السهول ,, مجالس قبيلة السهول

السهول ,, مجالس قبيلة السهول (http://www.suhol.com/vb/index.php)
-   مجلس قرى وهجر وموارد قبيلة السهول (http://www.suhol.com/vb/forumdisplay.php?f=43)
-   -   أخبار الامطار والسيول على ديار السهول (http://www.suhol.com/vb/showthread.php?t=8184)

سالم المحرق 11-25-2006 06:22 AM

أخبار الامطار والسيول على ديار السهول
 
السلام عليكم

الاخوة الاعزاء في مجالسنا

هنا باذن الله يوضع اخبار الامطار والسيول على جميع قرى ومدن قبيلة السهول وغيرها .. بحيث ان الفترة التي مضت ولله الحمد جاءت امطار غزيرة على جميع العارض وسالت منها الشعاب والادوية ويختلف المطر فيها من مكان لأخر .. والحمدلله لازلنا في الوسمي وابشر باذنه تعالى بالعشب والفقع والعلوم الغانمة كلها
المهم البداية من عندي:

الليلة اللي حنا فيها ليلة السبت 4/11/ 1427
جاءت امطار متوسطة على رويضة السهول سالت منها بعض الدعوب والمطر حولنا يختلف من مكان إلى اخر فإلى الجنوب منا بما يقارب 4 كيلو أتت أمطار غزيرة جدا في سحابة عرضها لايتجاوز 3 كيلو ضربت علو وادي بعيثران مما جعله يسيل سيل طيب حتى ضرب في سد ثادق وفي المنطقة التي حولنا جميع الامطار متساوية على البرة والدبيجة والمشاش وثادق وواما مدينة رغبة المجاورة لنا فاتتها امطار غزيرة فقط .
اتمنى من جميع الاعضاء المشاركة بما رأى في ديرته
(يالربع انا عندي صور بس ماعرف انزلهاولكن ابحاول اجيبها لكم)

الله يعطيكم العافيه

الله لايهينكم

تحياتي

سالم

دبياوي 11-25-2006 07:18 AM

اخبار طيبة

شكرا لك

عبدالله العريدي 11-25-2006 07:59 AM

اخي العزيز سالم المحرق

الله يعافيك على ها العلوم الطيبة

و الطيب دايم ما يجي منه الا الطيب

لاهنت

ابو خالد

عبدالله بن ناصر العنقودي 11-25-2006 09:11 AM

حيه وحييييييييي مااجااااااااااااااب
وياليت تثبت الموضوع احسن علشان يكون مرجع خلال ايام المطر لمحبين الطلعات


انا مريت على التنهاة ومرورا بالحفنة
ماشاء الله جايها خير
الدشاااش مليانه من الخير

سيييييييييييييييييييييييييييييييييل على التنهاة والحفنة

ولي عودة

د. فهاد السهلي 11-25-2006 09:32 AM

السلام عليكم

اخي العزيز سالم المحرق

الله يجعلها سقيا خير ..

وان شاء الله تربع الارض .. ويرزق الله المسلمين

بيض الله وجهك على الاخبار الطيبة

شكرا لك

والله يعطيك العافية

اخوكم
فهاد

نبض المشآعر 11-25-2006 10:05 AM

حيااك أخوي ..

جعلها امطار خير .. والله يزيدها ويبارك فيها ..


لاهنتــــوااا ...

سهلي اماراتي 11-25-2006 11:06 AM

الله يعافيك على ها العلوم الطيبة

سلطان الديار 11-25-2006 07:14 PM

يعافيك على ها العلوم الطيبة

و الطيب دايم ما يجي منه الا الطيب

لاهنت

ناصر حضرم العنقودي 11-26-2006 12:04 AM

سالم

الله لايهينك

والخير بأذن الله بيجي السنه هذي

شي((ن)) طيب

والله يكتب اللي فيه الخير

لاهنت

سالم المحرق 11-26-2006 02:14 AM

السلام عليكم

الاخوة الاعزاء

الليلة اللي حنا فيها ليلة الاحد 5/11/1427هنالك أمطار غزيرة في كل مكان في المحمل والوشم وسدير والمجمعة والغاط والزلفي وسالت جميع الاودية والشعاب والان انا في رويضة السهول بالمحمل والشعبان تدحم من المغرب ..والان الثانية ليلا وهي علينا ديمه .. (على فكرة اليوم انقطع الكهرب من عقب المغرب إلى الساعة 11على حريملا وثادق والقرى التابعة لهم) اليوم هذا ابشركم مافيه ديرة ماسال شعيبها .. كلش يمشي بفضل من الله ..
واليوم من كثر الاتصالات يتباشرون بالمطر جادت قريحتي بذا البيتين واتمنى ان تحوز على رضاكم
بشرنا باخبار الامطار يالصاحب الوافي = في كل ساعة لنا ارسل موجز النشره
اخيل برقن على ديرتك ينشافي = ودواي الرعد على ديرتك ياقو نبره
عساه سيلن عليكم مروي وكافي = مهيب منه اكثر الريضان مندمره

والله يعطيكم العافيه يالله رديتوا
وبيض الله وجيهكم
تقبلوا تحياتي
سالم


الساعة الآن 03:26 PM

Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w