هذه القصيدة كانت بدايتها في مدح الشيخ سعد بن دخيل الله السهلي وفي مدح قبيلة السهول عامة وهذ الجزء الذي يخص القبيلة 0
أفتخـر باللـي مـن آلاد سهـل فيـه خـيـر=واتنومـس كـل مــا حــل ذكــره وامـدحـوه
وافتخر بسم القبيلة وعندي شـيء غيـر=خبـروا مـن يجهـل اسـم القبيلـة خـبـروه
السهـول أهـل الكـرم والسهالـة للقصيـر=فـي سـجـلات المـكـارم كرمـهـم سجـلـوه
يكرمون الجار والضيف بالوقت العسيـر=من قديم الوقت والطيب مـا يـوم أهملـوه
جارهـم بالقيـظ كنـّه عـلـى جــال الغـديـر=لـو جلـب المـاء يكلـف لهـم مـا حاسبـوه
وضيفهـم يلقـاء كرامـة وترحيـبـاً كثـيـر=والدخـيـل الـيـا زبنـهـم بـجـرمـه زبـنــوه
وإن جاء يـوم مثـل يـوم حطيـن الشهيـر=كـم شجاعـاً مـن حصانـه بسيفـه حولـوه
وكـم هنـوفاً عينهـا هلـت الدمـع الغزيـر=فــي نـهـار الـكـون بـاقـي نمـاهـا يتـمـوه
ذي فعايـل لابـتـي مـرويـة حــد الشطـيـر=كاسبيـن الطيـب سقـم المـعـادي لانــووه
ومـا ذكـرت الإ مـن أفعالهـم شيئـاً يسيـر=والمقصـر ياهـل الـعـرف بالله سامـحـوه
شعر/ سعود بن شنار السهلي
الإهداءات
العرض العادي
المواضيع المتشابهه
