رويضة العرض للسهول أم للدواسر؟؟!!

السلام عليكم ورحمة الله وبركاته ..

اخواني واحبائي عندي استفسار يخص موقعة السهول مع الدواسر والتي كانت 902 هـ

قرأت في بعض المقالات التاريخيه فوجدت تناقضات في الأحداث ..


((أبتداء ملك أجود بن زامل بن جبر العقيلي العامري الهوازني وحملاته على نجد))

887هـ وفيها غزا الملك أجود بن زامل العقيلي العامري وتوجه الى نجد وصبح الفضول على تبراك .(المشتاق)

890هـ وفيها غزا الملك اجود بن زامل بالجنود العظيمه وصبح الدواسر على الخرج واخذهم واقام في الخرج عدة أيام ثم رجع الى وطنه .(المشتاق)

893هـ وفيها غزاالملك أجود بن زامل بالجنود الكثيره وصبح الدواسر وسبيع على الحرملية واخذهم .(المشتاق)

900هـ وفيها غزا الملك اجود بن زامل نجد وصبح بوادي زعب والعوازم وهتيم على ثاج ثم توجه الى الدواسر على الرويضه (رويضة العرض) واخذهم .(المشتاق)




استفساري هو ..كيف الحين يقولون ان اجود بن زامل الذي يعود نسبه لعامر بن صعصعه ((والذي احد القبائل لزقت نفسها فيه وادعوا انهم من بني عامر بن صعصعه ..وهذه قضيه اخرى)) كيف يقولون انه توجه الى الدواسر على الرويضه!! ويقصد بها رويضة العرض!! وهي اصلا للسهول حيث ان بعدها بسنتين كانت هناك المعركه التي دارت بين السهول والدواسر وهي معركه مشهوره والتي اغار الدواسر فيها على السهول في الرويضه ورجعوا خائبين ..كيف يذكر بالتاريخ هذه التناقضات وعلى اي اساس خلوها للدواسر وهي اصلا للسهول .؟؟


ولاهنتو

السلام عليكم

الاجابة بسيطة .. وهي في نفس الاحداث السابقة التي انتقيتها .. فـ ايضا الخرج ليس للدواسر .. وحتى الحرملية ليست للدواسر وسبيع .. لكن هي موارد تردها البادية .. ويصادفها غزو .. او ماسواه ..

فـ كذلك ابن عريعر غزا السهول كما في تاريخ نجد لابن غنام عام 1090 هـ على رماح ..

فهل نستطيع القول بـ أن رماح للسهول ذلك التاريخ ؟

رماح ذلك التاريخ .. من مياه بني خالد المشهورة .. ومع ذلك ابن عريعر يغزو السهول وهم عليه .. وهي فترة قوة ودولة وسيطرة بني خالد والتي بلغت من الساحل الشرقي وحتى العرمة وأجزاء من العارض ..

إذن هذا لايعني انه عندما تُغزى قبيلة على ماء ما بـ أنه لها .. والشواهد على ذلك كثيرة .. فقط تصفح تحفة المشتاق او تاريخ نجد او عنوان المجد .. وستجد الاجابة الكافية ..

شكرا لك

والله يعطيك العافية

اخوك
فهاد

الف شكر لك اخى ابو سعد على هالتوضيح


مرجع للقبيله الله يطول يطول عمرك



ولاهنت ياصقر محلف على هالسؤال

بيض الله وجهك اخوي فهاد على التوضيح ..


ولاهنتوا جميعا ...

لاهنت على السوآل اخوي صقر المحلف .. ..

ولاهنت وبيض الله وجهك يابو سعد .. ..

لا هنت على بيض الله وجهك

و منكم نستفيد




يعطيك الجميع كل عافية

يعطيــــــــــــــــــــك الف عافيه على هالسؤال ويعيك الف عافيه ياللي جاااااااااااااااااااااااااوبت