روابط مفيدة : التسجيل | طلب كلمة المرور | تفعيل العضوية | طلب كود تفعيل العضوية | إتصل بنا   



قبيلة السهول مساحة اعلانية مساحة اعلانية مساحة اعلانية مساحة اعلانية

الإهداءات


العودة   السهول ,, مجالس قبيلة السهول > مجالس قبيلة السهول الخاصة بالقبيلة > مجلس ماقيل في قبيلة السهول ورجالها من المدائح والثناء والرثاء
 


قصائد في الشيخ حمد محمد البديح .. رحمه الله

السهول وماقيل فيهم وفي رجال قبيلة السهول من الثناء سواء من شعرائها او من الشعراء الاخرين , اضافة الى سير عن شعرائها والرثاء في اعلامها


إضافة رد
 
أدوات الموضوع انواع عرض الموضوع
قديم 03-13-2014, 06:56 AM   #1
|ماجد بن فهد العنقودي 
مشرف مجلس الضيافة وأخبار الأعضاء وأخبار السهول


الصورة الرمزية ماجد بن فهد العنقودي
ماجد بن فهد العنقودي غير متصل

بيانات اضافيه [ + ]
 رقم العضوية : 3803
 تاريخ التسجيل :  Aug 2007
 أخر زيارة : 10-31-2017 (02:40 AM)
 المشاركات : 19,667 [ + ]
 التقييم :  1499
لوني المفضل : Black
قصائد في الشيخ حمد محمد البديح .. رحمه الله



السلام عليكم ورحمة الله وبركاته
اطرح بين يديكم بعض ماقيل من قصائد في العم/ حمد محمد البديح .. رحمة الله عليه



هذه الابيات قالها عيد بن محمد العنقودي في حمد بن محمد البديح بعدما قام بزيارته اثناء تواجده بالكويت


ياحمد عساك في خير وسعاده
انت طيب من قروم طيبيني

ياولد حر ينومس في هداده
خابرينه في مقدايم السنيني

من زقاعين مراجلهم زياده
يذبحون الحيل مع حشو سميني



كما قال احد الشعراء هذه الابيات في العم حمد بن محمد البديح بعد وفاته رحمة الله عليه


يافهد عمري ماحزنت على رجال
الا عليه .. طاحت من العين دمعه

هذاك عزالله جامع الدين وافعال
وكل الخصال الطيبه فيه مجتمعه



وايضا .. كما قيل فيه رحمة الله عليه


لاوالله اللي غاب نور الجماعه
زيزوم ربعه فالليالي المعاسير

لاوالله اللي مات رمز الشجاعه
يفوق ذكره لاذكرنا المناعير




كما قال الشاعر / حمد بن فراج البديح في العم حمد بن محمد البديح رحمه الله


النخيل بهيبته وقوفه طرالي
رجل اكبر من حديث الشعر كله

يالله القوه ولافيني احتمال
عبدك المؤمن يبي منهو يشيله

ان كتبته مايجيه الا الجزالي
في بيوت للمراجل مسفهله

راعي الفنجال مع صفر الدلالي
لاطم المايل وشاف اللاش عله

مكرم الضياف كساب المعالي
مروي الظامي وفكاك الشكله

فعله اللي يسبق الكلمه تقالي
وان حكا ماللحكي كلمه مخله

عمي اللي كافل ايتام العيالي
في زمن كل يشح فضل خله

ان حكينا ماوفينا فالمقالي
مجدك فعلك ذل المذله

يوم سبحانه خذا عز الرجالي
في ايمان الله قلنا قدرة الله

مير هو مامات دام حنا التوالي
العوض فينا وحنا مكسبنله

جيت فوقوفك كما وقف الجبالي
يوم ضيف الوقت فينا مستحله

جيت تفرج عنا كربات الليالي
الله يفرج عنك كل كويه وعله

غير منا اليوم في عز الجلالي
لو طلبت النفس جتك النفس حله

ولو يجور الوقت لك شمس وظلالي
في يمينك كلنا سيوف مسله

انت قدوتنا على كل المجالي
في امور الدين والطيب ومحله

انت عمي وانت جدي وانت خالي
وانت ابوي والله انت النسل كله

واختم التقصير في عز الجلالي
ربنا المعبود رب الكون كله



وايضا قال الشاعر / حضرم بن عامر ال شخيتل


ياهيه ياسمح القبيل واطمحي فيه
إلفراج شومي لاتبين المخاسير

اللي قرينه فالملاقا يلاقيه
خطر على اللي يلبسون الشهاير

وابديح بالمدح مانيب ناسيه
معا خواله ماحسب للخساير

يعجبك لامن صرت في الضيق ناخيه
لاحذفن بجل العيون الستاير

سيف صقيل فاللقا نفتخر فيه
في حزة الضيقات ماهوب باير




ايضا كما قيل فيه رحمة الله عليه


مد الثرى في مذهب ضلوعي مقر ولامجال
بشوف عسرلت الجبال النايفه وادهالها

وباخذ من جزال الحكي والشعر عشاق الجزال
واصفها فوق الجبل حتى تمد ظلالها

الصدق فارياق النبا يغنيك عن ماي الزلال
لاصرت مداح الرجال البي تعز افعالها

سميت بك العز ياراعي المواجيب الوصال
وان المعزه في ملذات الكبود وصالها

تفداك ياعمي غلاة النفس وفحول الرجال
لاصرت شيال الحمول اللي تهد جبالها

الطيب عسر الكايده وارداه مثقلت الجبال
والاانت ياعمي خذيت جبالها وثقالها

فالناس عشاق الحظوظ اللي فمواريها خمال
والصيت عشاق الرجال اللي تعز رجالها

كملك ربي ياسليل المجد ولله الكمال
يوم كثير من الرجال عجز تشوف احوالها

طيبك ورايك واعمالك والعز ياراع العدال
والوصل وانفاس الرضا والمجد ياشيالها

وصيتك ومارثتك وديوانك مع بيض الفعال
هذي كنوز المرجله والجد ياحمالها

انها تجي في مازن الدنيا على حمول الثقال
وتبقى يمينك قصة فالطيب من حلالها

بكتبك لاهز القصيد ضلوع شاعرك ويقال
ان الشعر يشتاق لرجال تهيض افعالها

والله لاصار العمر يمدي وشرع الله حلال
لاشربك فنجال الشعر يوم المديح دلالها

واني لاكتب فيك ديوان وبافعالك افعال
يوم قليل من الرجال اللي تسد لحالها


 

رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:12 AM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w

    قبيلة السهول