روابط مفيدة : التسجيل | طلب كلمة المرور | تفعيل العضوية | طلب كود تفعيل العضوية | إتصل بنا   



قبيلة السهول مساحة اعلانية مساحة اعلانية مساحة اعلانية مساحة اعلانية

الإهداءات


العودة   السهول ,, مجالس قبيلة السهول > المجالس الأدبية والتراثية > مجلس الشعر والمحاورة
 


حصريا .. لقاء القمة مع الشاعر الكبير / غنيم بن سعد الخبيش القباني السهلي

شعر , محاورة ,


إضافة رد
 
أدوات الموضوع انواع عرض الموضوع
قديم 03-27-2009, 08:25 PM   #1
|ادارة المجالس 
ادارة شـبـكة ومـجـالـس قبـيـلة السـهول


ادارة المجالس غير متصل

بيانات اضافيه [ + ]
 رقم العضوية : 59
 تاريخ التسجيل :  Jun 2004
 أخر زيارة : 01-07-2012 (03:19 AM)
 المشاركات : 1,386 [ + ]
 التقييم :  14
لوني المفضل : Cadetblue
حصريا .. لقاء القمة مع الشاعر الكبير / غنيم بن سعد الخبيش القباني السهلي



بسم الله الرحمن الرحيم

السلام عليكم ورحمة الله وبركاته

تتشرف مجالس قبيلة السهول بـ أن يكون الشاعر الكبير / غنيم بن سعد الخبيش القباني السهلي .. ضيفا كبيراً يحل عليها .. كالغيث الذي يروي الارض .. ويستبشر به كل الناس ..



الشاعر الكبير / غنيم الخبيش .. غني عن التعريف .. وهو الشاعر العلم العملاق .. بطول الارض وعرضها .. شاعر الرد البارز .. الجزل .. ابداً لاتفيه الحروف .. والكلمات .. ولا سطور الصفحات أدني حقه .. وشيء من مجده .. وفضله ..

بـ مداد الذهب .. نسطر شرفاً .. حل علينا .. بوجود هذا الضيف الكبير بيننا .. ونرفع به الهامة .. ونعتز به .. ونفخر ايما فخر ..

الشاعر الكبير غنيم بن سعد القباني .. شاعر نازل مشاهير شعراء الرد .. وأسس مع اولئك المشاهير لهذا الفن خير تأسيس .. وكسب احترامهم .. اشادوه به كثيراً .. ومن أولئك المشاهير : مطلق الثبيتي رحمه الله ومستور العصيمي والجبرتي .. وغيرهم الكثير ..

من هنا .. من مجالسكم .. نترككم مع شاعرنا الكبير : ابو سعد .. حفظه الله ...




- متى بدأت الشعر من ناحيه العمر ؟

فالبداية احب ان ابارك لطرجم بن مدعث السهلي على فوز ابله بالمركز الخامس شعل وهذا شي يرفع الراس لكل ابناء القبيلة
... وبخصوص سؤالك منذو ان كان عمري 14 سنة



هل البدايه في المحاورة أو النظم ؟

بداياتي كانت فالنظم .. ثم هويت المحاورة وأنا صغير ولعبتها وكانت المحاورات قليله في نجد .. وذهبت للحجاز



ماهي أساسيات شاعر المحاورة الناجح ؟

النجاح والقبول لدى الجماهير بيدين رب العالمين .. وكثير قابلنا شعراء محاورة على مستوى عالي من الجزاله ولكن غير معروفين وماعليهم طلب .. وهي توفيق من الله ..

واساسيات شاعر المحاورة المتمكن
اول شي
يفهم المعنى .. بحيث ماتقدر تطوف عليه اي شي من المعاني الآ ويلقطها

سرعة البديهه بشرط ان يكون فاهم للمعاني .. بإمكان اي شاعر يكون سريع بديهه على غير معنى .

مايتنرفز من بيوت الخصم ... وهذي نقطه مهمه جدآ .. لأنك اذا تنرفزت اصبحت نفسيتك بيدين الخصم والمفترض على الشاعر أن يكون هادي وراكد .




هل لغنيم الخبيش مساجلات مع الشعراء الكبار وشعراء الرعيل الاول من السهول ؟
لا توجد مساجلات شعرية بيني وبين شعراء السهول الكبار



ماهي اول محاورة واين ومع من ؟
- في الرياض مع الشاعر عبدالله الماجد



-من أول الشعراء القدماء اللي لعب معهم ؟

- والله اول محاورة لي ماذكرها ولا اذكر مع من ولكن اذكر في بداية ماكانت تأتيني دعوات لمناسبات كنت التقي بالشاعر فهد المحيشير والشاعر عبدالله الماجد ... ثم ذهبت للحجاز مع الأمير عبدالرحمن بن عبدالله ال سعوود وهناك التقيت بكبار الشعراء .


-لماذا اصبحت مقل في شعر المحاوره
الدافع اللي كان يشدنا للمحاورة لم يعد موجودآ .. وايضآ الحالة الصحية لا تسمح لي بالوقوف





-مالفرق بين الشعر في الزمن القديم والوقت الحاضر سوء ٍ في المحاوره او النظم

في كل شي

فالمحاورة اختلفوا فالمعنى ,,, فالسابق كان هناك دفن للمعنى ورموز .. اما الآن فالمعاني دفنها سطحي وواضح

حتى في صفوف المحاورة اول كان فقط مدرب الصف واحد يقف امام الصف اما فالوقت الحالي تجد من يقف امام الصف اكثر من عدد الصف

والنظم اختلف الاسلووب والنهج وادخلت الحداثة ... فالسابق القصيدة نعرف ونفهم مغزاها من المطلع

اما الان تبدا القصيدة وتنتهي ولا تعلم هل هي شكوى ام غزل او مدح .. طبعآ الآ من رحم الله من الشعار



-مارايك في دخول الماده في شعر المحاوره في الوقت الحاضر وهل الشعار يلعبون مثل السابق بنفس الواهس والهوايه ام انهم يمضون ليله بمبلغ وقدره ؟

مع اني ليس منهم الآ أن الماده يمكن لو لاها لما اصبح الان يوجد شعار محاورة وهي تشجيع لهم ولا يلاموون بعضهم يأتيك من الطائف للعب فالرياض ... ولا اظن انهم يلعبوون بنفس الواهس .



من الشعار اللي يتميزون في دفن المعنى من وجه نظرك ؟
اغلب الشعراء القديمين يتميزون بدفن المعنى



-من الشعار من قبيلتك قبيله السهول في المحاوره يعجبك من القدماء ومن الشباب ؟ وكذلك من خارج قبيلتك من القدماء والشعار الشباب

في المحاورة الشاعر عبدالله بن سيف عليه رحمة الله

وبخصوص ماذكرت من شعراء الشباب من قبيلة السهول فالله الحمد بديت اسمع من خلال الانترنت ومن موقع مجالس قبيلة السهول بشعراء شباب لهم مستقبل بإذن الله حيث يتمتعون بأساسيات المحاورة ويحتاجون لتنمية هذه الموهبة وصقلها مع الشعراء الاخرين و ايضآ بحاجة لأبراز انفسهم فالمناسبات ودعم من ابناء القبيلة واتمنى لهم التوفيق ..

ومن خارج القبيلة فالشاعر عبدالله المسعودي عليه رحمة الله هو من كان يعجبني واستمتع به .. والشعراء الشباب فيهم الخير والبركة




من لعبت معه من الشعار الكبار المعروفين ياليت تذكرهم لنا

الشاعر أحمد الناصر ورشيد الزلامي وخلف بن هذال ومستور العصيمي وفيصل الرياحي وجارالله السواط ومحمد بن تويم وبكر الحضرمي وعبادل المالكي وزيد العضيلة وحمد بن هادي المسردي وملفي المورقي وغيرهم مما لا يحضرني




ومن آخر من لعبت معه منهم ؟

آخر محاورة لي كانت مع الشاعر ملفي المورقي في حفل تخريج ضباط السهول واظن بأنكم من ضمن المتواجدين وهي موجوده على صفحاتكم .



آخر قصيدة نظم قلتها؟

والنظم .. قصيدة مدح في معزبي سمو الامير عبدالعزيز بن تركي ال سعود اطال الله بقائه




هل المسابقات الشعريه سوء في المحاوره او النظم خدمه الشعر ام انها خدمه اصحاب القنوات الفضائيه فقط ؟

- هي خدمة شعار لم نكن نعرفهم على الساحة.. ولكن هدفها هدف ماادي بحت وليس لخدمة الشعر .. وإن كان هناك من يريد خدمة الشعر فليجعل هناك مسابقة شعرية لا تعتمد على التصويت




ابو سعد لماذا أنت مقل في نشر القصيد والظهور فالاعلام وأنت من الشعراء اللي يمثلون قبيلة ؟


والله التقصير مني أنا شخصيآ ما احب ارتبط .. وصلتني اكثر من دعوه لعمل لقاء ورفضت اغلبها بحكم عدم تواجدي .. ولبيت دعوه واحده من قناة الاماكن ومجلة المها .وقبيلتي الحمد لله والشكر فيه من يمثلهم غيري



-هل هناك نيه اصدار ديوان لجمع حقوقك الادبيه يابو سعد سوء مقروء او مسموع؟
- النيه موجوده ... يصمت قليلآ ويكمّل ولكن اغلب قصائدي ضاعت سواء محاورة او نظم ...وبالذات المحاورة .




-ماهي سالفة محاورتك مع رشيد الزلامي (رشيد الزلامي من خذا حق الأجواد) والشاعر عاضه البقمي اللي يقول فيها (مل قلب ٍ من عذاب الليالي ماأستراح)
- مثل ماقالوا المعنى في بطن الشاعر



كيف تلقيت خبر وفاة الشاعر فيصل الرياحي ؟؟ وهل هناك محاوراة بينك وبينه ؟

تلقيته بصدمة كبيررة حيث كان ليلة البارحة يلعب محاورة فالرياض وعند الصباح اسمع خبر وفاته وهذه هي الدنيا .. والله يرحمه ويسكنه الجنة .. هناك محاورة واحده والله ما اذكر منها شي


كانت لك مشاركة في مهرجان التراث بالجنادرية ؟

قبل ذلك كنت اشارك في حفلات الجامعة على طريق الدرعية .. وبعد أن تم تنظيم مهرجان التراث تم استدعائي
وشاركت .




لعبت مع من فالجنادرية ؟

مع الشاعر زيد العضيلة والشاعر رشيد الزلامي



وهل تذكر شي منها ؟

والله اذكر بداية مبداي مع زيد العضيلة

حيث اثنى الشاعر المرحوم له مطلق الثبيتي على هذا المطلع . لأن اغلب الشعراء يبدون بسلام .

والحضور والامراء الموجدين تعودا على سماع هذا المطلع. وعند وصولي غيرت المطلع . وقلت


من هجوس الشاعر اللي لا وقف هجرس وغنا = البداية والنهاية رحمة الله وبركاته
فقال الثبيتي الله يرحمه فزت بها ياسهلي اما محاورتي مع الشاعر رشيد الزلامي .. والله ماذكر الا شي بسيط

اقول.



سلام الله سلامٍ كما الثوب الجديد = يشتري ويبيع مع من يبيع ويشتري
لك ثمان سنين معاد شفتك يارشيد = ..........................................

فرد على الترحيبة ولكن ماذكره ثم قال

لي ثمان اسنين الحم حديدٍ في حديد = قصتي فالدهر قصة حسين الازوري



بما ان لازلنا في موضوع المحاورة .. محاوراتك فالحجاز كيف كانت من البداية ؟

البداية كنت اذهب مع سمو الامير عبدالرحمن بن عبدالله ال سعود للطائف وهناك نصيف نجلس كل الصيف ثلاث شهور من كل سنة ... والامير عبدالرحمن يحب المحاورة وكل ليلة يعزم الشعراء المعروفين من الحجاز والعب معهم .



شهد لك الشاعر محمد الاحمد السديري رحمه الله بأنك شاعر معنى . لماذا قال هذه الاشاده ؟

كنت العب بحضور الامراء والامير محمد الاحمد السديري الله يسكنه الجنة من ضمن الموجودين . وكنت العب مع الشاعر مستور العصيمي .. فقال لي الشاعر مستور

عن الموت لو انك مقفل بصندوق = تعنى لك ملك الاقدار ولا تعناله
تزوجتها ياغنيم بالغدر والبووق = واليوم لا جاك ولد وين خاله

فقلت :

أنا ما بنا من الملك معتوق = قوي العضود بعز رب الجلاله
تزوجتها والعز حدرا ومن فوق = وعند الولي فتل الرشا وانحلاله

فقال الامير محمد السديري للامير عبدالرحمن بن عبدالله هذا شاعر معنى .



لك محاورات مع الشاعر محمد بن تويم رحمه الله .. عرفت بالجزالة وقوة المعنى ودنا تحدثنا عنها ؟

جميع محاوراتي مع ابن تويم الله يرحمه فالطايف ومن الشعار الموجودين في تلك المحاورة مستور العصيمي وجارالله السواط ومحمد بن تويم ورشيد الزلامي وهلال السيالي .

وكنت العب مع مستور العصيمي .

اقول :


لحيتك بنحسن اشنابها = لاتوقف بالعصا دونها

فقال مستور العصيمي :

وأنت قل لحيتك واسبابها = ليش فالبرميل ترمونها

رديت بعدها ورد ثم قلت لمستور بأغيّر وغيّرت وقلت :

سلام ردية لكم يالحضور بعز وسرور = من هاجسٍ لا صنفة له قدحها من شراره
يامحمد بن تويم رد الخبر من عقب مستور = هات الخبر يوم العصيمي تملينا خباره

فقال ابن تويم :

ليلي وليلك ياطير شلوى لين يبدي النور = يامرحبا ترحيبة ماحسبناها خساره
ياللي تخيل طويق من بندر الطايف بناظور = تراك ماتدري عن اللي تحت صم الحجاره


فقلت :

يامحمد اللي موقفك مع هل الميدان مخبور = ماتدري أن الناس سووا على الطرقي عياره
رفيقك اللي ليا منك عزمته يجي فالراي والشور = وش لون لا منك عزمته تنقص في وقاره


وهي اطول من ذلك



ياسلامي على اللي موتره بونتياك ... في هذي الوسيمة كأنك تريد أن تمازح مستور العصيمي ؟


هذي المحاورة جرت مع الشاعر مستور العصيمي كان معه سيارة من نوع بونتياك ماودك تشاهدها قديمة وحالتها حالة .. وأنا وقتها كان معي جمس جديد , و ماكان المقصود اني امزح معه . المحاروة هذي على معنى ولكن بدايتها كانت نوع من الفكاهه فأقول

ياسلامي على اللي موتره بونتياك = ياخذ الناس من سوق ويدي لسوق

البيت الثاني والله لاأحفظه ولكن رد مستور العصيمي وقال :

مرحبا ياغنيم وجعلها من فداك = جعلها من فدى اللي جاب زين الطروق
وأنت ياللي تسوق البقس ربي عطاك = الله اللي عطاك ولا عطاك مخلوق

الطروق الطويلة والصعبة وفن الشقر .. تعلمتها من باب التحدي ؟

لا والله كتبتها من حب وهواية وهي سلاح لك يالشاعر تجي في ملعبه او ترسل لك قصيدة على بحر وطرق صعب وش تسوووي ؟؟

تقول ماعرف !! وأنت محسوب انك شاعر .... لا بد انك تعرف الطروق .. ولكن أنا ماتعلمتها حتى استصعب شاعر واحرجه قدام الجمهور . تعلمتها مثل ماقلت لك من حب وهواية .



ادارة المجالس

في نهاية لقانا ويـش ودّك تقـول=ويش كان انطباعك عن هذا المنتدى

غنيم الخبيش


ودي اقول جعل العز فال السهول = في نهاية سوالفنا وفالمبتدا
واشكر جميع القائمين على هذه المجالس والله يقويهم .. وهذا شي يرفع الراس اجتماعات القبيلة ومناسبتها تصل للجميع اول باول . وبارك الله فيكم وموفقين ان شاء الله

كان لقاء مميز .. مع علمٌ مميز .. سوف يسجله التاريخ .. ويخلده ..
حضينا بشرف لقاءه .. وهو صاحب المكارم .. والايادي البيضاء .. وصاحب الحمية المتوقدة ..

ومن هذه المجالس نزجي لشاعرنا الكبير عظم الشكر وجزل التقدير والامتنان على أن منحنا جزءاً من وقته .. تشرفنا فيه بـ إطلالته المشرفة ..

(واخر دعوانا ان الحمد لله رب العالمين)




ادارة مجالس قبيلة السهول


 
 توقيع : ادارة المجالس


التعديل الأخير تم بواسطة عبدالله بن ناصر العنقودي ; 03-27-2009 الساعة 08:44 PM

رد مع اقتباس
قديم 03-27-2009, 09:47 PM   #2
|حمد الشمالي 
يلوموني في حبك 9


الصورة الرمزية حمد الشمالي
حمد الشمالي غير متصل

بيانات اضافيه [ + ]
 رقم العضوية : 4263
 تاريخ التسجيل :  Jan 2008
 أخر زيارة : 09-23-2014 (03:32 AM)
 المشاركات : 3,476 [ + ]
 التقييم :  54
لوني المفضل : Cadetblue


السلام عليكم

مشكورين يا ادراتنا الغاليه على القاء الجميل

والله يطول في عمر والدي الشاعر غنيم بن سعد القباني

وبي صرحه استمتعنا في القاء الجميل والرائعه


 

رد مع اقتباس
قديم 03-27-2009, 10:26 PM   #3
|سعود بن شنار الحويدر 
الإدارة العليـــا للمجالس


الصورة الرمزية سعود بن شنار الحويدر
سعود بن شنار الحويدر غير متصل

بيانات اضافيه [ + ]
 رقم العضوية : 2565
 تاريخ التسجيل :  Apr 2006
 أخر زيارة : 06-21-2018 (02:26 PM)
 المشاركات : 2,978 [ + ]
 التقييم :  10
لوني المفضل : Cadetblue


الشكر للإدارة على هذا اللقاء مع الشاعر الكبير والمعروف

غنيم الخبيش عسى الله يمنحه الصحة وطولة العمر

ولقد استمتعنا بهذا اللقاء الرائع والجميل مع هذا العلم من أعلام القبيلة


 
 توقيع : سعود بن شنار الحويدر

مهما يجيك من الخطأ من رفيقك=.حاول تغاضي والخطأ لا يجي منك
ترى رفيقك لو وقف في طريقك=.مثل الرصيد ان قل وان زاد بالبنك
وأعرف عدوك قبل تعرف صديقك.=.ومن لا يحس بضيقتك ما درى عنك
ولا تأيد المخطي لو أنه شقيقك=.وش عذرك من اللي عن أيسرك وأيمنك


رد مع اقتباس
قديم 03-27-2009, 10:54 PM   #4
|محمد المشعان 
عضو فعال جداً


الصورة الرمزية محمد المشعان
محمد المشعان غير متصل

بيانات اضافيه [ + ]
 رقم العضوية : 6480
 تاريخ التسجيل :  Feb 2009
 أخر زيارة : 09-14-2014 (09:33 AM)
 المشاركات : 187 [ + ]
 التقييم :  10
لوني المفضل : Blue


السلام عليكم ورحمة الله وبركاته

هذا الشاعر اللي ماشاء الله عليه اذكر يوم حفل تخرج ظباط السهول
يوم يلعب مع ملفي شاعر بمعنى الكلمه
عزالله انه شاعر الله يوفقه ويكثر من امثاله


 
 توقيع : محمد المشعان



رد مع اقتباس
قديم 03-27-2009, 11:42 PM   #5
|ذيبان 
عضو فضي


الصورة الرمزية ذيبان
ذيبان غير متصل

بيانات اضافيه [ + ]
 رقم العضوية : 171
 تاريخ التسجيل :  Aug 2004
 أخر زيارة : 08-16-2018 (12:03 PM)
 المشاركات : 1,556 [ + ]
 التقييم :  37
لوني المفضل : Cornflowerblue


حوار متواتر و لطيف

والله سبعه أنعام بأبو سعد والله يجعله مايشوف مكروه إن شاء الله

الله لا يهينكم يا إدارتنا نتطلع إلى جديدكم


 
 توقيع : ذيبان



رد مع اقتباس
قديم 03-27-2009, 11:47 PM   #6
|مبارك الظهيري 
عضو مجلس الوظائف والقبول والتسجيل


الصورة الرمزية مبارك الظهيري
مبارك الظهيري غير متصل

بيانات اضافيه [ + ]
 رقم العضوية : 5723
 تاريخ التسجيل :  Nov 2008
 أخر زيارة : 08-27-2015 (03:14 AM)
 المشاركات : 2,887 [ + ]
 التقييم :  1442
 اوسمتي
العضو المميز 
لوني المفضل : Blue


الشاعر غنيم بن سعد السهلي شاعر علم ومخضرم

الله يطول بعمره ونتمنى نشوفه بمحاوره قريبه ان شاء الله

لاهنتوا يالاخوان على هالقاء المميز


 

رد مع اقتباس
قديم 03-28-2009, 02:12 AM   #7
|ناصر بن عبود 
الإدارة العليـــا للمجالس


ناصر بن عبود غير متصل

بيانات اضافيه [ + ]
 رقم العضوية : 2320
 تاريخ التسجيل :  Jan 2006
 أخر زيارة : 10-30-2018 (08:17 AM)
 المشاركات : 8,294 [ + ]
 التقييم :  412
لوني المفضل : Cadetblue


بيّض الله وجيهكم ياالإداره على تنسيق المقابله للشاعر الكبير / غنيم بن سعد الخبيش السهلي

شاعر له باعه الطويل في مجال شعر النظم والمحاوره

شاعر قبيله ومن كبار شعراء قبيلة السهول وشعراء الممكله

وكلّنا فخر في أبو سعد الله يطوّل عمره على الطاعه

ونشكر له تواضعه ومنحنا وقته في هذي المقابله الرائعه والنادره

والبركه في الاخوان / حمد الخبيش و محمد بن غنيم الخبيش . الذين ساعدونا في المقابله وشاركونا في بعض الأسئله


,,,


 
 توقيع : ناصر بن عبود






رد مع اقتباس
قديم 03-28-2009, 03:43 AM   #8
|سهلي الرياض 
عضو بلاتيني


سهلي الرياض غير متصل

بيانات اضافيه [ + ]
 رقم العضوية : 3281
 تاريخ التسجيل :  Feb 2007
 أخر زيارة : 01-09-2014 (07:26 AM)
 المشاركات : 5,049 [ + ]
 التقييم :  10
لوني المفضل : Cadetblue


شكرا للادارة على اللقاء وهذا التواصل مع الشاعر الكبير غنيم الخبيش واللي سعدنا جدا بقراءتة


ونشكر الشاعر الكبير غنيم الخبيش على اتاحة هذة الفرصة


متمنيا لة دوام الصحة والعافية


 
 توقيع : سهلي الرياض

سبحان الله وبحمدة = سبحان الله العظيم


رد مع اقتباس
قديم 03-28-2009, 03:46 AM   #9
|فهد بداح السهلي 
مشرف مجلس الشعر والمحاورة


فهد بداح السهلي غير متصل

بيانات اضافيه [ + ]
 رقم العضوية : 3984
 تاريخ التسجيل :  Sep 2007
 أخر زيارة : 09-13-2015 (02:46 AM)
 المشاركات : 1,357 [ + ]
 التقييم :  35
لوني المفضل : Cadetblue


شكراً أدرة المجالس

دائماً تحرصون على التميز ..

ولقاء الشاعر الكبير / غنيم الخبيش اطال الله عمره واتم عليه الصحه

هو تميز واضافه جديده للمجالس


كان لقاء مميز .. مع علمٌ مميز .. سوف يسجله التاريخ .. ويخلده ..

حضينا بشرف لقاءه .. وهو صاحب المكارم .. والايادي البيضاء .. وصاحب الحمية

المتوقدة ..

ومن هذه المجالس نزجي لشاعرنا الكبير عظم الشكر وجزل التقدير والامتنان على أن

منحنا جزءاً من وقته .. تشرفنا فيه بـ إطلالته المشرفة ..


 

رد مع اقتباس
قديم 03-28-2009, 04:01 AM   #10
|ماجد بن فهد العنقودي 
مشرف مجلس الضيافة وأخبار الأعضاء وأخبار السهول


الصورة الرمزية ماجد بن فهد العنقودي
ماجد بن فهد العنقودي غير متصل

بيانات اضافيه [ + ]
 رقم العضوية : 3803
 تاريخ التسجيل :  Aug 2007
 أخر زيارة : 10-31-2017 (02:40 AM)
 المشاركات : 19,667 [ + ]
 التقييم :  1499
لوني المفضل : Black


ادارتنا الكريمه

الف شكر لكم على هذه اللقاء الرائع

مع علم من اعلام الشعر الشاعر/ غنيم الخبيش السهلي

اطال الله في عمره وبيض الله وجهه

ونشكر الاخوان حمد الخبيش ومحمد الخبيش

لآهنتم


 

رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:52 AM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w

    قبيلة السهول