قصيدة مهداه للشيخ/تركي بن خزيم ووالده الشيخ/خزيم بن وبدان ولقبيلة السهول عامه

عبر الاثير وعبر موجات الارسال=ومن العشيره لين خمسه وستين
برسلك الموضوع ياتركي ارسال=وخلاصة الموضوع مابين قوسين
سلام اسوقه سوق وحروفه جزال=على العجل ياصلك ماهو ببعدين
سلام مثل البن والهيل بدلال=لاساقه الطّيب ومدّ الفناجين
سلام مثل الوبل لاهل همًال=لاهل همّاله وسالت ودادين
سلام من فيض المشاعر وبالحال=ينصاك ياشيخ الرجال الميامين
يالشيخ يابن الشيخ ياطّيب الفال=ياللي تمد الكف وتغلق الدين
ياالحر يابن الحر يانسل الابطال=طوال الشبور مرجحين الموازين
ربعك هل التكميل ماضين الافعال=ازحول الرجال مطوعين المعادين
سهول ماضيهم توارده الاجيال=اهل العزاوي بالملاقى قويين
ياسربة الدم يامفاتيح الاقفال=انتم حمول الخيل مانتم بصيطين
ذباحة الاروام للسرب عدّال=اهل الخيول الدهم قوم اللحاوين
وخزيم الاول راعي الصيت مازال=اللي على البلها يدّك الميادين
اسمه غدير الموت للروس تلّال=اروى المزرّج من دمي المثارين
ذكره فاي لكس ماثغن يوم الاهوال=قال اشجع الشجعان يوم الاكاوين
وقال المؤرخ بن سند صدق الاقوال=من افظل الفرسان قول ابراهين
اللي له ابن سعود وقف له اجلال=يومه شرب فنجال شيخ الشجيعين
وفي حدباء قذله طش له كم خيال=وخلى الطيور تحوم فوق الجثامين
وقلّع حصان اللي على القبّ عيّال=واهداه لمحمد كبير القحاطين
قولاً عليه اثبات وادقاقه جلال=صدق الكلام ومايبي له مزكين
وابوك شيخ معرب الجد والخال=خزّيم اللي يذكرونه على الدين
خزِيم الوبدان شيّال الاثقال=ابن لحيّان المسمى على الزين
شيخاً له الشيخه تحوبي له اذلال=ماهي بحي الله وشيخة ملايين
مثل البليهي للثقيلات شيّال=شيخ الشيوخ اللي يفك المساجين
قرم وشجاع وللعدى سيف بتّال=شهم وكريم وقفته تعجب العين
حلحيل صعب وللصعيبات حلَّال=نايد وكايد والصعايب له تلين
ستراً لربعه والضعيفين واضلال=وذكره مع الاقصين قبل الموالين
وحش وقوي الباس بوجيه الانذال=ليَن جناب محب عند الكثيرين
كريم كفَه للمساكين وبّال=شيخ السخاء والطيب شيخ الكريمين
طلق اليدين وللقريبين مقيال=عزوجاه اوجاه غيث الفقيرين
وانته ولده وتشبهه مابها جدال=والطيب طبع ومايبيله تمارين
كل الحروف تجيك وتطيع الامثال=والشعر في مدحك يبي له دواوين
ابيض ندي الكف في كل الاحوال=مانته ردي ولاتحب الرديين
وليا بغيت تحل وتعقد حبال=حلالها وتحل الاصعاب من حين
واكبارها عندك كما شرب فنجال=وتشيل حمل ٍ ماتشيله بعارين
واليوم جيتك شاكي الضيق مهتال=والهم اشوفه حطني بين نابين
تكفى تراها تصفق الجال بالجال=لاقالها حربي تهزَ السلاطين
تكفى ترى تكفى تحرك لها جبال= وايضا بعد يمكن تحرر فلسطين
كلمه لها عند المناعير مثقال=ومن سمِعها خالف نظام القوانين
وانته كريم وقفتك مالها امثال=وشرواك بالفزعه تراهم قليلين
ابيك تفزع يافتى الجود بالحال=واخذ الكلام وسجله فوق خطين
ماني ضعيف ولا مقيد بالاغلال=ولاني قصير شبوح مثل الضعيفين
مير الزمان الشين خبث لي البال=واثر عليه ثم قص الجناحين
واليوم في شعبان والعيد شوال=والقيض ماهو مثل برد الطويلين
والعافيه اخير من جمع الاموال=والاستقامه راس مال الشريفين
والادمي يموت ويحط بكفال=وعقب الحياه يحط في قبره الشين
والله يجملنا على حسن الاعمال=وايضا يكفاينا شرور الشياطين
وختامها من دلة الشعر فنجال=هاك وتقهوى ياحفيد السلاطين
وصلى الله وسلم على خير مرسال=اعداد مالبو جموع الملبين
وعليه صلوا عدَ ماسايلن سال=مع وادياً شوفه يسر البداوين
قلت الكلام الصدق ماني بدجّال=وهذا تراه البيت واحد وخمسين

شاعر القصيده/هو الشاعر الشاب/محمد بن مشعان السحيمي الحربي (سيف السحمان)

منــــــــــــــــــــــقول

صح لسان الشاعر محمد الحربي

ويستاهل المدح الشيخ تركي بن لحيان شيخ وابن شيوخ

الله لا يهينك حد السيف على التواصل الجزل


تسلم يمينك

.

السلام عليكم

صح الله لسانك .. ولسانك الشاعر محمد بن مشعان الحربي ..

والف نعم بالشيخ / تركي بن لحيان .. وبـ والده الشيخ / خزيم بن لحيان .. وباللحاوين كافة ..

يستاهلون : تاريخ كبير .. وحاضر مديد ..

وقول وفعل ..

بيض الله وجهك

شكرا لك

والله يعطيك العافية

اخوك
فهاد

صح لسانك ولسان الحربي على الأبيات الرائعه
يستاهلون
لاهنت

السلام عليكم

ارحب ياحد السيف

صح لسان الحربي

ويستاهلون اللحاوين وقبيلة السهول المدح

شكراً لك

السلام عليكم


صح لسانك وصح لسان الشاعر الحربي


ومليووون نعم بالشيخ / تركي بن لحيان واللحاوين كلهم ويستاهلون المدح وزد


وبيض الله وجهك يا حد السيف على نقل القصيدة


ولاهنت

صح لسان الشاعر~ الحربي


ويستـــاهل الشيخ~ تركـــي بن لحيان ويستاهلون اللحاوين المدح

لاهنت اخوي حــد السيف

وبيض الله وجهــــك ع نقل القصيده لنا

دمت بخير وعافية

اطيب تحية