روابط مفيدة : التسجيل | طلب كلمة المرور | تفعيل العضوية | طلب كود تفعيل العضوية | إتصل بنا   



قبيلة السهول مساحة اعلانية مساحة اعلانية مساحة اعلانية مساحة اعلانية

الإهداءات


العودة   السهول ,, مجالس قبيلة السهول > مجالس قبيلة السهول الخاصة بالقبيلة > مجلس ماقيل في قبيلة السهول ورجالها من المدائح والثناء والرثاء > مجلس القصائد في قبيلة السهول ( نسخة للحفظ )
 


سلطان بن محمد بن سعود الكبير وقبيلة السهول... لـ سعد بن تويم

تحفظ فيه نسخ من القصائد التي قيلت في قبيلة السهول ونشرت في مجلس ماقيل في القبيلة ورجالها من المدائح والثناء


موضوع مغلق
 
أدوات الموضوع انواع عرض الموضوع
قديم 03-16-2007, 03:33 PM   #1
|ناصر حضرم العنقودي 
عـضـو شـرف ومؤسس للمـجـالـس


الصورة الرمزية ناصر حضرم العنقودي
ناصر حضرم العنقودي غير متصل

بيانات اضافيه [ + ]
 رقم العضوية : 148
 تاريخ التسجيل :  Aug 2004
 أخر زيارة : 06-15-2015 (04:40 PM)
 المشاركات : 12,130 [ + ]
 التقييم :  13
لوني المفضل : Cadetblue
سلطان بن محمد بن سعود الكبير وقبيلة السهول... لـ سعد بن تويم



السلام عليكم
لكم هذه القصيدة
والتي القاءها الشاعر/ سعد بن تويم المحلفي السهلي
امام صاحب السمو الامير / سلطان بن محمد بن سعود الكبير
وذلك في حفل (الجائزه العلمية لأبنا قبيلة السهول )
يوم السبت الموافق 13/2/1428هـ


البارحة ليلي مثل جرهد البيد=خدٍ خلاوي ويتركّز غباره
يازين مشوار السهر والسراميد=والكون يسبح في فضاه ومداره
الشعر ونجوم السماء والبغاديد=خاويتها والصبح طال انتظاره
شرد المعاني كنها شرّد الصيد=يالله تجملني لزين العباره
وانك تجنبني جميع المناقيد=ولانيب احب الفلسفه والاثاره
في موقفٍ يحتاج عزمٍ وتاكيد=قدم الرجال اهل النقا والطهاره
جيت اتشرف واحبك القاف واجيد=وعزي لشخصٍ مابراسه نعاره
جنت فكري في المواقيف تجنيد=واليا احتمى الميدان رهن الاشاره
في العام عيدينٍ وذا ثالث العيد=بسمي وبسم اعضاء جميع الاداره
حييت يانسل النشاما الصناديد=يابن الشيوخ اللي زهتك الاماره
من باب صنعاء لين حزم الجلاميد=ومن بحر جده لين برقان واره
ترحيبهٍ تخلد مع الوقت تخليد=ياللي على شوفك نسوق البشاره
رغم ارتباطاتك وكثر المواعيد=شرفتنا ياسيدي بالزياره
لبيت دعوتنا وحددت تحديد=وطبقت نهج المصطفى مع مساره
تواضعك جسد لنا اليوم تجسيد=ان الوفاء طبعك وفيك افتخاره
دايم مع اهل العلم بالراي وتشيد=وتشيد باهل العلم تبغى انتشاره
وجسر التواصل بينا والتقاليد=ماهيب ضد العولمة والحضاره
دستورنا القرآن والشرع توحيد=واللي يحفظة يرفع الله وقاره
العلم ياهل العلم ماعنه تصديد=ومن يطلب العليا يواصل نهاره
ومشكور ياسلطان ونقول ترديد=رايتك بيضاء ياحفيد النماره
ذكرك يابن شقران خالد ابتمجيد=وسط الجزيرة مثل ضوء المناره
بالمختصر في القول لا انقص ولا زيد=اللي يحوش الطيب تظهر اذكاره
شخصيتك تبهر جميع القواصيد=راع النبط يعجز وتعجز اشعاره
سلطان سلطان السعد فاله سعيد=من يمدحة يحتاج فن ومهاره
هداج تيما لاجذبن المواريد=بحر الكرم له قيمته واعتباره
عضيد من ناشه من الوقت تنكيد=اللي من الحسرات ذاق المراره
وهو فزعة اللي حط في رجلة القيد=في غرفةٍ دونه خفير وخفاره
يفزع بجاهه طيب العرف ويعيد=ويعتق رقبة اللي بكبده حراره
عزمة مثل عزم الزناتي وابو زيد=حقق نجاحاته بعزم وجداره
يوم السبق للجيش والشوط تشديد=( شودة ) على المضمار فيها جساره
قامت تطوف ( الجيش ) رغم الحواسيد=مثل ( الوحش ) لامن كفخ في طياره
جابت لنا سيوف الشيوخ البواليد=وسيف ( الصباحي ) سامعينن اخباره
ويوم ( الاصايل ) تجتلد داخل الميد=( جرد السبايا ) بين هجمه وغاره
راحن ( بنات الريح ) قدم العراجيد=دايم ( وابو نايف ) براس الصدراه
ويوم ( المزايين ) بدد المال تبديد=احياء تراث البادية وسط داره
روح التنافس شرط واضح وتفنيد=يعيش من هذي طلايع افكاره
حط الجوايز لنشاما الاواليد=وكلٍ شراله من قعوده عماره
وياللي تبيع البل وباقي المفاريد=ترا حياتك كلبوها خساره
البل عطايا الله ( وسفن الجراهيد )=انشهد ان الذود عز وتجاره
فيها الطرب لاهل الطرب والمقاصيد=لاصرت في روضٍ يشوقك خضاره
فيه ام سالم ترفع الصوت تغريد=خدٍ قفر مافيه غير الشقاره
لاروحت مثل ( النصوب ) الملابيد=هذي طراة العمر قبل اندثاره
ويالله ياللي تنشي اجيال وتبيد=ياهازمن جيش ابرهه بالحجاره
تحفظ وطنا من هل الحسد والكيد=الحكم ثابث والوطن في ازدهاره
في ظل ( ابو متعب ) عسى ايامه تزيد=رمز البطولة والوفا والنداره
حبه خذاله داخل القلب تعميد=مدري يمين القلب ولا يساره
يجرى كذا وسط الشرايين ووحيد=واكبر دليل ان صورته في الغماره
واخوه ( ابو خالد ) كعام المقاريد=لامن زما العايل يزلزل دياره
مافيه لاشجبٍ ولا فيه تنديد=من راسه المطنوخ يقدح قراره
وحنا ولانا سالف الدهر وبعيد=مع الامام ابن الامام احتكاره
واليوم نرفع رايه العهد تجديد=( بسم القبيلة ) والتلاحم شعاره
انتم لنا مثل الجبل شامخ الحيد=وحنا لكم لاشب زند الشراره
لامن غدى في الوقت فوضى وتهديد=معكم على المخطي ونقصر هجاره
ومشكور ياسلطان ونقول ترديد=رايتك بيضاء ياحفيد النماره

اتمنى اني قد وفقت بالنقل

اخوكم
ناصربن حضرم العنقودي السهلي


 
 توقيع : ناصر حضرم العنقودي

حسابي بالتويتر
@NaSeR7aDRaM
ناصر بن حضرم


 
موضوع مغلق

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
معارك السهول والدواسر؟؟ كلاشينكـوف مجلس فرسان ومشاهير قبيلة السهول وقصص البطولات والكرم 17 08-10-2012 02:47 PM
تعازيناا للاخ العضو الشاعر (الصقار) محمد بن سعود الطريخم السهلي ولد ال عبيد مجلس أخبار ولقاءات اعضاء مجالس قبيلة السهول 29 09-09-2010 03:32 PM
أخبار الصحف لــ المنتخب و الأندية السعودية .. اليوم الأثنين 28 - 8 - 1431 هـ Met3b مجلس الرياضة والرياضيون 8 08-09-2010 08:34 PM
أخبار الصحف لــ المنتخب و الأندية السعوديـة .. اليوم الأحد 27 - 8 - 1431 هـ Met3b مجلس الرياضة والرياضيون 4 08-09-2010 02:53 PM
جريدة الرياض عرضت حفل قبيلة السهول الخامس للجائزة العلمية لعام 1431 .. تقرير مصور المركز الإعلامي مجلس اخبار السهول 15 07-08-2010 03:35 PM


الساعة الآن 11:25 PM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w

    قبيلة السهول