روابط مفيدة : التسجيل | طلب كلمة المرور | تفعيل العضوية | طلب كود تفعيل العضوية | إتصل بنا   



قبيلة السهول مساحة اعلانية مساحة اعلانية مساحة اعلانية مساحة اعلانية

الإهداءات


العودة   السهول ,, مجالس قبيلة السهول > مجالس قبيلة السهول الخاصة بالقبيلة > مجلس ماقيل في قبيلة السهول ورجالها من المدائح والثناء والرثاء > مجلس القصائد في قبيلة السهول ( نسخة للحفظ )
 


100 بيت في قبيلة السهول

تحفظ فيه نسخ من القصائد التي قيلت في قبيلة السهول ونشرت في مجلس ماقيل في القبيلة ورجالها من المدائح والثناء


إضافة رد
 
أدوات الموضوع انواع عرض الموضوع
قديم 04-13-2010, 02:38 PM   #21
|سعود الفطيماني 
مـستشار مـجـلـس ماقيل في القبـيلة ورجـالها


سعود الفطيماني غير متصل

بيانات اضافيه [ + ]
 رقم العضوية : 629
 تاريخ التسجيل :  Mar 2005
 أخر زيارة : 11-03-2018 (10:59 AM)
 المشاركات : 2,450 [ + ]
 التقييم :  48
لوني المفضل : Cadetblue
رد: 100 بيت في قبيلة السهول



صح لسانك ياناصر ودام عطاءك .




وبيض الله وجهك على هذه الرائعه .




والسهول .. تاريخ كبير ومواقف تشرف وأسال الله ان يرحم سلفنا الطيب وان يعز حاضر" .



قراءته كامله .



فيه الحكم .. والفخر ..وأثبات القصص..




تحيا ودوم يابن عبود.


 
 توقيع : سعود الفطيماني

لاتنسى صلاة الضحى

فعَنْ أَبِي هُرَيْرَةَ رَضِيَ اللَّهُ عَنْهُ قَالَ ( أَوْصَانِي خَلِيلِي بِثَلَاثٍ لا أَدَعُهُنَّ حَتَّى أَمُوتَ صَوْمِ ثَلاثَةِ أَيَّامٍ مِنْ كُلِّ شَهْرٍ وَصَلاةِ الضُّحَى وَنَوْمٍ عَلَى وِتْرٍ ) البخاري
قال أحد السلف ..
إن الله ضمن لك الرزق فلا تقلق .. ولم يضمن لك الجنة فلا تفتر ..
واعلم أن الناجين قلة .. وأن زيف الدنيا زائل .. وأن كل نعمة دون الجنة فانية ..
وكل بلاء دون النار عافية ..
فقف محاسبا لنفسك قبل فوات الأوان


رد مع اقتباس
قديم 04-13-2010, 02:45 PM   #22
|حد السيف 
بــاحــث ومــؤرخ


حد السيف غير متصل

بيانات اضافيه [ + ]
 رقم العضوية : 549
 تاريخ التسجيل :  Feb 2005
 أخر زيارة : 04-14-2015 (09:31 PM)
 المشاركات : 1,515 [ + ]
 التقييم :  30
لوني المفضل : Darkblue
رد: 100 بيت في قبيلة السهول



الله الله الله

ماشاء الله تبارك الله قصيده فيها ابداع مرعب وغير مستغرب

والحميا لاعبه دورها كفو وكثر الله من أمثالك


بيض الله وجهك وصح لسانك اخوي ناصر بن عبود


 
 توقيع : حد السيف

ذو العقل يشقى في النعيم بعقله=وأخو الجهالة بالشقاوة ينعم


رد مع اقتباس
قديم 04-13-2010, 03:42 PM   #23
|محمد بن ردن 
عضو فعال جداً


محمد بن ردن غير متصل

بيانات اضافيه [ + ]
 رقم العضوية : 9101
 تاريخ التسجيل :  Apr 2010
 أخر زيارة : 12-29-2011 (12:10 AM)
 المشاركات : 132 [ + ]
 التقييم :  54
لوني المفضل : Cadetblue
رد: 100 بيت في قبيلة السهول







ناصر ابن اجويعد


قصيدة جزله من رجال ما يجيب ألا الجزل


و يجمل ربعه وين ما كان


و الله لا يهينك و بيض الله وجهك



و يجعلك ذخر للقبيله


تحياتي


 

رد مع اقتباس
قديم 04-13-2010, 05:29 PM   #24
|محمد الرويعي 
عضو ذهبي


محمد الرويعي غير متصل

بيانات اضافيه [ + ]
 رقم العضوية : 8265
 تاريخ التسجيل :  Oct 2009
 أخر زيارة : 05-14-2013 (12:07 AM)
 المشاركات : 2,370 [ + ]
 التقييم :  525
لوني المفضل : Black
رد: 100 بيت في قبيلة السهول



بيض الله وجهك بابن عبود

عزالله انك تشرف القبيله

وبيض الله وجه الشاعر / خالد بن غنام

ولاننسى دكتور الكرم والطيب د/ فهاد السهلي

نعم نعم تقصر الحروف ان تمدحكم

شكر ا من الاعماق الى الاعماق

تقبل احترامي وتقديري


 
 توقيع : محمد الرويعي



رد مع اقتباس
قديم 04-13-2010, 05:41 PM   #25
|سعد ال عشان 
عضو فعال جداً


سعد ال عشان غير متصل

بيانات اضافيه [ + ]
 رقم العضوية : 6345
 تاريخ التسجيل :  Feb 2009
 أخر زيارة : 01-06-2017 (04:28 PM)
 المشاركات : 149 [ + ]
 التقييم :  15
لوني المفضل : Cadetblue
رد: 100 بيت في قبيلة السهول



السلام عليكم ورحمة الله وبركاتهد

مرحبا والله ومسهلا يابوجويعد والله ان شاش راسي وصح لسانك قصيده جزله من جزل وافي جعلك تحيا

ولاهي غريبه عليك حميتك لربعك ولقبيلتك وهذي ملحمه شعريه نادره وبيض الله وجهك والله لايهينك


أخوك سعد ال عشان


 

رد مع اقتباس
قديم 04-13-2010, 11:31 PM   #26
|سعد بن تويم 
الإدارة العليـــا للمجالس


سعد بن تويم غير متصل

بيانات اضافيه [ + ]
 رقم العضوية : 813
 تاريخ التسجيل :  Apr 2005
 أخر زيارة : 03-03-2014 (11:24 PM)
 المشاركات : 3,460 [ + ]
 التقييم :  10
لوني المفضل : Cadetblue
رد: 100 بيت في قبيلة السهول



اقتباس:
المشاركة الأصلية كتبت بواسطة ناصر بن عبود مشاهدة المشاركة


من هاجس ِ مثل البحر لطّام=يلطم بموج ِ يغرق العوّام

نادى المنادي والهبايب هبت=والرأس يابس والوعد قدام

أبدا القصيده والقصيده مبدا=مبدا يخدم الطرس والأقلام

أبدا القصيده والحميّا تسوقني=واللي مافي راسه حميّا خمام

لاشاش راسي دون ربعي وناسي=مااحس في عقالي وفي البسام

يقطعك ياللي ماتمجّد ربعك=عنك انها أطيب منّك أم لثام

أقل شي ان المره معذوره=واليا أخفقت في شي ماتنلام

مير أنت ياجبو العرب وش عذرك=وتقول أنا في الشعر في هيام

وان شفت لك تاجر قعدت تمدحه=لو كان فحّام ٍ ولد فحّام

لاتدعي بالشعر وأنته جاهل=الشعر عِرف وموهبه وإلهام

خلّه لأبو غنام خالد خلّه=والله يبيّض وجه أبو غنام

سمّوه باسمه شاعر الملاحم=ملاحم ٍ على الصدور وسام

ولاأنسى بعد فهاد في علم النسب=اللي ملم ٍ بالصحيح إلمام

فهّاد بن هملان وأنعم وأكرم=بحر المعرفه مغرق الأقزام

في معجمه نور الحقيقه واضح=والنوردايم يجلي الظلام

مجّد قبيلتنا ونافح عنها=وأدلّته تلجم إعداه إلجام

أبدا المديح بربعي وبأسمّي=باسم الله اللي للخفى علاّم

حنا السهول أهل الحسب وأهل النسب=آلاد سهل الضيغم الضرغام

حنا السهول أهل الشجاعه والصطر=أعلامنا ترفع على الأعلام

حنا السهول أهل الحميا والكرم=أكرام نسل أكرام نسل أكرام

حنا السهول أهل الظفروأهل الوفى=ووجيهنا بيض سوات الخام

حنا السهول اللي على صم الرمك=نارد حياض الموت ورد حيام

حنا السهول أهل المدايح والثناء=غصب على الحسّاد واللوّام

حنا السهول اللي رعينا فالخطر=ونلبس كفنّا لبسنا الإحرام

حنا السهول أهل الدجر والفزعه=اللي حمينا بيرق الإمام

حنا بني عامر ياوي من عامر=للمجد عامر ماهو بهدّام

حنا سلالة عامر ابن صعصعه=عشرة فخوذ وعد بالتمام

آلاد الظهيري اللابه المشهوره=الدوله اللي كلّها حكّام

وآلاد براز الطيب والحميّه=آلاد برازعقوبة الأقوام

وآلآد حمدان الحرار الندّر=من طاح قدم جموعهم ماقام

وآلاد الرصيعي ياوي والله يالمحلف=ذباحة الأتراك والاروام

آلاد علي إهم الزقاعين اللي=اللي يخلّون الجموع أقسام

وآلاد قبان أقصد القبابنه=بيّاعة الأرواح للسوّام

آلاد العقيلي كفو يالمناجله=في ذكرهم والله وسبع أنعام

وآلاد بن سلطان يالمحانيه=حمّاية المظهور والجهام

وآلاد العبيدي يستحقون الثنى=أهل الثناء غرّامة الغرّام

وآلاد الصعبي صعوب اسم ومعنى=وصغيرهم عند الوغى مقدام

دخيلنا شهرين و عام نزبّنه=ومع غيرنا يزبن ثلاث أيام

يامن بنا المجرم وينسى جرمه=ونجرّي الهايب على الظلاّم

مانعلق العاني ولو مهما حصل=وفالحرب مانعلن بالاستسلام

كعام المعادي طيبين المبدى=لنا على سطح العلا مرسام

على الضيوف أحلى من الذوب العسل=وعلى العدو حربه ورمح ٍ سام

جيراننا وضيوفنا من طيبنا=حشام تنصانا وتروح حشام

نكرم بطيبتنا وحسن أخلاقنا=ونكرم بذبح بهيمة الأنعام

وعن أكلة الفجوه تشوم نفوسنا=لو مانحصل غيرها طعام

تملى مجالسنا صناديد العرب=وتخلى من الكذاب والنمام

واللي يوازن كيلته كيلتنا=والله مايازن لو ربع جرام

يوم إن نجد إنظامها بالقوّه=إنظام مايقبل جميع إنظام

يوم القبايل مثل أسود الغابه=ماأحد ٍ خذى له فترة إستجمام

واللي ماياقف دون حقّه يوخذ=سواه حق ٍ خاص وألاّ عام

في قلب نجد إلنا مكان ومنصب=غصب ٍ ماهوب بحجة استحكام

من يوم ما الحداد يصنع سيوفنا=ألاّ وتصبح تحت الإستخدام

سيوفنا على العدى بتّاعة=تفعل بهم مايفعل اللحّام

تشرب من إدماهم وتاكل لحومهم=ولاتصوم إن صاموا الصيّام

نرمّل نساهم ونسبي خيلهم=وصغارهم فأولى الحياه أيتام

نحمى سلفنا عن مطاميع العدى=من قبل وقت البندق ام حزام

ومن قبل وقت القنبله الذريّه=ومن قبل وقت زراعة الألغام

تشهد لنا شبه الجزيره كلها=جنوب وشرق وغرب لين الشام

وتشهد لنا كل القبايل والعرب=قحطان وشمّر وعنزه مع يام

والمنتفق ومطير و الدواسر=وتميم وعتيبه وبني لام

وزعب يوم الزبنه المعروفه=ضد الشريف أنّا له الأخصام

حتى ظفير أهل الظفر والنخوه=من بيننا جاء حرب واحتدام

وعند الطمع دقلاتنا مشهوره=نكسب خيار الوضح والجهام

اليا عصى العاصي وجانا بقوّه=حنا عصاه وللعصاه كعام

ندقم شباته ونتوطى هيبته=حتى يطيع ويدخل الإسلام

وترى العدو نفرض عليه بحكمنا=واليا رفض عدونا الأحكام

نحطه مسيّر ماهوب مخيّر=نحكم عليه وحكمنا الاعدام

ومن ينزل ديرنا نطفي نيرته=ونرغمْه في هذا الكلام إرغام

يثبت كلامي وقعة الرويضه=فالعرض ومايبغى لها كلام

واللي يقول ان الشجاع منجّى=على المثل علامة استفهام

والله مايرجع لربعه سالم=واللي يريد يظيمنا ينظام

يرتاع قبل يذوق حد الصارم=ومن روعته ياخذ سنه مانام

واليا غفى له ساعتين من الزمن=كنا له الكابوس فالأحلام

مناخ الرضيمه ويش قال العجمي=يوم ان حصل عند الجموع زحام

رحنا وجينا من السهول بسربه=وطير السعد فوق الخضيراء حام

آلاد براز ورجحوا كيلتهم=ولاعاد خلّوا فالخشوم عرام

وش لون لو جات القبيله كلّها=والله ماتحصي للضحايا أرقام

اللي ذبح طعام ذيب وضبعه=واللي سلم وجهه على الدمام

يشهد عليها فالصحايف والكتب=ويشهد عليها كتاب ابن بسّام

ووقعة مجزّل نذبح إبها ونجزل=فأهل الكفر عبّادة الأصنام

موسى ابن كاشف يوم جاء بأتراكه=وجموعهم تظرب على الدمام

وال محلف من دونهم في مجزل=أهل الصطر حماية الجهام

صكوا عليهم واقلعوا سربتهم=راحت سراياهم مرق وإيدام

وفي جنادريه وقعة مشهوره=نثبت مثل ماتثبت الأهرام

يوم تلاقى جمعنا بجموعهم=نلطم ولانلطم سوى اللطام

خيالنا وقت اللقى مايسند=ونزوم إلامن المعادي زام

جرت عليهم ذبحة ٍ ماقد جرت=وجثثهم تنعد بالأكوام

ودور السنه من بعدهم من مرّهم=لاجثثهم ماغير كوم عظام

ومناخ السبيّه مع سبيع الغلبا=نغلب وحنّا للكبود سقام

يوم التقى الجمعين والنار قبست=والجو فيه من الطراد إكتام

ارتاع منّا اللي بيدْه الشوكه=من رمحنا اللي فالحشا مولام

وفالمعركه منهو تعزوى يزوى=وندوسهم بالخيل والأقدام

وفتح الرياض أنّا السبب في فتحه=من يوم جبنا طاس راس دهام

دهام بن دواس دسنا لحيته=وأصبح مثل يظرب طقيق دهام

ويوم السماوه والشجاع يسمّى=في شربة الفنجال والإقدام

ثارت عجاج المعركه فالمعركه=والموت لأرواح العدى صرّام

لك الله إنْها ليلة ٍ مامثلها=مشهورة ٍ في عالم الإعلام

مواقف ٍ من كابر ٍ عن كابر=تختم بفعل الطيب بالأختام

هذا قليل من كثير قلته=والكذب في حق الرجال إجرام

تمّيتها وأنا مقصر وأعتذر=وأرجي السموحه والسلام ختام

الله وكبر عليك يابو جويعد

والله العظيم ان الواحد يوقف شعر راسه من الصطر

صح الله لسانك وعلا شانك يالذيب الامعط

وانت شاعر ميدان وديوان لايختلف عليك اثنين ومبدع في المجالين وقصيدك كله يطرب المتعومس

بيض الله وجهك ياابيض الوجه والله ان ودي اسهب في المديح والاشاده في هذه المعلقه التاريخيه لكن يبقى الكلام دون مستوى هذه القصيدة وشاعرها الجزل

ولانملك الا ان نصفق اعجاباً وتقديراً ونقول سلمت يمناك يابطل وصح الله لسانك مره اخرى


وهذا تثبيت القصيدة مني


 
 توقيع : سعد بن تويم







رد مع اقتباس
قديم 04-14-2010, 02:02 AM   #27
|محمد المنجلي 
مشرف مجالس أخبار الاعضاء وقبيلة السهول


الصورة الرمزية محمد المنجلي
محمد المنجلي غير متصل

بيانات اضافيه [ + ]
 رقم العضوية : 4451
 تاريخ التسجيل :  Mar 2008
 أخر زيارة : 07-16-2016 (06:54 AM)
 المشاركات : 2,190 [ + ]
 التقييم :  378
لوني المفضل : Purple
رد: 100 بيت في قبيلة السهول



بيض الله وجهك وصح لسانك

الي بقوله لك ابوجويعد يكفينا انك من نجوم هذه المجالس ومن اعضاءها

قصيده جزله واستمتعت بقرائتها كم مره وسوف تضاف الى سجل ومدونات قبيلة السهول

التي لن ينسها الناس


محمد المنجلي


 

رد مع اقتباس
قديم 04-14-2010, 11:30 AM   #28
|صالح بن دخيل الله البرازي 
شـــاعـــر قـديـر وعـضو شـرف الـمـجـالـس


الصورة الرمزية صالح بن دخيل الله البرازي
صالح بن دخيل الله البرازي غير متصل

بيانات اضافيه [ + ]
 رقم العضوية : 9144
 تاريخ التسجيل :  Apr 2010
 أخر زيارة : 04-27-2018 (10:30 AM)
 المشاركات : 194 [ + ]
 التقييم :  11
لوني المفضل : Cadetblue
رد: 100 بيت في قبيلة السهول



يـــــــــــــــــــــــــــــــــــــــــــــــــ ــــــــــــــــــــــــــــــاســــــــــــــــــ ــــــــــــــــــــــــــــــــــــــــــــــــــ لام
يـــــــــــــــــــــــــــــــــــــــــــــــــ ــــــــــــــــــــــــــــــاســــــــــــــــــ ــــــــــــــــــــــــــــــــــــــــــــــــــ لام
يـــــــــــــــــــــــــــــــــــــــــــــــــ ــــــــــــــــــــــــــــــاســــــــــــــــــ ــــــــــــــــــــــــــــــــــــــــــــــــــ لام
,
,
بيض الله وجهك

يابوجويعد

رائعة من رائع

راقية من راقي

جزلة من جزل

قصيده ( تعتلي في القمة )


 

رد مع اقتباس
قديم 04-15-2010, 03:21 PM   #29
|فيصل بن ناصر بن دهام 
شـــاعـــر قـديـر وعـضو شـرف الـمـجـالـس


الصورة الرمزية فيصل بن ناصر بن دهام
فيصل بن ناصر بن دهام غير متصل

بيانات اضافيه [ + ]
 رقم العضوية : 2390
 تاريخ التسجيل :  Jan 2006
 أخر زيارة : 08-02-2013 (02:08 AM)
 المشاركات : 243 [ + ]
 التقييم :  10
لوني المفضل : Cadetblue
رد: 100 بيت في قبيلة السهول



بسم الله الرحمن الرحيم

صح الله لساااااااااااااااااااااااااااااااااااااااااااااانك ياشاعرنا يابوجويعد

وبيض الله وجهك وماهيب غريبة من الحمية ياكحيلان

كتبت وابدعت في اجمل الطروق واصعبها

صح لسانك ولاهنت

سجل كامل اعجابي وحماسي مع معلقة السهول

وتقبل تحياتي


 
 توقيع : فيصل بن ناصر بن دهام



رد مع اقتباس
قديم 04-17-2010, 09:44 PM   #30
|متعب السبيعي 
عضو مبدع


الصورة الرمزية متعب السبيعي
متعب السبيعي غير متصل

بيانات اضافيه [ + ]
 رقم العضوية : 3441
 تاريخ التسجيل :  May 2007
 أخر زيارة : 12-06-2010 (01:02 AM)
 المشاركات : 395 [ + ]
 التقييم :  116
لوني المفضل : Blue
مشاركة: 100 بيت في قبيلة السهول



الــلـــه .. يـاســـلااااام

وونعم بشآعر الملاحم خالد آبن غنام . وونعم بالدكتور فهاد بن هملان ويستاهلون كل خير

معلقة كتبت ماء الذهب وتستحق الفخر والسهول كلهم كفو من غير قصور بالقبايل الآخرين

آبو جويعد لآنستغرب منك هذه الحميه .. بيض الله وجهك ملااايين .. وصح الله لسااانك مليااار

رحم الله شايبك وآسكنه الجنه

سلمت يآبو جويعد ودمت .. وعز الله ماقصرت

تــحــيــآآتــي


 
 توقيع : متعب السبيعي



رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:24 PM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w

    قبيلة السهول