روابط مفيدة : التسجيل | طلب كلمة المرور | تفعيل العضوية | طلب كود تفعيل العضوية | إتصل بنا   



قبيلة السهول مساحة اعلانية مساحة اعلانية مساحة اعلانية مساحة اعلانية

الإهداءات


العودة   السهول ,, مجالس قبيلة السهول > مجالس قبيلة السهول الخاصة بالقبيلة > مجلس ماقيل في قبيلة السهول ورجالها من المدائح والثناء والرثاء > مجلس القصائد في قبيلة السهول ( نسخة للحفظ )
 


أمجاد وبطولات

تحفظ فيه نسخ من القصائد التي قيلت في قبيلة السهول ونشرت في مجلس ماقيل في القبيلة ورجالها من المدائح والثناء


موضوع مغلق
 
أدوات الموضوع انواع عرض الموضوع
قديم 09-06-2006, 03:37 AM   #1
|ناصر حضرم العنقودي 
عـضـو شـرف ومؤسس للمـجـالـس


الصورة الرمزية ناصر حضرم العنقودي
ناصر حضرم العنقودي غير متصل

بيانات اضافيه [ + ]
 رقم العضوية : 148
 تاريخ التسجيل :  Aug 2004
 أخر زيارة : 06-15-2015 (04:40 PM)
 المشاركات : 12,130 [ + ]
 التقييم :  13
لوني المفضل : Cadetblue
أمجاد وبطولات



للشاعر

محمد بن مطلق بن دحيلان السهلي

بسم ربٍ عليمٍ بالخفايا كَّرم الانسان=تبارك جل سبحانه عليم السر والنيّه
الاهي ارسل محمد رسولٍ يختم الاديان= وختم به نبيينه والاديان السماويّه
امره الله يزيل الشرك واللي يعبد الاوثان= وهبه الله سبحانه .. وقدراته اللاهيّه
بعد هذا بنات الفكر والهاجوس والقيفان= تجول ابرأس من عسر القوافي صار جنديّه
تقول اوقف على عـد القوافي وجذب الألحان=ترا لا قمت في راسك تثور الفين جنيّه
وعلمني عن اسلالة رجالٍ تارد الحيضان = رجالٍ لا كوت منهو طغا تنجح له الكيّه
رجالٍ تكسر العايل رجالٍ صيتهم رنان= رجالٍ للوفاء والطيب فيهم دوم ماريّه
الا ياللي تبي تعرف نسبهم والنسب عنوان= الا يا مرحبا بالعز دامك جبت طاريّه
ابحكي.. والحكي مني لهم ما يطلب البرهان=هذولا (سهل ابن عامر) كعام اللي نوا غيّه
سلايل (صعصعه) يوم اللقاء والمعركه شجعان= تحدر من(مضر) كنه حدور السيل واديّه
(ابن نَّزار) (ابن معد) تسلسل من نسل عدنان= كريمين النسب والطيب عَّدو في علاويّه
لهم في صفحت التاريخ بصمه تروي العطشان=ذكرها (الهَّجري) اللي ماجهل طيه على طيّه
(وابن بسام) قال (بتحفت المشتاق) شين بان=حروبٍ ما تجي بالهرج غير ابفعل درزيّه
بني سهل العريبه ذكرها في (معجم البلدان)=بحد السيف بالعارض حمو شرقه وغربيّه
بعد(ياقوت)ذاكرها من اسنين مضة وازمان=ذكرها قرننا الرابع وبالتحديد هجريّه
سهولٍ تدبس الهيجاء رجالٍ باللقاء فرسان = على قب المهار اتجيك خيَّالة ورجليّه
حرارٍ في سماء طيب الاصاله ترفع الجنحان=رقت للمجد يوم المجد .. عجزتبه وكاريّه
ولدهم لو يشين الوقت قلبه للوفاء ماشان=يهوم الرفقة الطيب ولا تذخر مخابيّه
تعلَّو واعتلو ومجودين الساس والاركان= على صفحات تاريخ العرب امجاد مقريّه
على الهده على الوقفه وللفزعه نشوش أجنان=هواوية.. شجاعه لا زما العايل.. هواويّه
رزقنا الله شجاعة قلب ما نخضع لأين كان=صناديدٍ عدانا.. كبدها بالنار مصليّه
بيارقهم تجي عشرة من الوادي ليا صمان= على النخوه على الفزعه لهم وقفات جديّه
اببداهم بربعي سعد منقامت له الظهران=هلا الطولات والنوماس والعزوة ظهيريّه
حرارٍ باللقاء تاقف سطاوه ترهب العدوان=على (سبع البيارق) نفذة غارات حربيّه
غدت سبع البيارق مثل لوحٍ شاله الطوفان=على حد النحر مضراب ربعي حد شبريّه
تعزوا شيخنا ثم قادنا بالفعل والميدان= عقيد القوم فارسهم بعيداتٍ هقاويّه
هذاك اللي يسمونه.. فضيض الخيل من (جليدان) = اقول ان الجزيره بالشجاعه مرثت زيه
وبن (معدل مناحي) للمكارم وافي الافنان= على فعل الشهامه والكرم شيد مبانيّه
(ونضاد) اللي فعوله تجلي الضيقه عن العمسان = قطع راس الزعيم اللي تهقوا في طواريّه
شجاعٍ من صغر سنه كريمٍ يكسب الذيدان=يرد الذود يوم الكون لو كثرت بلاويّه
وأنا لا قلت يا(عبوش)اقول أن الفعول متان=بعد ما كبلوا ربعه خذاها حرب ثاريّه
وقلع بالسيف ابو حدين خيل (عمير ابن قحطان)=ونفوس القوم فالشدات ماموره ومنهيّه
وأنا لا قلت (يا فيصل) بلا كذب ولا بهتان=اقول ان المصيريع ان وقف يفتر معاديّه
(وسعد) جدي خذا حقه سلايل جدي دحيلان=وتشهد له على فعله حروبك يالبكيريّه
(ومشري) بالقاء ثابت مثل ماتثبت الضلعان=الا ياحي راع الجود لامن جيّب طاريّه
(وبن مدعج )حزامٍ نحتزمبه ثابتٍ ماخان= صليب الراس لامن صار به سابي ومسبيّه
ووسيود من يمينه مشبعٍ ذيب الفلا سرحان=وبن رخمان راجح له بعد وقفات فعليّه
قلع ابن الحويف خيل ابو صفره من المطران=حما ذوده ورد القوم والوقفه مثاليّه
(وبن وهق)على عَّد المكارم وارد رويان=حقايق طيب شمسه مشرقه ماهيب مطفيّه
(وعبدالله ولد مانع) كريمٍ مكرم الضيفان=على الوقفه على النخوه وناره للكرم حيّه
رجالٍ صيتها سيلٍ تحدر يغرق الوديان=رجالٍ فعلهم بيَّن نهار الكون والهيّه
يثور الطيب يا لاد البرازي كنه البركان=الا يا سعد من لاد البرازي جت عزاويّه
كيريمينٍ صحيين لكم بالمجد قدر وشان=تعليتو سنام المجد يانبع الشهاميّه
ذبحتو (مطلق الجربا) شجاع وحاكم وسلطان=ولكن جاه شجعانٍ مداغيشٍ شقرديّه
على صهوة مهارٍ تتبع الفارس ولد (لحيان)=تعزوا له (خزيم) لين جاب الراس ولحيّه
رقا للطيب والعليا..عريب الجد ابن (عرقان)=شجاعٍ ضربته لامن ضرب ماهيب مثنيّه
ولاننسا (مهنا) يوم قام بطردت الخوان=ظهرلة قال( يادهام) الديار اليوم محميّه
ولا ننسا ولد باتل قوي البأس يا (عرهان) = على نور القدى يمشي وسقمٍ للدناويّه
يطوّع كل عاصي لا تعزوا واعتلا (اعبيّان) = يعسف القوم فالوقفات والروحات والجيّه
ومن فعله شهد له يا عرب( شالح ولد هدلان) = وغنا في وسيع العرف مزبان الجلاويّه
صناديدٍ حليمينٍ يردون الحسن بحسان=مناعيرٍ دواخلهم نقيه ميّه الميّه
وقبابنة الوفاء والطيب ترهب من يجي طمعان=جبابرةٍ على العايل يذوق الموت بشفيّه
حمو (زعب) وتحدو من ركبه أبليس واشيطان=وقالو ابشري (يازعب) دام النفس مبليّه
تنهض وانتهض رجل الزعامه (سعد ابن قبان)= لنا في فزعت المضيوم هجماتٍ انتحاريّه
بسم ربٍ كريمٍ ثبت الهامه على الامتان = نذوق (للشريف)الموت سم الداب والحيّه
بعد(والشيخ حضرم) لا عتزا تنصت له العربان=وهل الطولات للوقفات مخصوصه ومعنيّه
ولاننسا(الخبيش) امعربٍ ما يلحقه خذلان=كريم (معشي العوشق) يفز ان جوه طرقيّه
اشوف العز في لاّد المحلفي شرع البيبان=الا ياحي طاريكم مع العربان ياحيّه
شجاعة روسكم تبقا على مر الزمن وتبان=وقفتو ورتكيتو يوم جات (اجيوش تركيّه)
زحازيحٍ على الصمله اليامن ثور الدخان= ولدهم للمكارم مايبي تذكير ووصيّه
على الوقفه نقول (الكرك محسن) مروي الضميان = عريبٍ ما تغير للوفاء تبعد هقاويّه
وبن (مظهور عبدالله) عريب الخال والعمان = يقود الجيش في حكم القيادات السعوديّه
بعد( ورديني) فعوله بقة ماتنسا وسمان=مثل عدٍ جذوب بالعطا تعطي سوانيّه
رجالٍ للوفاء منبع ولا جتهم بهرج السان =خذوها باليماني .. حد سيف ورأس جنبيّه
الا يا لاد حمدان الكرم كساَّبت الاضعان=مواقفكم على مر الزمن ماهيب منسيّه
اشوف اللي نواكم ياهل الطاله رجع خسران=عليه اتثور سطوتكم كما همال وسميّه
رقا للمجد (ابن جلعود) فارس مضربه نيشان = ذرى منهو حداه القيض وهبلتة ذواريّه
عقب حر اللهيب ايربع ابدارٍ ذراها صان=خصال الطيب في نفس المحيميدي ..غريزيّه
(ولد فواز صالح) يزبّن .. اللي يطلب المزبان=بعد حر الهيب يجلسه في بارد الفيّه
تحدر فعلهم محدار سيلٍ يشلع الجيلان=وذراهم مثل ضلعٍ عاليٍ تنجي محاجيّه
ونا لاقلت يالاد العقيلي يرجح الميزان=نعارت روس ون هدو على الهده سطاويّه
ولاياقرد حض اللي قبيله باللقاء (ريحان) = على كبدا العدا ماتخذه بالحرب ماويّه
عقيد القوم فارسهم عريب معّرب السيسان=جمع كل الخصال الطيبه.. طيبٍ وجبريّه
وعلى الوقفه نقول(ادويحس)اللي يذهل الاعيان=يقود الجيش ما يزمل ولو تهلك صحاريّه
لهم وقفه لهم هيبه فعولٍ ترفض البهتان=ليا هدو.. مثل بركان يحرق قو صاليّه
اشاوس باللقاء والطيب منهم وابله هتان=ولدهم لاوقف محَّزم .. لجارة ..ولعوانيّه
وزقاعين الكرم والجود.. منهم ينتشي رويان=مضاربهم تهول العقل بالوقفه نداويّه
(وهادي شيخكم) وقف..( لشيخ) الحق والأيمان = حمى الشيخ المجدد لرسالات الحنيفيّه
(وذعذاع)ان ضرب سيفه يكسر قاسي الصوان=بعد فرقاه يرثيه (الملك) بابيات مرثيّه
وبن (شداد شايع) لاسطا العايل يجية اشطان=على العايل ..على العايل.. وتشهدله مغازيّه
يلوح العز والفزعة ليا منه وقف (حرفان)=يسوق الجيش بالغارة ... ولا يخلف مباديّّه
ذراكم يا بني عمي حجاب البايس الفقران=بعد ربي ووقفتكم.. يزول البأس وشضيّه
الا يا لاد سلطان الكرم والجود والعرفان=لكم بالمجد نورٍ ساطعٍ ما ينطفي ضيّه
على الهقوه على الوقفه على جيش العدا ظفران=حراب الموت في كبد العدا ورماح مركيّه
وبكم شيخٍ من ذراعه.. يلحَّف خصمه الأكفان=عقيد وفارسٍ (مطلق) شجاع ونفسه اصخيّه
لكم وقفه لكم طيبٍ ذكر في ساير الاوطان =جبابرتٍ على العايل مثل سيلٍ له نحيّه
رسى تاريخكم بالمجد مرسى ضلع (خشم العان)=ثبت في نجد ... لا مايشلعه ياكود واليّه
زكيينٍ سطينٍٍ جبابرتٍ على الخصمان=فعول ابقمَّة التاريخ مكتوبه وممليّه
وأنا لا قلت يا لاد العبيدي ترعد الامزان= بطيب اللابه اللي للكرم والجود مطريّه
حرارٍ تردع العايل على النخوة ورى (فرزان)=حكيمٍ يندب الحاكم يقول الدار مسبيّه
يبي (عبدالعزيز) ايرد نجد وينهي العدوان=يقول الحكم لك.. سقها عليهم حرب ناريّه
(ابن فرزان) لا كبرت .يرد الدين لديان= ثبت بالفعل والوقفه تشهد له مساريّه
كريمينٍ كرهم مثل غيمٍ يروي الخدان=رجالٍ فعلهم ثابت رجالٍ فيهم حميّه
حقايق طيب ما تقبل تزول وترفض الجحدان=من ال عبيد منبعها.. ثمار الطيب مجنيّه
ولا يا لاد صعب الموت منكم يرهب الفسقان=سهام الموت للعايل عليه اتثور مثنيّه
تعلا طيبهم عالي تعلا ما يجي نقصان = على كبد العدا تركي صقيل اسيوف هنديّه
لكم في نصرت الضايق فعولٍ تطلق الحجان=فعولٍ جسدت معنا البطولات الحقيقيّه
(وبن مدهش) بكم فارس ثبت للحرب مهما كان=رماح الموت من يمناه للعدوان مبريّه
سلاطينٍ حليميين فعولٍ ترهب الخصمان=رقو في قمة المجد وتعلو فوق نابيّه
سطاوت قلب وحميا .. جرة بالعرق والشريان=بيوت الطيب.. منكم في سنام العز مبنيّه
يقول محمد المطلق عريبٍ جده دحيلان=في بحر الشعر هامتبه قصايد والف حوريّه
فريد الحرف والمعنا مسكته باليمين اعنان=اورّد به واصدّربه عنانه دوم بيديّه
ومن غبت بحر طيب الاصاله جبت لي مرجان=فعولٍ ترفع الهامه مهيب افعلو مشريّه
اليامنه طغا بحر القصايد جيت له ربان=اورد هاجسي وارسي على مرسى موانيّه
قصيده صاغها شاعر عريب ولابته ظهران= بنات الفكر من رأسه تسامر مع قوافيّه
حقايق ما كتمناها حقايق ترفض الكتمان= حقايق ما يضيعها زمانٍ دارت أرحيّه
تواريخٍ لها في قمة المجد النقي مسكان=تواريخٍ تشرفنا بقت ماهيب ممحيّه
وأنا منيب معصومٍ .. بشر.. يدركني النسيان=ابي جزل العذر للي نسيته ..ينسفط ليّه
ولا به نقص في باقي القبايل مجدها منصان= لهم في قمة المجد القديم أفعال محكيّه
ونهايتها صلاة اللة عدد ما هلت الامزان = على محمد رسول الحق والأيمان مثنيّه

واتمنى اني وفقة بالنقل


لاهنتوا


 
 توقيع : ناصر حضرم العنقودي

حسابي بالتويتر
@NaSeR7aDRaM
ناصر بن حضرم


 
موضوع مغلق

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:19 AM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w

    قبيلة السهول