ديوان الشاعر / عاشق المستحيل

السلام عليكم

ديوان الشاعر /


مبارك بن عبدالله بن سعيد البرازي السهلي (عاشق المستحيل)

قال البرازي في زحول الرياجيل=يومٍ قوله مايثنى لياقال
من لابةٍ وقت الشدايدتهاويل=أضلالي اللي لاتذريت به طال
هم ربعي سهول الوفا يالمشاكيل=يفخربناالتاريخ من طيب الأفعال
لاجيت أعددفعلهم بالتفاصيل=أرفع لهم رايه على روس الأقذال
سلام ياربع تفك المغاليل=فكاكة القالات في كل الأحوال
أفعولكم تبقى وتبقى مع الجيل=وأنقولهافي كل مجلس للأجيال
من شان يعرف ناقص العرف بالميل=ومن شان يعرف من يكونون الأبطال
حناهل العارض ألياوقف القيل=أثبته بأفعال ماهوبالأقوال
خزيم اللي شارب للفناجيل=ماعاقته يمناه من شرب فنجال
وأبن سويحل شاع ذكره كماسهيل=من خلقته شامخ وتضربه أمثال
أقرب مثل دواس جته البهاذيل=جاه الهجاداللي مايطري على البال
(طقت أبن دواس)راحت تماثيل=كل يقوله ماهوحبٍ للأمثال
وعرهان وأدعاته أدل الدواليل=الريع ماذبه خصيمه ولونال
(جعلي جدري يالريع ماتذبه الخيل)=وكم شيخ قومٍ ينسفه نسفةعقال
وراعي ذويبه أنتمي له من الجيل=جيلٍ وراجيلٍ طحاطيحٍ جمال
وغيره وغيره يالنشاماالحلاحيل=ياللي تضدون العدووقت الأهوال
مقصربقولي بحق الحلاحيل=فرسان واجدماذكرت لهم أهوال
يالابتي أبغى العذريالمشاكيل=تاريخنا يفخر بنا حنا الأبطال
لوشاب راسي والقوافي بهاحيل=ماأوفيت ربع أفعال قومٍ لهاأفعال
كل القبايل وافيه بالتفاصيل=لاشك من حقي أبين للأجيال
بنات فكري روقن للتماثيل=وحبيت أبين ماطرالي على البال

شعر:
مبارك بن عبدالله بن سعيدالبرازي السهلي

[table1="width:95%;"]

أفـــز مـن نــومـــي

يالله ياللي تفرج الهم والضيق=ياكافلٍ رزق الهوايش والأيتام
أنت الذي تحصي جميع المخاليق=وأنت الذي ترزق عبيدك بالأنعام
وأنت الذي تعّبدبحقٍ وتصديق=وأنت الذي تفزع لعبدك ألى أنظام
وأنت الذي تأمروعينك لناتويق=يامحصي الدنياوعددهامن أيام
وأنت الذي تجعل لخقك توافيق=وأنت الذي تعلم خفاياوالأحلام
يامنزل كتابك بحقٍ وتوثيق=كرمته وذليت عبادالأصنام
ياكاشفٍ هم الصدورالمغاليق=ياعارفٍ شلي يدور بهالأعوام
أفرج لعينٍ لاغفت لازم أتفيق=من حلمهاتقزاوالى قامت أوهام
أفزمن نومي وأنا ناشف الريق=وأسري مع الهاجوس من وين ماحام
يسري بي الهاجوس في قمة طويق=وطويق أعيفه قمته مابهاأحلام
تضيق نفسي وأتنفس ولاأطيق=مكتوم صدري وأناراقي بالأقدام
مدري زفيراللي وقف مدري أشهيق=ألياشهقت أحس في طعم الأعدام
رفعت راسي داعي بصوتٍ رقيق=أطلب ولي العرش تحقيق الأحلام
أمانذوق النوم مثل المخاليق=والأ بيجينا نوم مابعده أقيام

عـاشــق المستحيل...؟

[table1="width:95%;"]

[table1="width:95%;"]

[table1="width:95%;"]

[table1="width:95%;"]

يــاهــيــه...؟

ياهيه لاتضحك ترا الله بيبلاك=لني ضحكةوشفت ربي بلاني
نارالمحبه لاتصافحهايمناك=عطهاضهرك وقف قبل الغواني
تراالعذارى لاعرضٍ لك بممشاك=جميع مابيجيك قبلك لفاني
حالك بيشين وهذي أول مزاياك=وعودك بيبرامثل ماقدبراني
وبتضيع بالتفكيرولاحظ سواياك=ولابد ماتنقد ومنها تعاني
وبدورالحاجه لوانهابمخباك=وبتشك فاللي جالسٍ فالمكاني
وياكثرمابتنسى ياكثرشكواك=والله يعين الدفتراللي يعاني
أغووك شعارك وثم حبك اغواك=وشعارناذا الوقت وصف وأماني
لاشك انابنصحك وأياي وياك=لامن كتبت الشعربأصدق معاني
لاجيت توصفهاوتبري خفاياك=هايط لوأنهاتروع أنسٍ وجاني
العودمربوعٍ لياشفته ألهاك=لوكان ماله عود ولاله مثاني
وعيونهاخرسٍ وترمي للأدراك=لوكانهاشمطٍ عيون اليباني
وجديلهالاكدته طال مسراك=ولوكان بوي ولاتعدا الأذاني
والخاتم اللي مرتسم في شفاياك=لوهو وسيع وطافحٍ بالثماني
لاتسمع الشعاروتمشي بعمياك=وتعيش جوك بين شعر وأغاني
ترا الهوى سمٍ يعكرلك ادواك=مالك دوا عندالهوى والغواني
افلح مادامي حيٍ أنصحك وأنهاك=والأ الهوى ماشي بطول الزماني
واللي ضحك يومي أوصف مزاياك=جعل الولي يبلاه فيمابلاني

عـاشــق المستحيل...؟

[table1="width:95%;"]