روابط مفيدة : التسجيل | طلب كلمة المرور | تفعيل العضوية | طلب كود تفعيل العضوية | إتصل بنا   



قبيلة السهول مساحة اعلانية مساحة اعلانية مساحة اعلانية مساحة اعلانية

الإهداءات


العودة   السهول ,, مجالس قبيلة السهول > المجالس الأدبية والتراثية > مجلس الشعر والمحاورة
 


لقاء رائع مع الشاعر الكبير فهد بن مناحي بن دعسان

شعر , محاورة ,


إضافة رد
 
أدوات الموضوع انواع عرض الموضوع
قديم 12-26-2011, 03:08 AM   #1
|المركز الإعلامي 
فريق المركز الإعلامي لمجالس قبيلة السهول


المركز الإعلامي غير متصل

بيانات اضافيه [ + ]
 رقم العضوية : 9441
 تاريخ التسجيل :  Jun 2010
 أخر زيارة : 04-10-2016 (08:21 AM)
 المشاركات : 688 [ + ]
 التقييم :  40
لوني المفضل : Cadetblue
لقاء رائع مع الشاعر الكبير فهد بن مناحي بن دعسان



امتدادا للقاءات التي تجريها مجالس قبيلة السهول .. مع شيوخ القبيلة وشعراءها ورواتها ورجال الفكر والادب .. تم إجراء العديد من هذه اللقاءات .. حتى كونا مخزوناً معلوماتي متنوع موسوعي .. حتى أننا نحاول إختيار الوقت والاجواء المناسبة لطرحها امام متفصحي مجالس قبيلة السهول ..
وبعد كان هذا اللقاء المميز .. الذي امتزج فيه الشعر والجزالة .. كان مع أحد كبار شعراء قبيلة السهول .. ذوي الحمية والانتماء .. والامانة والصدق .. لمن يمتلكون حب متدفق لقبيلتهم .. ويحرصون على تواصلهم .. ويتميزون بـ اريحيتهم وكرمهم ..



ضيف اللقاء الشاعر الكبير فهد بن مناحي بن دعسان المحيميدي السهلي



فالبداية نرحب بك يابوفيصل على صفحات مجالس قبيلة السهول وأنت احد اعضاءها اللي نفتخر بهم .. بودنا نعرف اكثر عن فهد بن دعسان ؟



الله يحييكم وانا واحد منكم وفيكم والمجالس تشرفني كثيرآ واسمي فهد بن مناحي بن دعسان ال محيميد السهلي


متزوج ولدي من الأبناء ستة ابناء : فيصل وشالح وسلمان ومحمد ونايف وسعود


احمل الشهادة الثانوية ومتقاعد من الحرس الوطني


عمري 58 سنة


نبي نعرف بداياتك الشعريه متى عرف فهد بن دعسان الشعر ؟



عرفته وانا عمري 12 سنة بديت بالنظم والمحاوره ومنعني والدي عن المحاوره خوفآ من الناس وكنت العب مع شعار القبيله


وبديت فالنظم وفالغزل على الطرق الهلالي وتم نشرها في جريدة الجزيرة على وقت زبن بن عمير



سمعنا القصيدة كانك تذكرها ؟


عديت في عال الطويل المقابل = رجمن على باق الرجوم عديم


وجلست في راسه ساعاتن قلائل = اخيل براقه على ديار نديم


نديم تناحتبه الأيام والنواء = هنى من فؤاده من الغرام سليم


سليم ملاعه زمانه بفرقاه = سهم التفرق يودع الظلوع حطيم


لك الله لو ناري تشب بمدينه = تصبح مبانيها من النار حميم



لا نام خال البال جلست ساعه = اغوص في موجن من الهم ظليم


عزي لمن مثلي فقد شوف غالي = لا شك أنا آملى بالألاه الكريم


لا بج ما ترجع لليال السعاده = وشوف من حبه بضميري قديم


لا هب نسناس الجنوب يهيضني = تهيض جوارحي لا ذعذع النسيم


أنا لامني بنيت المعاني = ماني على صخر البيوت غشيم


اخذ سمين القاف وترك هزيله = مثايلن يطرب لها الفهيم


ولا كل قافن لا سمعته يشوقني = ولاني اباري كل شخص لئيم


ارافق الطيب على العز ونقاء = عزيز نفس وبناييبات حكيم


من كثر ماجربت مقبل ومقفي = امشي بليا نور والليل عتيم


يالعبد لا تغويك صدقان الرخاء = ماينفعونك لا لاقاك الخصيم


صدقان من طابت نعيمه وزانت = وعدوان من دنياه جحيم

- تأثرت بمن في بداياتك الشعريه ؟


تأثرت بجميع الشعراء الجزليين بالأمير الراحل محمد السديري وشليوح المطيري ومن شعار القبيله فهد ابوفريح المنجلي



والمساجلات يابوفيصل القريبه لك ؟



فيه مساجله افتخر فيها وارددها بيني وبين الشاعر ناصر بن شعف رحمه الله وتعتبر مجالسي


فتحتنا بيبان زين الطواريق = يشفي الكبود اللي تمكن ظماها


لو لا الحنايا تمسكه والمعاليق = تناوش الهقوه وعدا وراها



ناصر بن شعف


طيرن تشده محكمات المسابيق = غصبن عليه مطاوعن في رضاها


وجدي على هرج النشاما المطاليق = ماهيب ترددلي سوالف نساها



فقلت له


وسط المجالس بالسوالف مطافيق = سوالفن هزله قليلن حلاها


راحت جمال عقيل فكاكت الضيق = اللي مع البيداء طوالن خطاها


ناصر بن شعف


اصدورهم للسر مثل الصناديق = اسرارهم محدن كشف لك غطاها


اهل الحمايا وبالمكارم هداليق = يثني عليها اللي شبع في قراها


فقلت


امقابل الرديان قلّت توافيق = الله يقطع نفعتن من وراها


ابعد عن اهل المصلحه واللصاميق = عساك تسلم لا ينوشك حصاها


ناصر بن شعف


امجنبن ادروب ركابت زريق = لو ضوهم من بعد يجذب سناها


تنصا الربوع اللي علينا مشافيق = اللي تقدرنا ونعرف غلاها


فقلت


ممساك في روضن نباته زماليق = تراه للكبد العليله شفاها


ومشراف رجمن في لهوده صعافيق = يشرف على ربعن يشوقك نباها


ناصر بن شعف


يازين مشرافه على فكت الريق = والأرض رويانه جديدن ثراها


ومقهور ذودن تردعه حزت اشريق = قدام ذودن غالين مشتراها


فقلت


ونارن عليها دلتينن واباريق = ولا ماء قراحن فوق نقعت صفاها


وشقرن عليها المرشحه للملاحيق = لا صاح صياحن تطابق حذاها



ناصر بن شعف


لا نقضوا عهد الولاء والمواثيق = قومن تبذ اللي يجي في نحاها


نكسر شباهم بالقنا والتفافيق = لين الوجيه العبس تعطي قفاها



فقلت



عاداتنا فتح الدروب المغاليق = نسر الليالي لا تراكم دجاها


أنا لها وقت اللوازم عشاشيق = كم دار قومن قد سهجنا حماها



هذا يقودنا إلى سؤال عن المحاوره متى لعبتها ومع مين ؟؟


العبها من بدايتي كما ذكرت لك ولعبت مع الشعار مستور العصيمي ولعبت مع مطلق الثبيتي في مجلس سمو الأمير متعب بن ثنيان


وطريخم البقمي وخليق بن دواس


ومن الشاعر اللي تمنيت اللعبه فالمحاوره ؟


كل شاعر اجيد اتمنى ان اللعب معه .. واكثر ما تمنيت ان العب مع الشاعر العلم غنيم الخبيش القباني رحمه الله وهو من اعلام القبيله .


ولكن لا نجد لك مساجلات او محاورات مع شعار من القبيله ؟


انا بنفسي لا اعلم عن السبب واحس بذلك ومن خلال هذا اللقاء اوجه رساله لابناء القبيله واقولهم مرحبا ومسهلا انا حاضر في اي وقت تبون .


وماهو رأيك بالمجالس والمواقع بشكل عام ؟


المجالس رجال طيبين واداره طيبه ولا ينقصهم شي يوصولون الشاعر في بيته ويتعبون من اجل خدمة القبيله . ومشرفين الشعر من الأسماء المعروفه فالقبيله . والمجالس هي واجهة القبيله . ويشرفني اي طلب لهم حاضر وكل موقع يخدم الشاعر بالأحتكاك مع الشعراء ويسهل من احتكاكهم .. أنا لي محاوره مع فهد بن بداح جزله وعميقه فالمعنى وهي على الطرق الحجازي


وكيف تنظر للمحاوره فالوقت الحالي ؟ والموال


اول لها ذوق وحاليآ من كثر مادخل فيها وهم لا يعرفونها بداء يقل عطاءها .. والشعراء الجزلين موجودين


والموال اجيده واحبه ولا العبه


وماهو حال الشعر النظم وكيف تراء الساحه الشعريه ؟


المهاترات ولفت النظر بين الشعراء خفف منها وهذا اللي لا احبه .. وجدنا من يتعرض لقبيله كامله بقصيده وهذا لا يجوز ويضعف الشعر


- وهل دافع الشعر وواهزه موجود لدى فهد بن دعسان


نعم في اي وقت حاضر ولله الحمد


وماهي اخر قصيده لك ؟؟


هي قصيده غزليه سنوافيكم بها لاحقآ واعتبره وعد


وفالقبيله ماذا قلت ؟



القبيله تطلب من الكثير ولي عدة قصائد ومنها وشاركة في عدة محافل آخرها فالرويضه عند المحلف وتم تكريمي بدرع


اما القصائد فاقول




بــديت بـــذكر اللي علـيم بخفايـاه = عليه مضموني وعليه اعتمادي

مـن يطلبــه دايــم علـى الخــير يقــــداه= أرسل رســوله للبـــشر خــير هــادي

لـــولاه مــاعــشنا علـى الأرض لـولاه =ذكــــره غذايـــه مثـــل شربي وزادي

مــــاتعملــــــه يالعبـــد بعــــدين تلقــاه= مـتكفلن بــــارزق كـــــل العبــــــادي


مــن عقــب هـــذا حكمــت القـاف معناه= فنجــــال بــــنن ناصــــفينه قنــــــادي

يــصغيلـه الـــسامع ليـــا سمــع مبـــداه= نبحــر ونختـار البيـــــوت الجــــدادي

أنا الـــسهول أهل افعـــول المـــسماه = لا ثـارت الهيجــاء ونــادى المنــــادي

أهل الموقـــــف والخيـــول المحــــذاه = وأهل الـسيوف المرهـفــات الــحدادي

كــــم مــجرهدن بالــركــائب قطعنـــاه = جـولا تـنـا في حــــــروالا بـــــرادي

وكـم مــن عقـيـدن مـن جواده حذفناه = لاجـاء مـن الـبـيـداء عـلـيـه متـحــادي

لـــو كـان شـيخـن لـه طـروقـن مـخلاه = تـنعـى عـليـه اللي خـلجـهـا الـــحدادي

غــيــره وغـيـره بـالـمـواقـيـف دسـناه = بـالـشلـف والامـصـقـــلات الـهـنــــادي

أنا هـل الـتـوحـيــد والــوجــه والـجـاه = لادلـبـح الـرعـديـد ولـد الــربـــــــــادي

لـبـس الـمـجـوخ زاهـى اللون نـزهاه = وعـين الــحسـود مـكـحـلـه بـالرمــادي

رجــالـنـا مـايـنـحـصــى مـــد يـمـناه= صـبـره عـلى الشــدات صـبـر المهادي

لــوكــان مــا يـمـلــك ريـالـن بـمـخبـاه= ســد الـلــزوم ولا لــحــقــه الـســـوادي

والـيـوم كــلا شــيــخ والـحــمــد لــلــه= نــــوره عــلــى كــل الــمــخاليق بادي

قــطـعانـا نـبـت وراء الـحـد تــرعــــاه = في ظـل مـن هـم يـتـعـبـون الـشــدادي

قـفـرن نـبـاتـه خـالـيـن مـحــدن جــــاه= مـتـخـالـطـن لـون الـزهـر بـالـحـمــادي

لاذع ذع الـغـربـىوفـاحـت خـزامـــــاه= تـصـحـى الـعيون اللي غشاها الرقادي

عـلـى حـزومـه لام سـالـم مــــــــلالاه= تسـمـع لـهـا تـغـريـد والـجو هــــــادي

نسـهج بها العارض من أقصاه لا أدناه= نـتـبـع شـفـوف مـقـرقـعـات الـتــوادي

وضـحن عـلى صـوت المـوده مـضـراه= مـا شــبــكــوهـا في حـدود الـبـــلادي

خـزايـز اللي مـاتــونـى مـــطـــايــــــاه= عـراض الـمـناكـب والغوا رب سـنادي

مـهـيـب مــن ســـوق المنافي مـشـراه= غـنـايـم الـشـجـعــان يـوم الـطــــرادي

خـلـوا ورآها واحــــــد يـبسـت شـفاه = حـدوه عـنـهـا وهـجــدوها هـــجــــادي

جـمـع الـمـعــادى دايـم الـدوم نــنحــاه= نـكـسـر شـبـاء جـمـعـه بـخشم الزنادي

اللي عـلـى درب الـنضـا نـسهـج حماه= إن جـاز لـه وإلا عـلـى غـيــــــر زادي

راع الــرديــه لاعــذلــنــا عـصـيـنـاه = مانـسـتـمـع لـمـجـمـعـيـن الـــــدوادي

مـن يجــهـل الـتـاريخ بـالعـيـن يـقراه = ويـلـقـى الـكـلام اللي كـتـبـتـه وكــادي

الــلــه يــعــز اللي جــعـلـهـا مسـاواة = خـلى الـجـمـل يــرتـع بـلـيـا قـيـــــادي

عبدالعزيز اللي عــسـى الـخلد مــأواه= خـيره ضـفـا فـوق الـحضـر والـبوادي

خـلى الـثـعـل والذئـب يرتع مع الشاة = وقـصـر عـنان اللي عن الـدرب غادي

وعقـبه عـياله مـا شـيـيـنن بـمـمـشاه= رفـرف عـلـمـنـا بـالـحـرار الـنـــاوادي


وأنـــا لــهـم مـحـزم على طاعة لـلـه = عـلـى الـنـصارى مــعــلـنـين الـجهادي




ليس لك مشاركات فالأعلام لماذا ؟



أنا لم اتبع الأعلام والأعلام لم يطلبني .. فكل منا قصر فالثاني



هل شعر موهبه ام وراثه ؟


الشعر موهبه اما اللي شعره وراثه يكون عادي وليس فيه جزاله



وش رايك بالشعر النسائي ؟


الشعر النسائي موجود وانا مويد له ويوجد فالقبيله شاعرات


- وشعر الحداثه ؟


لا احبه ولا اعتبره شعر ولا يستمع له متذوق شعر



طيب نبي قصيده اخيره وياليتها تكون فالأمطار والأبل لان الاجواء ماشاء الله خير وبركه ؟



انا احب الأبل والبر والمطر ولي قصائد منها اقول

دكت هواجيسي على طلعت سهيل = ياهل السوالف مايفيد الكلامي


خلوني اطعم باردات الشهاليل = العمر زرعن مقتفيه الصرامي


خلوني اسج مه هل البوش والخيل = مدام ينقلني قوي العظامي


شرابت البن الخضر والفناجيل = اللي عشاهم من علو السنامي


يازين شب النار بين المشاكيل = وممشا وراء صفرن عليها الرثامي



لا قيل للعساس بشر عن السيل = قال ابشروا به يالرجال الكرامي


ركب علي الخير خمسة عشر ليل = وشربت وشربن حايمات الظوامي


عجزت أنا امشي من حقوق الهماليل = تقطعت عني ردود العلامي


مير احدروا ياكاسبين التنافيل = ياهل الركاب اللي عليها الخطامي


والصبح شالو جعلهم للتساهيل = وتحدرن محدار حرن قطامي


خزايزن مارددوها الجماميل = ترتع مراتيع الضبا والنعامي


يبرا لها مورن ربع حملته كيل = ممساه معها في جنوبي جهامي




وهل من كلمه اخيره او ملاحظه نتقبلها برحابة صدر ؟


الله يعطيكم العافيه ومشكورين وماقصرتوا ونتمنى لكم التوفيق



وفي نهاية اللقاء التقطت صورة تذكارية لشاعرنا الرائع





صورة لشاعرنا ضيف اللقاء الشاعر فهد بن مناحي بن دعسان



الشاعر فهد بن مناحي بن دعسان وعضو المجالس سعد الشمالي



واخيراً وليس اخراً .. هذه حيثيات اللقاء .. نتمنى أن تكون حازت على رضاكم .. ونشكر لضيفنا هذا اللقاء الرائع واستمتعنا جميعاً بقصائده الرائعة ونشكر كلاً من حمد الخبيش وسعد الشمالي على جهودهم في هذا اللقاء



انتظرونا في لقاءات قادمة .. مع مجالسكم الشامخة بكم ..

جزيل الشكر والتقدير للاخ / حمد الخبيش .. الذي اجرى هذا الحوار


مع تحيات

المركز الإعلامي


 

رد مع اقتباس
قديم 12-26-2011, 04:12 AM   #2
|ذيب ال محيميد 
عضو نشيط


الصورة الرمزية ذيب ال محيميد
ذيب ال محيميد غير متصل

بيانات اضافيه [ + ]
 رقم العضوية : 10683
 تاريخ التسجيل :  Jul 2011
 أخر زيارة : 01-21-2018 (05:02 PM)
 المشاركات : 65 [ + ]
 التقييم :  22
لوني المفضل : Cadetblue
رد: لقاء رائع مع الشاعر الكبير فهد بن مناحي بن دعسان



يعطيه العافيه ابو فيصل شاعر جزل وكفو الاد حمدان


 

رد مع اقتباس
قديم 12-26-2011, 09:17 AM   #3
|سهل العبدالله 
كـاتــب قــديــر


الصورة الرمزية سهل العبدالله
سهل العبدالله غير متصل

بيانات اضافيه [ + ]
 رقم العضوية : 6072
 تاريخ التسجيل :  Jan 2009
 أخر زيارة : 10-02-2016 (12:18 PM)
 المشاركات : 4,457 [ + ]
 التقييم :  3931
 اوسمتي
وسام 2 
لوني المفضل : Blue
رد: لقاء رائع مع الشاعر الكبير فهد بن مناحي بن دعسان



من زمان وانا اسمع بالشاعر فهد ابن دعسان ولا تشرفت بمقابلته

واليوم حمد الخبيش الله يعطيه العافيه ويرحم من جابه

ماقصر سوا المقابله الجميله مع الشاعر الجزل واستمتعت بالمقابله

وتمنيت انها تطول اكثر...

بارك الله في الجميع


 
 توقيع : سهل العبدالله



رد مع اقتباس
قديم 12-26-2011, 11:27 AM   #4
|د. فهاد السهلي 
المشرف العام


الصورة الرمزية د. فهاد السهلي
د. فهاد السهلي غير متصل

بيانات اضافيه [ + ]
 رقم العضوية : 2
 تاريخ التسجيل :  Jun 2004
 أخر زيارة : 05-29-2014 (11:23 AM)
 المشاركات : 24,625 [ + ]
 التقييم :  3457
لوني المفضل : Cadetblue
رد: لقاء رائع مع الشاعر الكبير فهد بن مناحي بن دعسان



السلام عليكم

مقابلة رائعة مع شاعر رائع كبير وعلم ذلك هو الشاعر المعروف / فهد بن مناحي بن دعسان ..

استمتعنا بتصفحها .. والتجول بين لطائفها .. وألحانها الجميلة ..

شكرا لابي فيصل ..

ونتمنى أن نستمتع دائماً بروائعه ..

ولابي غنيم جزيل الشكر

والله يعطيكم العافية


 
 توقيع : د. فهاد السهلي



رد مع اقتباس
قديم 12-26-2011, 12:52 PM   #5
|ضويحي سعد الهباس 
شـــاعـــر قـديـر وعـضو شـرف الـمـجـالـس


الصورة الرمزية ضويحي سعد الهباس
ضويحي سعد الهباس غير متصل

بيانات اضافيه [ + ]
 رقم العضوية : 5858
 تاريخ التسجيل :  Dec 2008
 أخر زيارة : 01-03-2016 (03:41 PM)
 المشاركات : 3,374 [ + ]
 التقييم :  5027
لوني المفضل : Cornflowerblue
رد: لقاء رائع مع الشاعر الكبير فهد بن مناحي بن دعسان



لقاء رائع مع شاعر كبير من شعراء السهول

اتحفتنا بهاللقاء يابو غنيم

ونقول للشاعر فهد بن مناحي صح لسان على هالجزلات الي اطربتنا فيها

وتواصلك مطلوب لأن مثلك يتعلم منه


شكرا يابو غنيم وشكرا يا سعد الشمالي

انتم مثال للأعضاء الي يفعلون دورهم في المجالس بربط افرادها ولاهي اول مره

الف شكر


 

رد مع اقتباس
قديم 12-26-2011, 01:27 PM   #6
|سـكـرهـ 
التميــز الشهــري


الصورة الرمزية سـكـرهـ
سـكـرهـ غير متصل

بيانات اضافيه [ + ]
 رقم العضوية : 9150
 تاريخ التسجيل :  Apr 2010
 أخر زيارة : 11-06-2016 (10:51 PM)
 المشاركات : 71,699 [ + ]
 التقييم :  125582
 SMS ~
تدري إني بدونك
مثل عاري الشجر
زاره البرد فجأة
كسر أغصانه وطاح

العواصف شديدة
وزاد برده مطر
يالله إنك تجيره
من صفير الرياح

 اوسمتي
العضو المميز 
لوني المفضل : Black
رد: لقاء رائع مع الشاعر الكبير فهد بن مناحي بن دعسان



صح لسانه
ويعطيك العافية أخوي


 
 توقيع : سـكـرهـ

كم داعشٍ في أمّتي جلبوا إليها
فِتَناً كموج البحر تَصْطَفِقُ اصطفاقا
ياإخوةَ الحقّ المبين قفوا جميعاً
صفّاً ولا ترضوا لجمعكم افتراقا
بالله لا بالناس نبلغ ما أردنا
وبه نَفُكّ القيدَ عنّا والخِناقا


رد مع اقتباس
قديم 12-26-2011, 02:19 PM   #7
|السهلي/عبدالرحمن 
التميــز الشهــري


الصورة الرمزية السهلي/عبدالرحمن
السهلي/عبدالرحمن غير متصل

بيانات اضافيه [ + ]
 رقم العضوية : 10046
 تاريخ التسجيل :  Dec 2010
 أخر زيارة : 09-12-2018 (08:55 AM)
 المشاركات : 11,505 [ + ]
 التقييم :  43048
 SMS ~
لا اله الا الله

سبحان الله وبحمدهـ سبحان الله العظيم
 اوسمتي
العضو المميز 
لوني المفضل : Black
رد: لقاء رائع مع الشاعر الكبير فهد بن مناحي بن دعسان



لقاء رائع مع الشاعر فهد بن مناحي السهلي
لاهنت اخوي ابو غنيم على هذا التألق


 
 توقيع : السهلي/عبدالرحمن

هَكَــذَاْ أَنَـِـِـاْ دَاْئِمَــِـاً ..
أَضْحَــكُ بِصِـِـدْقٍ ’وَ أُحِــبُ بِصِــدْقٍ’
’لَا أُجِـِــيْدُ أَبَـــدَاً لُعْـــبُ الَأدْوَاْرِ
.وَلَا أُتْقِـــنُ لِبْــسَ الَأقْنِعَـــةِ ’

يَ رَبْ آرزقني رآحه لا علآقَة لِمخلوقِ بِهآ ’تَنبُع منْ آعمآقِي
’ رآحةً بِقدر رحمتِكَ وَ لُطفِك


رد مع اقتباس
قديم 12-26-2011, 07:24 PM   #8
|S-AA-D 
مــصـــمـم مـتـمـيـز


S-AA-D غير متصل

بيانات اضافيه [ + ]
 رقم العضوية : 8611
 تاريخ التسجيل :  Jan 2010
 أخر زيارة : 05-10-2013 (04:16 AM)
 المشاركات : 162 [ + ]
 التقييم :  390
لوني المفضل : Slategray
رد: لقاء رائع مع الشاعر الكبير فهد بن مناحي بن دعسان



والله الشاعر هذا حافظ له القصيده في السهول اللي ذكرها والقصيده اللي يقول دكت

هواجيسي


كنت حافظها وانا في صف الثاني متوسط


شاعر كبير بس والله ناقصه الاعلام

آنا تعرفت عليه من النت أتوقع من منابر السهول


يعطيكم الف عافيه


 

رد مع اقتباس
قديم 12-27-2011, 12:00 AM   #9
|خالد السهلي 
الادارة الـعـلـيـا لـلـمـجـالـس


خالد السهلي غير متصل

بيانات اضافيه [ + ]
 رقم العضوية : 474
 تاريخ التسجيل :  Feb 2005
 أخر زيارة : 09-05-2018 (09:20 PM)
 المشاركات : 2,123 [ + ]
 التقييم :  1000
لوني المفضل : Cadetblue
رد: لقاء رائع مع الشاعر الكبير فهد بن مناحي بن دعسان



لقاء ممتع مع شاعر علم ومن فحول شعراء القبيلة لشعره نكهة خاصة
حفظت له بعض الأبيات قبل أن أعرف أنه سهلي وكانت تتناقل محبي الشعر


 
 توقيع : خالد السهلي


خالد بن غنام ال عبيد السهلي


رد مع اقتباس
قديم 12-27-2011, 12:21 AM   #10
|سعود بن سرور 
عضو بلاتيني


الصورة الرمزية سعود بن سرور
سعود بن سرور غير متصل

بيانات اضافيه [ + ]
 رقم العضوية : 10603
 تاريخ التسجيل :  May 2011
 أخر زيارة : 02-17-2018 (03:12 AM)
 المشاركات : 5,891 [ + ]
 التقييم :  3251
لوني المفضل : Cadetblue
رد: لقاء رائع مع الشاعر الكبير فهد بن مناحي بن دعسان



ونعم بالشاعر بن دعسان
والله يعطيكم العافيه على اللقاء الشيق


 
 توقيع : سعود بن سرور

يامعدى المرقاب خله لمشتاق**وخر وخل معذب القلب يرقا
ياليت ربى ماخلق حب وفراق**والا خلق حبن على غير فرقا


رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:50 PM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w

    قبيلة السهول