفي الغناء لأهل الغنـى=أشاء الرعاديـد أم أرعـدو
وإن صنعو الطائرات التي=بها هُدم البيـت والمسجـدُ
وأفنت ملايين في كل أرض=ومن لم يُبَد منهـم شُـرّدو
وكـل ضـلال وكـل أذى=فهم مصدرٌفيـه أو مـوردُ
وفي ديننـا غُنيـة عنهـم=لو استمسكت بعـراه اليـدُ
حكمنا به الف جيل مضـو=ودان لنـا العبـد والسيـدُ
إذا ماغلبنـا علـى أمرنـا=رفقنا بهم فعل مـن يرشـدُ
وإن غلبونا علـى أمرنـا=أسـال الدمـاء دمٌ مُزبـدُ
فصرنا كصاحب كنز كبي=رأعمى وليس لـه مُرشـدُ
ويسـأل أعـداءه شربـة=ويُترك في ضيمـه يكمـدُ

ديوان شعراء المجالس
09-29-2008, 11:00 PM
السلام عليكم ورحمة الله وبركاته

عيدكم مبارك وكل عام وانتم بخير

ايامك اعياد ٍ من العيد للعيد=وظروف وقتك كلبوها عيادي

وتسعد بك الاعياد وتعيّد سعيد=وتقر بك عيني ويسعد فوادي

وتشرق بعذب الماء عليك الحواسيد=وتربع دروبك بعنبر وكادي

اعايدك لو انك بعيدي بعيد=لعل يوم العيد يهديك هادي

واعايدك لو بيني وبينك البيد=لعل يقرب منك صوت المنادي

واعايدك واقول عيد الله سعيد=وجعلك تعوده كلما قيل عادي


رابط القصيده الأصلي (http://www.suhol.com/vb/showthread.php?p=417771#post417771)

ديوان شعراء المجالس
10-04-2008, 03:10 PM
السلام عليكم ورحمة الله وبركاته

مساكم الله بالخير والسرور

هذه المتواضعة من محاولاتي الحثيثة للتاوصل بقدر الامكان



ياقلب عد الليلة العمر ف اخره=وفزع من اقصاك البكا ليش ذاخره
انا من ذبحته عند الاطلال وقفته=وغيري يمر ونظرة العين عابرة
مطارح هوى فيها الصبا كنه الصبا=ليا هب هباته تهب بمشاعره
هوى بها قلبي عيون هوى بها=ولاقال كانه ذا اوله ويش ف اخره
تبعها تبعها تبعة النار للهوا=لياهب طاوعته وهي منه ساعرة
لو انك معي ياقلب مااحرزت ظلمها=فياكيف وانته صرت في الفقر فاقرة
أبى حبها من بعد ماطق في الحشا=يهاجر لو الوادي تهاجر دواسره
وياعيني اللي حظها مااتجر لها=سوى وسط سوق ماتربح متاجره
يباعد حبايبها ويدني بغيضها=من اهجره ياصله ومن اصل يهاجره
وكان السعادة والشباب حلفا وفا=ياعنك انهم عندي على كل غادرة
تعديت عشرين وتناوشت غيرها=ولازلت وايا الحظ ماغير اعافره
لحى الله شعر بارد مثل شاعره=ومن لايهز الجزل ساكن مشاعره
ولحى الله من بعض الخجاعيب تطربه=لاصح الله لسانه ولالسان شاعره

رابط القصيدة في مجلس الشعر والمحاورة (http://www.suhol.com/vb/showthread.php?t=20876)

ديوان شعراء المجالس
10-06-2008, 09:44 AM
من الإرشيف

واجض قلبي بين الأضلاع جضاه=جضة مريض بالمخاطر يكوى
ليابرد..راعيه بالنارحماه=ومن خوفه المرضان قام يتلوى
لاواذهابي راحت الروح عزاه=قلبي على جمر الجحيم يتشوى
من سبة اللي حط في القلب مركاه=وليته بروحي داري ويش سوى
غرو غرير غرني في محاكاه=لين اندرج قلبي معه ماتروى
عزي لمن مثلي وياكبر بلواه=تشتب في صدره ثمانين ضوا
هذي بقلبي بينات كواياه=ياضعف قلبي يمهم لو تقوى
اتلى العهد به واخره يوم فرقاه=والله ولا ادري وين راح وتنوى
وله اربع سنين وقلبي برجواه=وطول الرجا والحب وش عاد ضوى
الا غرابيل على القلب تصلاه=تاثيرها في الجسم برا وجوا
الله لايسقي زمان ذكرناه=قبله وانا ماابلش بخير وسوا

ديوان شعراء المجالس
10-06-2008, 09:44 AM
النفس شينة وجا شي يشينها=واكبدي اللي ماعاد تواطن الزادي
الجمر من فوقها والمر زابنها=والنار من تحتها توقد توقادي
اجنب هموم وهموم اتحضنها=وهموم قدام فوق هموم جدادي
وهموم ابيعها وهموم اعربنها=واثمانها حالي ودمعي ومرقادي
لاوالله الا كلت روحي غباينها=ماعاد تزداد لاماعاد تزدادي

1420

ديوان شعراء المجالس
10-06-2008, 09:45 AM
الا يامل قلب من صواديف الليال السود=تخلخل مع خلاياه الخلل والهم مجتاحه
بغيت اصبر بغيت اسلا بغيت اجزع ولامن فود=علي الهم يغدو غدوته ويروح مرواحه
لياهبت هبوب النود لو ان العيون تنود=فزع قلبي كما غاف بسجن وسمع صياحة
وراه السيف الاملح ينتظره وفي يديه قيود=ويرجس بالسلاسل من ثلاث سنين بجراحه
يوصي والموصى مايعقد ولايحل عقود=وصدر حكم القصاص وقصر المصلح من اصلاحه
يسج ويرقب الموعد ولايدري عن الماعود=ولايدري متى بالسجن مهجاده ومصباحه
ليامنه تذكر مامضى يوم اعضداه عضود=بكى وابكى قيوده من بكاه ولجة صياحه
بلوه عيال عمه واصبحوا عند القضاة شهود=ولايرضيهم الا انه يبرك قدم ذباحه
يذكرهم لو ارحمهم عليه اقسى من الجلمود=يسدون الاذان ويصفق الراحة على الراحة
انا فزة فوادي مثله ان هبت هبوب النود=ليامنه غفى ثم سمع له في السيب صياحة

ديوان شعراء المجالس
10-06-2008, 09:46 AM
انا اللي حرمني منك حظ الندم والجور=ووقت علي باقسى صروفه محطمني
وعدتك بوصل ومن سعى بالوفا معذور=لكنك بدل ماتتهم الوقت تتهمني
وطول البطا نساك واصبحت انا المغدور=وسليت انت وانا جور حبك متيمني
مثل ساحر مات وبقى بعده المسحور=غريم الغرام اصبح غرامك مغرمني
تروح وتجي وتعيش في دنيتك مسرور=ماقال الك قلبك يوم تراك ظالمني
دخيلك تلد بحالتي يافريد الحور=ترى كل يوم مر بعدك يندمني

ديوان شعراء المجالس
10-06-2008, 09:47 AM
يازين لاياخذك حرصك ولاتوصي=قلبي شقي لو يجيه العلم ماسره
لو ينتفع كان ماجا منك مقروصي= عشرين مرة تمضت له وهالمرة
تبغى تبري ضميرك منه وتحوصي=يومك تعاتب على حالي وتتشره
ماكنك اللي جناحي منه مقصوصي=عني بخيره شحيح ومرهي شره
لاتكترث لاتشيل الهم بخصوصي =ان طبت منك انت عشت بسرة وقرة

ديوان شعراء المجالس
10-06-2008, 09:48 AM
هيهات ياقلب تذكرت هيهات=وقت مضى بين اعتدال وعواجة
تطوت ايامه وقفت سريعات=وورثت منها طول سقم وحاجة
ياقلب ماعاد الك في الوقت مشهاة=لاعاد تشره كل وقتك سماجة
اللي بقى ملحوق واللي مضى فات=واخير للرجال يطلق حجاجه

ديوان شعراء المجالس
10-06-2008, 09:49 AM
يازمـان سنتـك ماهيـب وايـا السنـة=حكمة الله فيـك تقنعنـي بحكـم كتابـي
جنتك كاالنار وان النار فيك الجنة=تصحب العدوان فيك وتحصب الاصحابي
ما اخبل اللي فيك ياذالوقت يحسن ظنـه=والله ان ماللرجا في عروتـك مقضابـي
شذ فيك الفذ كنك فـي الضلـوع تكنـه=وهاش فيك اللاش والهابي زمر ماهابـي
مير انا اقدي قدم رجلي القـدا لـو انـه=بالحفا والشوك مخلـوق مـن الاتعابـي
واعرف طبوع المنافق لو ضحك لي سنه=ولا اتغارب بعدها زلقته فـي المغرابـي
هامل الجديـن مخطـي القبلتيـن يعنـه=في عنـاه عنـان ابومـرة كماالجلابـي
هيه يامسمى باسـم خيـر البشـر لكنـه=ينقل النمة ويشـذب فـي قفـا الغيابـي
دبرتـك فيهـا دبـورك زن يابوزنـة=خبت واللي ترتجي منه المعونـة خابـي
اسودٍ وجهك ويابس مثـل يبـس الشنـة=لاتهوز الروس وانته حسبـة الاذنابـي
الضواري يالضـراوي ماعليهـا منـة=ماتضيع معكـف الاشنـاب فالانشابـي
وانت خنصر كلب وان الكلب يعرف فنه=خاشرك كلبك ومن دون الكلاب كلابـي
بانت البورة كمـا العـورة بليـا ظنـه=ماتمشيهـا علـي ياخامـل الانسـابـي
نعنبو هـاك الـودارة والخنـا والخنـة=يوم تنغق في طريقـي بومـة وغرابـي
بومة وغراب في الميـزان وزن البنـة=مالهـم فعـل يعـد وموقـف ينهـابـي
اصدمو جال الجبل مانتم بو ايـا القنـة=مالكـم حولـه ذرا ياخمـة الخيـابـي

ديوان شعراء المجالس
10-06-2008, 09:50 AM
يالله انك تكتب اللي فيه خير وخيرة=لاتقدمنا لشر ولاتوخرناله
كم مقدم خطوة من خيرته تاخيره=وكم توخر مستخير خيرته تسعى له
الهبوب تدور حوله والحظوظ تديره=والهوى ينشر شراعه والسعد يبراله
يامحمد بن سعد واف العقل والسيرة=الزمن لاطيب معنا ولاطبناله
الزمن لم العرب من كل دار وديرة=وابلش الرجال في مخراجه ومدخاله
كل رجل بان قدره واجب تقديره=البلا في المشبهاني لاانتثر فنجاله
مايشك الا الردي يوم الردي في حيرة=والردي مانته بحاله خبث الله فاله
طبعك اللي خابرينه لاتدور غيره=بيض الله وجه من ربى عليه عياله
القصور بمن شكى من مثلك وتقصيره=حيث ماللحق يمك درب يورى له
لاتعذر للردي واللاش عفن الجيرة=واعطه اللي مايلذ بخاطره لهباله
والله ان البندق اللي مابها تثويرة=من عصي العجز نقص في يد النقالة

ديوان شعراء المجالس
10-06-2008, 09:51 AM
اسرفت في مدح نفسك وانت توك صغير=وشلون كان ان ربي كاتـب لـك عمـر
عباس فرناس قبلـك قـد عجـز لايطيـر=واظن عن مالقـى عبـاس عنـدك خبـر
معرس بكشختـك دايـم ياسمـو الاميـر=ومدري وش الاكثر الالقاب والا الصور
وان قلت قبلي مدح نفسه وشعره جريـر=قلت الك لاتظلم الشاعر وهو فـي القبـر
جرير شاعر بحر والا انت ليتـك غديـر=كانك تعرف الغديروشفت شكـل البحـر
انته كما (ربع بيب)ان كان هوفيـك خيـر=لاهوب يقطع ولايسقي النخـل والشجـر

ديوان شعراء المجالس
10-06-2008, 09:52 AM
الايامحمـد يـوم تشكـي علـي الحـال=تشكى على اللي يشكي الوقت وظروفـه
ياقـل الرجـال اليـوم لوتكثـر الازوال=ولوتبيعهـم ببـلاش ماراحـوا حسوفـة
ويالقـرم لاتلحـق مشاريهـك الانـذال=تـرى النّـذل بينـة مواريـه معروفـة
لياجالرخا قلت اشهد ان صاحبي رجـال=والى جال القسى ينفض من كفوفك كفوفه
ترى عودتك له عقـب بيـن رداه هبـال=ولن طعتني فاضرب به وهرجه الطوفـة
بع اللاش ببلاش وعسى مـاوراه ريـال=انـا قبلـك متوبنـي الوقـت بصدوفـه
ومن لاوقف لي عز لاشاف وقتي مـال=ليـازان وقتـي لايجينـي ولااشـوفـه

ديوان شعراء المجالس
10-06-2008, 09:53 AM
وصلني خط يضيق بلهجته مظروفه=هربدة خبل ضوابه طاير من الطاري
والقزم يبحث عن اللي تحتمله كتوفه=مير والله لاطرده دون الذرى للذاري
اثر بعض الناس هرج في طرفه حسوفة=واثر سفهان السفيه ابرك لاقام يماري
هيه ياللي تشتعل نار الحسد في جوفه=مت بغيضك ماعليك من الرجال مداري
ماتنقص من مقام اهل الوفا المعروفة=انت سومك مايهم البايع ولا الشاري
لاتحسب اني مغفل لعبتك مكشوفة=داري انك داري اني داري انك داري
كيف تفتل لي شنبك ولحيتك منتوفة=غرك اللي فر راسك فرة الراداري
ابك لولا النت ماجالك مجال وشوفه=يخدعك من يمدحك ماتدري انه زاري
صرت شاعر فحل وانته طاستك منصوفة=البخاري لو يولد في الحجاز بخاري
لاتطارب بعد ماخفت بك الملقوفة=مانتب مغير بهرجك ماقسمه الباري
لوتشد البصرة وتنزل بجنب الكوفة=مانت وايا الشعر عود عنه وينك ساري
التكبر مايكبر عالم مخفوفة=والصغير يعيش من دون العرب متواري
كدتك ماهيب لوطال الزمن مخلوفة=ياقزم لوتسبل ثيابك نعدك عاري
الشعر وشلون قامت تبتليه ضعوفه=ياعسى الله يعتقه من ميتين الناري
لوتشد البصرة وتنزل بجنب الكوفة=مانت وايا الشعر جنب عنه وينك ساري

ديوان شعراء المجالس
10-06-2008, 09:55 AM
قدني قده واثر ماني ابقده=وادعيت الصبر وحجتني حجاجه
وولعت في الروح اخاديد من خده=واغرقتها امواجه بلحظة مواجه
فيلسوف الود ماجت على وده=كلمة من طارف لسان حجّاجه
ومن يشوف السيف لامن لمع حده=ضيع الحجة ولاحصل الحاجة
لد بعيونه وحظ الشقا لده=والبلاوي من نظيره ولجلاجه
يجدل بمجدوله الهم ويبده=ومن ورا عذب المفاليج فلاجه
حالف مااغلي عنه شي يوده=كود يغلي البحر عن شطه امواجه

ديوان شعراء المجالس
10-06-2008, 09:56 AM
اخذت حقي منك ياوقتي الشين=ولاعاد تبكيني صروف الليالي
اخذت منك من التجارب براهين=لعل يفداها زمان مضى لي
ميزت من صكاتك الزين والشين=وكم منحة في محنة للرجالي
مسكين من لايطعم العلم مسكين=واللي يذوق المر ويقول حالي
واليوم من لامعه في الصدر قلبين=يفرد رشاه عن الدلو والمحالي
يمشي على ابوقلب ضحك ابووجهين=وياطا على الديبان بين الحبالي
وانا اشكر المولى لي شهور وسنين=شوفي بعيد وباخص كل حالِ
مااخاوي الا اهل المواجيب والدين=واجنب اهل الخبث واهل الضلالي
مانيب من يشري العرب بالملايين=حب المراجل والوفا راس مالي
اعرف ابووجهين من نظرة العين=واعرف بها قلب الرفيق الموالي
وازن فعايل صاحبي بالموازين=واناظر الميزان من وين مالِ
مااوسع الذمة ولا ادون الدين=واسلك سبيلي مع كرام السبالي
من بان لي خبثه فديت به الاقصين=ومن بان لي طيبه فديته بحالي
وقد قال الاول من معه طبع بيبين=تبقى الطبايع لوتزول الجبالي
مسكين ياللي تحسب انا مساكين=غرك قرينك ياقرين الهبالي
وعطيت درب ماعطوه السلاطين=وهزت الجبال المرسية بالخلالي
بين الشواطين وعلوم الشياطين=لعب لك الهاجوس شرق وشمالي
ياراعي البورة فهمنا المضامين=ولاهي غريبة ياردي التوالي
(يمناك ماتلحق يمان الميامين)=ولالمثلك يالمجلا مجالي
يابوجهل قد زال حكم الفراعين=وانته وخمة شلتك للزوالي
يامسند ظهرك على جديّر الطين=لو من وراه اسناد ماكان مالِ
تشحذ فقير باع نفسه بقرشين=تشوم عنه اهل العلوم الجزالي
انته ذنب ماحولك الا كراعين=مانتب كفو لمبهرات الدلالي

ديوان شعراء المجالس
10-06-2008, 09:57 AM
يامل قلب راح في جوفي اثلاث=متشعب صدعه وناره تحثه
ثلث على الماضي وفيه الالم عاث=وثلث من الحاضر بسقم ومغثة
وثلث ورا اللي يطرق الرمش لهاث=سقمه يفض ضلوعه ولايبثه
نسنس نسيم الشوق والقلب جثجاث=من وين مامالت هبوبه تلثه
ياقلب كيف تعيش وحبالك انكاث=والسم غارسه ابك ناب ولثة
كانك على سمح القبل صابك غلاث=ابشرك بان حظك الشين جثة
تبي تموت من الظما مالك غياث=حبال دلو كقاصرات ورثة

ديوان شعراء المجالس
10-06-2008, 09:58 AM
مااكفاك جرح الامس تجرحني اليوم=الله يساعدني نويت اتناساك
انفث بزلاتك على صدر مهموم=عسى عقد سحرك تطلق من اخطاك
مانيب قايل يااريش العين مظلوم=احكم على كيفك ماعاد اطلب رضاك
على الخطا ماكنت مجبر وملزوم=مير الدلع غرك وضرك وغواك
ان عشت عقبك عشت وان مت مرحوم=هاك القفا من قبل تعطي مقفاك
اهم شي اعيش بالعز محشوم=لوهي بتبطي في الضماير كواياك
لافاجع ربع ولامشمت قوم=اباضحك لدنياي واضحك لدنياك
جرح امس داويته لكن اجرح اليوم=الله يساعدني نويت اتناساك

ديوان شعراء المجالس
10-06-2008, 09:59 AM
والله لو ينساكم القلب لاانساه=ولويقاطعكم لااقطع عروقه
ولاهوب ناسيكم ولاشك حاشاه=الخوف لايوقف هواكم خفوقه
ياللي ملكت بحبك اقصاه وادناه=متربع هواك جوفه وفوقه
دخيل سود عيونك الدعج تجزاه=بالخير لاتقطع رجاه وتعوقه
قلبي بصدري مثل دلو مدلاة=لاتلها اللي يابسات شدوقه
عليك ياللي فيك روحي مشقاة=ياللي عشانك يرخص الدمع موقه

ديوان شعراء المجالس
10-06-2008, 10:00 AM
وابوك دنيا ماصفيتي ولايوم=من طاح حظه فيك ضاعت حياته
احد يتقلب في النعم فيك مخدوم=واحد بغيظه دق نابه شفاته
متى اترجى فيك ياحظي اتقوم=والا ان طرفك ينتبه من سباته
اثر جميع اللي تمنيته حلوم=طارت عن النايم وهو في مباته
عشرين عام اثري على الوجه منجوم=مثل الكفيف اللي دليله عصاته
ابني بقصر مابنت مثله الروم=ثمنه من عمري ذهاب سنواته
ويوم اوشك المنزال ولياه مهدوم=ومن عقب ماهو منة اصبح شماتة
واقفيت لالايم ولانيب مليوم=وااصبح علي الكهف مركي حصاته

ديوان شعراء المجالس
10-06-2008, 10:01 AM
هذي ليال الصيف مر طعمها=يجمد بها الشعر وتسيل الجروحي
ياشين للارواح هبت نسمها=خص للارواح التي مثل روحي
واللي على نفسي جنى مارحمها=لو ارفع له الصوت ماهوب موحي
تموت منه النفس حرى بالمها=والغبن سموه الرجال الذبوحي
ياعاقل ان جت فرصة فاغتنمها=ياسرع سنحات الفرص ماتروحي
فلايفيد النفس يوم ندمها=لو عمرت في عمر نوح تنوحي
احرص على نفسك وثبت قدمها=على طريق الحق واطع النصوحي
من يزرع زراعة لنفسه صرمها=ولايدرك الحاجت غير اللحوحي

ديوان شعراء المجالس
10-06-2008, 10:02 AM
يامل قلب صرف الايام غاضه=كنه على جمر الغضى لو تغاضى
يوم ورا يوم يزيد انقباضه=كنه على الدنيا زعول يراضى
الضغط به في طلعة وانخفاضة=ان جا بيضحك جته نار تلاظا
خاض الشقا والروع خضه وخاضه=كثروا مدايينه ماعاد يتقاضى
مابي على دنياي ضعف وغضاضة=اصبر لو انه غاض همي وفاضا
جا للشواظي في الصميم انشظاظة=لوهي بضلع طويق جاه انشظاظا
واصبح يروع فوق الارض انقضاضه=ثم صهرت قاسيه نار تواضا
اونس على كبدي كما الانحماضة=الله لايسقي شمال الرياضا
فيها غزال جب عظمي وهاضة=جمع به المولى سواد وبياضا
والموت في سواده وفي بياضه=وبين المحاجر والجفون المراضا
جدد على الجرح القديم انتقاضه=وجدد به جروح غزار عراضا
الله يصيبه كيف سم التحاظه=ناس نجت ماصوبتها حظاظا

ديوان شعراء المجالس
10-06-2008, 10:03 AM
ياناس انا ويني ووين السلامة=راحت حياتي والسبايب حياتي
قلبي دفع سبة غرامه غرامة=غرامة مااوفت ثمنها حياتي
واضيعة العمر ان تقافت عوامه=وانا مابين مصيبتي والسكاتي

ديوان شعراء المجالس
10-06-2008, 10:04 AM
الاو اعذاب القلب من صالي يصلاه=مابينالضلوع الحدب يوقد توقادي
عيوني على طول السهر صارت مضراة=ولاعاد تهنا ربع ساعة بمرقادي
ماغير اقتلب واردد الاه عقب الآه=واجاهد همومي واتجلد تجلادي
الاواذهابي راحت الروح واعزاه=وحالي بدا ينقص والاسقام تزدادي
سبب حب بنت من حياة الفواد غذاه=نموه فنى قلبي وانا معه منقادي
مليكة جمال الكون ومن اوله لاتلاه=يجيها الحلا راكع وطايع وسجادي
لويشوفها مجنون ليلى نسى ليلاه=ولعن حب ليلى فوق ليلى ولاعادي
عيون وساع ناعسة رمشها تياه=ظلاله بها ويظلها قيظ وبرادي
وثغر به المشتاق يلقى لذيذ دواه=يذاق العسل بعده كما سم الاكبادي
صغير لا بل بحالي الريق حمر شفاه=غدت وردتين فوقهن الندى بادي
ولاودي اكمل وصفه اخشى افضحه بعداه=لكن الوكاد ان الحلا ماهو ب عادي

ديوان شعراء المجالس
10-06-2008, 10:05 AM
مل قلب توزع بين تسعين علة=كل علة تبي تسعين قلب متيني
يالله انك تروف بحالي اليوم يالله=الزمان اختلف مافيه غيرك عويني
كل من كنت اعده عز راسي واجله=واذخره للشدايد قال ويش بيديني
والشدايد تبين للرجل وين خله=وتفضح اللي يتمزهل وهو مثل الحصيني
يو م برقت في وضعي والاي اتدله=يوم اخيل السحاب اللي بليا غشيني

ديوان شعراء المجالس
10-06-2008, 10:07 AM
ياليتني مابيني وبينك الا=الشوفة الاولى وقفيت واقفيت
ولاقضيت العمر ليت ولعلا=ولارحت مع درب القرادة ولاجيت
انا خذاني الموت وانته تسلى=الله حسيبك كيف فيني ترديت
يابوجديل فوق ردفك تدلى=عندك دواي من الذي منك لاقيت
اترك عيوني في عيونك تحلا=عزالله اني لو اشوفك تعافيت
تشوفني مبلي وفوقي تبلا=ولوعيشتي باغضاي طرفك توفيت
شحيت عني بكل ماعندك الا=بالجور والتعذيب ماعنه شحيت

ديوان شعراء المجالس
10-06-2008, 10:08 AM
انقضى العام واقفى ولامن حصيل=غير طيف هشل ماشفى لي غليل
بين يقظة ونوم وفي جنح ليل=نقض جروح قلب طواها الزمان
ويش باقي بعد هاك الايام ويش=اشهد اني بعدها ماطاب الي عيش
ماتطفي حشاية ............=الله المستعان الله المستعان
ياادعج العين ياسالب مهجتي=انت لقنتني شعري ولهجتي
مهجتي لهجتي انت يابهجتي=ارحم اللي بحبك يذوق الهوان

ديوان شعراء المجالس
10-06-2008, 10:09 AM
ياغايتي هاك السنين القديمات=سمعت صوتك عقب طول افتراقي
وجددت من بين المعاليق ونات=ورديت روح واصلة للتراقي
ان كان عندك كل مافات قد مات=لاوالله ان مافات عندي وباقي
تلومني وانته سبب كل مافات=وتنشد عن اتلى علمنا بالتلاقي
وتقول (عنا وش بك اقفيت بسكات)؟=تبغى تعذر يوم شفت اشتياقي
وتقول لي كان الك في الحي جيات=لو ماتمر الا سوات الطراقي
وانا سبايب صدتي منك بالذات=من طول مااوقف على عظم ساقي
اناحياتي منك راحت حسافات=ليتك تعرف اللي بعدكم نلاقي
عز الله اني قبلكم في ملذات=في العز ماذوقت مر المذاقي
حتى عرفتك واصبح العمر نكبات=ومن اعترضه الحب لازم يعاقي
سبعة عوام مدهرات طويلات=ياعنك ماخالط هواك النفاقي
فالاولة مالي بعير ولاشاة=وفالتالية زاد الصفيق انصفاقي
والقرب ماهو بالبلد والمسافات=القرب مابين القلوب الشفاقي
وانا بعد مااثبت لي الواقع اثبات=انك بعيد ومسلك الحظ ضاقي
اقفيت وعديتك مع الناس الاموات=وكن السما من فوقي الها انطباقي
واليوم اباجرا لو ورا الصدر حاجات=واقول ماابغى منك غير الفراقي
ماعاد تصلح لي ولافيك مشهاة=طقت الكلام اللي قبل مايطاقي
تبغى ترجعني ولكن هيهات=حصل لي مع الريع عنك انطراقي

ديوان شعراء المجالس
10-06-2008, 10:10 AM
شفتاك ابواب الحياة فلاتكن=في فتح أبواب الحياة بخيلا
ولقد سئمت القرع حتى ملت ال=أبواب طول المكث والتقفيلا
ورجعت من بعد الرجاء بخيبة=من بعد مادام الرجاء طويلا
لاتعجبن إذا ذكرتك بكرة=فلقد ذكرتك بكرة وأصيلا
إن آب ليلك أبت في دعة إلى=نوم وعاد الليل عنك عليلا
هلا وقد شكت النجوم إليك من =ظلم أدام لها علي عويلا
أشفقت أن تلقى إلهك غاضبا=أن قد تركت من العباد قتيلا
وجزيت قلبا شفه طول الأسى=بقليل لطف لن يكون قليلا
جمعت لي دق السقام وجله=أفلا تركت إلى الدواء سبيلا
أو ماعلمت بماجنيت علي من =سقم أقام على الفؤاد ثقيلا
وأضعت من حبيك كل مصالحي=وتركتني بعد العلو ذليلا
وتركتني في كل أرض هائما=اعفي على أثر الرحيل رحيلا
في غربة فضحت كنائن مهجتي=وأدامت التعذيب والتنكيلا
عودتني شجوا لكل حمامة=هل قد سمعت من الحمام هديلا
مالي أراك نقضت كل مواثقي=هل أنت من أبناء إسرائيلا
أما الحِمام فقد دنى ورغبته=ماكان قبلك للفؤاد جميلا
ولئن كرهت لقائه فلأنني=ألقاه قهرا ماشفيت غليلا

1421

ديوان شعراء المجالس
10-06-2008, 10:11 AM
قال الذي صبره يذكره بأيوب=ويذكره حزنه بيوسف ويعقوب
واقلبي اللي من طواريه مشعوب =تقبل وتقفي به ثلاثة مهاليل
هذا زمانٍ شفت فيه العجايب=غطّا سما مستقبلي بالسحايب
لا نيب حاضر به ولا نيب غايب=كشّر بوجهي عقب ذيك التهاليل
سر ياقلم بأغلى حروف المودّة=لأبو سعد لو كان مانيب قدّه
وأبشر ليا روّحت خطّك بردّه=شاعر فحل من مبدعين التماثيل
بيني وبينه خوّةٍ ترفع الراس=طوّل بناها في سماها على ساس
أقرب من أبنا العم وأوفى من الناس=أنا أشهد أن ما مثله امع الرياجيل
ماهوب ينسى صاحبه لو دقيقة=يوم أن بعض الناس ينسى رفيقه
هذي الصداقة بيّنت بالحقيقة=ماكنت أظن مثله بيطلع بها الجيل
كنت أشتكي مثل الأوادم زماني=وأقول مافوق الوطا مودماني
والذنب عمّ الناس سرّ وبياني=والحمدلله جاد لي وقتٍ بخيل
بالصاحب اللي له معزّة وهيبة=ماهوب مرتابٍ ولافيه ريبة
يوم أن بعض الناس ينسى صحيبه=وللمصلحة يربط حبال المواصيل
بعده مداراةٍ وقربه وجع راس=يضحك وتنبي عن خيانته الأنفاس
من خبث مطويّته جزعٍ وحساس=و لا ورا عرفه وقربه محاصيل
سلام يانسل الرجال المشاهير=أهل الفعول مخضّبين البواتير
روس الملوك اللي حموا بيضة الطير=حلحيل و ابن محلحلين الحلاحيل
يا أبو سعد هذا الزمان أمتحنّا=كثرت تعاجيبه على كل فنّا
خيّب بصرفه كل هقوة وظنّا=عز الله أنّا فيه شفنا البهاذيل
تبدّلت حال العرب في دهرها=والسوس لاحق بطنها من ظهرها
قاصر لها قيصر وكسرى كسرها=وتشتت من دون حيلة ولاحيل
راحت تميم وعامر وتغلب وعبس=دمعة على كابل ودمعة على القدس
ودمعة على بغداد تزهق بها النفس=وش عاد لو نرثي لو أنّا فطاحيل
عن المطر رحنا نتذرّى بمرزام=ورحنا نخاصم مير الأخصام حكّام
كلٍّ بحبله يحتطب شرقٍ وشام=وأموالنا راحت وحنّا مغاليل
قفّت على ظهور النواقل بالأطنان=تمخر بها هوج الغبب شانها شان
وحنّا نناظرها فالإعلام بإعلان=بلسان حال أطلق شنب يركز الذيل
من الذنوب اللي تراكم علينا=سيقت علينا زمرة الكافرينا
عميت نواظرنا وقصرت يدينا=وتكبكبت قاداتنا في المحابيل
ولابدّ من يومٍ تردّ العزاوي=لاعوّدت تاكل مداوي وداوي
ونادوسها بالقمع صار متساوي=والوعد في بطون الليال المقابيل
ليا هفت فيها الرصاص المكاذيب=وصفت شواظي حاميات اللواهيب
ولجّت من السبع المثاني المحاريب=والليل كالصبح وغدا الصبح كالليل
وش عاد وسع الأرض لاضاقت حذاك=ضاعت مابين الناس لأجلك ولولاك
ماينفعك ياكود طاعتك مولاك=وخل الفتن والهرج والحط والشيل
تمّت وصلى الله وسلم وبارك=على الذي جا بالبروج وتبارك
واسلم وأنا يا أبو سعد بانتظارك=وردت على دجلة وعلّت من النيل

ديوان شعراء المجالس
10-06-2008, 10:12 AM
ابوك ماحط قلبي رقة الا انتي=متمثني حبك اللي بين الاضلاعي
ردي علي مااغتنيتي عنه لاهنتي=ترى شبابي غدا وايامه سراعي

ديوان شعراء المجالس
10-06-2008, 10:14 AM
باقول شي وقلت لك شي ثاني=من هيبتك بالقلب ضاعت علومه
لك مابقلبي خل مافي لساني=هذاك جازه قبل هذا تلومه
والا باقفي والله المستعاني=باصمل ولااحد ميت قبل يومه

ديوان شعراء المجالس
10-06-2008, 10:15 AM
لحظة معي لاتقطع الخط لاهنت=لين الكلام يتم بينك وبيني
وان تم لك باقي كلامي وبينت=اختر وانا باصبر على مايجيني
اصبر على المكروه مادام منك انت=يوم انت نار فوادي ونور عيني

ديوان شعراء المجالس
10-06-2008, 10:16 AM
ياتل قلبي من عروق المعاليق=تل السجين اللي على الضيم مقيود
يفاوق ودربه على غير توفيق=وحبل الشقا معقود والدرب مقعود
تصككت في الوجه واستحكم الضيق=لين عروق الكبد يالين العود
اشكي عليك امرين من غير تفريق=جور الليال السود وعيونك السود
والله لو تبل من ريقك الريق=لانسى دهور راحت هموم ولهود

ديوان شعراء المجالس
10-06-2008, 10:17 AM
خيرالطبائع ماأكرمت إلهاما=وأصدق الود ماواسى وماداما
وأبعدالخلق من أقصاك مقلية=وأقرب الخلق من أدنيت إكراما
أباعلي سمي السبط أين غدت =تلك الوعود أتنسى صحبتي عاما
وماعهدتك إلاللوفاء فتى=لايقتضي حلفه صوما وإطعاما
أهكذا كل من أصفوك ودهم=جزيت ودهم هجرا وإحجاما
أكنت تفعل ذا لولم تزل معنا=أم كنت تنفي لأجل الوردألغاما
والورد ما كنت ترجوه لتجنيه=وإن توددت للأعداء أياما
ولن أسيءبكم ظني فأظلمكم=وإن رأيت لسوءالظن أعلاما
إني امرؤ هكذا الإسلام علمني=أسلمت نفسي للإسلام إسلاما
ولاأقول إذا من صنت أنكرني=بيتا مضى مثلا قدنال أقزاما
(صلى المصلي لأمر كان يطلبه =لما انقضى الأمر لاصلى ولاصاما)

ديوان شعراء المجالس
10-06-2008, 10:18 AM
يامسلم كلما قلت طاب الجرح زاد=وانفتح تسعين باب على سر الضمير
زرع قلبي قام يرعاه حنان الجراد=والدموع تفيض من محجر الطرف السهير
الزمان اللي ضرب بالمخاليب الحداد=ماني اول من شكى منه ولانيب الاخير
كن انا ضلوعي جنود والامير الفواد=واقفين في خشوع ويبكون الامير
ستة اعوام علي الهموم الها اتحاد=اتحمل لي حمول مايقواها البعير
يامسلم كيف عيني تهنا بالرقاد=والغضي من بيني وبينه الدرب الخطير
يمطل ديونه ويلحق قدام مع جداد=وان نشدته قال راح القليل من الكثير
لاطرى طاريه لي واهجادي بالهجاد=كل هم خلق في الارض واجهني مغير

ديوان شعراء المجالس
10-06-2008, 10:19 AM
سر ياقلم دام الهواجيس والمة=تدافعت لك بالقصيد متناظمة
هواجيس قلب يقطع الياس بالرجا=همومه ورا حدب الضلوع متلاطمة
شعر شاعر سجل ملاحم قبيلته=ولكن يعجز لايسجل ملاحمه
ياعنك ان مابالدنيا مايستاهل العنا=وهي يوم فطر وعشرة ايام صايمة

ديوان شعراء المجالس
10-06-2008, 10:20 AM
الناس في عطلة وكل عطى درب=احد شمال الدار واحد جنوبه
واحد غزى للشرق واحد غزى غرب=كل يدور للبراد وهبوبه
وحنا ربطنا الحظ في مبرك الجرب=وزود على زود الحرارة رطوبة
رطوبة ماقد خبرنا لها قرب=ولاحولنا بحر ولكن عقوبة
نلاحق الكيسان مانفصل الشرب=وكل يشيل الهم من لبس ثوبه
ياسهيل جعل الله يبديك للعرب=كل الليالي من بعدك محسوبة

ديوان شعراء المجالس
10-06-2008, 10:21 AM
اللسان حصان يامطلق عنان الحصان=عنه ونفسك عن العوج صد وعنها
كم وكم من كلمة فرقت بين الخوان=العرب تاخذ سوالفك على ظنها
انتبه تصبح كما اللي لسانه خيزران=شغلته شذب العراقيب يتقن فنها
مايعرف المدح لو قلت له مااطيب فلان=قال والله سيرته طيبة لكنها
يلوي الخشة ويرثع في الاجواد رثعان=غارته لاشاف الاجواد صدت شنها
قلبه اسود من سواد الفحم لو هو جبان=لو ورس الناس في دبرته ماحنها
والحسد لولاه ماطرد ابوه من الجنان=سنة قشرا من ابليس الاعور سنها
والحسد ماضر غير اهله سر وبيان=بالهموم اللي فواد الحسود يكنها
والبخل ساس العذاريب سرداب الهوان=هن يدك ان سلمت من المهونة هنها
يعقد الحجان ويعقد الايدي واللسان=ويجمع الاموال للي عليه تمنها
ولاتداري عرف الاصحاب مرخين الاذان=كلما تبلس عليك انسها مع جنها
كان شك ضعيف النفس في خونتك خان=جنب اللي خوته مادري وش كنها

ديوان شعراء المجالس
10-12-2008, 09:52 PM
لاتحترينا ننشدك وراك غيرت الطباع=ماتجهلك عاداتنا..معك ومع غيرك خبر
كبرت وصغرت وانتهت مابين شكة واقتناع=والاربع الركعات صارت ركعتين مع السفر
نصف الدية في (اليد)يدفعها الغريم بلا نزاع=لكن تخليها الخيانة تسبقك يم القبر
ترى الغلا ظل الوفا حرف امتناع لامتناع=وحكم الصفة يتبع حكم موصوفها رفع وكسر
وان كان شفت الكسر عقب الرفع في راس الرفاع=ترى( يداكَ أوكت وفوك نفخ )مالك عذر
من يقترب يمي شبر قربت من يمه ذراع=ومن ابتعد عني ذراع ابعد عنه كيلو متر


رابط القصيده الأصلي (http://www.suhol.com/vb/showthread.php?p=423358#post423358)

ديوان شعراء المجالس
10-16-2008, 03:32 PM
السلام عليكم ورحمة الله وبركاته

هذه مساجلة بيني وبين الصديق اللدود محمد الدغيلبي أرسل لي القصيدة على الجوال قبل ثلاث سنوات في عام 1426ورددت عليه في وقته

يقول محمد


عين تخج القلب باهدابها خج=ونهد كما التفاح ماقد لهجيا
وخد كما البراق يوم يتلاعج =وقوام ممشوق ولابه عوجيا
وشفاه حمر وتحتها اللي تبلج=ثمان بيض بينهن الفلجيا
هذي وصوف اللي لها العقل يرتج=والقلب منها بالمحبة بعجيا
ياخالد المنعور وشلون ابااحتج=في قربها يومك تعرف الحججيا
يالقرم عيني لازرق الدمع تزعج=تشدي لوبل الغيث يوم انزعجيا
باسباب بنت طرفها ناعس ادعج=والموت شفته بين ذيك الدعجيا
غرو كوى قلبي وللكية انضج=وللحال حبه سالسنافي سهجيا
اقسم برب فارض الصوم والحج=خلاق كل اللي على ارضه درجيا
ان القصيدة لااخطت اللي تغنج=ام الجمال اليوسفي والغنجيا
مااعطي لها بال ولاتدخل الدرج=عندي وفالاشعار ماتندرجيا
عصرت فكري يالعبيدي على اج=وارسلت لك والشطر الاخر على اجيا
ابغاك تكتب لي ترى موقفي حرج=لوبيت واحد يمكن ابه الفرجيا
قلبي كما القرطاس مع ثورة العج=وبين العذارى يالعبيدي حرجيا
فقلت






دام الرسالة زج باسمي بها زج=وجتني على احدث موضة التكنلجيا
وانا بفج وراعي الخط في فج=ولاتكلف يمي ولانهجيا
ولابد من رد على الصوت لا لج=لو من عوجته جاب قاف عوجيا
احد نضج عقله قبل حزة النضج=واحد تعدى حزته مانضجيا
يامحمد بن شجاع خاطرك منطج=وش بك تطاوع من بغشك هرجيا
للشعر منهج بابه ابلج ومنهجّ=يامارج البحرين ماتمّرجيا
تسترشد ولاني مكلف بمن دج=ويامانصحتك للسفر والبلجيا
ضعيف في الاملا وفي قافك اعوج=مدرس لغة كنك مدرس جلجيا
كن الزقارة ثم سج القدم سج=واترك مغازل سالبات المهجيا
ماكنك العام القريب متزوج=من تابع اعراض الاوادم حنجيا
تلهث مع الطرقات ضايق ومبهج=ونسيت نعمة من رزقك البهجيا
سوات شحاذ ضرى بالتحوج=يجتر ويعلج الشكاوى علجيا
اتبع شباب من هباله تمكيج=لو ان وجهك شين مايمكجيا
دام درجانك في جنحان ومفاحج=منك البنات البيض ترجي الفرجيا


رابط القصيدة الاصلي (http://www.suhol.com/vb/showthread.php?t=21166)

ديوان شعراء المجالس
10-27-2008, 10:38 PM
السلام عليكم ورحمة الله وبركاته

متواضعة تحتاج إلى هذا الوضوح والتفصيل



ترى العذر كانه لايجمل ولامقبول=يسجل على راعيه مع زلته زلة
كما من يعشي الضيف خبزة تميس وفول=ويقول انت قايل لاتكلف هداك الله
يريد الخطا المعمود مثل الخطا المجهول=ويستغفله من قلة العرف في القلة
وعذر ماهو معقول مايطلق المعقول=ولوماقبل حقران ماينقبل ذلة
يابوفعلة شوها وابومنطق معسول=تراني رفيق العام واليوم لاوالله
ترديت فيني واشهد انك ردي اصول=خذيت الردى بالطيب ملة بلا علة
ربا الود اوكلكيه يوم بفوايد حول=ولكن زرعك يالربا مارباه الله


رابط القصيدة الاصلي (http://www.suhol.com/vb/showthread.php?t=21456)

ديوان شعراء المجالس
01-17-2009, 08:00 AM
السلام عليكم ورحمة الله وبركاته

مساكم الله بالخير

كلنا نسمع بالاحداث الراهنة وكلنا مقصرين حتى بالدعاء عسى الله مايواخذنا

هذه المتواضعة لكم من غلاكم

تل قلبي تلة اللفت من سبعين دور=لا طلبته واضرست مكرته بحبالها
بين حملة جور وصياح مكرات تدور=تلة لاهيب ترثي ولايرثى لها
لاحقت فوقي رعدها واناسيلي حدور=مزنة تضحك مقاديمها باذيالها
غصت البندق وعيت على الظالم تثور=وانثنت شرهةزندها على نقالها
امرؤالقيس انتهض قاطع سبع البحور=يحسب ان الروم تذريه صهب سبالها
ولبسوه الجبة اللي تلقيه الدبور=ثم خطوا مثبره فانقرةوجبالها
عزي لمستفزع صاح في رسوم القبور=والقبور اشوى وتبقى لاهلها اعمالها
اه لله دركم ياملقيةالنحور=من خطاكم تثبت الارض عن زلزالها
اليهودي منكم يروغ ويلج الثبور=في دروع مدرعات يروع ظلالها
لاسقط صاروخكم فارضهم لومايثور=اربعةجرحى وعشرة تثر ابوالها
ماانتظرتوا قمة كنها سنام ثور=جاهم من البيت الابيض لحن موالها
من رجاهم عقب سبعين عام بلاشعور=يشحذ الموتى نفس ماافتكر في حالها



رابط القصيدة الاصلي (http://www.suhol.com/vb/showthread.php?t=23225)

ديوان شعراء المجالس
04-11-2009, 06:31 AM
السلام عليكم ورحمة الله وبركاته

مساكم الله بالخير

متواضعة كالعادة للتواصل


هيه ياللي زلتك في لسانك والمة=ردها والا تصبرعلى مردودها
ماتطلبتك تطلب ضعيف ظالمه=اخذها في الوجه كاش وعساك تعودها
خبث قلبك خف عقلك وعينك حالمة=مير صح العين من حلمها ورقودها
عالم المغرور مافيه نفس عالمة=كل نفس ياجب تقاد له ويقودها
كل سيف غير سيفه جفيره ثالمه=وسيفه اللي منه تبكي الملوك جنودها
قد كفانا العقل عن خصمته ومسالمه=وقد كفاه هباله من العرب وردودها



رابط القصيدة الأصلي (http://www.suhol.com/vb/showthread.php?t=24785)

ديوان شعراء المجالس
08-14-2009, 01:41 PM
السلام عليكم ورحمة الله وبركاته

مساكم الله بالخير جميع
بويتات متواضعة كالعادة للتواصل مع أساتذتنا


بيني وبين العوارف حقوق ماتضيع=احتفظ بعلومهم كلها واضمها
علمتني سود الايام كيف اشري وابيع=واعسف النفس الملولة على ماهمها
ضيق درب القدا والخطا دربه وسيع=وكل نفس تزعم ان القدا من يمها
الجهل مثل الفقر والفقر بيس الضجيع=جنب الجهال لارحم ابوها وامها
التواضع مانقص واثق قدره رفيع=والكبر ما ينهض اللي جهلها طمها
ومن تواضع لايحكم على نفسه وضيع=ثم يطير بفرصة ماحلم يشتمها
ماتشيخ في السلاطين رعيان القطيع=خيط شدوق الحيايا تموت بسمها





رابط القصيدة الأصلي (http://www.suhol.com/vb/showthread.php?t=27049)

ديوان شعراء المجالس
08-22-2009, 10:03 PM
السلام عليكم ورحمة الله وبركاته

مساكم الله بالخير والشهر عليكم مبارك



ننشد العراف والطيبين من الرجال=والرخوم تموت مااحدنشد عن رايها
العوارف تصرف علومها صرف الريال=ميرماتصخي بها الاعلى شرايها
يامكابرفي الجهل لاتطول في الجدال=المعرفةماتجي كان ماانتب جايها
لوتذل النفس عندالتعلم والسوال=عزتك لاصار برهانهاحمايها
ميريبقى الطبع لوزالت اوتادالجبال=والنفوس مسيراقبالهاواقفايها
يالله انك لاتوريني الاعوج عدال=ثم اضيع بليلةعاثر سرايها
وان تجنبني دروب الخطيةوالضلال=ماارتشف مر قهوتهاوحالي شايها



[/poem]رابط القصيده الأصلي (http://www.suhol.com/vb/showthread.php?t=27234)

ديوان شعراء المجالس
10-25-2009, 01:40 PM
السلام عليكم ورحمة الله وبركاته

هذه القصيدة التي تشرفت بإلقائها في حفل تكريم الدكتور فهاد بن سعد بن هملان


شرد الجزلات تفرض نفسها الطماحة=ولاتعاشق غير من بفعوله يتيمها
للوفا واهل الوفا طماحة لماحة=ولاتلد العين ف ضعوف العرب ورممها
الضعوف اللي تدور مدحة المداحة=وفعلها يرجع بها والهرج ماقدمها
المديح لمن ثبت مثل الجبل في الساحة=قمته فوق الجبال الشامخة وقممها
مثل فهاد بوفاه ووقفته وكفاحه=يوم دون للقبيلة مجدها وشيمها
راسي عقله ولكن همته جماحة=ماقنع فيما جمع دون السما وانجمها
ازدهر علم النسب به واشتعل مصباحه=ومعجمه في المكتبات يفوق معاجمها
خلد التاريخ ثم اظهر حجج شراحه=وان فهمها القرم جعل اللاش مايفهمها
واخرس افواه ماهيب من الحسد في راحة=والحقايق تكتم انفاس الذي يكتمها
والحقايق شمسها وضاحة فضاحة=يوم تملا الخافقين وينجلي مظلمها
لابتي تاج الزمان ومحزمه ووشاحه=ماضي الدنيا وحاضرها وفي قادمها
من عصور الجاهلية في العدا سفاحة=لااشتعل للحرب نار يحتطم جاحمها
وفي ذراهم للضيوف من المكارم واحة=لوتشح الارض بالما والسما تحرمها
انشد التاريخ واهل الشعر والفصاحة=حظنا يرقى سنود ونارنا نشعمها
كل عصر نحتزم له ونغزي بسلاحه=ندحم بجنب متين الناس ونزاحمها
وقيمة الرجال في علمه وفي نجاحه=والجهل ينسف عروش المجد ويهدمها
جيت اباشارك وابارك والخطوط متاحة=ويستحق الوافية فهاد ويقدمها


رابط القصيده الأصلي (http://www.suhol.com/vb/showthread.php?t=28094)

ديوان شعراء المجالس
04-21-2010, 01:40 AM
السلام عليكم ورحمة الله وبركاته



متواضعة للتواصل والجود من الماجود





#وزن الأبيات هذه بنفس التفعيلات لاأعرف أحدا نظم عليه قبل ولكن أصل البحر من البحور المعروفة#





يامل قلب كلماقلت طاب تعاوده بالغرابيل=طواريٍ تضيق منها السماوات السبِع والاراضي

يابيح سدي بيح ياشيب عيني شيب ويلي من الويل=راضي بحكم الله ولكن بحكم الزين مانيب راضي

عزي لمن صابته بسهومها الدعج الوساع المظاليل=نصف القلوب مراض من سبة سيوف الجفون المراضي

يامامن اسباب الهوى راح من عاقل وفارس وحلحيل=ومجندل الفرسان بسهومها تجندله سود اللحاظي*

واصدري اللي صار مدرج همومٍ مقفياتٍ مقابيل=والاكما عدٍّ تخالف غروبه بين مملي وفاضي

متعاقباتٍ في ضلوعه تعاقب موج ماله تماهيل=موجٍ على شاطيه مردف نهار وليل ماهوب قاضي

باسباب من عوده كما غصن موزٍ كلما هبت ايميل=خطر على خصره من الردف فالمقعاد والانتهاضي

والفاحم اللي لويفله يضيع االليل في خرمس الليل=نصفه على المزموم واقصاه بالمنبوز منه امتعاضي









ملاحظة:

حرف الظاء والضاد في الشعر العامي واللهجة الدارجة لافرق بينهما

****

**

*




رابط القصيدة (http://www.suhol.com/vb/showthread.php?t=30755)

ديوان شعراء المجالس
04-30-2010, 01:38 AM
مرثية شاعر قبيلة السهول عبدالله بن سعود بن سيف رحمه الله





يامل قلبٍ قلّبته الصواديف=صكات بقعا كل يومٍ تلوفه
لوف الورق في درب هوج العواصيف=والوقت ماتومن بلاوي صروفه
انا اشهد اني منه ماطاب لي كيف=هذي على قلبي مضارب سيوفه
ياموت مادورت لك غير بن سيف=عز الله ان مابك لربعه مروفة
اخذت راعي الطيب حامي المواقيف=الي يغار الطيب يذكر وصوفه
اخذت روحه ليش غصبٍ بلاكيف=ولوّك طلبته ماذخرها بجوفه
روح الطهر ماداست الظلم والحيف=في جسم رجلٍ مايداري حتوفه
لاوالله الاصار دونه تكاليف=اللي قبل سهلٍ على الضيف شوفه
ماعاد حولك ريف يامدور الريف=كل المكارم روّحت في كفوفه
راح الذي في العلم بحرٍ بلاسيف=ومن فوق عرفه جايدٍ بمعروفه
كم له يدٍ بيضا وطيب ومعاريف=مواقفه تثني عليه ووقوفه
وقت القسا عن لابته للقسا ضيف=ووقت الرخا عن لابته هم ضيوفه
يقلط على صعب المواقف لياخيف=ويبيع روحه مايعدّ الكلوفة
الشاعر الفحل ووسيع المحاريف=رمز القبيلة فَ امن وقته وخوفه
يالله عسى غرّ المزون المراديف=تروي ثرا قبرٍ ثوى الطيب جوفه
ياعين جودي بالدموع الذواريف=تطفي لهب صدرٍ شوته الحسوفة
وياقلب لاتذهبك بعض التحاسيف=فقيدةٍ راحت ماهيب مخلوفة
خبره كنّه طعنةٍ في السراجيف=بالروحة اللي مابعدها نكوفة
لعل ماصابك يابن سيف تخفيف=ولعل روحك بالنعيم محفوفة
وين العوض عن صوتك ان عوّد الصيف=لامن حفل اللعب قامت صفوفه
ووين العوض للي يشوف التخاليف=اللي شكى جور الزمان وظروفه
يوم انت تفزع ماتعدّ التكاليف=والجاه دون الوجه لو به حفوفة
ابكيك وابكي معك زين السواليف=وابكي فوايد نصح نفسٍ ولوفة
ومراجلٍ ماتحتويها التواصيف=خمسين عامٍ بالكمال معروفة
ولعل ماصابك من السقم تخفيف=ولعل روحك بالنعيم محفوفة

ديوان شعراء المجالس
05-01-2010, 11:17 PM
السلام عليكم ورحمة الله وبركاته



مساكم الله بالخير



بويتات مرتجلة













ياراعي الحفرة تريح وارم محفارك وراك=مانته بلاقي لك ذهب والنبع مانتب واصله



حفرت لك حفرة تبي ترمي وفيها الله رماك=وخذيت من عمرك سنين بحفرها متواصلة



تحفر لك تراب ويجيك تراب وش حاشت يداك=الا تراب خارج الحفر وتراب داخله



ان جيت تدفنها ابتليت وتركها سبة بلاك=يعني على كل احتمال المشكلة لك حاصلة



حفرتها بارضٍ خلا واجهدت نفسك في شقاك=ومن لا استشار الفاهم وذاق الندم يستاهله



البارحة تبكي وهذا اليوم تبكي من بكاك=وعزاه كان البارحة واليوم مثل القابلة



واقول ثالثة الاثافي كان ربي ماهداك= لاتصبح الحفرة قبر وانت تحفر مداخله



رابط القصيدة (http://www.suhol.com/vb/showthread.php?t=30908)

ديوان شعراء المجالس
05-29-2010, 03:08 PM
السلام عليكم ورحمة الله وبركاته



مساكم الله بالخير



بويتات للتواصل مع الاحبة





ليا اجتمع في الرجل كبر وجهالة=كبر عليه اربع وسلم بثنتين



وشيّع نعش عرفه وقل لاعزاله=حياة ابوموت دماغي على وين



دام الفلس في راسه وراس ماله=من وين تلقى الدر حراثة الطين



يحرم عليه العرف ماله وماله=حتى تضنى عاقر عند عنّين



في نفسه من الكبر صاحب جلالة=لكن في عيون الرياجيل مسكين



وليانطق ماحد يعارض مقاله=يترك على فاله عسى فاله الشين



مثل الفقارى مايرون المسالة=ومن التعفف تحسب انهم غنيين



ومن غرته نفسه فهو من هباله=متشبع يلبس من الزور ثوبين*







إشارة إلى حديث(المتشبع بمالم يعط كلابس ثوبي زور)



رابط القصيدة (http://www.suhol.com/vb/showthread.php?t=31468)

ديوان شعراء المجالس
06-10-2010, 12:31 PM
السلام عليكم ورحمة الله وبركاته

مساكم الله بالخير

بويتات
متواضعة

للتواصل


زين بعيني وكل الزين بعيونك=غصب على من حسدك وعميت عيونه

اكسر لهم حاجبك ولايهمونك=ولاتلتفت في الكلام اللي يقولونه

وان جيت تمشي على هونك على هونك=تراك تاطا كبود منك مغبونة

من لارضوا قسمة الله كيف يرضونك=لو السما تمطر الماس ويحصدونه

لاشافوا الفاحم اللي يكسي متونك=عليك جام الغضب قاموا يصبونه

وان كان شافوا العيون وخدرة جفونك=قالوا بلاها المرض وهْم ايتمنونه

يامكسر العود الازرق مايشمونك=وراع الحسد مايشوف الشمس في كونه

ولو طولوها تراهم مايطولونك= في العرش لك حافظ وفي الارض مصيونة




رابط القصيدة (http://www.suhol.com/vb/showthread.php?p=681945#post681945)

خالد السهلي
06-15-2010, 09:58 PM
من الإرشيف



عصى القلب العواذل والطبيبا=وأصفى ناقع الحب الحبيبا
ولولا صبوة غلبت عليه=إذا ماالشمس قاربت الغروبا
لكان عليه للوام حق=فلاأبدي المدامع والنحيبا
وكيف يلام قلب ذو شؤون=لهمٍّ لايزال به كئيبا
وقد ملك الملوك الناس قسرا=ولكن أين من ملك القلوبا
وماملكوا قلوبهم لعمري=ولولاهم لما ركبوا الذنوبا

خالد السهلي
06-15-2010, 10:23 PM
من الارشيف


انا اللي ذكرتك يوم كل فرح بالعيد=ابارك لهم ودموع عيني عل خدي
ولولا الحيا لاصد عنهم واروح بعيد=كماناح يعقوبٍ على يوسف وصدي
ولولاقيودي والله ان اتمثنى البيد=واشقق ثياب العيد من بيحة السدي
انا ماادري وشلون تنقد علي يا...=لاوالله مادري كيف تنقد ولاودي




المزحة اللي تجي من طيب الخوة=مانيب اعقد لها وجهي وحجاني
مانيب هافي ولابقليل مروة=انسى وفا صاحبي لادناة ماجاني
ولااخذ حقوقي من الربع بالقوة=وشلون اذكر بحقي من تناساني
اماعطانيه من تقدير وحموة=والاباخليه قبل يقال خلاني
اناخفيف علايق مابي جروة=مانيب ضحكة قفا لفلان وفلاني

ديوان شعراء المجالس
06-24-2010, 08:36 AM
السلام عليكم ورحمة الله وبركاته



هذه المقطوعة نشرتها قبل 3سنوات واستغربت أني لم أجدها في المجالس رغم أن عادتي اول ماأنشر أنشر في المجالس

والآن انشرها استدراكا واعتذر من الاخوة أكثرت عليهم







تدللـي وامـري يالـذة الخـاطـر=بس اومريني ومن هذي قبل هـذي

مع طرقة الرمش البي الامر واخاطر=لو الخطر قدم عيني مالـه انقـاذي

ياعلة القلب يسقـي دارك الماطـر=لوّك سقيتيني مـن المـر والحـاذي

ثرير ملحك يسد البيـض ويقاطـر=ويذوّب القلب لـو القلـب فـولاذي

يابيح سدي لامرّ الطـاري العاطـر=عز الله انـه يجـذ القلـب جـذاذي

لاواعلى من شفى من قربك الواطـر=غيرك ماعاد الي في الدنيا تلـذاذي

مادام بي عرق يسقي عرق ابااخاطر=بس وامريني ومن هذي قبل هـذي



رابط القصيدة (http://www.suhol.com/vb/showthread.php?t=31881)

خالد السهلي
08-28-2010, 09:41 AM
من عام 1424


مابقى ياقلب شـي يجـد مـن الهمـوم=اسر مـع هاجسـك والله يدبـر مايريـد
لك ثمان سنين وأكثر من الهـم مخمـوم=مشتبك بك شبك الاغلال مبهمـة الحديـد
فاتك اللي فات وأقفت علومـك والحلـوم=مابقى لك فالزمن كود عضدك والعضيـد
هنـدب القيفـان والـرب غفـار رحـوم=لا طرى لك قاف لا باس في سبك القصيد
نعنبو مـن لامنـي فالنشامـى والقـروم=هم رصيد اللي زمانـه تركـه بلارصيـد
مثل نبع الجود راعي المراجـل والسلـوم=الجناحي جعل عمره علـى الدنيـا مديـد
يامحمد جعـل يفـدون ماطـاك الرخـوم=أشهد أنك دون ماقفك لـك بـاسٍ شديـد
ماتركت اللاش يفرح على بعض العلـوم=منشبٍ في راسه خطـام وبرجليـه قيـد
عادةٍ في ولـد غشـام للغاشـم غشـوم=لو يكود الكيد كيده علـى الكايـد كويـد
والحسود يطاول الهـم ويمـوت محـروم=ما يحوش إلا الفشيلة ولا يحسـب فقيـد
تقفي أخصامه ويبقى على الحزم محـزوم=اليدين تحز فـي القيـد والكبـد بوقيـد
والضعيف ضعيف لوخاصم الناس مخصوم=وش يسوي العبد لـو طيرتـه أم العبيـد
العرب مايقرنـون الجبـال مـع العقـوم=ياجبل حذافك أعسم وحذفـه مـن بعيـد
انطلق قـدام ياراعـي الغـوج العـزوم=حاسدك يشهد لك الموهبـة والله شهيـد

خالد السهلي
08-28-2010, 09:47 AM
السلام عليكم ورحمة الله وبركاته








هيه ياللي فيك من قولي وفعلي روعة=لايمك يبلى بردع القوة الجبارة

يرجف الزلزال ثهلان وتطير وقوعه=الطيور البرق من يمنى الجبل ويساره

الاصل ماهمني مادام شفت فروعه=وكان لك منة علي اسرج خيول الغارة

وكيف تسرجها وهي هاك الزمن مقلوعة=برّكم فيها قطفنا ورده ونواره

انت في قلبك ثمان سنين مثل اللوعة=وماقدرت تسد دين ولاوراك تجارة

والتحدي كان قلبك تحتميه ضلوعه=مااتراجع عنه لكن اطلبه واختاره

قابل معك التحدي وانته افرض نوعه=واطلب الفزعة من الجزعة على طيارة

كان تبي معوشرة والا تبي مربوعة=احفر لركبتك وادفن وازهم الحفارة

*واطبع الصفحة ورح بالصفحة المطبوعة*=للاديب اللي يهندسها على فرجاره

والمهندس خله ينقي خيار فزوعه=وكل عشرة من مساكينك لهم كفارة

عام الاول يوم جاك الضيف جالك توعة=جالس عامين ف ديارك يابوسنارة

ماتقهوى عندك ولاقمت في موضوعه=ماعرف دارك ولكن انت تعرف داره

وعادته لاشاف جحر خانق جربوعه=مانشد وش في الجحر جربوع والا فارة

ترسل الجاسوس والجاسوس اخذه قطوعة=كل يوم عند راسه ورده ومصداره

واحتقرت طبوعك بماوصلك من طبوعه=يوم حصلت لك امير ماعليه امارة

وانت لو انك شهير وسمعتك مذيوعة=استحيت تخاطب الناس وعليك ستارة

الضعيف خاف يدخل يبتلش بطلوعه=مادرى انه لو دخل ظهّر قبل مظهاره


رابط القصيدة (http://www.suhol.com/vb/showthread.php?t=31510)

خالد السهلي
08-28-2010, 09:54 AM
الشهادة من غنيم اكبـر غنيمـة=فوق راسي تاج وبصدري وسامي
كل قولٍ مصـدر يعطيـه قيمـة=وقيمة القول العظيم من العظامي
ياسلام الله على القرم الصتيمـة=ذخر ربعه في الجدايد والقدامـي
صيرفي الشعر والنقد وزعيمـه=ندّر الجزلات ينظمهـن نظامـي
ماتحصل فـي مبانيهـن ثليمـة=مثل من يكمل نصابه بالحرامـي
وان وقف في ماقفه يفلج خصيمه=وان قعد ما سدّ غيره في القيامي
زادك الله من نعمه ومن نعيمـه=ولبسك ياغنيم عافيتـه دوامـي
والسلام من العبيدي من صميمه=ياصلك وافيه واختم بـه كلامـي


وسلامتكم

خالد السهلي
08-28-2010, 09:58 AM
في عبدالعزيز بن عبدالله الجناحي الخالدي


بيض الله وجه كسـاب الجمايـل=الجناحي راعي اليمنـى الطويلـة
تنشر له البيض في روس الطوايل=والله ان النعم فـي حقـه قليلـة
صامل الفزعات ممدوح الفعايـل=محرج بالطيب مـن يشكرجميلـه
ليت من بالمرجلـة دايـم يفايـل=يتعلـم منـه ويقـارن حصيلـه
اشهد ان ابـوه ورث لـه قبايـل=كل واحد من عياله عـن قبيلـه
ياعسى حفرته تسقيهـا المخايـل=كلما ركب سحاب وسـال سيلـه
ورثك يابوجنـى واف الخصايـل=كن حصر الارث لك وانته وكيلـه
جعل مانعتاض في راسك بدايـل=والله انك نـادر فـي كـل جيلـه
جعل يفداك الردي وجه الفشايـل=قاصر الخطوة وابوكـف بخيلـة
ان سعى فالخبث له حيل ومحايل=وان نخيته في لزومك مات حيلـه
ان مدحتـك ماتوفيـك المثـايـل=وانت من يقدر يرد لـك الجميلـة
الك فاعناق الحرار ابنا الحمايـل=منـة تثنـي غواربهـم ثقيـلـة
تفعل وتنسى ولاترجي الحصايـل=وانت مقطع حق مايدهى دخيلـه
فيك من كل المعانـي والفضايـل=مايمرجل له بلـد مابـه فضيلـة
وان قرنتـه بالاواخـر والاوايـل=يامراجله اشهدي لي واشهدي له

خالد السهلي
09-16-2010, 07:49 AM
قصيدة الشاعر الكبير عبدالله بن سيف ومجاراتي لها
يقول رحمه الله

شباب السهول أهل الكرم والشرف والجود
أماريبهـم ولاأستمـع كــل عـذالـي
بعيد عـن الزلـه بعيـد عـن المنقـود
هل المعرفه والطيب والمستـوى العالـي
شباب الحميـة والمكـارم بخيـر وزود
عسى الله يوفقهم على حسـن الأعمالـي
لقينا بهم طيـب الأوائـل ورث جـدود
لهم في سنـام المجـد والعـز منزالـي
أهل مرحبابالضيف والعانـي المحـدود
يشيلون حمل الهـم عـن طيـب الفالـي
وأنا أشهد ولا يحتـاج للطيبيـن شهـود
أهلهـم نجـوم الليـل حمايـة التـالـي
وياالله يـارب المخاليـق يـا المعبـود
مسير سفينة نوح فـي بحـر الأهوالـي
وتجنبهـم الـزلات وتحقـح المقصـود
وخيرٍعلـى الأدنيـن والعـم والخالـي
ومشينا تحت خضر البيارق مع ال سعود
ليـا عسكـر الدخـان والـدم شـلالـي
وحنا لهم طول المسيـرة سنـد وجنـود
نصون العهد ونرخص الروح والغالـي
وهم درعنا الظافي وهم نصرة المضهود
هل العدل والانصاف ماضين الأفعالـي
وكل القبائل والحمائـل سنـد وعضـود
تحت راية الإسلام فـي دبـرة الوالـي
وعدد مايلوح البـرق وإلاتهـب النـود
صلوا علـى المختـار ماهـل همالـي









وهذا مجاراتي المتواضعة له وطيت فيها بعض قوافيه لانها ماكانت قصيدته عندي




تسمّعت لي قولٍ بعيـدٍ عـن المنقـود
سوات العسل والا كما السكر الحالـي
كلامٍ جزيل ولايـدور عليـه شهـود
ثمينٍ ثقيلٍ يشـرح الصـدر والبالـي
ولاهي غريبة بعد ماقيل لبـو سعـود
ابوسعود بنك في جزيـلات الامثالـي
وتهيض هجوسي للقصايد وجنّ سجود
وجاللقوافي في حشاالصـدر زلزالـي
وذعذع لي الغربي وهبت هبوب النـود
وسقت القلم والحبر في صفحته سالـي
الاياقلم سجل على صفحـة المـردود
سلامٍ بغير حدود واغلى مـن الغالـي
عدد ماهمل سيلٍ يسوقه رزيم رعـود
بروقه تشق الليل في صحصحٍ خالـي
وعدد من يحج البيت ويوحـد المعبـود
وهلل وكبـر ربـه الواحـد الوالـي
ومابان نجمٍ في ظـلام الليـال السـود
وماهب ذعذاع الهوى شرق واشمالـي
سلامٍ ليامن رد فاح لـه ريـح العـود
يُخَصّ به من بين الرياجيـل رجالـي
ابن سيف كساب المراجل ونبع الجـود
ملمّ الحشام وعـزّ ذربيـن الافعالـي
يابن سيف تستاهل جزيل الوفا والزود
سمعنا النصايح منك ياطيـب الفالـي
نصحت ووفيت وبالوفا والكرم معهود
عسانا على احسن من ظنونك والآمالي
وحنا رجال الجود حاضر وورث جدود
سهولٍ لنا فـي ذروة المجـد منزالـي
لنا الراية البيضا قبل وقت عاد وهـود
هل الحرب واهل الجود بالجاه والمالي
يابن سيف شاعرنا لك الموقف المشهود
على اللين والشدة لك سنيـنٍ طوالـي
مواقفك ترفع روسنـا مالهـن حـدود
لعلك على عز وشرف دايمـاً عالـي
وحنا على جرتك والجـود بالماجـود
وحق القبيلـة واجـبٍ مابـه جدالـي
وختم الكلام عـداد ماذعذعـن النـود
صلاةٍ على المختار والصحب والآلـي



1423

ديوان شعراء المجالس
12-27-2010, 06:40 PM
السلام عليكم ورحمة الله وبركاته

مساكم الله بالخير

قصيدة وجهتها إلى صديق شبه خاصة في كل معنى ولكن في صورة عامة





انا ما اسبر مبادي كل بادي=ولااتبع كل هرباد ربادي

وانا مبداي من مبداي واحد=ولوكثرت مع الناس المبادي

نصيحة عود لذخره ذخرها=ومكنها وسكنها فوادي

ووراني المحجة بالف حجة=واخذ عهده علي مااهف غادي

وثبتني عليها الله بدربي=واناانظر فيه زلات العبادي

صحبت الناس من كل النحايا=وعرفت طبوعهم حضروبوادي

ولقيت ان كل شارب له مشارب=على قادي وعلى غير قادي

ولابدلت ثوبي مع رفيق=فرض معه الوفا ملح وزادي

يكود ليانزع به عرق اقشر=وحٌك المطلي وبان السوادي

وكم ساومني محدد مصيره=على ممشاي واخترت البعادي

ومن يرخص ثمن رفقة رفيقه=بسعر مايخارج في المزادي

ثمن فرقاه مسحة تالفونه=وحفنة من رمل والا رمادي

ولاتبكي عليه الارض لااقفى=ولاسبع السماوات الشدادي

صحيبي لاوفا مانيب اخونه=احول واركبه فوق الشدادي

لاصار الدين لي فوقه محيته=ولاصار له عجلت السدادي

ليا مابان لي عيبه دفنته=وادافع عنه بغيابه وافادي

واجاهد دونه الزلات واطمر=عجاريفه مثل طمر الجوادي

واذا داخل ضميري منه شكة=وجاني بالخطا صمد عمادي

نشدته ثم عاتبته لعله=خفاني وجه عذره وهو بادي

على ماقال الاول يوم غنى=كلام من تمعنه استفادي

يعاتب صاحبه من به مودة=واذا راح العتاب فلاودادي

على الاصحاب ماحيمرت عيني=واجذ بها معاليق المعادي

وكم من واحد خابت ظنونه=برجل يحسب ان ماله ملادي

غدا اول من ذكره بقيظ وقته=هو اول منسي وقت البرادي

ومن كان الوفا طبعه لربعه=بمخلاب الندم يمكن يصادي

كما الفلاح يوم ارضه بذرها=بذور تموت واخرى للحصادي

وبعض الزرع بالما العذب ينبت=ولابد لبعضه من السمادي

وكم من واحد كنت احتزم له=لو يعرضني الدرب السنادي

والى منا تخاوينا بطرقة=تركت له القيادة والقيادي

وصار من الردى والجهل يحسب=كرم نفسي ضعافة واجتهادي

وكفي لوبغيت رقبته امكن=من السبابة بخشم الزنادي

ليا لدت بنا عين العداوة=لطمنا النون لطمٍ لاإرادي

وكحلنا بالثميدي لا بالاثمد=محاجرها وسلينا الهنادي

وانا جدي لبيد بن ربيعة =وشفرات امتداده في امتدادي

من البحر المحيط ان شيت غرفي=ونحتي من صفا الصم الصلادي

ولايلحق قصيدي نقد ناقص=ولايلحقه نقص من انتقادي

ولاامالي على نفسي عدوي=ولااغري من جهلني بالتمادي




رابط القصيدة (http://www.suhol.com/vb/showthread.php?t=35013)

ديوان شعراء المجالس
01-18-2011, 09:06 AM
السلام عليكم ورحمة الله وبركاته

الله يمسي الجميع بالخير

هذي مثلما يقال كيبوردية خطرت على بالي


من لادرى بالشعر وينه ملقي=نصيحتي له لايعارض فحوله
انا يدي من دون حلقي وحقي=ومنها حلوق المعتدين مغيولة
ابطش بها مااعرف معنى التوقي=واصل خصيمي قبل موعد وصوله
وان كان خصمي بالقناع متتقي=ويظن دس الراس عز ورجولة
يخاف في الميدان خشمه يدقي=ضربت عنه الذكر صفح وبطولة
اناعميلي كل شهم ينقي=جزايل الامثال في كل صولة
ابيع واشري معه وارقى وارقي=واطاوله لو طال طوله واطوله
والعايل المستكبر المستحقي=مانيب في حاله ولانيب حوله

وسلامتكم

ديوان شعراء المجالس
01-25-2011, 01:06 PM
السلام عليكم ورحمة الله وبركاته
فارقنا اليوم ركن من أركان القبيلة شاعرها العلم غنيم الخبيش رحمه الله وجعل قبره روضة من رياض الجنة
اليوم الخميس بعد خروجي من المقبرة خرج من قلبي ماظننت أنه سيطفيء شيئا من الحزن على شاعرنا الأديب الناقد ابوسعد غنيم الخبيش



نهار الخميس اللي دفنت به اعز الناس=لو ان التطير حق قلت انحس ايامي
ولكن مومن بالقدر وادحر الوسواس=واعرف ان هذا حكم خلاق الانامي
لاحل القدر وانصك باب الرجا بالياس=فلاعاد به غير الرضى والترحامي
بعد مادفنت غنيم عودت بالافلاس=فليس اليدين وطاح درعي مع حزامي
مشى الوهن ف عروق(ن) من الفاجعة يباس=ولاعاد بعد غنيم خلفي ولاامامي
ياعنك ان من ودعته اليوم في الارماس=فقيد(ن) لفرقا مثله تخور الاقدامي
فقيد الشعر والعرف والطيب والنوماس=فقيد القبيلة والجزيرة والاعلامي
خسارة خسارة ماتعوض ولاتنقاس=ثليمة وللاضلاع منها تهشامي
وريث المراجل بالحميا صليب الراس=صميدع طليق يمين عزام جزامي
عسى الخلد لك ياطاهر النفس والانفاس=وماصابك من السقم تكفير الاثامي
الا ياسعد ومحمد وياحمد لاباس=انا اليوم ولد غنيم وابوي غنامي

لاحول ولاقوة إلا بالله

ديوان شعراء المجالس
02-13-2011, 12:04 PM
السلام عليكم ورحمة الله وبركاته



سبحان رب قلع "حصنـي" مـن الكرسـي
اللي ثلاثيـن عـام(ن) رابـض(ن) فوقـه
يقول انا فـي مكانـي ثابـت(ن) مرسـي
لكـن ربـي قلـع مـرسـاه وعـروقـه
ياطغاة الارض اخذوا الدرسين في درس(ي)
الشعـب لاقـام غصب(ن)ياخـذ حقوقـه
تونس قلع طاغيتـه قلاعـة الضـرس(ي)
وشعب الكنانة على الحصني ضرب طوقـه
تخلت الروم عنـه وفرحـت الفـرس(ي)
يـوم الله اراد سَوقـه مـاربـح سُـوقـه
فاجاه مثـل الطـلاق بليلـة العـرس(ي)
نغـص عليـه النعيـم وخبّـث وفـوقـه
فرعون قبله قد اخلا القصر والغـرس(ي)
وفاروق قـد ذب وسـط البحـر دانوقـه
اليوم عنه اليهـود افواههـم خـرس(ي)
اللي لهم بـاع دينـه واخلـص بشوقـه
شدد حصاره وصـار لدارهـم تـرس(ي)
وصـك المعابـر والامـدادات مسـروقـة
لله در الشبـاب الصامـل الـشـرس(ي)
اللي غسـل عـار ذلـه واطلـق سبوقـه



وسلامتكم

ديوان شعراء المجالس
03-05-2011, 09:50 AM
السلام عليكم ورحمة الله وبركاته
مساكم الله بالخير
هذه مساجلة جرت بيني وبين الشاعر الكبير حمد بن عبدالله الغامدي
وهو شاعر عرضة وقلطة ونظم متمكن
يقول حمد:





يالهاجس المليان فالحـال مطلـوب=مطلـوب وان الله يعينـك علـيـه
فنجالك من الغيض بالقيض مشروب=امـا طناخـة راس والا حمـيـه
ماساع شب لواهج النـار مشبـوب=والقـوم فالميـدان والنـار حـيـه
اما اصبح الصبح وجمل زيد مغلوب=والا علـى خصامـه أدرج لحيـه
ياخالد لياراحت ضروب وحـروب=فالسيف والبنـدق وظهـر العبيـه
وان كان منت بناهب" فأنت منهوب=كذا المواقف مـن علـى الجاهليـه
أبغاك في لزومي العجـل منـدوب=ذا الحيـن ماهـو بكـره ولاقفيـه
لكل دقن" يأبيض الوجـه ماجـوب=وماجوب ابن جربوع حـق" عليـه
الحق ثبت الساس والراس منصوب=ويمنى تفيد الخيـر تقـدر الأذيـه
مافي مواقيف الرياجيـل عـذروب=الا على اللي يختلص فـي خويـه
شفنا الدلايل ، والجبل يمكن يـذوب=لواكشف اللـي حجتـه فـي يديـه
لكن ما بكشف ستر والكفو محسوب=وتبقـى الأخـوه بيننـا والحميـه
علم بها اللي يلبس الثـوب مقلـوب=ويضحك لنـا لوكـان نيتـه نيـه
أما يجنـب عـن فعايلـه ويتـوب=ولا خذينـا منـه حــق وسـيـه
ماهي غنيمه غتره ومشلح وثـوب=لا فات من يـدك شـداد المطيـه
فان كانها سمع ونظر عين وقلـوب=عكاش مالـه حـق ينطـح طميـه
وان كانها يادوب يـادوب يـادوب=فالله يابـن جـربـوع ولاهـذيـه
هذا وخذ من صافي الذوب مشروب=قنـاد راس مـن أول الشاذلـيـه
قصيدة عنوانهـا الطيـب مكتـوب=وميزانهـا سبحـان رب البـريـه
وأسلـم وللعليـا مناهيـج ودروب=والا ترى الطايف يعـرف الحويـه


وابن جربوع في القصيدة هو الشاعر نافل بن جربوع القحطاني

وهذا ردي على قصيدته





ياالهاجس اللي تقضي النـوب وتنـوب=جمـك كمـاهـداج تنـضـح دلـيـه
على جبـاك تصافـق دلـي وغـروب=وتليـن عـروق الكـبـود الظمـيـة
عذب وعذاب وكل منطق لـه اسلـوب=وتواجـه بدعـواك مـن لـه دعـيـة
جتني رسالـة شاعـر فيـه لاهـوب=صبـي غـامـد مـعـه بقعاصبـيـة
قال ان جمل زيـد يتكـرب ومكـروب=واقـول لـثـه بالهـجـار العشـيـة
يالغامـدي بالجهـل مايقلـب الـثـوب=الا الـرخـوم السـفـلـة القلـبـيـة
وان صار لك حق ارفع الراس معصوب=قـد قيـل راع الحـق عينـه جريـة
كانه على الاعـدا مشوكـك مصبـوب=وكانه علـى الاخـوان لـك مشرهيـة
وكانك تبيني بيـن طالـب ومطلـوب=معدالـك ومـعـدال زبــن الونـيـة
واللي يغـط الحـق هافـي ومتـروب=احكـم ولالـي مـع حداكـم نحـيـة
فان كانهـا بوجيـه ومداحـم جنـوب=كـل علـى عـده ويـذرع رشـيـه
وان كانهـا يـادوب واذنـاب وذنـوب=اصـدع بماتومـر ونفسـك رضـيـة
مانيب خابر في ابن جربـوع شـاذوب=ولااخبـره فيـكـم ولاهــوب فـيـه
وشداد ريمة تحـت ابوزيـد مركـوب=ولاهـوب بايعهـا بـربـع الوقـيـة
ماهـوب للمقفيـن حشـاش عرقـوب=ولايلتفـت فـي حجـرف ولاطلـيـه
من باع مرجلته من الطيـب مسلـوب=ولاهيب تخفـى مـن طبوعـه خفيـة
هذا وخذ مشروب من صافـي الـذوب=يقعـد لـك الـراس ويحـل القضيـة
والشك ماله درب وابليـس محصـوب=والطيـب مسفـوط الخـوي لخـويـه


وسلامتكم

خالد السهلي
03-05-2011, 01:25 PM
قيلت أثناء التظاهرات على حسني مبارك


ترنح العرش بالطاغوت وانتفضـت=عليه مصر مـن الاقطـار فاندحـرا
وكان يأمل طول العمـر فـي دعـة=فصار يأمل فـي ويلاتـه القصـرا
وكان يسعى لتوريـث ابنـه فغـدا=يريد شهرا من الدنيـا فمـا ظفـرا
لاتأسفـن "جمـال"إن رحلـت فلـم=يترك أبـوك للـص بعـده حجـرا
أمضى الحياة حليفـا لليهـود فمـا=زادوه في الحكم يوما،بئس ماادخـرا
ليبكـه جيـش صهيـون ؛ويلعنـه=من طاف بالبيت ذي الأركان واعتمرا
أمضى ثلاثين عامـا فـي تفرعنـه=والنيل لايحمـل الأوسـاخ والقـذرا
وحكم الكفر بيـن المسلميـن ولـم=يحكم بشرع الذي نبي بغـار حـرا
فإن صحى سرق الأموال في جشـع=ولايعف عـن الأعـراض إن سكـرا
تبت يدا خـادم التلمـود وانقطعـت=آماله ،ولتعـش ياشعـب مزدهـرا

خالد السهلي
05-13-2011, 11:31 PM
صبري على الهجر الجميل جميل=يامن سباك عن الخليل خليل
ياهادم الود الذي ماكان من=يرنو اليه يظنه سيزول
لما استطالت في السماء فروعه=ورست بهن قواعد واصول
كرت عليه يداك ذات عشية=فإذا الديار بلاقع وطلول
ان كان غرك ماعلمت من الوفا=فضللت عن كرمي فأنت جهول
تأبى الكرامة مثلما يأبى الوفا=أبدا ولي من بينهن سبيل
ولقد بدا لي ان تلك معانيا=رداك عن أفلاكهن سفول
ولكم عقدت لذي وداد عقدة=فحللتها لمااعتراه ذهول
إني لحافظ عهد كل معاهد=واذا استقال مبايع لمقيل

ديوان شعراء المجالس
05-22-2011, 10:01 AM
السلام عليكم ورحمة الله وبركاته

مساكم الله بالخير

هذه بويتات للتواصل


كلامك وين يوم تقول اناواياك دون الناس=اشوف الناس صارت كلها من دونك ودوني
احسبك بالصداقة تحتفظ حتى اخر الانفاس=لكنك بعتها وقت الغلا بالرخص مغبوني
ولو السوق ينزل مانزل سعر الذهب والماس=لو ان العرض يكثر والطلب من دون في دوني
لك الله ماتغير كلمتي ولااحني لك راس=عسى يوم احني لك راسي انْه يفارق متوني
مدام اني مجار من القصور ولاعليه باس=اباالغي عقد رفقة خاين ماهوب ماموني
ترا يوم اني ادمح لك, وفا عهد وعفو نوماس=لكن النذل يحسب مكرمه مجبر وممنوني
واناوالله لوابغى اني لاسعط خشمك العطاس=واخيب بي ظنونك بعد ماخابت بك ظنوني
ضلوعي من حديد وصفقتي تشفي من الوسواس=لياوسطتهافي خد مثلك رضي بالهوني

خالد السهلي
06-29-2011, 05:26 PM
ياغاية المطلب ويامطلب الغاية=زينك ورا غاية الغايات والغيّا
وسّقتني من بداية عمري غواية=ولحقتني ميت عقب اشقيتني حيّا
هواك ماله حدود وماله نهاية =جددت بي سيرة الصمة على ريا
اللي جلا به عن دياره عمى رايه=عقب خطب بنت عمه والردي عيا
ركب مقاري الحزوم من الهوى تايه=ماعاد يسوى معه عمر الندم شيّا
ثم لدّ له لدةٍ للقلب كواية=بكيةٍ وافقت في خافقه كيّا
وانهار كنْ داخليه شارة رماية=وبيرٍ تلاحق على قاعه حصى الطيّا
خليتني يالغضي مثله ببلوايه=مثل القريص المساهر مير ليليّا
لحق مداه الهوى والحقني اقصايه=من يوم طرفك دعا ثم حاجبك حيّا
(فاحمك )ليل الفجيع وخدك مراية=عن القوايل تحت رمشينك مفيّا
سقمي بسلهامةٍ للعين واغضاية=وعلى مفالج رهافك طبي مهيّا
والثغر للناظر آية ماوراها اية=جمر..وبرَد..مايذوّب ذي لظى ذيّا
وغمازتينك تربع منهن احشايه=وتلين عروق كبد يبس وظميّا
نفيت روحي بليا ذنب وجناية=وانته وطن روحي وكلي لك حميّا
ياللي عليّه (تـغـيّا)وش هي الغاية=لحقتني ميت عقب اشقيتني حيّا

ديوان شعراء المجالس
07-09-2011, 03:10 PM
السلام عليكم ورحمة الله
مساكم الله بالخير

للتواصل مع الأحبة



ياهواي وغايتي ومناي واغلى امالي=ياربيع القلب لاطالت عليه دهوره
الك حثيت السنين بلادليل لحالي=ممحل في مظلمات دروبي المهجورة
زادي من الصبر نقذة من تذكر غالي=جادت بها كف حظ يبخل بميسوره
مر تجرح خافقي ومرار تشرح بالي=وهل يطيب الجرح يوم وسبته دكتوره
ياكسول الجفن عتقي من هواك اشوالي=تو منك الياس ياصل خافقي ويزوره
من يعوضني زمان راح في غربالي=وقتي اللي مر مر وطال فوقي جوره
ومن بينصفني واروح اشكي عليه احوالي=وانت خصمي والحكم والحاكم ودستوره
لو انا الشعب السعودي وانت فيه الوالي=والله ان يثورلوهو مايعرف الثورة
لويباد الشعب لاخرحرمة ورجالي=يستمدالعزم من ضيم انفس مقهورة
والله اني خطر ارمي غترتي وعقالي=واطلع اصرخ واطلب الحرية الماسورة
كل ديان تخالص وانت مطلك طالي=والغني مطله ظليمة واعتذاره زوره
كلماعزمت اصدرثم طويت حبالي=رد ملهاب الظماحبلي على ناعوره
لاذكر قلبي سهوم الحاير القتالي=كلماخجته كنه ينزع من جذوره
كن فيهابواردية رميهم متوالي=كل واحد حابس انفاسه على ناظوره
اوكطعن الحربة اللي راسها لازالي=ملتحم في عرض باب القصر ابومقصورة
كعبها له طنة من ركزته واعوالي=مير كنها من الغضي في خافقي مكسورة
تترك الخفاق كن به سم صل وصالي=كن به تنور والامحرقة تنورة
ولاتسل عن خرمسي سابح ميالي=لونشر والبدر تم مكتمل به نوره
كان صليت الخسوف وللظلام اسدالي=لين يجلاه الجبين وينفهق ديجوره
و(معقدالسلسال) والا(ماردالسلسالي)=المشبه لامشبه به ؛خيال اسطورة
كيف امثلها وفيهامضرب الامثالي=وجيدهااللي يكسرالشوف ويعكس الصورة
وكن شمس الصبح بين(الخا)وحرف(الدالي)=وبين غمازاته من القحويان زهوره
لاابتسم منظوم دره في الثغر متلالي=وان هرج من ثغره تشوف الدرر منثورة
اه يامااحفيت الاقدام الك وانته سالي=وان عذلت القلب فيك ارغمني ارضى شوره
كلمااسلك عنك درب القاك فيه قبالي=مبتلى بك والنصيب اعوج من الباكورة
والنصيب مصيب يفلج حيلة المحتالي=والهوا في النفس مثل السيل وقت حدوره
حادر وهادر ويجتث الهشيم البالي=والصخور بدربه مسراة ومطمورة
ولابعدوصل المحير ولالسدعالي=لين فاضت منه وديان الحشا المدهورة
الله يسامحك يوم اشمت بي عذالي=ماهقيت انك تجاز اهل الوفا بالبورة
والله اني بالوفا دايم وثيق حبالي=مااتنكب عن دروبه لوبهن وعورة
في المواقف فزعتي من حالي ومن مالي=وكل رجال على مقداره ومقدوره
للكريم القرم حق امثاله من امثالي=ويدمح قصوري وانا ادمح كان شفت قصوره
وان تشابهْت الوجيه وغرت الازوالي=الشدايد مثل ماقال المثل مشكورة
ومنزل مايستوي لي عنه اشد رحالي=وارض ربي واسعة وبنعمته معمورة
ماعلي خلاف في حلي وفي ترحالي=ومن تغرر به شياطينه دحرت غروره
كم تمطى ابليس ضدي من خباث اعمالي=وانتهت من عقب فسقتها وهي مدحورة

خالد السهلي
07-25-2011, 02:06 AM
السلام عليكم ورحمة الله وبركاته
مساكم الله بالخير
للتواصل


الله من الدجةوقرب المعشى=ياللي تحسب انك ورانا معشي
جبت جهدك والناس قدمك تمشى=وجهدك ياوجه الفلس مايمشي
من غير شبعة ياالضعيف تجشى=وشلون لو متغدي ومتعشي
لوتطعم الهرج الركيك المحشى=عرضت ريش تنفشه للمحشي
ولو تفرق الثوب الخلق والموشا=دورت لسمولك خلافك مخشي
ترى النحاس مع الذهب مايمشى=الا على خبل يغش ويدشي
العام تطردك اللجان وتغشى=واليوم بالرشوة تهش وتنشي
لو ان لك قلب بربه يخشى=ان كان ماطشيت الاموال طشي
وورعانك اللي تمرح ولاتعشا=نقذتهم منها عظيم يمشي
ياجلعد لو انه يرش رشا=وتطاوله دهم السحاب المنشي
مازاف به عشبه ونبته تنشا=ولاقيل وين ارضه ولاقيل وشي؟
وسلامتكم

ديوان شعراء المجالس
07-31-2011, 11:41 AM
السلام عليكم ورحمة الله
للتواصل مع الاحبة
وكل عام وانتم بخير والشهر عليكم مبارك



للناس في الدنيادروب ومناهيج=وكل يشوف الوافية في جنابه
احد دروب وله دروب ومعاريج=ولاله بدرب مشى به مشابه
واحدسوات المذهبين المداويج=نقص العقل ورا سرابه سرى به
ولايفحم العقال غير المراجيج=ومن ناقش الجاهل ثوى به ثوابه
يدخل معه بمهاترات وتهريج=مبداه نصح وفي عقابه عقابه
خل السفيه اللي علومه بهاريج=والسيف مايضرب ذبابه ذبابة
القرم يفزع له ويفزع ليااحتيج=واللاش لاجيته يضيق الفضابه
والقرم بابه ماقفل بالمزاليج=واللاش مانرقل مزاليج بابه
والقرم لااغناه الله اغنى المحاويج=واللاش كنزه ماشرى به شرابه
والشعر فيه معلقات واهازيج=وكل على ماالله قسم في كتابه
احد متوجته زعامته تتويج=واحد نفخ ذربه ولابه ذرابة
والوضع سامج ثم يزوده تسميج=والنقد ليته يوم عابه وعى به

خالد السهلي
08-02-2011, 01:25 AM
ابيات بيني وبين ابوجدعة عام ١٤٢٥ في منتديات قبيلة السهول

يقول ابوجدعة
ياجماعه مالقيتوا قايد المجموعه = صار له غايب عن الديره حوال اسبوعي
والله اني ماعلمت على الوسيعه نوعه = حامي عني الوسيعه كف مدة بوعي
وفي ثيابي ذيب امعط لجلجن ضلوعه = يوم لجلج في ثيابي لجلجن ظلوعي
والله انه لاعوى مهوب قصده جوعه = خابره يفرس ولو راعي القطيع يعوعي
ودونه الراعي يولم بندقه ودروعه = وبندق لاهي تصيد ولا تسد الجوعي
وانت يارجم ( ن ) تنادي لا انفجر ينبوعه = عقبها والله ان تعذر لو دعاك الدوعي

قلت



مابغيت اعارض الرجال في موضوعه=لين شفته قال ردو والزعل مرفوعي
والمعاني واسعة يالشاعر الموسوعة=ولا اعرف قصتك مير اراوز الموضوعي
ولوتَعَزّا التاجر اللي فاشلٍ مشروعه=كان مايشمت به الطمّاع والمطموعي
راميٍ سيفه على العجرا على المربوعة=واللحم يخنز على اللي كهربه مقطوعي
المنيحة ياوسيع المعرفة مرضوعة=واليتيمة بلّ يبس شدوقها بدموعِ
واطبع الصفحة ورح بالصفحة المطبوعة=للصحيب بن الكرام الشاعر المطبوعي

قال
بسم الله الرحمن الرحيم

يقول



والله اني لاغرير ولا سلمت الروعه =والمواقف بعضها للغافلين تروعي
قامت الرقطاء تطوى واثره لاذوعه = وما طلعت الا وانا من نابها ملذوعي
والدعاوي بينه واللي نبي متبوعه = ولاهقيت اللي يصب الدله من ربوعي
الله انه لايعيدك يازمان اللوعه = ليتني سالم ولوي ميت من جوعي
يوم بعض الناس قدمها ووصت كوعه = والله اني منصح وكفيت كف وكوعي
كل زراع يلم البر بكفوفه ويملى قوعه = وقمت الم البر بيديني واعبي قوعي


قلت
الشطر الاول من البيت الاخير كذلك فيه مشكلة زود بطريقة اخرى

ولاهنت على التواصل وهذا الرد ولانبي نطول عليكم


مانقدم للمسير تمرةٍ مقدوعة=من قلط يبشر بطيب المجلس المربوعي
والهدية بالهدية سنة مشروعة=من وفانا نجزي القرطوع بالقرطوعي
تجمع همومك يابوجدعة وهي مجدوعة=والمباراة انتهت في الملعب المزروعي
والحيايا اللي تلوى روسها مقضوعة=والبروق تلوح فوقك والبلاد رجوعي
لاتحسب ان لي طمع في الغرسة المقلوعة=والله اني دوب نفسي مبتلش بطبوعي

قال

خالد السهلي
08-05-2011, 04:19 AM
متفرقات من الارشيف
http://www.suhol.com/vb/showthread.php?t=11560

وهنا

http://www.suhol.com/vb/showthread.php?t=11124

ديوان شعراء المجالس
08-17-2011, 01:26 PM
السلام عليكم ورحمة الله ومساكم الله باالخير
هذه متواضعة نظمتها بالحروف المهملة (بدون نقط) والعذر عن القصور


دمع المولع سال واسال الاطلال=هملول وسمٍ صحصح الصمد علّه
سكَر هواه وْدَكّ رعّاده وسال=ورادَم طَهَاه ولَمْع صارمْه هله
وآآ ملّ روح طال معها الهوى طال=همه مطاولها مدى العمر كله
محدٍ درى عما دهى الروح والحال=كَمَاه صدرٍ ساعر الود مله
ملِّه ولاملَّه وله معه ولوال=ورعٍ كواه ولاع روحه وعله
والله ماحالاه حلوٍ على حال=ولاسلسلوا آدم وحوا حلاً له
مملوح دلّ وكلما لدّ سلال=سلهام سوده مودع الصدر مله
رمى وَ وَسَّط حدّ رمحه ولامال=ولارحم ملهودٍ امسى مُوَلَّه
ملك هوى الروح وله الصدر مدهال=وعلى صدوده دوم ماامحل محله
ومعسوله دوا السمّ لاسال سلسال=لاصار سمّْ امصلّعٍ راس صلّه
وله اسودٍ على وروكه له اسدال=لى ماس ملمومه وهو مرسلٍ له
على طعوس الرمل حَدْرِ اله محوال=امراس دلو العد مع واردٍ له
والوسط مَمْسَكْ راحْ للطعس حمال=وَسْط امحروم الاكل والسِّلّ سلّه
كلامه المعسول كالسحره حلال = والله ولاسحره حرامه وحله
رسى الهوى كالطود وسْلُوّه مْحال=محالٍ اسلاه.. آه واحلو دله
لوللهوى محاكم وعدل ماعال=ولاحصل لمولعه ماحصل له
والمكر والمكروه وطوال الاهوال=ولاراح عمره وهو كوده وعلّه
محَمَّل الآلام ومحطَّم آمال=والدمع حار وكلماصد هله

خالد السهلي
09-08-2011, 11:37 AM
انت اللذي كدرت صفـو المـودة=وهي اول اصفى من غدير السحابي
اللي بوقـت الوسـم برقـه يحـده=وينزل بسوطه بين خضر الروابي
طهر السما والارض مـدة ومـدة=وطهر الرضيع من الخطا فالكتابي
واغزر من عدود الروى المستعـدة=تجهش على الوارد بحلو الشرابـي
وكانت كما الفولاذ صلـبٍ وشـدة=بلين الهوى في عاليات الهضابـي
وكانت سوات السيف الاملح وحده=والسيف الابتر عزه من النصابـي
وعَدَت*عليهـا نفسـك المستبـدة=بـدون ذنـبٍ يذكـر ولاجوابـي
تابعت في الـزلات زلـة وصـدة=كنّك تهيّب..وانت خابـر عتابـي
وان فتح قدمك باب عـذرٍ تسـده=والعذر له تسعـة وتسعيـن بابـي
فوادك ..اللـي كـان بتلـوم بـدّه=كان اتضح معك الخطا والصوابي
كلّش مسجل..عد علمـك واعـدّه=تعرف من اللي بالمـودة يرابـي
تقص حبلـي كلمـا جيـت امـده=وصار الجفا والوصل دابك ودابي
والامـر لامنّـه تزايـد مــرده=للنقص مثل الشيب بعـد الشبابـي
ويوم اتضح مذهبك عديـت عـدة=يالله عسـاك ومذهبـك للذهابـي
ماعاد لفـوادي ولاالطـرف لـدة=عليك لو رزقي معـك فالمخابـي
اعرف مثل ما اجزا المودة مـودة=اجـزا بعـد بالانقـلاب انقلابـي


1421

ديوان شعراء المجالس
10-10-2011, 08:56 AM
السلام عليكم ورحمة الله وبركاته

مساكم الله بالخير
للتواصل والإزعاج



اخذها مني على راس رمح وحد سيف=وادري ماتوفيك حقك لكنّ المعذرة
ضقت والارقت همك على قلبي خفيف=وبالسلامة لوصحبك الزعل للمقبرة
كنت انا واياك مثل الوليف مع الوليف=نشرب من النبع صافيه محد كدره
من طفولتنا وحنا على قلب نظيف=همنا واحد نبينه والانستره
لين دار الوقت واصبحت لصروفه حليف=وبان زيفك واصل معدنك خالف مظهره
طعت فيني شور من حطك خلافه رديف=تتبعه تبع البهيمة لراع المجزرة
وغاب زولك عشرة اعوام ماطري وشيف=غايب عن العين والقلب ماجاب خبره
ثم يوم الوقت حدك علي سيرت ضيف=تدري اني راعي العفو عند المقدرة
ولااعترفت ولااعتذرت وبحافي الوجه حيف=ومن نقل حملك تبي غلطتك فوق ظهره
ودك تجيّر مخازيك لحساب الشريف=مير كل دروبك اللي بغيت مسكرة
ورغم هذا ماتلقيتك بوجه معيف=قلت لاتثريب واللي مضى لاتذكره
ويوم حاجتك انتهت عبّس الوجه الظريف=ماصبرت تجاري الطيب معي وتبذره
وعادي تموت الجراثيم في الجو النظيف=الغريبة لاحَيَت هذي المستنكرة
مير لوتزمر على اللي تجي له كالعسيف=يعتبرك السايل اللي حرام ينهره
كيف اجل لو انك انت القوي وانا الضعيف=مير اقول الحمدلله ربي واشكره

وسلامتكم

ديوان شعراء المجالس
10-10-2011, 08:58 AM
السلام عليكم ورحمة الله وبركاته
صبحكم الله بالخير

ماحدٍ شايفك ياللي تغامز في الظلام=مير خل الغمز واللمز وانت بعافية
سم بالله واكل ممايلي لك ياغلام=لاتطيش يديك ما كلّ لقمة دافية
قبل مجرود القوافي ومسموم الكلام=ثم بلسانك تغص وتضيع القافية
حاشي مفرود ماانته بمردوم السنام=خايف لاتلحق دفوفك الاظلافيه
ماتصوّم مفطر ولاتفطر من صيام=مير كانك حر ترى الاشارة كافية
ولوكحلت العين من كحل مدقوق الوشام=عين للدجال عورا وعين طافية
لاتناقض محكم الفتل محبوك النظام=ثم تقول الناس ليتك بلعت العافية

ديوان شعراء المجالس
11-23-2011, 02:07 PM
السلام عليكم ورحمة الله وبركاته
كيبوردية للتواصل


يااهل المقوّل والكلام العتيقي=روحوا بستر وخاطري مابعد ضاق
عن السعة لاتنحرون المضيقي=يااهل العتيق ارقابكم مني عتاق
انا لياخاصمت مااشرق بريقي=وبالحجة اشرق خصمي بريقه اشراق
علم وحلم ومعه سد وثيقي=ثابت على ساس وواقف على ساق
مااسوق رجلي لين اميز طريقي=ولااتراجع عن طريقي ولاانساق
ولااشتدت الكربة حجاجي طليقي=يزبن ذراي اللي عليه الفضا ضاق
وانامصيري من مصير الرفيقي=ولااقبل البوقة ولانيب بواق
واللي يجي له لانهمته طقيقي=ماني على فزعات شرواه مشفاق
والكذب يفلجه الكلام الحقيقي=ويبين المعدن لاشانن الاخلاق
وان حدني المخطي لما لايليقي=يمكن يحصل كيتين على ساق

ديوان شعراء المجالس
11-26-2011, 01:10 PM
السلام عليكم ورحمة الله وبركاته
مساكم الله بالخير

كل عام وانتم بخير مطلع هالعام الجديد


من عيونك شفت انا الموت بعيوني=وبينهن احترت مدري من الجاني
كانك الجاني على روحي تموني=وكاني الجاني تحملت ماجاني
في كلا الحالين مخرجك مضموني=واما انا في كل الاحوال خسراني
وكانها نظرة خطا لخبطت كوني=ماعن المكتوب ريش وجنحاني
وكانه الحظ اعترض دونك ودوني=حدك وعداك عني وعداني
بااتصبر والله يكون في عوني=مير اظن الصبر ماعاد يقواني
ليش يامضنوني ومخلف ظنوني=يوم تقتلني بعد ما الله احياني
من عيونك شفت انا الموت بعيوني=والبلا اني شفته ولابعد جاني

خالد السهلي
12-18-2011, 01:07 AM
السلام عليكم ورحمة الله وبركاته
للتواصل هذه الابيات وهي على بحر الخفيف وهو بحر لااعرف أن شاعرا نظم عليه في الشعر العامي ولاأستبعد أن يكون هناك من نظم عليه- وهو من أكثر مانظم عليه شعراء الفصيح في القديم والجديد

كلما قلت طابت اجروح روحي=استجدت حتى يضيق الفضا بي
حسبي الله على منقض جروحي=بالكلام اللي ردني في عذابي
ذكرياتي تغتال مني طموحي=شاب راسي وذكرياتي شبابي
مانفع كبتها ولافاد بوحي=واضياعي ولهفتي واذهابي
لى متى ياذاك السراب اللموحي=تخدع اللي مايدري انك سرابي
ليش تفرض محبتك ثم تروحي=ياصوابي تراي ابافقد صوابي
امطري حزنك ياعيوني ونوحي=مادهاني من العذاب اكتفابي
وياضلوعي ..صدري بضيقه يفوحي=وسّعي له عسى يخف اكتئابي

خالد السهلي
12-19-2011, 12:49 AM
في الدكتور فهاد بن سعد بن هملان




قالوا لي امدح قلت هاتوا رياجيل=والا اتركوا قلب العنا في محله
لاتحرثون مع المواجع غرابيل=وابيّن المكنون دقه وجله
تراي ما اجامل ولا اكذب ولا اعيل=غصبٍ علي في النفس طبع وجبلة
لكن تنومسني فعول المشاكيل=واحب راعي الطيب لله وف الله
شروا الذي ياقل شرواه ذا الجيل=النادر اللي سيرته مستقلة
فهاد بن سعْد بن هملان لاقيل=وين الوفا قيل الوفا فيه كله
من نور فكره يقتبس ساري الليل =ويدل دربه واحدٍ مايدله
الباحث النسابة القرم الاصيل=كم شرف اسمه من كتاب ومجلة
ماهوب مع ربعه عن الواجب بخيل=يوم الحميا والوفا عادةٍ له
يوم ان بعض الناس حكيه دهاويل=كثير هرج ولايحل الشكلّة
يبغى الثنا لو كان مامن محاصيل=سبّه عما رايٍ ومدحه مذلة
يتعب على الحيلة ويعتب على الحيل=ولاله صديق من ثمانين شلة
داره لعباد المصالح مداهيل=والا من اهل الطيب داره مزلة
مايمشي الا في دروب المحابيل=فضيخ قلب وكل خبلٍ يتله
لويدّعي انه من حمياه حلحيل=ماله فعول تنذكر في سجله
من قلة الصاحين كثرو المهابيل=وكل يدور من حلاياه خله
واما انت يافهاد للهيل والحيل=والطيب لك مبدا ومنهج وملة
تفدا وفاك اهل الصدور المغاليل=اللي على راع المبادي مغلة
وشلون ابامدح غيرك من الرياجيل=دام ان حلاة الشي لاجا بحله

خالد السهلي
12-19-2011, 05:12 PM
قصيدة موجهها ضويحي الهباس لخالد بن غنام


ياخالد ان صاروا العذال بزياده=خذها على اساس كل الناس محتره
لاتشيل هم الضعيف الي بلا راده=جالك بليا اسم يوم الاسم ماسره
وراه شعار ,, لا بالله قصـاده=ونفوسهم للأسف بالشعر مغتره
والموتر الي يشيل اعلى من شداده=ان ما وقف لا مشى ممشاه بيضره
لكن عاند مشى والدرس مافاده=ولابه رجا يفتهم لو عدت كم مره
موتره خبط قبل لا يعد عداده=ما امداه ياخذ على الميدان لو فره !!
فضيحته بالعلن والناس شهاده=حفر يبي طيحتك ثم طاح بحفره
خله وكلن عرف ياخالد احقاده=والذيب تعرف مساريه من الجره




الرد من خالد بن غنام





وقفتك ياراعي الوقفات والعادة=منها المقاريد منهارة ومنهرة
يامحزمي في الزمن لاكثرت انكاده=لاتنقل الهم ماعندي منِه ذرة
فار(ن) تسلل وحطيت له مصيادة=ماازْهِب له البندق اللي تلقط الذرة
رادار خالك ترى ماتلقط ارصاده=الا نجوم الفضا اللي فيه منثرة
والا المدلبح ينقّدنا تنقاده=مافيه خير(ن) ولا احد(ن) خاف من شره
والموتر اللي عليه الشد؛ كداده=نصّاه طلعة كرا قصر النظر غرّه
لكن ياقرب من مبداه معواده=من اول الدرب زيت محركه خره
وان ماهجد مالنا ياكود مهجاده=حتى يموت وزرار الثوب مازره

ديوان شعراء المجالس
12-20-2011, 11:17 AM
السلام عليكم ورحمة الله وبركاته
ألفية على النظام القديم أرجو أن تجملنا عندكم


الف اولف من بديع القوافي=في حب مفلوج الثنايا الرهافي
اللي سعى حبه بقلبي وطافي=ونيران حبه في الضماير صلية
والبا بدا بي مع بداية شبابي=ولاتركني لين مكن صوابي
صوابي اللي منه ابافقد صوابي=وابكي بكا المفطوم صبح وعشية
والتاتبعت من القرداة طريقه=مسحور مالعلاج مثلي طريقة
وتابع سراب القيض مابل ريقه=وعروق كبده يابسات ظمية
والثا ثمان سنين حول ورا حول=ماقرت عيوني بشوفه ولاحول
ولامعي في الحظ قوة ولاحول=ولالي الاالصبر وش في يديه
والجيم جلاني عن الربع والدار=غصب علي مانيب برضاي مختار
وعودت لاسالم ولاماخذ ثار=واخفي عن الشمات مر الشكية
الحا حنايا القلب محد سكنها=غيره وهي موطنه وهووطنها
يامر على عرش الضماير وينهى=حبه تخللها خلية خلية
والخا خذلني واختلف فيه ظني=ورضى بكسرة خاطري وارتهني
واشمت عداي الحاسدين وغبني=مااحسبه يرضى كل هذا عليه
والدال دون ادراك بعض الذي فات=سبع البحور وسبعة المستحيلات
وجميع الاريا فيه والاحتمالات=عميت وضاقن الفجوج الفضية
والذا ذبوح الطرف قرب وفاتي=احسبه من حظي وقرب وفاتي
وراحت حياتي والسبايب حياتي=يامن يعوض بعمر روح شقية
والرا ركد رميي بعد مارماني=واحتلني واجتاحني في ثواني
ثم خذ فوادي معه وانا نساني=خطية ياكبرها من خطية
والزا زهدت بكل لذات دنياي=من بعد مااقصاني وجيته من اقصاي
اشكي على من من بيسمع لشكواي=ماحد مشكويني ولالي دعية
والسين سلهام الوساع السواهي=ولجلاجهن فيه الدوا والدواهي
منها قدام جروح قلبي كماهي=لاهيب طيبة ولاحول نية
والشين شبهك لو يدور في الامة =ابوه توه ياالغضي ما اخذ امه
علم بها اللي محترق منك دمه =وفيك يعذل لارحم ميته وحيه
والصاد صبري من ظلايمك بايد=وحتى فوادي معك.. ماهو محايد
زعلك مااهون, منه ورضاك كايد=خطيتك مزحة ومزحي خطية
والضاد ضاق من الحساير حشا الجوف=يامرعف من جوفي رماح وسيوف
وشلون حقي صار منة ومعروف=وحقك معه مثله بنفس رضية
والطا طلبت الله تدور الليالي=باللي فجعني فيك ياشف بالي
عسى الدهر يفجاه باعز غالي=حتى يشوف الموت والروح حية
والظا ظلمت ومنك كيف انتصافي=تخطي علي وتطلب الحق وافي
والحق لي وانا عن الحق عافي=الا من المبسم وذبل شفيه
والعين عطني حاجة وخذ بدلها=واللي فهق عنقك وعينك كحلها
لااردها لك كان تبغى دبلها=ترى السلف يازين مثل العطية
والغين غذّ بها عروق المعاليق=من صافي الريق وعلى فكة الريق
تحيي صريع كنه من النجل عيق=من يد (غدير الموت) حوض المنية
والفا فوات العمر هم وتناكيد=من يرجعه يازاهي العقد بالجيد
وان عيض ثوب العيد ماعوض العيد=يامفوت عيد الفطر والضحية
والقاف قادتني لموت الخلا الميت=سحابة في ظلها ماتهنيت
ولاسقتني من الظما بعد مااشفيت=لوبرقها عقرب وهي عقربية
والكاف كل مهاوي نال شفه=من ورد خد وذوب ريق وشفة
وانا فوادي شفه الوجد شفه=دركٍ تخاونّ ارشيته ودليه
واللام ليتك يوم قفيت بايع=رديت من قبل الوداع الودايع
قلب الخطا ومستقبل منك ضايع=لكن تستاهل تراها هدية
والميم ماخليت حيلة ولاحل=في رد ماقدر وفي دفع ماحل
حبل عقده الله ماعاد ينحل=يالايمي مافي الرزية زرية
والنون نار فوادي ونور عيني=عيا الرجا ينقاد بينه وبيني
ان ماكسب ذنبي وهو مبتليني=من علتي كل البرية برية
والهاهني من لابلي بالمودة=ولادرى عن صاحبي وين خده
ياليت ربي لد عرفه ولده=ان كان سالم لالي ولاعليه
والواو وقفت بي ركاب الاماني=على عتب بابك وقالت مكاني
يااكبر عذاب ساطني في زماني=حبك خطاً كفارته سرمدية
واليا يقول اللي مثايله مليا=ونار الهوى والشوق تصلاه صليا
الابجدي كله من الالف لليا=عيا يوصف علة داخلية


وسلامتكم
خالد بن غنام السهلي

غدير الموت المذكور الشيخ خزيم بن لحيان رحمه الله

خالد السهلي
12-26-2011, 01:06 AM
قضت علي بحد الخمـر عينـاك
ظلما ...كذا طرفك الفتاك أفتـاك
وماارتخى مفصـل منـي بلذتهـا
ولاتذوقت طعـم الخمـر لـولاك
فأدهقي الكأس لي إن كنت عازمـة
حتـى تطيـر حمياهـا بحمـاك
لأنت أنفذ من سمعي ومن بصري
إلى محلك في صـدري ومثـواك
قد كنت أوصل من دمعي لمُهلكتي
فصرت أقطع من نوم الشجٍ الباكي
أشكـو إليـك فـلا لاء ولانعـم
ولا(لعل)ولا(حتـى)فـرحـمـاك
لوشئت ماكان حظي منك حظك من
سلـو قلبـي وماقاسيـت بلـواك
لو شئت كنت لقلبـي جنـة أبـدا
ولم تكوني لظى والقلـب مـأواك

خالد السهلي
12-26-2011, 01:10 AM
أتبكي زمانا قدتصرم ماضيا=ولوعاد ماأغنى وما كان باقيا
ومازال ظلماعنك وحدك إنه=بماأنت تبكيه أشاب النواصيا
فإن كان ماتبكيه ليس به غنى=فعل الذي يبكيك يجدي تغانيا
وماتذكرالأيام إلالأهلها=ولولاهم لم يبك قلبي المغانيا
ومترفة مابحت يوما بحبها=وقدبلغت روحي عليها التراقيا
فياقلب أخبرهابأن الهوى هيا=وأني فيهاقدلقيت الألاقيا
لئن جد في قلبي من الشوق حادث=لأول أشواقي إليها كماهيا
ومازال يربو كل يوم وليلة=هواها ولاأزداد إلاتماديا

خالد السهلي
01-01-2012, 12:22 AM
الصغير اله اتواضع والكبير اعـرف حقـه=مااحد مني يشوف الزود ليـن اشـوف زوده
هذي اخلاقي وعرفـي كـان ماتفقـه تفقّـه=كان مايكبر بعينك غير من صعّـر خـدوده
وكان ذا ماجاز لك عان الخلا قدمـك تلقـه=من عرف قدره يعرف حدود غيره من حدوده



ياوقت اناما آمنك والله على شي=دايم لياليك بعجايبك حبلى
صحيح ماترجع علي ميتي حي=لكن وش المانع بالاحياء تبلا
ابليتني وانامعاقب ومبلي=وفي كل يوم من بلاويك أبلى
احد عليه ابخل من الصخر بالمي=واحد عليه تصير كريم سبلا



أعد بعض الصداقة (حلم مزعج)واقوم=اغير الجنب واتفل عن شمالي ثلاث.





كل الدول لشعوبها في الدهر ريف=من نفطنا،،وحنا لنا يوم اجازة
ورعانهم من تولد لها مصاريف=وحنا عربنا ماتحنط جنازة



شقر:

بعض الاجواد لايفقه ولاهوب فاقه=لوتدخل جراحيا بعقله وخلقه
يحسب الكبر زاده فوق من كان فاقه=والكبر فاضحه عند الله وعند خلقه


يقول نافل القحطاني
ارسل لي *الصديق الوفي نافل القحطاني هالابيات على سالفة بيننا/


بيت كتبته مارضيت كتابته=والظاهر إنها الصدفه اللي جابته
وإن كان تبغى الصدق والعلم الصحيح=شرواك تفخر به قبايل لابته
ناس محبتهم تجي شوي وتروح=ومحبتك بالقلب دايم ثابته
منك استفدنا العلم والشعر والأدب=يوم إن غيرك كل علمه كابته
حتى إنهم يوم انشدوني عنك قلت=مافي ولد غنام خصله عابته
أنت الخوي أنت الرفيق انت السند=يوم الزمن ياكثرهم لعابته
واللي بيفرح كان جاء لخالد نقل=عساها تفقده أمه اللي جابته


فرديت عليه:

لاقيل وين اهل الوفا وذيابته=كل عليك انت اشرت سبابته
من بيني وبينك حمى مايستباح=لوكل وادي ينبحن كلابته
تبغى الصحيح اناترى مااحزن سوى=لاقلت كلمة للصديق ورابته
ماينرحل عن دار وانت بهامقيم=الاتحت ضيم الزمن وحرابته
والله لو انقل للمدارس كلها=ماالقى العوض في نافل وذرابته
والزود عماقلت فينا عندكم=شرواك تغبط رفقته قرابته


ومرة أخرى مازحته
قلت:

ودعتك اللي ماتضيع وداعته=يابايع اصحابه وهي ماباعته
لابد تذكرني ولوطال المدى=وتذكر رفيق مايخون وداعته
مااظن تلقى بي العوض طول العمر=وقلبي لقى فيك العوض في ساعته
لان البشر تنسى قليل الخاتمة=ولاتنسى من كان الوفا بضاعته
ليت الصداقة قبل تبدا تختبر=في المختبر باشعته واشاعته
وتظهر بها نسبة وفا القلب الوفي=وكم نسبة اللؤم ومدى شناعته
حتى نعرف ولااحد يضيع العمر=مع واحد مايستحق اضاعته




قال نافل القحطاني:

اثنين وسبعين ساعة وانت قاطعنا=ماشفت زولك ولاحتى اتصالاتك
بكرة على خير لامنا تجمعنا=لعل لحيتك تحماها شناباتك

قلت:

رحنا وجينا وذكرك بالوفا معنا=تطري على القلب حسناتك وسياتك
بكرة على خير تبصرنا وتسمعنا=اما تشجعت والا مثل عاداتك


أقول:

ياسهل قولك سهل مير تطبيقه صعيب=لو فوادي يقبل النصح كان الله هداه
ولااتعجب كانه يعارض الحق المصيب=في العرب ياقل من يعطي الحق ابوفاه
الشعر يكتبني وقاف حزني مايشيب=نبرته لو بح صوته يكملها صداه
ماامتطيت الشعر لمجاملة وجه غضيب=اشتمه فااقصى الخلا وامدحه عند اخوياه
كالعشر قد قيل ماينبت الافي شعيب=والشعيب ان سال عقب الدهر يقطع ظماه
ولاامتطيته للمجلة ولافديو الكليب=والفضل والشكر للي غنانا من غناه
شعري ان ماعزني مارماني في قليب=يوم انا اغرف من بحوره واقده من صفاه
والعتاب احيان ماهوب من فاقد ذهيب=كثر ماهو بافتكار من الوقت ورداه


مابين عشرين لحد الثلاثين ***هذا الشباب اللي يطرا ...وضاعي





في عيونك بلا والا البلا في عيوني=كلما جيت ابارويها تزايد ظماها
لوحلفت انها ماكانت ولاتكوني=المساكين في الكفارة افلس رجاها
وقفت عند حد الحسن ريب المنوني=وقفة لاتزود ولاتعود وراها
وقفة ابيات فيها ذوق معنى ًجنوني=وقفت افكار شاعرها على مبتداها
ياوسيع العيون وياوسيع الطعوني=لاتبيح سدود واصلة منتهاها
ياملحف قضاة الجور خدر الجفوني=حكمهم مايميز في الرجال ودماها
راح عمري تلاهدني عليك الغبوني=وليت عيني تعافك دام هذا جزاها


قتلوه ورموا جثته في البحر فلاداعي أن نقول سقى الله قبرك



كفانا قذفهم بك في العُباب=من ان ندعو لقبرك بالسحاب
وقد خضت البحور وأنت حي=فأهوِن بعد قتلٍ باستلاب
ألست البحر؟! إن البحر أولى=إليك من التراب بالانتساب
ألست الدر؟! إن الدر أولى=به قاع المحيط من التراب


تشابهت الوجوه على صديقي نافل القحطاني فأرسلت له:

ياليت مثل جهاز كشف المعادن=جهاز يكشف في الرجال امعدنها
نكشف به خداع الهدان المهادن=اللي على الحاجة حجاجه وزنها
وان كبرت حقوق الصداقة وزادن=باع الصداقة مانشد عن ثمنها
ولايوالف قلبه ولايخادن=الا رخوم سنته من سننها



فقال نافل:

مابه زعيم صدق غير بن .....=اللي حياته دون دينه رهنها
حاولت مير محاولاتي مافادن=هذيك ناس جزت ياخوك عنها
ترى النسا لو هن مع الوقت كادن=تلقى الرخوم تخم الاطباع منها
ماقصرت الايام بالسر جادن=رحنا طعام جحوش تامر وتنهى





حنانيكَ/ اتئِد/ أفرِخ/ تغطراس الضعوف هبال=وقبح الكبر يكبر كان قبله ذل ومهونة
وراع الكبر فالامثال مثل اللي بروس طوال=يشوف الناس مثل الذر واصلا مايشوفونه




من لايحكم عقله ويرضى بحكمه لاحكم=فيه اهتزاز في الثقة والااتباع للهوى
راع الحماقة والجهل من نعمة العقل انحرم=والطب حتى لوتطور مايحصل له دوا





مسحةحزن ستة عشرعام عيت=تروح عني والاانااروح عنها
مر تصبحني ومر تبيت=وتقلط بلاداعي وتامر وتنهى
ياليتني قبل ابلغ الحلم ميت=الموت عنها افضل من الموت منها



فصيح؛

أناة أيها القلب الطروب=شبابك نام وانتبه المشيب
أماأبلغنك الأيام علما=تبوح بسره معك الخطوب
بأنك قد هزمت فلاانتصار=يكون وليس ينجيك الهروب
فمالك في سلاحك كل يوم =وجرحك بالدم القاني ثعوب
وماهذي الجراح؟! أكل هذي=يداويها الطبيب؟! وهل طبيب!؟



بغيت اراضيك مدري وين(اراضيك)=لوكنت مخطي وتبغى لك رضاوة
اللي محليك يامحير (محليك)=انك جمعت الهداوة والشقاوة
محد مساويك لوتكثر (مساويك)=حتى تساوى المحبة والعداوة


ايام إعدام صدام حسين قلت هالابيات:

يااهل العراق الله يحسن عزاكم=في ليثكم صدام رمز العروبة
يحرم عليكم حلكم من نساكم=ان مانهضتوا له بثار وعقوبة
ويحرم تطير الطايرة في سماكم=والسيل ماتبرق عليكم نصوبه
ولعل دجلة لامشى ماسقاكم=يصبح حمم بركان يعمي شبوبه
وعسى الفرات يخونكم ويعصاكم=يغرق ويصبح دم عقب العذوبة
الله لايعطيكم الا عماكم=وعسى الصليب يبيعكم كالجلوبة
وشلون طاغوت الروافض وطاكم=واعدادهم معكم مهيب محسوبة
ماطعتوا الزرقاوي اللي نخاكم=حتى وخذتوا والحريم مغصوبة
ومن قبلها خنتوا الحسين بولاكم=ماحد فزع له يوم هبت هبوبه
صدام رد الفارسي عن حماكم=وبنى وطنكم طوبة فوق طوبة
ان كان ذنبه يوم يسفك دماكم=هذا شبيهه في البلاد اغدروبه


كانك على كيف العرب قالوا حليل=وكانك على كيفك يقولون علة
اذا توطوا هيبتك قالوا خبيل=وان صنتها حطوا بك الشين كله
الناس في اكثرهم سفاهة مهابيل=ياقل عرق الطيب فيهم ياقله

خالد السهلي
02-02-2012, 06:47 PM
امد صوتي وارفع الـراس واقـول=انـا سهلـي وعزوتـي عامريـة
ماحدٍ بلايمني وانا ربعـي سهـول=الا الردي ولـد الـردي والرديـة
اناعبيـدي بالوفـا اقـول واطـول=اناعبيـدي ربعـي اهـل الحميـة
ربعي السهول اللي لها اذكار وفعول=اللي رعو بالسيـف نجـد العذيـة
يوم انها فرسان وسيوف وخيـول=وورودهم تسبق لحـوض المنيـة
باجو فيافي نجد بالعرض والطـول=ماردّهـم راع الحمـى والحميـة
ويوم ان باب اللاش مغلق ومقفول=وبيوتهم للضيف صبـح وعشيـة
ماانّا برجوى مدح خايب ومبـدول=تشهد لنا الصمان فـي كـل هيّـة
يشهد لنا سيفٍ على نجد مسلـول=بانّـا هـل المقـدار والمقـدريـة
نضرب بحدّ السيف والرزق مكفول=والكـف مـن مـدّ البريـة بريـة
وليا تجاهلنا من النـاس مجهـول=ماهـوب ناقصنـا ولاحـول نيـه


1424

ديوان شعراء المجالس
02-08-2012, 08:56 AM
السلام عليكم ورحمة الله وبركاته
كان بعض الصالحين إذا رأى منكرا أمامه تأثر ومرض وتبول دما أعزكم الله
ونحن نسمع ونقرأ سب أقدس مقدساتنا في أرضنا وكأن شيئا لم يكن

هذه أبيات أقل من الحدث ولكن تبرأة ذمة وخروجا من إثم السكوت


يامفتي بلاد الحرمين مسيت=بالخير واسرع وانتهض لاتوانا
ان كان ماجيت ابومتعب وشقيت=جيبك تراك اللي تحمل خطانا
طالب بحكم الله وخزم المفاليت=والاتحركنا واخذناقضانا
تركي الحمد سب اللله وتقل مااوحيت=حتى تجرا كل نذل جبانا
من اول اهل الكفر روس عناتيت=واليوم حتى الكشغري في نحانا
حتى الطروش اللي لاصوتٍ ولاصيت=تدعس كرامتنا وتسهج حمانا
اما على وجهه بنعلك توطيت=والا توطا لحيتك مع لحانا

ديوان شعراء المجالس
02-18-2012, 12:05 PM
السلام عليكم

ابيات فصحى نظمتها في احداث سوريا فرج الله عنهم



ظهر الزرافة من صهيون مُرتَحَلُ=ويدعي أنه في حربهم بطل
أهداهم هضبة الجولان والده=واللؤم في نطف الأرجاس ينتقل
فليت حافظا الطاغوت كان رأى=أرتاله بجنود الكفر تشتعل
وليته الآن من قعر الجحيم يرى=الجرو بشار قد ضاقت به السبل
وليت من عذبوا دهرا ومن قتلوا=يرون جلادهم دالت به الدول
فلاالنصيري بعد اليوم منتصر=ولاله بعدها حَولٌ ولاحِوَلُ
طهران خابت وحزب اللات في وجل=والصين والروس قد أعيتهم الحيل
وضاق ذرعا بدرعا الجيش وامتنعت=منه حُماةُ حَماةٍ وهي تبتهل
يانعجةالشام والشؤم انتهيت ولم=تنفعك لات ولاعزى ولاهبل
أردت أن تشعل البحرين فاشتعلت =درعا فأصبح فيك الهم والشغل
عماقريب ترُى بشارُ مرتَهَناً=في القيد ترسف لارب ولابطل
قد صاح عدنان في الأحرار فانتفضت=أُسدُ الكتائب والرايات تنسدلُ
ونازلوه بساحات الوغى كُشُفاً=ودارعُ الجبن مقتول ومعتقل

خالد السهلي
03-05-2012, 12:52 AM
لمحة من الذكرى على القلب مرت=طاف الخيال بها علي وسرقني
ياليتها مادام مرت وضرت=قرت ولو رمح التذكر زرقني
فرصة وكم فرصة من يديّ فرت=وكم ضيعت يمناي ماالله رزقني
وياماعلي من الغرابيل جرت=ابل راسي للدهر ويحلقني
ودام الكرامة في الضميراستقرت=يبطي البطا ماناش بالموس ذقني
يادار يااللي كلما جيت طرت=علي من ذكر الصبا ماحرقني
من عقبك وجيه الليال اكفهرت=ولاعاد افكر في العرب من درقني
واللي كرمهابايعت به وشرت=يضيع فيها الطيب ماهوب مقني
وان كان الاقزام الصغار اشمخرت=لو حذوا لي الخيل مااحد لحقني
اناالجبل من حيث صكت وكرت=ارسي لهم واللي خلقني فرقني
وناس لياجاالصدق خارت وخرت=عن ظني الطيب رداها صدقني
ولو ان ربعي في وفايه تزرت=كان اللي اباقضب خناقه خنقني
واللي بواطنه الخبيثة تعرت=حاربته و قلت له خذها وذقني

ديوان شعراء المجالس
05-07-2012, 10:08 AM
السلام عليكم ورحمة الله وبركاته

للتواصل بمتواضع الجديد


مل قلب من تقلاب الليالي=ضاق به كونه قبل حاني ضلوعه
ضيقة الالحاد باصحاب الشمالي=وفوق زود الضيق نيران ولوعة
كلماقلت الزمن زان وصفالي=اخلف اللي شفت في سبته ربوعه
كن صدري ديرة عقب احتلالي=دايرة فيها رحى حرب قضوعة
بعد اهلها صارت اطلال بوالي=وزج محتل الهموم بها جموعه
ياعصي الدمع هل فيك احتمالي=يوم موقك ماذرف صافي دموعه
أم سنين الجدب ماابقت منه تالي=أم لجت في روعك من الوقت روعة
وش بيجري غير كل اللي جرى لي=كل هم ذقت من شكله ونوعه
كل ماتحذره من هم وتبالي=انتظاره دايم اصعب من وقوعه
اذكر الحفرة ويرخص كل غالي=ماتريح غير من نفسه قنوعة
والدهر يومين مر ويوم حالي=احد يدرع به واحد يحكم دروعه
اشكر الله لو علي الوقت مالي=لي طبوع ماتلاقا مع طبوعه
سهلي ومعرب عمي وخالي=والنخل مايشرب الا من جذوعه
الرفيق ان حط دلوه في حبالي=يبشربمايبهج النفس الجزوعة
جته مجزلةًمن الجم الزلالي=تنضح وتقطع ظما الظامي وجوعه
والرفيق اللي لاناديته يمالي=وان زهمته للوازم طار شوعه
ابتدي به قبل الاقصى والموالي=الله اللي مغني عنه وفزوعه
طول عمري شايل حملي لحالي=مادنعت ولااغبط النفس الدنوعة
سم ساعة من كله شد الرحالي=والله ان يزوع روحه ما يزوعه

خالد السهلي
05-18-2012, 06:26 PM
ابيات قلتها لعمي عبد الهادي بن عيد بمناسبك نجاح عملية اجراها

زال عنك الباس واخطتك غارات الليال/والبستك العافية تاجها وثيابها
يوم زال الباس عنكم وعنا الهم زال/طاب نوم عيون دموعها فاهدابها
ركزوا رايات الاعياد في روس الطوال/نعمة من والي العرش هنانا بها
جعلهاطهرة وتكفير واجر وطيب فال/ انجلى مكروههاوانكتب ثوابها
لو لنا في رد صرف الدهر حيلٍ وحال/افتدينا ..مير رب السما اللي جابها
ولو صروف الوقت يمك تغير بها الرجال/كان دونك نقصر ايمانها واشنابها

ومن القديم:
هيه يااللي لك سنة وانت متغير=وان نشدتك سقت الاعذار الدقاقة
خل صدرك شاشة وعلمك قصير=كان فيما بيننا صدق وصداقة
كان تعرف حجتك ليش متحير=وكان مالك حجةٍ ماانتب شفاقة
الغلا ظل الوفا مع كل خير=وان تردى ماني بجنبه علاقة
نص ديّة في اليد ولااحدٍ مخير=مير يرخصها الحرامي بالسراقة
كم رفيق كلما جيته مسير=يظهر الترحيب ماادري عن نفاقه
احسبه خيّر وهو ملعون خير=وان عرفت اقصاه ماابلش في فراقه
خل صدرك شاشة وعلمك قصيّر=لاتطولها وتلْد الشاة ناقة


بعض اللحى عيب*ٍ عليها الدنافيـس=وبعـض اللحـى مايـثّـر العـيـب فيـهـا
واللحيه اللي يمشط اطرافها هيس=لـعـل حــد الـمـوس يـسـري عليـهـا
وبعض العرب يَطلب ويعطى من الكيس=والطلبة اللي منه ماتحتريها
وبعض الرجال يجيب لك عرش بلقيس=ولايرى له منة يدعيها
في البخل فقر وفي الحسد خيبة ابليس=ياجامع الثنتين يكفي حديها
نيران مثلك في زنوده محابيس=يموت برد وطرد مايصطليها
المرجلة ماحرم منها المفاليس=عساه يعجز من عجز يشتريها

ديوان شعراء المجالس
05-23-2012, 09:26 AM
السلام عليكم ورحمة الله

يا مطلقة العذارى معشية السباع=ياميتّمة الغرير ومعدلة العجر

يامتيّهة العشاير ومشبعة الجياع=يامعدلة الموازين وحبوس الظفر

دوركم ولى وبرق الرخم هي والضباع=اقبلت من بُعد تطوي غياطين القفر

رزق دجال الروافض على كد الرعاع=يسندون ليا سند يحدرون ليا حدر

لو قرا التلمود ماميزوه من الضياع=ياخذ الجهال صوته ومطوي الكفر

ماتوا اهل افريقيا جوع والعالم شباع=والبحر فيه الدرر والشجر فيه الثمر

قل عرف ودبرة وذل نفس وقصر باع=والردا سقم تعايوا به اطباب البشر

ووقفتي في السوق بين الثنية والرباع=والله انها نقص عند البوادي والحضر

مير روجي عنه يارجل ودروبك وساع=مثلي الربحان في سوقهم لامن خسر

وفي مراغة شلّقا ينلقا سقط المتاع=والشكر يرضى بقانون الانثى كالذكر

وفي المراغة يقصر ذراع ويشوّل كراع=وبركة صحن النفر تكفي بها مية نفر

مايميز ذاك عن ذيك ثوب ولاقناع=تجلب المضياح ويسومها من له نظر

ينشد الصوفي(هلامرحبا ياخير داع)=مير ماللسنة ولا النبي عنده قدر

وتاجب الهجرة على من تمكن واستطاع=كان ماهو مصلح ولاش مهدي منتظر

وسلامتكم والسلام

خالد بن غنام

خالد السهلي
10-19-2012, 02:01 AM
بعد زيارة الباب العالي في اسطنبول قلت هذه الابيات:

هل أجابت قبلك رسوم الاطلال محزون=ياموقف وقفة المعتمر في الملتزم
في قصور يخلفن المحاري والظنون= تتعب الناظر قببها ولاادركها الهرم
وين حمران الطرابيش حمران العيون=وين اهل (دار السعادة )سلاطين الامم
امة تكسر قرون العدا عبر القرون=تخفق قلوب العدا قدم خفاق العلم
بابها العالي على اعتابه الكايد يهون=غال قامات العماليق واطولهم قزم
لاصدر *منه الفرامان تهتز الحصون=هيبة السلطان الاعظم يجب بها العظم
ستة وعشرين سلطان للعرش المصون=يفرسون الفرس ويرم جمع الروم رم
مايعرفون العمالة ولافيهم خيون=بين تغبير العمايم وتغبير القدم
كل سلطان مجاهد يكون او لايكون=مثل ماقد قيل مايشرب الما الا بدم
دون ركن العز للذل مايرضى الركون=واشهد ان من شابه ابوه وجده ماظلم
امبراطوريةماتذل ولاتهون=لين جا الاجل المسمى بما خط القلم
وخربت الدار العلية محصنة الركون=والعروش امست متاحف وصارمها انثلم
والجوامع شامخات المواذن بالفنون=اصبحت مزار عواهر علوج العجم
واصبح الاسلام ماله بها طعم ولون=يذن المذن ولااحد يجيب من الطغم
امة سادت وبادت ومن دون لدون=والعوض فيهاطواغيت هيئات الأمم



فقد فوادي من الغالين بعدك كثير=لهم على الروح لين تروح فرض الولا
يطول حزنه عليهم في صميم الضمير=لين يتجدد عليك الحزن وانت الغلا
كماذكر يوسف من اخوه عود ضرير=ذكر من فراقه ..اللي عنه ماقد سلا




مكن حبك مابين ضلوع صدري وانته اولى به=وعلى روحي حكم لك بالوصاية قاضي اشواقي
ومن جوره حكم بوصاية اللي ماتوصى به=وضاع الماضي وحاضره والمستقبل الباقي
اغثني من هواك اغاثة اللي غرق بثيابه=يااما خذني معك او ردني للبر بوثاقي
فوادي في ظماه وكل ضلع تموت به غابة=بعد شح السحاب اللي يمر ووقف الساقي
ولو في جنتك يغمس نسى كل الذي صابه=لكنه في عذابك بين يحموم وغساقي
وش يضرك لو انك عنه زحت الموت واسبابه= ومديت لرهين الجب حبلك تحت الاعماقي
وبعدباعه هواه ببخس الاثمان *الك واومابه=سجنته يالعزيز بظل ضلع (ووسط) خفاقي
وش يضرك لو انه شم وردك من تغنابه=وش يضرك لو انك في غروبي تبعث اشراقي
الايارشفة الظميان لامن الظما ابطابه=والاياغفوة السهران بعد الليل ماانساقي
والايادفوةالبردان في برد تعرى به=والايالذة الناجح لياطابن الاوفاقي
والاياعافية من ذل والموت يتلوى به=وصل عفوه وسيف الموت له راعد وبراقي
والايااول نفس للغرق عقب الموت ماانحى به=تغطمط به من الموج الخضر شاحوف صفاقي
والايااقدم معالم خافق حبك تولى به=ولازالت رسومه باقيات جداد وعتاقي
ترى ماني بخيروبعدك الايام تتشابه=مشارقهامغاربهاويبست*خضر الاوراقي
اذا ماادركت قبل الموت عمري وانته اولى=ترى ماانته بمدرك لاالتوت ساق على ساقي




لو كنت داري بان هذا اخرتها=مع منكر العشرة وقالب عباته
قصرت عنه يميني من اولتها=وكفيت نفسي سيته وحسناته
بعض العرب تندم على معرفتها=تفرح بها وتحق فيك الشماتة
ادنى المواقف يفضح مجاملتها=لياعطاك الوقت بعض بركاته
الطيب بضيق الامور وسعتها=يعطيك من سعته ومن طيب ذاته
الطيب يمينه تسيل اوديتها=والا الردي ماهيب تندى صفاته
يامنزل العربان في منزلتها=حط الردي دون الوفي مع خواته
عين الردي لابينت خاينتها=تقول شاه الوجه مااقبح صفاته

خالد السهلي
02-14-2013, 11:49 PM
فصحى...

ألِفَ الصبا فكأنه لم يحلم=فحديثه في الغابر المتصرم

وفؤاده في سجن ماضيه الذي=من مره لم يجن غير تندم

أتراه يعلم أن ما مر انقضى=ومضى فليس يعود أم لم يعلم

ويعيش في الدنيا وليس من اهلها=الا إذا قرعت صفاه بصيلمِ

أتراك وحدك ياأخاالحزن الذي=هرم الزمان وطفله لم يهرم

فالمستهل لدى الولادة باكيا=هل كان إلا كالفريسة في الفم

وقد استباحت منه طاهر دمعه=دنيا تحنكه بريق الأرقم

أولست في كبد خلقت وكل ذي=كبِدٍ على كبَد الزمان بمرغم

آه من الدنيا يمر نعيمها =طيفا وقيد بلائها في معصمي

آه من الدنياإذا مارُجّيَت=عقمت ..وإن خيفت بلاءا تتئم

لم ترض مني يازمان بمامضى=حتى كررت اليوم تشرب من دمي

مالاح برق مصيبة في عارض=إلا ارتويت ورعدها لم يرزم

ماحاذرت نفسي بلاءا معرضا=إلا وكانت منه أول من رمي

إن الليالي كالصحاب قليلهم=يصفو وتخدع بالسواد الأعظمِ

لو أن خافية الطباع ينمها=مانم مكنون الصدور لملهم

لم أشكر الدنيا على نكباتها=ولقل في بعض الوجوه تبسمي

خالد السهلي
02-14-2013, 11:52 PM
بعد ماتردى بي تخليت عنه وطاح=وصارت ضعوف الناس تشناه وتهينه

يهدد وهو لاهوب هاجي ولامداح=بعد ما توطوا هيبته ولطموا عينه

جداه التشكي حيث مافي يديه سلاح=ولكن بعض الناس ماهم مشكوينه

خالد السهلي
02-14-2013, 11:54 PM
عيني وقلبي لاشفتك ذي تهل وذا يهلي =وان فقدتك مايطفي نار قلبي سيل عيني
وعينك وهرجك لاجيتك ذي تسل وذا يسلي =الدوا والدا تلاقت وانصفت بينك وبيني

خالد السهلي
04-25-2013, 02:13 AM
يامل عين فارقت من توده=وشافت من الوقت النكر والعزاير
اقفى زمان ليت ربي يرده=واقبل زمان ماادري كيف صاير
يامل قلب قام وقته يضده=حشر عليه المهلكات الكباير
للصبر حد وظنتي وصل حده=طقت الكباير وكبرن الصغاير
علي صكات الزمن مستجدة=تنازعني مثل وصف الضراير
اسج ويجي لي على الهم ردة=تدمي الحشا وتخلي الدم فاير
غير الوليف اللي فجا الروح صده=غارات عدوان تجر الجراير
حتى الرفيق اللي على الجنب اعده=ذخري ليا من غلقن الذخاير
يوم كشفتنا للعدى مجرهدة=ذب الحزام وفارق النار ناير
وانا الذي لاغاب اسد بمسده=ماني مثل وصف الذليل المخاير
وليا كلح لي ناب نذل يحده=زودت غله في غميق الضماير
ياوخيضر العينين ليتك توده=لنياق عمك في رفاف الزباير
وترجع لمن هو كان جدك وجده=فاطراف حمص يعرشون الحظاير
لو تسبل ثيابك وزقمك تمده=تبقى قزم ومن الوجيه العثاير
من الكبر كن نحرك فيه غدة=زمرة فلس ياعبرة ام العباير
لاساس جدك يرفعك لو تعده=ولانتب على منصب ولامن تجاير
قدرك مراسل بين هاته ووده=خل الادارة واستدر في الدواير
من كان يصفق بالحذا فوق خده=مااعتز لوهو شيخته العشاير
يااللاش دور غير خالد تحده=اللي معه للحرب حي الذخاير
ولاتحدى واحد مانت قده=تغضب لغضبته الوجيه السفاير
عليك قاد الحرب هجمة وصدة=حتى رغيت ودارت بك الدواير
طردك من منصبك ماتسترده=واضرم عليك النار في كل عاير
خيّرك درب الطيب واخترت ضده=واصبر على مااخترت وارض الخساير
طلعتك من المكتب اللي توده=غصب عليك بخزي عقب الحشاير
كل يقول الله لنا لايرده=حتى اقرب اذنابك تسوق البشاير
من جالنا هدة عليه بنهده=يصبح مدير ويمسي الحال داير
نرخي الحبل للاش وهو يشده=ومن يوم شديناه باح السراير

خالد السهلي
02-18-2014, 09:16 PM
قبل تنصح غيرك انصح نفسك الامارة/
عن هواها اطو شراعك واتهم نيتها
عادة النفس اللجوج مع الهوى غرارة
وتجزع من الحق لامنه وطا ذمتها
اعتبرها خصم اقراره سوات انكاره
ماتبريها قبل لاتنظر بحجتها
وان وجب للنفس حق ثابت معياره/
لاتحملها خطا المخطي ولاتبهتها
والعفو طيب ولاهو واجب تختاره/
والظلايم بعضها ترى العفو يثبتها
ثم تقول الناس لو له حق رز شعاره/
ثم خلا المخطية تدفع ثمن زلتها
العفو عما ثبت عمده وسبق اصراره
يغري ضعاف النفوس تعود في غلطتها
كم رفيق فرحتي به عودت خسارة
اذخره للشدةولاينتظرحزتها
غربلت حبه غرابيل الزمن وادواره/
زحزحت ماطا قدمه و ماج مع موجتها
غرني من مظهره واثره يبي مظهاره/
راغ عن واجبه ورموث الحبال افلتها
وصرت كاللي في مزاد طايرات اسعاره/
مرهي بجيوب ثوبه خابر ثروتها
ويوم دخل يده وليا الجيب شق ستاره/

افختته الثروة اللي قد جمع وافختها
ثم عود يصفق يمين الفلس بيساره/

والهقاوي كم رجال في الرخا غرتها
ومثل من كذب رصاصه في نهار الغارة/
وانكشف لعداه والبندق على غصتها
يامعذرب في زمانك وانت بعض انصاره
كلما انبت له قناة تجيب له سنتها
لاتكلم في الوفا وانت اول البوارة/
من متى عوج الرقاب تلد في عوجتها
من تعذر في القسا زنده يولع ناره/
في الرخا ماعاد ابي ناره ولاشبتها

شربة الفنجال عن صاحبك لااقبل ثاره/
عن فناجيل الرخا تغني وعن دلتها

بهرجة طيب السعة ماجورة ومجارة/
خلها للضيق لين اصير في حاجتها
لااظهر المجهر صريح الجوهر بمنظاره/
تعرف اصحاب الذهب ومزورة عملتها
خالد غنام السهلي

خالد السهلي
08-09-2014, 04:06 AM
سامح الله صاحبي يوم النوى
ماترك قلبي ولاخذني معه
يوم سافر ليته اخذنا سوى
ميرخلا الجسم ..والقلب تبعه
الله اعلم بالنوى لي وش نوى
يبتسم ثغره ويذرف مدمعه
هو نوى لااقفابقلبي ماضوى
اونوى يرجع علي ويرجعه
وقفتي وقفة يتيم ماقوى
ينطق بحقه ولاحد يسمعه
حارت الدمعة بعينه وانطوى
حجته راحت مع اللي ودعه
والدخول وحومل وسقط اللوى
حاصرتني في الجهات الاربعة
وان نزل في القلب سلطان الهوى
اخلف العقل الرزين وزعزعه
اه ياقلب العنا مالك لوا
مد حبل الياس واملك اقطعه

خالد السهلي
08-09-2014, 04:08 AM
يامل قلب من ضلوعه حطب ضوه
ازرى يطفي لهبها طرفي الباكي
قلب غزته الهموم وعكرت جوه
فاقصى الصدر لاهب وفادناه دكاكي
وصدوف وقت تقلب واختلف نوه
تغيرت في سماه ابراج الافلاكي
يضحك مع اللاش واللي مابه مروة
واهل الوفا حطهم بحبال الاشراكي
ياوالله اللي على خيره غلب سوه
عقب استوى غالي الديباج بالخاكي
وكل على شداد ريمة جاله جروة
ناس تصدر بليا عرف وادراكي
من اسفل الدرك تبغى المجد وعلوه
من دون سهر العيون ودوس الاشواكي
وراجت سلعهم بيد دلال يموه
واغوى النجش جاهل التنباك والراكي
ابعدت عن سوق ناس مابها حموة
فاعراض الاجواد مثل اطواب الاتراكي
وانا مع اهل الوفا تلزمني الخوة
ابرك لحق الخوي لو اخسر املاكي
ولياضعف جانب الصحبة بعد قوة
وانكرت الاقبال والتمسن الاسلاكي
ابعد عن الملتمس واوسع الهوة
وابيعه بلاش لاناشد ولاشاكي

خالد السهلي
08-09-2014, 04:09 AM
ياجديد الشعر ماعاد بك شي جديد
غير نقص في الجزالة وزود في الهياط
كل يوم تذبح من الوريد لياالوريد
باليدين الحوس في قاع عصر الانحطاط
ياهل القاف ارفعوا الظلم عن(قاف)القصيد
بدلوها عين والا امسحوا عنها النقاط
فيه ناس ماتعرف القصيد من العصيد
مفختينه لين يلج الجمل سم الخياط
ممتطينه للمظاهر وتجميع الرصيد
ودك اعن الشعر يجرى لهم فك ارتباط
دايم الفاشل يفشل وينقص مايزيد
في بحوره والمعاني تخبط واختلاط
لامدح له قوم عيد بهم في غير عيد
ينقلب مدحه هجا مثل حامية السياط
طير بن برمان لاحام جعله مايفيد
صيدته عقارب رهاط وافاعي وراط
لاخذا البوينق سواق حنتور الصعيد
جهز الصندوق الاسود وباب الاحتياط

خالد السهلي
08-09-2014, 04:21 AM
الصداقة مالها عند هاف الساس ساس/لوتطول ابراجها في السما وابراجها
بين يوم وليل تصبح كما الخد المساس/كان كبرت نفسه وغيرت منهاجها
تذخره للباس ويبيعها في غير باس/لااغتنى ماعاد له حاجة يحتاجها

الردي لو كبر راسه ذنب ماهوب راس/الردى من خلق في نطفته وامشاجها
لوتصنع مخفي له لباس في لباس/الليالي تكشف الجبة وحلاجها
كلما ارفع روس الاقزام حتى ماتداس/عودت تنطحني الروس وانا تاجها

مير يستاهل من يكذب الخمس الحواس/لاجل عباد المصالح وضحك حجاجها

يدري ان للطيب ناس وللنكران ناس/مير نفسه ضيعت سرجهاوسراجها
بارك الله في الزمن لوذهبه اصبح نحاس/منصح للناس لو منه بعض احراجها