روابط مفيدة : التسجيل | طلب كلمة المرور | تفعيل العضوية | طلب كود تفعيل العضوية | إتصل بنا   



قبيلة السهول مساحة اعلانية مساحة اعلانية مساحة اعلانية مساحة اعلانية

الإهداءات


العودة   السهول ,, مجالس قبيلة السهول > مجالس قبيلة السهول الخاصة بالقبيلة > مجلس ماقيل في قبيلة السهول ورجالها من المدائح والثناء والرثاء
 


قصيدة الشاعر رائد بن شهيل العطاوي فالشيخ لاحم بن عبدالله الخبيش

السهول وماقيل فيهم وفي رجال قبيلة السهول من الثناء سواء من شعرائها او من الشعراء الاخرين , اضافة الى سير عن شعرائها والرثاء في اعلامها


إضافة رد
 
أدوات الموضوع انواع عرض الموضوع
قديم 03-30-2014, 03:51 PM   #1
|حمد الخبيش 
مشرف مجلس الشعر والمحاورة


حمد الخبيش غير متصل

بيانات اضافيه [ + ]
 رقم العضوية : 2552
 تاريخ التسجيل :  Mar 2006
 أخر زيارة : 07-12-2017 (01:06 PM)
 المشاركات : 7,294 [ + ]
 التقييم :  593
لوني المفضل : Cadetblue
قصيدة الشاعر رائد بن شهيل العطاوي فالشيخ لاحم بن عبدالله الخبيش



قصيدة الشاعر رائد مفرح ابن شهيل العطاوي العتيبي في الشيخ لاحم بن عبدالله الخبيش القباني السهلي :




يستاهل الطيب من يتعب علشانه=كسّاب قولة نعم من بيض الأفعالي

الشايب اللي تطول المجد ذرعانه=راع المراجل وراع المنزل العالي

لاحم مقر السخاء موروث جدانه =بين العرب فالكرم يضرب بالأمثالي

بفعوله الطيبه ماشابه أقرانه=شام الجزيله وكب الهزل لهزالي

يعد كل الجماعه حسبة أخوانه=ريف لهم في الدهر لاصار ميالي

وأن جوه في لازم يكرب له أحصانه=حتى الطلب ينتهي والهم ينجالي

كم واحد بالمواقف بدد أحزانه =يجيه مهموم ويظهر صافي البالي

في وجه مسترفده ماصك بيبانه=يقوم في واجبه لو يرخص الغالي

ماخاب راع الطلب والشيخ مزبانه=شيال حمل الجمل لخفاف وثقالي

أدناة عابر سبيل يدل مسكانه =بيت الكرم يختلف في كل الأشكالي

الضيف له منزله وأعز خلانه=محفوظة شيمته من قدر وأجلالي

أول قراة أله وأن زار ميدانه=العود الأزرق يعاقب تمر ودلالي

والثانيه في الشحم من خير حشوانه=أمدسماً شاربه من طيب الفالي

معزب يلتهب في حكم ضيفانه=الضيف راع المحل والخير هطالي

يشوف معجز كرم في وسط ديوانه=في موقع نخبره للضيف مدهالي

شيخ تعلا على البنيان بنيانه=علامة فارقه عن بيت الأنذالي

الدهر لو يختلف ماهز سيسانه =صرح الشرف باقي في كل الأحوالي

من روؤس قوم على العارض وسكانه=فعولهم باقيه لو صارت أطلالي

آلاد سهل ليامن ثار دخانه=كعامة للعداء ميبسة الأبلالي

يشهد لهم بالسّطر في نجد وديانه=يشبع على دربهم سبع الخلا الخالي

ذخاير خبيش الأول حي سلفانه=من عقب أمثالهم لاشك مازالي

رجالهم يدحم الأجناب بمتانه =ويذود عن ماقفه رجلي وخيالي

تشهد قبيلة زعب والعرض وأكوانه=الجد جد السعد ومزبن الجالي

يوم المصاول ويوم الناس فقرانه=أيمانهم تحذي اللي ذاق الأهوالي

نفوس تفرح لهم ونفوس مرضانه=وكلٍ على نيّته بالحمل مشتالي

من غط تاريخهم في صف نسوانه=يلبس له أسوارةٍ ويحط خلخالي

اللي عطى المنزله الله سبحانه=ومن لارفعه الولي مايرفعه والي

ولاحم على مجد أبوه مثبت أركانه=المجد الأول يزيد بجيله التالي

بيّت مشيد وهو من رؤوس عمدانه=بنوه خطل اليدين بشامخ عالي

حفاظ للمرجله والدين قد صانه=والدين ساس الرجوله رأس الأموالي

من يجهله يعرفه من ضحك حجانه=فرق البدر فالمساء عن ليلة هلالي

حييت ياشايبٍ ربي رفع شانه=بأخلاقه الطيبه مع كل رجالي

وأخلاق الإنسان بين الناس عنوانه=كلٍ محدد مكانه حسب الأعمالي

الموذي اللي يضر الناس بلسانه=يقعد بليا رفيق ولا له ظلالي

والحر لاضيّقت يكفخ بجنحانه=والله يبدل شراب المر بالحالي

هذا وكثر الحكي معروف مجانه=والرجل مايلتفت للقيل والقالي

تمت وعن علمنا يكفيك نيشانه=واللي كتبنا تبي تشهد به أجيالي


 

رد مع اقتباس
قديم 03-30-2014, 03:59 PM   #2
|حمد الخبيش 
مشرف مجلس الشعر والمحاورة


حمد الخبيش غير متصل

بيانات اضافيه [ + ]
 رقم العضوية : 2552
 تاريخ التسجيل :  Mar 2006
 أخر زيارة : 07-12-2017 (01:06 PM)
 المشاركات : 7,294 [ + ]
 التقييم :  593
لوني المفضل : Cadetblue
رد: قصيدة الشاعر رائد بن شهيل العطاوي فالشيخ لاحم بن عبدالله الخبيش



صح لسان الشاعر رائد بن شهيل وبيض الله وجه ويستاهل ابوعبدالله المدح

وعسى الله يعافيه ويشفيه ويمد بعمره


 

رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:28 PM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w

    قبيلة السهول